شوێن: #هەریر#
ڕۆژ یان ساڵی گیرانی وێنەکە: شەستەکانی سەدەی بیستدا
کەسایەتییەکانی ناو وێنەکە: ئاشورییەکانی هەریر بەر لە کۆچکردنیان. [1]

شوێن: #هەریر#
ڕۆژ یان ساڵی گیرانی وێنەکە: 1970
پێناسی وێنەکە: ئەم وێنەیە لە گەرەکی کانی پشت مزگەوتی گەورەی هەریر گیراوە، وێنەکە لەکاتی ئاهەنگی بوک گواستنەوەیە لە سەربانی ماڵێک نان دەخۆن جاران ئاهەنگی بوک گواستنەوە بەو شێوەیە بوو.[1]

گوندێکە، دەکەوێتە شارەدێی #هەریر#، شارۆچکەی #شەقڵاوە#، پارێزگای #هەولێر# لە باشووری کوردستان.[1]

ناونیشانی بابەت: ئەشکەوتی مارا لەدامێنی چیای هەریر هاوشێوەی ئەشکەوتی شانەدەرە
ئامادەکردنی: #محەمەد هەسنانی#

ئەشکەوتێک لە شێوەی ئەشکەوتی شانەدەر، لەدامێنی چیای سەراورد لە سنووری شارۆچکەی هەریر، کە بە #ئەشکەوتی مارا# ناسراوە، واتا ئەشکەوتی ماڵان، هەڵکەوتووە. پێدەچێت سەردەمێک ژیانی تیادا هەبووبێت.
لەمبارەیەوە سۆزدار ئەحمەد، لێکۆلەر و چالاکوانی شاخەوانیی سنووری شارۆچکەی #شەقڵاوە#، بە (باسکورد) ی ڕاگەیاند: ساڵانێکە دەستم کردووە بە گەشتی شاخەوانی و پیشاندانی سرووشتی جوانی #کوردستان#، لە ڕێگەی وێنە و ڤیدیۆ و نووسین و بڵاوکردنەوەیان لە پەیج و تۆڕە کۆمەڵایەتییەکان، لەپاڵ ئەوەشدا، وەک گرووپی شاخەوانی، جگە لە لێکۆڵینەوە لە شوێنە مێژوویی و سرووشتی جوانی ناوچەکان، هەوڵی گەیاندنی پەیامی هۆشیاریی ژینگەپارێزی دەدەین، چونکە کوردستانی ئێمە بە سرووشتی جوان و شوێنەواری مێژوویی و کولتووری جوان و بەناوبانگە.
وتیشی: بەهۆی پێکهاتەی سنووری شارۆچکەی #هەریر# و شەقڵاوە و بوونی ناوچەی شاخاوی و هەر لە کۆنەوە بوونی فەرمانڕوایی لە دەڤەرەکە، تا ئێستا چەندین شوێنەواری قەڵا و گۆڕستانی مێژوویی و قوبە و ئەشکەوت لە ناوچەکەدا هەن، یەکێک لەوانە ئەشکەوتێکە لە شێوەی ئەشکەوتی شانەدەر، لەدامێنی چیای سەراورد لە سنووری شارۆچکەی هەریر، کە بە ئەشکەوتی (مارا) ناسراوە، واتا ئەشکەوتی ماڵان. ئەم ئەشکەوتە دیمەنێکی ناوازە و سەرنجڕاکێشی هەیە.
ئەو چالاکوانە شاخەوانە دەشڵێت: بەپێی لێکۆڵینەوە و سەرچاوەکان، ئەم ئەشکەوتە سەدان ساڵ پێش ئێستا ژیانی تێدا بووە و نیشانەی ژیانی تیادا بەدی دەکرێت، بەڵام هیچ لێکۆڵینەوەیەکی زانستی و شوێنەواریی بۆ نەکراوە، تا بزانرێت تیادا ژیانی بۆ کام سەردەم دەگەڕێتەوە، بۆیە گرنگە لێکۆڵینەوەی ورد لەسەر ئەم جۆرە ئەشکەوت و شوێنانە بکرێت.
سۆزدار ئەحمەد، ئەوەش دەخاتەڕوو: ئێستا ئەم ئەشکەوتە لەلایەن ئاژاڵداران و دانیشتووانی گوندە خۆجێییەکانی سنوورەکە بەکار دەهێنرێت، بۆ تێدا مانەوەی مەڕ و بزن و ئاژەڵە خۆماڵییەکانیان.“[1]

‏ئەشکەوتی ڕۆمی لەلایەن خەڵکی هەریر بە ئەشکەوتی فوئاد ناسراوە
‏ئەم ئەشکەوتە بە دوری 3کم دەکەوێتە باشووری ڕوژهەڵاتی #هەریر#- خرواتان، 1434مەتر لە ئاستی ڕوی دەریاوە بەرزە، مرۆڤی چاخی بەردینی ناوەڕاست (15000-10000پ ز) لەم ئەشکەوتە ژیاوە.[1]

بازاری #هەریر# ساڵی 90ەکان[1]

ئەندام جەبار
بانگبێژێک لە #هەریر# بە زمانی کوردی کەباری پارشێوان دەکات و شێوازی کەبارکردنەکەی لە شارەکە و سۆشیاڵ میدیاش دەنگی داوەتەوە.
هەنگاو هەڵدێنێ بۆ ئەوەی بە دەنگ و سەداکەی بۆ پارشێوێکی دیکە هاونیشتمانییانی هەریر بەخەبەربێنتەوە.
کامەران قادر، بانگبێژی مزگەوتی گەورەی هەریرە، جیاواز لە بانگبێژانی دیکە، بە زمانی کوردی کەبار دەکات.
کامەران قادر دەڵێت: لە سێ ساڵ پێش ئێستاوە لەو مزگەوتە کەباری پارشێو و ئیمساک دەکەم، هەر بەخۆم بیرم لەوە کردەوە بە کوردی باسی گەورەیی پارشێو بکەم و هاتە مێشکم و دەستم پێ کرد هەر لەسەر فەرموودەی پێغەمبەرمان (د.خ) کە باس لە گەورەیی پارشێو دەکات، خەڵک زۆر پەیوەندیم پێوەدەکەن و دەڵێن بەڕاستی کەبارت زۆر خۆشە، هەر تۆ کەباری پارشێومان بە کوردی بۆ بکە.
چێژی دەنگ و شێوازی خوێندنی کەبار بە کوردی لەم قەزایە و لەو مزگەوتە دەنگی داوەتەوە.
زۆرن ئەو هاونیشتمانییانەی ئەگەر دەنگی مامۆستا کامەران نەبێت و گوێیان لە کەبار نەبێت، بەخەبەر نایەنەوە و پارشێو ناکەنەوە.
شەمال حەمەد، دانیشتووی هەریرە و لەو بارەیەوە دەڵێت: بەڕاستی خەڵک کە گوێی لە دەنگی ماموستا کامەران دەبێت، بە تام و چێژی زیاتر بۆ پارشێو هەڵدەستنەوە، خەڵک هەیە نانی پارشێوان ناخوات، بەڵام کە گوێی لە دەنگی مامۆستا کامەران دەبێت بە کوردی کەبار دەکات، دێتە مزگەوت و سوپاس بۆ خودا ئێستا مزگەوتەکەشمان زۆر قەرەباڵخ بووە.
عەبدوڵڵا مستەفا، دانیشتووانێکی دیکەی هەریرە و دەڵێت: هەموو کەبارێک چێژ و خۆشیی خۆی هەیە، بەڵام بە کوردییەکەی زیاتر کاریگەریمان لەسەر دەکات، خەڵکیش زیاتر تێدەگات.
ئەرکی ئەو مامۆستایە هەر کەبار و بانگ دان نییە، بەڵکوو لە پرسە و بۆنە ئایینیەکان بە دەنگە زوڵاڵەکەی بەشداری دەکات و لە سنوورەکە بە دەنگ و سەدا خۆشەکەی دەناسرێتەوە. [1]

#دژەتیرۆر#ی کوردستان ڕایگەیاند، بە درۆنێکی بۆمبڕێژکراو هێرش کرایە سەر #فڕۆکەخانەی هەریر#.
ئاماژەی بەوەشداوە، ئەمڕۆ هەینی ڕێکەوتی #17-11-2023# کاتژمێر 10:25 لە ڕێگەی درۆنێکی بۆمبڕێژکراو هێرش کراوەتە سەر فڕۆکەخانەی هەریر لە پارێزگای #هەولێر# کە پێشتر فڕۆکەخانەکە وەک بنکەیەکی سەربازیی هاوپەیمانیی نێودەوڵەتیی دژی #داعش# بەکار دەهات. [1]

شوێن: #هەریر#
رۆژ یان ساڵی گیرانی وێنەکە: 1994
پێناسی وێنەکە: یاریگای جارانی هەریر لە کاتی بەڕێوەچونی خولی تۆپی پێی سنوری هەریر و باتاس، لە یاریگای گەورەی هەریر کە دەکاتە شوێنی فەرمانگەی شەهید و ئەنفالکراوانی هەریر.[1]

شوێن: هەریر
رۆژ یان ساڵی گیرانی وێنەکە: 1951ی زایینی
کەسایەتییەکانی ناو وێنەکە: پیرەژنێکی ئاشوری هەریر.[1]
ناوی وێنەگر: نەزانراوە(لە ماڵپەڕێکی ئاشورییەکانی لوبنان) وەرگیراوە.