$رۆژهەڵاتی کوردستان$
- زیندانییەک بە تاوانی کوشتنی بە ئەنقەست بە ناوی فایەق شەریفی خەڵکی شاری #دیواندەرە# لە زیندانی ناوەندی شاری #سنە#، لە سێدارە درا.[6]
- سزای لەسێدارەدانی دوو هاووڵاتی کورد بە ناوەکانی “زرار پەیغامی و یاسر ڕەسووڵی” لە بەندیخانەی ناوەندیی #ورمێ# جێبەجێ کرا.[7]
- بەیانی ئەمڕۆ فڕۆکە جەنگییەکانی دەوڵەتی تورک بەرزاییەکانی خواکورکیان بۆردوومان کردووە، لەئەنجامدا دوو گەنجی شاری #شنۆ# بەناوەکانی فاخر تازەوارد، تەمەن 35 ساڵ و ڕەشید میرۆیی، تەمەن 36 ساڵ شەهید بوون. ئەو دوو گەنجە بۆ کۆکردنەوەی گیا بەهارییەکان چووبوونە ناوچەی خواکورک.[5]
$باشووری کوردستان$
- ڕۆژنامەنووس #هێمن مامەند# دیسانەوە شەوی ڕابردوو لە #هەولێر# بۆ جاری سێیەم بە کەفالەت ئازادکرا.[1]
- فڕۆکە جەنگیەکانی دەوڵەتی تورک گەلی گوهانە لە سنووری شارەدێی #دینارتە# لە شارۆچکەی #ئاکرێ# بوردومان کرد.[2]
- لقی سلێمانی سەندیکای کارمەندانی تەندروستی بایکۆتی دەوامی ڕاگەیاند و تەنها یەکەکانی فریاکەوتن و ڕوبەڕووبوونەوەی کۆرۆنا دەوامیان تێدا دەکرێت.[8]=KTML_Photo_Begin=https://www.kurdipedia.org/files/relatedfiles/2020/380829/0007.JPG=KTML_Photo_Alt=لە تۆڕە کۆمەڵایەتییەکانەوە: 28-04-2020، بایکۆت بەردەوامە=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2020/380829/0007.JPG=KTML_Photo_End=
- لە بەردەوامی پشکنینەکان و گەڕان بەدوای گومانلێکراوان، یازدە تووشبووی دیکەی ڤایرۆسی کۆڕۆنای نوێ COVID-19 لە پارێزگای هەولێر دەستنیشانکران، چوار پیاو و چوار ئافرەت و سێ منداڵ لە نێویاندا پیاوێکی تەمەن 75 ساڵ دانیشتووی گروپی ئەندازیارانی شاری هەولێرە دوای گیانسپاردنی پشکنینەکەی پۆزەتیڤ دەرچوو وە ئەوانی تر هەموویان دانیستووی شارۆچکەی #سۆران#ن و بەرکەوتە و خانەوادەی تووشبووێکی پێشوون.[1]
- سێ چەکدار هێرشییانکردە سەر دەزگای هەواڵگریی #کەرکووک#، دوو کەسیان خۆیان تەقاندووەتەوە، لەم هێرشەدا ژمارەیەک لە کارمەندانی دەزگاکە برینداربوون.[3]
- لەدوای کەمکردنەوەی ڕێکارەکانی قەدەخەی هاتووچۆ، بەڕێوەبەری خۆپاراستنی تەندروستی سلێمانی هۆشداری لە سەرهەڵدانی شەپۆلێکی دیکەی #کۆرۆنا# لە هەرێمی کوردستان دەدات و دەڵێت، ئەو قەرەباڵخییەی لە بازاڕەکاندا دروست بووە جێگەی نیگەرانییە، چونکە تاوەکو ئیستا ڤایرۆسی کۆرۆنا مەترسییەکی جیددییە.[3]
- بەگوێرەی ڕاگەیەندراوێکی پۆلیسی سلێمانی، پاش ئەوەی چەند شەوێک لەمەوبەر کچێک لەماڵەکەی خۆیدا لەگەڕەکی چوارچرا بەفیشەک کوژرا، توانرا لەماوەیەکی کەمدا و کەمتر لە 24 کاتژمێر تۆمەتباران و ئەنجامدەرانی ڕووداوەکە دەستگیر بکرێن.[4]
- دوای تۆمار کردنی چەند حاڵەتێکی دیکەی کۆرۆنا لە هەولێر، پشکنین بۆ 400 کەسی دانیشتووی کەمپەکانی #قوشتەپە# و #دارەشەکران# کراوە، ئەمڕۆ ئەنجامەکەی ڕاگەیەندرا و سەرجەم پشکنینەکان نێگەتیڤ دەرچوون.[4]
- دوای ئەوەی بەڕێوەبەری ئەوقافی #سلێمانی# ڕایگەیاند، لە 2ی ئایارەوە دەرگای مزگەوتەکان دەکرێنەوە، گوتەبێژی #وەزارەتی ئەوقاف# و کاروباری ئایینی هەرێمی کوردستان دەڵێت، بڕیاری کردنەوەی دەرگای مزگەوتەکان لیژنەی باڵای بەرەنگاربوونەوەی ڤایرۆسی کۆرۆنا دەیدات.[3]
$رۆژئاوای کوردستان$
- فڕۆکە بێفڕۆکەوانە هێرشبەرەکانی دەوڵەتی تورکی داگیرکەر کاتژمێر 03:40 لە خاڵێکی ئاسایشی #کۆبانێ#یان دا. بەهۆی هێرشەکەوە زیانێکی زۆر ڕوویداوە.[1]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/380829/0018.JPG=KTML_ImageCaption_Title=لە عەفرین تەقینەوەیەک ڕوویدا و زیاتر لە 60 چەتە کوژران=KTML_ImageCaption_CaptionStyle=000000=KTML_ImageCaption_Caption=لە عەفرین تەقینەوەیەک ڕوویدا و زیاتر لە 60 چەتە کوژران=KTML_ImageCaption_End=
- لە نزیک باڵەخانەی شارەوانی کۆنی #عەفرین# کە دوای داگیرکردنی عەفرین وەک ناوەندی جەتەکانی دەوڵەتی تورک بەکاردەهێنرا، تەنکەرێکی پڕ لە تەقەمەنی تەقیەوە. بە پێی زانیاریەکان لە ئەنجامی تەقینەوەکەدا زیاتر لە 60 چەتە کوژراون و ژمارەیەکی زۆر چەتەش برینداربوون.[2]
- کاتژمێر 23:35 بۆمبێک لەسەر ڕێگای ئۆتۆمبێڵێکی گروپی چەتەی جێش ئەلشەرقیە تەقیەوە و سەرۆک چەتەیەک و کەسێکی تر کوژران. بە پێی زانیاریەکان کەسێک بە ناوی جاسم ئەلباسات فەرماندەی گروپی چەتەی جێش ئەلشەرقیە کوژراوە. بەڵام ناسنامەی کەسەکەی تر نەزانراوە.[2]
- دەوڵەتی تورکی داگیرکەر و چەتەکانی گوندی حەربەل-یان لە شەهبا بۆردومانکرد. لە تۆپبارانەکەدا ماڵ و حاڵ و زەوی و باخی هاووڵاتییان کرابووە و ئامانج.[2]
$دەرەوەی کوردستان$
- وەفدی حکومەتی هەرێمی کوردستان بە سە ڕۆکایە تی #قوباد تاڵەبانی#، جێگری سەرۆک وەزیرانی هەرێمی کوردستان گەیشتە بەغدا، بە مە بە ستی دۆزینە وە ی ڕێگە چارە بۆ کێشە هە ڵپە سێردراوە کانی نێوان هە ڕێم و بە غدا.[1]
- فراکسیۆنە شیعەکان لە ماڵی هادی عامری، سەرۆکی هاوپەیمانیی فەتح کۆبوونەوە و بڕیاریاندا بە ڕێککەوتن لە پەرلەمانەوە مستەفا کازمی وەک سەرۆک وەزیرانی داهاتووی عێراق تێپەڕێنن.[3]
- فڕۆکە بێفڕۆکەوانەکانی دەوڵەتی داگیرکەری تورک لە لیبیا ئۆتۆمبێلێکی مەدەنییان کردووەتە ئامانج و تێدا پێنج هاوڵاتی کوژراون.[5]
- لە تورکیا، لە ماوەی 24 کاتژمیری ڕابردوودا 92 کەس بە هۆی ڤایرۆسی کۆرۆنا گیانیان لەدەستداوە.[1]
- سەرۆک کۆماری عێراق بانگهێشتی لیژنەی دارایی لە پەرلەمانی عێراق کرد و پێیڕاگەیاندن، مووچەی فەرمانبەرانی هەرێمی کوردستان مافێکی دەستوورییە و نابێت ببێتە بابەتێکی سیاسی.[3]
- وەزارەتی تەندروستی عێراق ئاماری 24 کاتژمێری ڕابردووی تووشبوون، مردن و چاکبوونەوەی کۆرۆنای لە سەرانسەری وڵات بە پارێزگاکانی هەرێمی کوردستانیشەوە ڕاگەیاند و بە بەراورد بە ڕۆژانی ڕابردوو ژمارەی تووشبوون بە پەتاکە بە ڕێژەیەکی بەرچاو زیادی کردووە. بەگوێرەی ڕاگەیەندراوەکەی وەزارەتی تەندروستی عێراق، لە ماوەی 24 کاتژمێری ڕابردوودا پشکنینی پزیشکی بۆ 4 هەزار و 648 گومانلێکراو ئەنجامدراوە و تووشبوونی 81 کەسی دیکە بە پەتاکە پشتڕاست کرایەوە.[4]

40 ڕۆژ کەرەنتینە لە سەردەمی کۆرۆنا
نووسینی: ڕێبین حەسەن [1]

د. دەشتی بۆستانی، پسپۆڕێکی نەخۆشییەکانی هەناوە و هۆشداری دەدات کە دەبێت لەنێوان چارەسەرکردنی تووشبووانی کۆرۆنا و تووشبووانی نەخۆشییە درێژخایەنەکان هاوسەنگی ڕابگیرێت، ئەگەرنا ڕێژەی مردن بە نەخۆشییە درێژخایەنەکان زۆر زیاتر دەبێت لە ڕێژەی مردن بە کۆرۆنا.
لە هەرێمی کوردستان 76 نەخۆشخانەی حکومی گەورە هەن، 36 نەخۆشخانە بۆ پشکنین و چارەسەرکردنی تووشبووانی کۆرۆنا تەرخانکراون، کە تەنیا 4یان تازە درووستکراون، بەوەش 42%ی نەخۆشخانەکانی هەرێمی کوردستان بۆ کۆرۆنا تەرخانکراون و بەشەکانی دیکەیان پەکیان کەوتووە.
بەڕێوەبەرایەتییەکانی تەندرووستی داوایانکردووە، بۆ کەمکردنەوەی گوشاری سەر نەخۆشخانەکان دەوامی بنکەکانی تەندرووستی بکرێتە 100%، بەتایبەتی ئەو بنکانەی کە تایبەتن بە چاودێریی تووشبووانی شێرپەنجە، شەکرە، سیل، دڵ و گورچیلە.
جگە لە نەخۆشخانە حکومییەکان، ئێستا لە هەرێمی کوردستان زیاتر لە 50 نەخۆشخانەی تایبەت هەن، کە لە سەردەمی کۆرۆنادا بوونەتە چەقی چارەسەرکردنی تووشبووانی نەخۆشییەکانی دیکە و ئەنجامدانی نەشتەرگەرییە جۆراوجۆرەکان.[1]

ناونیشان: ئامادەبن بۆ پۆست کۆرۆنا
نووسەر: #هێمن عەبدوڵڵا 2#
ڕۆژی دەرچوون: #16-03-2020#
کاتێک هەفتەی ڕابردوو نووسیم کۆرۆنا پەیوەندیی بە ئاساییشی نیشتمانییەوە هەیە و لە شەڕی #داعش#یش مەترسیدارترە، هەندێک هاوڕێی خوێندەوار و ئاگاداریش پێیان وتم: شتەکە وا گەورە نییە و هەق نییە خەڵک بترسێنیت. ڕاستییەکەی من ئەوکات زۆر بەپارێزەوە وشەکانم بەکارهێنابوو و هەوڵمدابوو بە زمانێکی نەرم پیشانیبدەم کە مەترسییەکە چەند گەورەیە. لە ماوەی هەفتەی ڕابردوودا وێنەکە ڕوونتر بووەتەوە و چەقۆکە نزیکتر بووەتەوە لە ئێسقانمان، بۆیە بۆ ئێمەش ئاسانترە بەبێ دوودڵی لەبنی هەمبانەکە بدەین.
ئەم هەفتەیە، کە وردەوردە خەریکە پێکوتەی دژەکۆرۆنا دەدۆزرێتەوە، باسی دەرهاویشتەکانی و قۆناخی پۆست کۆرۆنا دەکەم. چونکە وەک ئێوەش دەزانن چیدیکە ئەمڕۆمان لەڕووی ئابووری، تەندرووستی، کۆمەڵایەتی، کولتووری و سیاسییەوە لە دوێنێمان ناچێتەوە. جاران کێشەی دنیا ئەوەبوو کە چەکی ناوەکی و چەکە کۆمەڵکوژەکانی دیکە پەرەیان پێنەدرێت، بەڵام ئێستا دەرکەوت مەترسیی شەڕی بایۆلۆژی چیدیکە لەنێو ڕۆمانە خەیاڵییە زانستییەکان و فیلمەکاندا نابیندرێ و هەستی پێناکرێ، بەڵکوو دەکرێ ببێتە واقیعیش. من بڕوا بەوە ناکەم کە ئەوەی ئێستا ڕوودەدات شەڕێکی بایۆلۆژی بێت و پێکەنینیشم بەوە دێت کە ئێرانییەکان دەڵێن ئەمریکا ئەو شەڕەی لە دژی ئێمە و پێشتریش لە دژی چین بەرپاکردووە. بەڵام بڕوام بەوە هەیە کە دەوڵەتەکان لەمڕۆ بەدواوە بیر لەوە دەکەنەوە کە چۆن بۆ نموونە ڤایرۆسێک درووستبکەن بۆ داڕماندنی سیستەمی ئابووری و سیاسی و زانستیی دەوڵەتێکی ڕکابەریان و پێشتر پێکوتەکەشی ئامادەبکەن بۆ ئەوەی دوایی وەک فریادڕەسێک و سەرکەوتووێکی شەڕەکە بێنەمەیدان. لێرەوە خۆمان و نەوەکانیشمان هەڕەشەی جیددییان لەسەرە کە ببنە قوربانیی شەڕێکی وا. وەک ئەزموونیشمان لەگەڵ مێژووی مرۆڤایەتی هەیە، دەبێ شەڕێکی وا گەورە و کارەساتبار ڕووبدات، تاوەکوو دەوڵەتان کۆببنەوە و بڕیاری قەدەخەکردن و بەتاوان ناساندنی شەڕی بایۆلۆژی بدەن.
دەرهاویشتەیەکی دیکەی کۆرۆنا لە مەسەلەی بەکارهێنانی تەکنەلۆژیادا دەبێت، کە پێم وایە پێویستیی مرۆڤایەتیی بە پێشکەوتنی نوێی تەکنەلۆژی زیاتر دەکات. لەو شارەی ئەڵمانیا کە من تێیدا دەژیم، لە ماوەی هەفتەی ڕابردوودا زۆرترین ئامێری ئەلیکترۆنی کە فرۆشراوە کیبۆرد و ماوس و سکرینی کۆمپیوتەر بووە. خەڵک ناچاربوون لەماڵەوە کاربکەن و بۆیەش پێویستیان بە کەرەستەی تەکنەلۆژی بووە تاوەکوو کارەکانیان بکەن. زۆربەی کۆمپانیاکانی بواری نەرمەکاڵای پەیوەندیکردن و کارکردن لە ڕێگەی ئۆنڵاینەوە لە جیهاندا لە ڕۆژانی ڕابردوودا بەهای پشکەکانیان بەرزبوونەتەوە. چونکە خواست و پێویستیی خەڵک بۆ ئەو کاڵایانە زیادیکردووە. قوتابخانەکان وردەوردە خۆیان ئامادەدەکەن بۆ ئەوەی بتوانن هەموو وانەکان بەشێوەی ئۆنڵاین بڵێنەوە. ئەمەش تەکنەلۆژیای نوێی پێویستە. ئەگەر مارکێتەکان ڕەفەکانیان بەتاڵبوون، بازاڕێکی ئۆنڵاینی وەکوو ئامازۆن هێندەی دیکە کاری زۆردەبێت و کاتێکیش مرۆڤ نەتوانن شتەکان بگەیەنن، خواست لەسەر ئەو درۆنانەی ئێستا کەرەستەکان دەگەیەنن زۆرتر دەبن. بەکوورتییەکەی لە قۆناخی پاش کۆرۆنادا پێشکەوتنە تەکنەلۆژییەکان دەبێ هەمیشە ئەوەیان لەبیربێت کە چۆن وابکەن مرۆڤەکان بەریەکنەکەون، بەڵام هەمیشە پێکەوەبن. جا ئەمە بواری تەندرووستیش دەگرێتەوە و ڕەنگە لە ئاییندەدا پێویست بکات هەر ماڵێک ئامێرێکی تێدابێت کە بەهۆی ئینتەرنێتەوە بەسترابێتەوە بە پزیشکەکەتەوە و ئەو بتوانێ لە ڕێگەی دوورەوە بەو ئامێرە پشکنینت بۆ بکات و چارەسەرت بۆ بنووسێت.
کۆرۆنا فەرهەنگی خەڵکی جیهانیش زۆرتر دەگۆڕێت. مەسەلەی دەستشووشتن یەکێکە لە سادەترین نموونەکان، بەڵام بەریەککەوتنی مرۆڤەکانیش وەکوو ماچ و باوەش و لە تەنیشت یەکدییەوە دانیشتن و زۆر شتی دیکەش بیری جیددی لێدەکرێتەوە کە چۆن سەلامەت ڕووبدات. نموونەیەک کە بۆ من باڵکێش بوو، ئەوە بوو کە لە تورکیا جگە لەوەی حکومەت زۆر زوو ڕێوشوێنی خۆپاراستنی گرتبووەبەر، بەڵام فەرهەنگی تورکەکانیش بۆ پاکوخاوێنی ڕۆڵی گەورەی گێڕاوە لە بڵاونەبوونەوەی ڤایرۆسەکە. ڕاستە ئێمە بوونەوەری کۆمەڵایەتین و بەریەککەوتنیش بەشێکە لەو کردەوانەی بۆ پڕکردنەوەی پێویستییە دەروونییەکانمان پێویستمان پێیەتی، بەڵام جیهانی نوێ ناچارماندەکات چاو بەوەدا بخشێنینەوە و هیچ دیکە بەریەککەوتنی ناپێویست لەنێوانماندا نەبێت.
خەڵک و حکومەتی کوردستان مامەڵەیەکی زۆر ڕاست و جوانیان لەگەڵ ئەو قەیرانەدا کردووە کە کۆرۆنا درووستیکردووە، بەڵام دەبێ ئێمەش وەکوو خەڵکی دیکەی جیهان بیزانین کە کۆتایی ئەم قەیرانە بەمانای کۆتایی مەترسییەکان نییە. بۆیەش کاتێک ئەمە تێپەڕی، دەبێ لەگەڵ جیهان بێینە قۆناخی پۆست کۆرۆنا، نەک وەک زۆر شتی دیکە بیسەلمێنین کە نە بامان دیتووە نە باران. [1]

بە پشتبەستن بە ئامارەکانی هەنگاو، لە ماوەی 24 کاتژمێری ڕابردوودا 9 هاووڵاتیی دیکە لە شارەکانی #سەقز#، #سنە#، #کرماشان# و #سەرپێڵی زەهاو# بە هۆی تووشبوون بە پەتای کۆرۆنا گیانیان لە دەست داوە کە چوار کەسیان لە شارەکانی سەقز (3 حاڵەت) و سەپێڵی زەهاو (1 حاڵەت) ژن بوون.
بە هۆی نەبوونی سیستەمێکی ڕاگەیەنادنی فەرمی و جێگای متمانە، ڕێکخراوی مافی مرۆڤی هەنگاو بە ئەرکی زانیوە کە بە وەرگرتنی زانیاری لە سەرچاوەی جێگای متمانە لەمەوبەدوا ژمارەی قوربانیانی توشبوو بە پەتای کۆرۆنا لە کوردستان بە شێوەی ڕۆژانە بڵاو بکاتەوە.
بە پشتبەستن بە ئاماری تۆمارکراو لە ناوەندی ئاماری ڕێکخراوی مافی مرۆڤی هەنگاو، لانیکەم 90 هاووڵاتیی کورد لەو ماوەیەدا بە هۆی تووشبوون بە پەتای کۆرۆناوە گیانیان لە دەست داوە کە 25 کەسیان ژن و 65 کەسیان پیاو بوون.

=KTML_Bold=جیا کردنەوە بە پێی پارێزگاکان:=KTML_End=
- #ئیلام#: 9 حاڵەت (1 ژن و 8 پیاو)
- کرماشان : 26 حاڵەت (7 ژن و 19 پیاو)
- سنە: 44 حاڵەت (13 ژن و 31 پیاو)
- #ورمێ#: 11 حاڵەت (4 ژن و 7 پیاو)

=KTML_Bold=جیا کردنەوە بە پێی شارەکان:=KTML_End=
سەقز: 32 حاڵەت، کرماشان: 16 حاڵەت، ئیلام: 8 حاڵەت، #مەلەکشاهی#: 1 حاڵەت، سەرپێڵی زەهاو: 5 حاڵەت، سونقوڕ و کولیایی: 1 حاڵەت، سنە: 7 حاڵەت، #مەریوان#: 1 حاڵەت، میاندواو: 2 حاڵەت، #پیرانشار#: 1 حاڵەت،
ورمێ: 5 حاڵەت، داڵاهۆ: 1 حاڵەت، #کەنگاوەر#: 1 حاڵەت، قوڕوە: 1حاڵەت، #بانە#: 1 حاڵەت #شنۆ#: 1 حاڵەت، #بۆکان#: 2 حاڵەت

#وەزارەتی تەندروستی#ی هەرێمی کوردستان ئاماری نوێی کۆرۆنای لە هەرێمی کوردستان بڵاوکردەوە و دەڵێت، لە 24 کاژێری ڕابردوو (16-03-2020)، 126 پشکنین ئەنجامدراوە، سێ کەس کە لە #سلێمانی#ن تووشی ڤایرۆسەکە بوون.
ڕاگەیێندراوی وەزارەتی تەندروستیی هەرێمی کوردستان 20ەمین ڕاگەیێندراوە لەبارەی کۆرۆنا، تێیدا هاتووە، ژمارەی ئەوانەی لە کەرەنتینەکان بوون 4265 کەسن کە لە 35 شوێنی جیاواز کەرەنتین کرابوون، ئێستا 1784 هاونیشتمانی لە کەرەنتین ماونەتەوە 2481 کەسیش گەڕاونەتەوە ماڵەکانی خۆیان.

بەپێی ڕاگەیێندراوەکە بە تەنها لەرۆژی 16-03-2020دا، 277 کەسی دیکە کەرەنتین کراون، 200 کەسیان لە #هەولێر#ن، 44 کەسیان لە سلێمانین، 13 کەسیان لە #دهۆک#ن و 20 کەسیش لە #هەڵەبجە#.

لە بارەی ئەنجامی پشکنینەکان، وەزارەتی تەندروستی دەڵێت، 126 پشکنین ئەنجامدراون، 46 پشکنینیان لە شاری هەولێر، 47 لە شاری سلێمانی و 33 پشکنین لە شاری دهۆک، لە ئەنجامدا دەرکەوتووە سێ کەس هەڵگری ڤایرۆسەکەن کە منداڵێک و دوو ئافرەتن.

ئێستا ژمارەی تووشبووان لە هەرێمی کوردستان گەیشتنە 37 تووشبوو، نۆ تووشبوویان چاکبوونەتەوە و کەسێکیش گیانی لەدەستداوە. وەزارەتی تەندروستی دەڵێت، دۆخی تەندروستیی زۆربەی تووشبووان جێگیرە و لەژێر چاودێریدان.

وەزارەتی تەندروستی جەختدەکاتەوە هاونیشتمانییان لە ماڵەکانیان بمێننەوە، پابەندی ڕێنماییە تەندروستییەکان بن و بەرکەوتنیان لەگەڵ کەسانی دیکە کەم بکەنەوە. بۆ هەر بارێکی لەناکاو پەیوەندی بە هێڵی بەپەلەی 122 بکەن.[1]

بەپێی ئامارەکانی #وەزارەتی تەندروستی# هەرێمی کوردستان، زۆربەی ئەوانەی لە هەرێمی کوردستان تووشی کۆرۆنا بوون، تەمەنیان لەنێوان 11 بۆ 20 ساڵاندایە، بەجۆرێک 26.7%ی تووشبووان پێکدێنن. هەروەها 10%ی تووشبووانیش منداڵن.
بەپێی دوایین ئاماری وەزارەتی تەندروستی هەرێمی کوردستان، لە هەرێمی کوردستان 331 کەس تووشی کۆرۆنا بوون، لەو ژمارەیە 195 کەسیان چاکبوونەتەوە، چوار کەسیش گیانی لەدەستداوە، لەماوەی 24 کاژێری ڕابردووشدا یەک کەس تووشی کۆرۆنا بووە.
کاتێک بڕوانینە ڕێژەی تووشبووان بەپێی تەمەن، دەبینین زۆرترینی تووشبووان ئەوانەن تەمەنیان لەنێوان 11 بۆ 20 ساڵاندایە و ڕێژەی 26.7%ی تووشبووانی هەرێمی کوردستان پێکدێنن. لەدوای ئەوانیش ئەوانەن کە تەمەنیان لەنێوان 21- 30 ساڵاندایە و 17.4%ی تووشبووان پێکدێنن.. هەروەها ئەوانەشی تەمەنیان لەنێوان 51- 60 ساڵاندایە، کەمترین ڕێژەی تووشبووانی پێکدینن، کە 5.8%یە.
ئەگەر ڕێژەی تووشبووانی کۆرۆنا بەپێی تەمەن دیاری بکەین، دەردەکەوێت 10.5% ئەوانەن تەمەنیان لە 11 ساڵ بەرەو خوارەوەیە، 26.7% تەمەنیان لەنێوان 11-20 ساڵانە، 17.4% تەمەنیان لە نێوان 21- 30 ساڵانە، 16.3% تەمەنیان لەنێوان 31-40 ساڵانە، 12.8% تەمەنیان لە نێوان 41-50 ساڵانە، 5.8% تەمەنیان لەنێوان 51- 60 ساڵانە، 10.5%ی تەمەنیان لە نێوان 61-70 ساڵانە.
یەکەم کەیسی تووشبوون بە کۆرۆنا لە هەرێمی کوردستان لە 1ی ئادار لە پارێزگای #سلێمانی# تۆمارکرا. دواتر #وەزارەتی ناوخۆ# لە 14ی ئادار قەدەخەی هاتووچۆی ڕاگەیاند. کە تائێستاش درێژەی هەیە.[1]
#14-04-2020#

بڵاوبوونەوەی ڤایرۆسی کۆرۆنا زیانی بە کەرتی گەشتوگوزاریی هەرێمی کوردستان گەیاندووە. عومەر کاکل کە 10 ساڵە لە #هەولێر# لە بواری گەشتوگوزار کاردەکات، بە 80 کارمەندی کۆمپانیاکەیەوە بێکار بوون، کە ساڵی ڕابردوو هەفتانە زیاتر لە 800 گەشتیاریان بۆ هەشت وڵات ناردووە.
عومەر کاکل، بەڕێوەبەری کۆمپانیای موونلاین دەڵێ ساڵی ڕابردوو (2019) هەفتانە 800 بۆ 900 گەشتیارمان هەبووە، لە 60%ی ئەو گەشتیارانەش بۆ تورکیا بوون، بەڵام ئێستا کۆمپانیاکەمان داخراوە و لە 100% فەرقی کردووە، دەتوانم بڵێم ئێستا هیچ گەشتیارێکمان نییە.
بەپێی ئامارەکانی دەستەی گەشتوگوزار، سێ هەزار شوێنی گەشتیاری لە هەرێمی کوردستان هەن، ئێستا سەرجەمیان چۆڵن و دەرگایان داخستووە، 30 هەزار کارمەندیشیان بێکاربوونە. =KTML_Quote_Begin==KTML_Style=width:35%;float:right;=KTML_Quote_Icon=📌=KTML_Quote_Content=ئەمساڵ (2020) تاوەکو 24-04-2020، 400 ملیۆن دۆلار زیانی دارایی بە گەشتوگوزاری هەرێمی کوردستان کەوتووە=KTML_Quote_End=
بە گوتەی نادر ڕوستی، گوتەبێژی دەستەی گەشتوگوزاری هەرێم، شەش مانگی یەکەمی ساڵی 2019 ملیۆنێک و 800 هەزار گەشتیار سەردانی هەرێمی کوردستانیان کردووە، داهاتی ئەو شەش مانگەش 500 ملیۆن دۆلار بووە.
گوتەبێژی دەستەی گەشتوگوزاری هەرێم دەڵێ، ئەمساڵ (2020) تاوەکو ئێستا 400 ملیۆن دۆلار زیانی دارایی بە گەشتوگوزاری هەرێمی کوردستان کەوتووە.
ساڵانە زیاتر لە 90%ی گەشتیارانی هەرێمی کوردستان لە ناوەڕاست و خواری عێراقەوە دێن، سەرجەم کۆمپانیا گەشتیارییەکانی بەغدا داخراون.
رواد شێخلی، خاوەن کۆمپانیایەکی گەشتیارییە، پێشتر ڕۆژانە دوو گرووپی 300 کەسیی ڕەوانی هەرێمی کوردستان دەکرد، ئێستا دەڵێ ئەو گرووپانەی ئێمە هەمانە هەمووی ڕاگیراون، کاری ئێمە زۆربەی گەشتی بە گرووپ و برینی تکتە، هەمووی وەستاوە. گرووپمان هەبوو بۆ هەرێمی کوردستان، هەموو هەفتەیەک بۆ گەشت یان خێزانەکان بۆ سەردان یان بۆ چارەسەری پزیشکی دەچوون.
لە هەرێمی کوردستان، کەرتی گەشتیاری سێیەم کەرتە دوای کەرتی نیشتەجێبوون و پیشەسازی کە قەبارەکەی ساڵانە بە 700 ملیۆن دۆلار دەخەمڵێندرێت.[1]
#27-03-2020#

وەزارەتی تەندروستیی تورکیا ئەمڕۆ چوارشەممە 27ی ئایاری 2020 ئاماری مردووانی بەهۆی ڤایرۆسی کۆرۆنا بەپێی پارێزگاکان بڵاوکردەوە.
بەپێی ئامارەکەی وەزارەتی تەندروستیی تورکیا 128 کەس لە باکووری کوردستان بەهۆی ڤایرۆسی کۆرۆنا گیانیانلەدەستداوە. لەسەر ئاستی باکووری کوردستان پارێزگای دیلۆک زۆرترین گیانلەدەستدانی لێ تۆمارکراوە کە 18 کەسە. هەروەها لەسەر ئاستی تورکیا ئیستەنبووڵ زۆرترین ژمارەی گیانلەدەستدانی لێ تۆمارکراوە کە 2 هەزار و 180 کەسە.
لە دوای بڵاوبوونەوەی ڤایرۆسی کۆرۆنا لە تورکیا لە 11ی ئاداری ئەمساڵدا، ئەوە یەکەمینجارە وەزارەتی تەندروستیی تورکیا ژمارەی مردووان بە کۆرۆنا بەپێی پارێزگاکان بڵاودەکاتەوە. پێشتر ڕۆژانە کۆی گشتی تووشبووان و مردووان بە ڤایرۆسەکەی بڵاودەکردەوە.
بەپێی ئامارەکانی وەزارەتی تەندروستیی تورکیا کە ئێوارەی سێشەممە بڵاوکراوەتەوە. تائێستا 158 هەزار و 762 کەس لە تورکیا و باکووری کوردستان تووشی ڤایرۆسی کۆرۆنا بوون، لەو ژمارەیە چوار هەزار و 387 کەس گیانیان لەدەستداوە و 121 هەزار و 507 نەخۆشیش چاکبوونەتەوە.
ئاماری مردووان بە کۆرۆنا لە پارێزگاکانی باکووری کوردستان:
قارس: 6 کەس
ئەرزینجان: 2 کەس.
ئەرزەڕۆم: 11کەس
چەولیک: 3 کەس
بەدلیس: 3 کەس
جۆلەمێرگ: 1 کەس
وان: 10 کەس
مووش: 7 کەس
مەڵەتی: 17کەس
#ئامەد#: 7کەس
رووها: 15کەس
سەمسوور: 13 کەس
دیلۆک: 18کەس
خارپێت: 4کەس
سێواز: 11کەس[1]
#27-05-2020#

ڕاگەیاندراوی وەزارەتی تەندروستی
ژمارە (21)
سەبارەت بە نەخۆشی ڤایرۆسی کۆڕۆنای نوی COVID-19 لە هەرێمی کوردستان، تیمەکانی تەندروستی بۆ دۆزینەوە و پشکنینی گومانلێکراوانی هەڵگری ئەم ڤایرۆسە ڕۆژانە بەردەوامن بەمەش :
1. ژمارەی هاوڵاتیان کە لە کەڕەنتینەکان بوون (4358) هاوڵاتین لە (35) شوێنی جیاواز، لەئێستادا تەنها (1718) هاوڵاتی لە کەرەنتین ماونەتەوە و (2640) هاوڵاتی دەرچوون و گەڕانەوە ناو خانەوادەکانیان دوای تەواو بوونی ماوەی دوو هەفتە لەگەڵ کەڕەنتین کردنی ژمارەیەکی تری ئەمڕۆی کەرەنتین کراو کە کۆی گشتی بریتی بوو (93) هاوڵاتی کە (22) لە #هەولێر#، (57) لە #سلێمانی#، (5) لە #دهۆک#، (9) هەلەبجە.
2. لەماوەی 24 کاتژمێری ڕابردوو (156) پشکنین ئەنجامدرا کە (80) لە شاری هەولێر و (62)لە شاری سلێمانی و (14) شاری دهۆک، دەرەنجام (1)تووشبووی نوێ تۆمارکرا لە شاری سلێمانی، کە ئافرەتێکی تەمەن 27 ساڵە و هاوڕێی تووشبووێکی دوێنێ یە.
3. کۆی گشتی هەڵگرانی ڤایرۆسی کۆڕۆنای نوێ COVID-19 لە هەرێمی کوردستان لە کاتی ئێستادا (38) تووشبووە، لەنێویاندا (1) مردن هەیە و (9) نەخۆش بەتەواوی چاکبووەتەوە، و ئەوانی تر هەموویان لەژێر چاودێری پزیشکی دان.
وێڕای دەستخۆشی بۆ وەزارەتی ناوەخۆ و سوپاس بۆ پابەندبوونی هاوڵاتیان بە مانەوەیان لە ماڵەکانیاندا جارێکی تر تکا دەکەین پابەندبن بە ڕێنماییەکانی تەندروستی و لە ماڵەکانیان بمێننەوە و نەیەنە دەرەوە و بەرکەوتەی کەسی تر نەبن وە لە کاتی پێویستدا پەیوەندی بکەبن بە هێڵی گەرمی ژمارە (122).
وەزارەتی تەندروستی.
حکومەتی هەرێمی کوردستان
#17-03-2020#