بڕیارە سبەینێ سێشەممە ڕێکەوتی #06-06-2023# لە شاری #سلێمانی# خۆپیشاندانی بەرفراوان لەلایەن فەرمانبەر و مامۆستایانەوە بۆ داواکردنی پاشەکەوتی مووچە بەڕێوەبچێت.
لە بەیاننامەیەکی فەرمانبەران و مامۆستایاندا هاتووە، بۆ خستنە ژێر بەرپرسیارییەتی سەرجەم پەڕڵەمانتارانی ئێراق بۆ دەنگدان بە سەرجەم بڕگەکانی پەیوەست بە گەڕاندنەوەی پاشەکەوتی مووچە و دەستپێکردنەوەی پلە بەرزکردنەوە و دوانەکەوتنی مووچە گردبوونەوە ساز دەکەین.

باس لە ئەوەش کراوە، گردبوونەوەکە لە بەردەم نووسینگەی پەڕڵەمانی ئێراق/سلێمانی کاتژمێر 11ی پێش نیوەڕۆ بەڕێوەدەچێت، کە هاوکاتە لەگەڵ دەنگدان لەسەر بودجەی (سێ ساڵ) ی داهاتووی ئێراق، کە ڕاستەوخۆ پەیوەستە بە ژیان و گوزەرانی فەرمانبەران.
ئەوە لەکاتێکدایە چەند ڕۆژێک پێش ئێستا ژمارەیەک مامۆستا و فەرمانبەر لە شاری سلێمانی ڕایانگەیاند، حکومەتی هەرێم ستەمی لە فەرمانبەر و مووچەخۆران کردووە و باسیان لە ئەوە کرد کە فۆرمێکی ئۆنڵاین بۆ کۆکردنەوەی ڕاپرسی سەبارەت بە دابەشکردنی مووچەکانیان لەلایەن بەغداوە درووستدەکات. [1]

راگەیاندراوێک لە فراکسیۆنی #پارتی دیموکراتی کوردستان#ەوە
هەفتەی ڕابردوو ئەنجوومەنی وەزیران‌ سیستەمی نوێی دابەشکردنی مووچەی پەسەند کرد. ئەم شێوازە نوێیە لە بەرژەوەندی هاوڵاتیاندایە و ئێمە وەکو فراکسیۆنی پارتی وێڕای دەربرینی ڕێز و ستایشمان بەرامبەر بە مووچەخۆران و هاوڵاتیانی هەرێم، پشتیوانی لەم هەنگاوە گرنگەی حکومەتی هەرێمی کوردستان دەکەین.
هاوکات، داواکارین کە پاشەکەوتی مووچە بە هیچ شێوەیەک نەمێنێت و بە زووترین کات حکومەت کاری پێویست بکات بۆ ئەوەی باری هاوڵاتیان بە گشت چین و توێژەوە، بگاتە باشترین ئاستی خۆی. بۆ بە دیهێنانی ئەم ئامانجەش، وەکو فراکسیۆن، ئامادەیی تەواو بۆ پشتگیریکردن لە حکومەت و دام و دەزگاکانی ڕادەگەیێنین.
وەکو پرەنسیپێکی جێگیر، ئێمە هەمیشە پشتگیری لە پرۆسەی چاکسازی ڕاستەقینە و بە دامەزراوەکردنی هەرێمی کوردستان دەکەین. هەر بۆیە لێرەدا وەکو فراکسیۆنی پارتی، داوا لە سەرۆکایەتی پەرلەمانی کوردستان دەکەین کە بە زووترین کات کاری پێویست بۆ ئەنجامدانی دانیشتنێکی نائاسایی پەرلەمان بکرێت و هەرچی زووە یاسای چاکسازی لە خانەنشینی و مووچه و دەرماڵه و بەخشین و ئیمتیازاتەکانی دیکە لە هەرێمی کوردستان پەسند بکرێت. بە پەسەند کردنی ئەم یاسایە هەنگاوێکی دیکە لە پرۆسەیەک نزیک دەبینەوە کە کۆتایی بەم قەیرانە دەهێنێت کە لەم ماوەیەدا بەرۆکی هەرێمی کوردستانی گرتووە.
فراکسیۆنی پارتی دیموکراتی کوردستان لە پەرلەمانی کوردستان
#31-03-2018#

17-09-2017

=KTML_Bold=سۆران عومەر:
بە ئیمزای هادی عامڕی، بەشێوەیەکی فەرمی بڕگەی دانەوەی پاشەکەوتی مووچە لابرا=KTML_End=

#سۆران عومەر،# پەڕڵەمانتاری کۆمەڵی دادگەری نووسیویەتی:
پێشنیاز و ڕێکەوتنە نوێیەکەی کە ئێستا هێنراوەتە کۆبوونەوەی دەنگدان ئیمزای هادی عامری لەسەرە و لای پەڕڵەمانتاران نییە، پاشەکەوتی لێ لابراوە! [1]

#سۆران عومەر#، پەڕڵەمانتاری کۆمەڵی دادگەری لە لاپەڕەی خۆی نووسیویەتی:
​لەکۆبوونەوەکەی بەڕێزان سەرۆکی پەڕڵەمان و هادی عامری و کوتلەکان بڕگەی پاشەکەوتیان لادا، بەندەو کاک خالید شوانی لەوێ زۆر دژی بوین سروە خانیش هات و کاک هەرێمیش دژی ئەوەبوین، بە هادی عامریم وت ئەوە مافی خەڵکە چۆن لایدەبەن وتی حکوموتی هەرێم تەحەمولی ناکات، یوسف کلابی وتی من لە کۆبوونەوە دەیخوێنمەوە لاینادەین...
ئەوەش ئەو نووسخەیە کە زەڕبیان لە پاشەکەوت دا. [1]

ئەمرۆ پێنج شەممە ڕێکەوتی 5/12/2019، لە دیوانی #وەزارەتی دارایی# و ئابووری حکومەتی هەرێمی کوردستان، کۆنگرەیەکی ڕۆژنامەوانی سەبارەت بە ڕێکەوتنی نێوان هەرێم و بەغدا بەسترا و سەرۆکی شاندەکە و ئەندامانی شاندی حکومەتی هەرێم بۆ دۆسیەی بودجە و نەوت ئەنجامی ڕێکەوتنی شاندی هەرێمی کوردستانی بۆ ڕۆژنامەنووسان ئاشکرا کرد.
لە چوارچێوەی کۆنگرە ڕۆژنامەنوسیەکەدا ڕۆژنامەنووسێکی بەرێز پرسیاری ئەوەی لە سەرۆکی شاندەکە کرد کە حکومەت سێ مووچە قەرزداری مووچە خۆرانی کوردستانە، ئاشکرایە مەبەستی ڕۆژنامەنووسە بەرێزەکە سێ مووچەی تەواو بوو بەڵام سەرۆکی شاندەکە زانیارییەکەی بۆ ڕاستکردەوە کە سێ موچە نییە بەڵکو مووچەی هەشت مانگی فەرمانبەران و 12 مانگی خانەنشینان قەرزدارە. هەروەها نە ڕۆژنامەنووسەکە و نە جەنابی وەزیر هیچ ئاماژەیەکیان بە مووچە ناتەواوەکان نەداوە کە بە ڕێژەی جیاواز بە پاشەکەوت دابەشکراون.
بەداخەوە هەندێک کەس بە ئاگایی یان بە بێ ئاگا ڕاستیەکان دەشێوێنن دەیانەوێت لە بەهای ئەو سەرکەوتنە گەورەیەی شاندی هەرێمی کوردستان کەمکەنەوە. پێتان ڕادەگەیەێنێن، سەرباری ئەوەی کە مووچە نەدراوەکان و پاشەکەوتەکانی مووچەش هەرچەندە لەسەردەمی ئەم کابینەیەدانەبووە، بەڵام حکومەتی هەرێمی کوردستان و وەزارەتی دارایی و ئابووری بەرپرسیاریەتی هەموویان لە ئەستۆ دەگرێت.

[1]

#24-03-2018#

#26-03-2018#