ئاژانسێکی ڕۆژهەڵاتی کوردستان بڵاویکردووەتەوە، بەهۆی نەبوون و کەمی بودجە لەشاری ئیلامی ڕۆژهەڵاتی کوردستان، زیاتر لە 200 کرێکاری خاوەن پیشە لەکەرتە بەرهەمهێنەرەکاندا بێکاربوون.
بەپێی هەواڵێکی ئاژانسی هەواڵدەریی کوردپا، شاری ئیلام لە چەند حەفتەی ڕابردوودا لەگەڵ کەمی بودجە و پارە ڕووبەڕووی قەیرانی دارایی بووەتەوە، ئه و دۆخەش بێکار بوونی ژمارەیەک پیشەگەری لێکەوتووەتەوە.
لە ئەنجامی داخرانی سێ کەرت و کارگەی بەرهەمهێنەری ئه و شارەکە، زیاتر لە 200 کەس پیشەکانیان لە دەست دەدەن.
شارەزایانی بواری ئابووری له و باوەڕەدان، پشتیوانی نەکردنی دەوڵەت و هاوکاری نەکردنی بانکەکان دۆخێکی وای دروستکردووە کە کارگە بەرهەمهێنەرەکان بەره و داخران بچن.
- 20-04-2015

تورکیا و قەیرانی دارایی نوێترین ڕاپۆرتی گۆشەی ئابووری-ژووری توێژینەوەی سیاسی بزووتنەوەی گۆڕانە،
ئامادەکردن و نووسینی #ئەنوەر کەریم# -بەرپرسی گۆشەی ئابووری
سیاسەت و ئابووری دوو ڕووی دراوێکن، دەوڵەتانی بەهێزی جیهان ئەو دەوڵەتانەن کە خاوەن سیاسەت و ئیدارەیەکی سەرکەوتوو و سەرخان و ژێرخانێکی پتەوی ئابوورین، بەو پێیەی لە ڕۆژگاری ئێستادا گۆڕانکارییە سیاسییەکان، ڕاستەوخۆی کاریگەریان دەبێت لەسەر پێشکەوتن و گەشەپێدانی ئابووری وڵاتان، بە پێچەوانەشەوە لەئەگەری پاشەکشێی بنەماکانی دیموکراسی و سەرهەڵدانی تەنگژەو قەیرانی سیاسی، هاتنە ئارای قەیران و کێشەی ئابووری بۆ وڵاتان چاوەڕوان کراو دەبێت.

بزووتنەوەی گۆڕان
2016

=KTML_Bold=کەیسێکی گەورەی گەندەڵی لە ئیدارەی گشتی یەکێتی ئاشکرابووە=KTML_End=

ماوەی دوو مانگە ئیدارەی گشتی یەکێتی پارەی مووچە و نەسرییەی دەزگا ڕاگەیاندنەکانی لە کاتی خۆیدا دابەشناکات و تا ئێستاش مووچەی مانگی ڕابردووی کارمەندان و فەرمانبەرانی دەزگا ڕاگەیاندنەکانی ئەو حزبە دابەشنەکراوە، هاوکات لە ئیدارەی گشتی یەکێتی کەیسێکی گەندەڵی و بەهەدەردانی پارە ئاشکرا بووە و دەزگاکانی ڕاگەیاندنی ڕووبەڕووی قەیران کردووەتەوە.
ماوەی دوو مانگە ئیدارەی گشتی یەکێتی مووچە و نەسریەی دەزگاکانی ڕاگەیاندنی یەکێتی ڕاگرتووە و مانگی ڕابردووش لە 15ی مانگ مووچەی مانگی پێشووتری دابەشکردبوو. ئەم مانگەش تا ئێستا مووچەی مانگی ڕابردووی پەیامنێر و کارمەندانی دەزگا ڕاگەیاندنەکانی دابەشنەکردووە. بەشێکیش لە کارمەندانی دەزگا ڕاگەیاندنەکان بە نیازی وازهێنانن لە کارکردن بەهۆی دواکەوتن و دابەشنەکردنی مووچەکانیانەوە.

ئاماژە بەوەشکراوە، لە مانگی ڕابردووەوە ئیدارەی گشتی یەکێتی داوای لە دەزگاکانی ڕاگەیاندن کردووە کە دەبێت مووچەی هەر کارمەند و پەیامنێرێک دابەشبکرێت دەبێت وێنەیەک لە ناسنامەکەی ڕەوانەی مەکتەبی ڕاگەیاندن و ئیدارەی گشتی بکات، لە کاتێکدا لە مانگەکانی ڕابردوو بەبێ‌ داواکردنی ناسنامە مووچە لەسەری مانگدا دابەشکراوە.
کە لە مانگی ڕابردووەوە کەیسێکی گەندەڵی و دیارنەمانی پارە لە ئیدارەی گشتی یەکێتی ئاشکرابووە و هەر ئەوەش وایکردووە کە مەکتەبی سیاسی و بەرپرسانی باڵای ئەو حزبە بێنە سەر هێڵ و لێپێچینەوە لەگەڵ ژمارەیەک لە بەرپرسی مەکتەب و دەزگاکانی ئەو حزبە بکرێت، هاوکات مووچە و نەسریەی دەزگا ڕاگەیاندنەکانیش ڕابگیرێت و بەو هۆیشەوە دەزگا ڕاگەیاندنەکانی یەکێتی ڕووبەڕووی قەیرانی دارایی بوونەتەوە. [1]

هەڵوان جەلال
قەیرانی دارایی هەرێمی کوردستان، بەشێوەیەکی فراوان کاریگەریی درووستکردووە، لەسەر پڕۆژەکانی شارەوانی سلێمانی، بە جۆرێک لە %90 ی پڕۆژە جۆراوجۆرەکانی شارەوانی وەستاندووە.
#ئەبوبەکر تەیب حەسەن# بەڕێوەبەری پڕۆژەکانی شارەوانی #سلێمانی#، لە لێدوانێکی تایبەتدا بۆ خەندان ئەو زانیارییەی پشت ڕاست کردەوەو ڕایگەیاند بەهۆی ئەو قەیرانە داراییەی لە ماوەی یەک ساڵی ڕابردوودا درووست بووە، بە نزیکەیی 50 پڕۆژەمان وەستاوە کە دەکاتە %90 ی پڕۆژەکانی شارەوانی سلێمانی، هەندێک لەو پرۆژانەش لە قۆناغی کۆتاییدان، بەڵام بەهۆی نەبوونی بودجەوە کارکردن لەو پرۆژانەدا وەستێنراون.
بەڕێوەبەری پڕۆژەکانی شارەوانی سلێمانی، ڕوونیشی کردەوە لە ڕابردوودا بۆ ئەنجامدانی پڕۆژەکان چەکی پارە دەدرا بە ئەو کۆمپانیایانەی کە پڕۆژەکانیان جێبەجێ دەکرد، بەڵام لە ئێستادا ئەو چەکانەش خەرج ناکرێت، بۆیە کۆمپانیا و بەڵێندەرەکان کارکردنیان لە پڕۆژەکاندا ڕاگرتووە.
پڕۆژە ڕاگیراوەکانیش، بریتین لە پێشکەشکردنی خزمەتگوزارییەکانی درووستکردنی ئاوو ئاوەرۆ و شەقام بۆ کۆڵانەکانی شاری سلێمانی بەتایبەت لە دەرەوەی شەقامی بازنەیی مەلیک مەحمود و گەرەکەکانی بەکرەجۆ و ڕاپەڕین، لەگەڵ درووستکردنی یەکتربڕەکان کە لە ماوەی ڕابردوودا کار لە درووستکردنی سێ یەکتربردا دەکرا، بەڵام لە ئێستادا کارکردن لەو یەکتربرانەشدا وەستێنراوە بەهۆی نەبوونی پارەوە.
ئاماژەی بەوەشکرد، لە ماوەی ڕابردوودا سەرۆکی شارەوانی سلێمانی پێشنیازی کرد لە داهاتەکانی خۆیان کار لەسەر پڕۆژەکان بکرێت و مووچەی کارمەندەکانیشیان بدەن، بەڵام تا ئێستا ڕەزامەندی لەسەر نەدراوە.
#13-03-2015#

دواڕۆژ، بەختیار شەریف
لەم وەرزەدا جگە لەبازاڕی سەرەکی، دەچیتە هەر شەقامێک یاخود کۆڵانێک کۆگایەک یان دوکانێکی جلوبەرگی کۆنەی تێدایە، ئه و دوکانانە وەخت و ناوەخت جمەیان دێت لەکڕیار و زیاتریش ژنان دەبینیت، فرۆشیارێکیش دەڵێت ژن و منداڵ زیاتر لە پیاوان جلی کۆنە (لەنگە) بەکاردێنن.
کات نزیکەی 10ی شه و بوو، چووینە کۆگایەکی جلوبەرگی کۆنە یان ئەوەی لەناو خەڵک بە (بالە و لەنگە) ناسراوە، له و شەوە پایزییەدا کە تاڕادەیەکیش کات درەنگی کردبوو، هەندێک لە هاووڵاتیان سەرقاڵی هەڵاودیوکردن و هەندێکی تریشیان سەرقاڵی مامەڵەکردنی ئه و کەلوپەلانە بوون کە هەڵیان بژاردبوو.
لە وەرزی سەرمادا بازاڕی لەنگە گەرمتر دەبێت
نازدار محەمەد، یەکێک له و خانمانە بوو سەرقاڵی هەڵبژاردنی جلوبەرگەکان بوو، لەبارەی هەڵبژاردنی ئەم جۆرانە بۆ دواڕۆژ دوا و وتی لەم کاتەدا کە بەره و وەرزی سەرما دەچین، ڕوودەکەینە کڕینی جلوبەرگی لەنگە چونکە کوالیتی و جۆری ئەم جلانه زۆر گونجاوە هەروەها لەڕووی نرخیشەوە هەرزانە.
هەندرێن زەنگەنە، خاوەنی کۆگا و دوکانی لەنگە لەچەمچەماڵ قسەکانی ئه و کڕیارەی پشتڕاستکردەوە و بەدواڕۆژی ڕاگەیاند لەگەڵ هاتنی وەرزی سەرمادا کڕیاری زۆرتر ڕوومان تێ دەکات، ئەمیش بەهۆی هەرزانی نرخ و باشی کوالیتی جلوبەرگەکان که ‌لەگەڵ کەشی هەرێمی کوردستاندا گونجاوە.
بازاڕی لەنگە ئەمساڵ گەرمترە و هۆکارەکەشی بارودۆخی ئابورییە
کڕیارەکە ئەوەشی وت جگە لە باشی کوالیتی، قەیرانی دارایی و نەبوونی موچە ناچارمان دەکات جلی لەنگە بکڕین، لەئێستادا ڕەنگە نەتوانین وەکو پێویست جلوبەرگی نوێ بکڕین، ئەم جلانەش تاڕادەیەک هەرزانن.
خاوەنی دوکانەکەش دەڵێت بارودۆخی سیاسی و ئابوری خەڵک داڕووخاوە و داهاتیان لەسەر مووچەیە بۆیە ناتوانن جلوبەرگی نوێ بکڕن، بۆیە ڕوو لە ئێمە دەکەن و بازاڕی ئەمساڵ بەراورد بەساڵانی ڕابردوو گەرمترە و جلوبەرگەکانیش هەرزانترن.
ساڵانی ڕابردوو نرخەکانیشمان بەرزتر بوو ئەگەر پارچەیەک ساڵی ڕابردوو بە 5 هەزار دینار بووبێت ئێستا بە 1 هەزار دینارە، بۆیە بەهۆی باری دارایی خەڵکەوە نرخەکانمان زۆر هەرزان کردووە و بەرزترین نرخی پارچەیەک 2 بۆ 3 هەزار دینارە ئەمەش وتەی فرۆشیاری بالەکە بوو.
سەرچاوەی جلوبەرگەکان کوێن؟
لەچەمچەماڵدا کەمترین کۆفرۆشی بالە هەیە و زۆربەی بالەکانیش لە هەولێر و سلێمانیەوە دەهێنن، ئه و جلوبەرگانەی لەناو بالەکەدا هەن زۆربەی ئەوروپی و ڕۆژئاوای ئاسیایین، هەندێکجاریش جلوبەرگی ئەمریکیشی تێدایە، بەڵام بەگشتی جلوبەرگی کوالیتی باشن.
لەدوای ڕووداوەکانی 16ی مانگی ڕابردووی ئەمساڵەوە کە ئه و پردە بازرگانییەی لەنێوان سلێمانی و کەرکووک و هەولێر هەبوو تا ڕادەیەک درزی تێکەوتووە، کاریگەری لەسەر هێنانی بالەش کردووە و لە ئێستادا زیاتر لەپارێزگای سلێمانییەوە بالە دەگاتە چەمچەماڵ، ئەم زانیارییانەش هەندرێن زەنگەنەی فرۆشیاری بالە و جلوبەرگی لەنگە بەدواڕۆژی دا.
ژنان زۆرترین کڕیارن
لەبارەی ڕەگەزی کڕیارەکانیانەوە هەندرێن وتی لە هەموو ڕەگەز و تەمەنەکان سەردانمان دەکەن، بەڵام زۆرترین لەکڕیاکرەکانمان ژنانن، چ بۆ خۆیان بێت یان بۆ منداڵەکانیان بێت، بۆیە زۆترین خواست لەسەر جلوبەرگی ژنان و منداڵانە، لەگەڵ کڕینی لێفە و پێخەف، هەر ئەمەش وایکردووە جگە لەبازاڕی لەنگە لەهەموو کوچە و کۆڵانێک دوکانێکی لەنگە هەیە.
ئەگەر باش نەشۆردرێت زیانی تەندروستی هەیە
سەبارەت بەزیانەکانی جلوبەرگی کۆن و لەبەرکراو دکتۆر فەرهاد محەمەد پسپۆڕی نەخۆشییەکانی پێست بەدواڕۆژی وت بێگومان هەموو کەلوپەلێک بەتایبەتی بەرکارهاتووەکان هۆکاری گواستنەوەی نەخۆشییەکانی پێستن، بۆیە باشتر وایە بە ئاوی کوڵاو بشۆردرێت یان لەگەڵ ئاوەکە بکوڵێندرێت و بە باشیش ئوتو بکرێت، چونکە ئوتو یەکێکە لەڕێگەکانی لەناوبردنی میکرۆب و ڤایرۆس ئینجا بەکاربهێنرێت.
لەبارەی نەخۆشییەکانەوە ئه و پزیشکە پسپۆڕە دەڵێت نەخۆشیەکانی کەڕووی سەر پێست و گەڕی زۆرترین ئه و نەخۆشییانەن کە بەم هۆیەوە تووشی بەکارهێنەر دەبێت.[1]
06-11-2017

ڕۆژنیوز – هاوکار و جیهاد
بەمەبەستی دابینکردنی بژێوی ژیان و ئاسانکاری زیاتر بۆ گەشتیاران، ژمارەیەک چێشتخانه و کەبابخانە لەسەر ڕێگە سەرەکیەکانی ناوچەی هەورامان دروستکراون، بەڵام خاوەنەکانیان ئاماژە به ‌کەمبونەوەی بازاڕ دەکەن و گەشتیارانیش گرفتی نەبونی شوێنی مانەوەیان هەیە.
ناوچەی هەورامان بەهۆی هەبوونی سروشتێکی جوان و لەباریی کەشوهەواکەیەوه،‌ ساڵانە بە هەزاران گەشتیاری ناوخۆیی و بیانی سەردانی دەکەن، بۆ ئه و ‌مەبەستەش زیاتر لە 10 چێشتخانه و کەبابخانە لەسەر ڕێگە سەرەکیەکانی هەورامان دروستکراون، بەڵام هیچ ئوتێلێک بۆ مانەوەی گەشتیاران بونی نیە.
بێساران حەمەڕەحیم، خاوەنی یەکێک لە چێشتخانه و کەبابخانەکانی سەر ڕێگای بیارە – تەوێڵە بۆ ڕۆژنیوز ئەوەی خستە ڕوو: کردنەوەی چێشتخانه و کەبابخانەکان لەسەر ئەم ڕێگا سەرەکیانە گرنگی تایبەتی خۆیان هەیە، چونکە سەرەڕای ئەوەی بونەتە هۆکارێک بۆ بەدەستهێنانی بژێوی بە دەیان خێزان لە هەمان کاتیشدا ئاسانکاریەکی زۆریان بۆ گەشتیاران کردووه و هۆکارێکیش بوون بۆ ڕاکێشانی گەشتیاری زیاتر.
بێساران حەمەڕەحیم، وتیشی: ئه و گەشتیارانەی کە لە شوێنە دورەکانی وەک هەولێرو دهۆک و پارێزگاکانی تری عێراقەوە دێنە ناوچەکە ناچارن کە ڕوبکەنە ئەم چێشتخانه و کەبابخانانە، بەڵام نزیکەی ساڵێکە تێبینی ئەوەمان کردووە کە بەهۆی قەیرانی دارایی و پێنەدانی موچەوە لەکاتی خۆیدا ژمارەی ئه و کەسانە کەمی کردووە، کە پێش قەیرانی دارایی دەهاتن لە چێشتخانه و کەبابخانەکان نانیان دەخوارد، هەر ئەوەش وایکردووە کە ژمارەیەک له و چێشتخانه و کەبابخانانە دایبخەن بەتایبەت ئەوانەی کە بەشێوەی کەپر دروستکراون و بینایان نەبوو.
ئه و خاوەن چێشتخانەیه، وتیشی:" ئه و لیژنە تەندروستیانەی کە سەرپەرشتی چێشتخانه و کەبابخانەکانی ناوشار دەکەن، بەهەمان شێوە سەردانی ئێمەش دەکەن مەرجی تەندروستیمان بۆ شێوازی کارکردنمان دادەنێن".
لەسەرهەمان بابەت گەشتیارێک بەناوی هەڵمەت ئەکرەم، کە له ‌شاری هەولێرەوە هاتبوە ناوچەی هەورامان، بۆ ڕۆژنیوز وتی: ئه و چێستخانە و کەبابخانانەی کە لەسەر ڕێگا سەرەکیەکانی ناوچەی هەورامان دروستکراون تا ڕادەیەکی باش کارئاسانییان بۆ گەشتیاران کردووە و توانیویانە خزمەت به ‌گەشتیار بکەن، بەڵام ئەوەی بوەتە گرفت بۆ ئێمەی گەشتیاران بەتایبەت ئەوانەی لە شارە دورەکانەوە دێن، ئەوەیە کە له ‌ناوچەکەدا هیچ هۆتێل و مۆتێلێک بونی نیە و گەشتیاران نازانن شه و لەکوێ بمێننەوە.
هەڵمەت ئەکرەم، وتیشی: به ‌شێوەیەکی گشتی بەهۆی قەیرانی داراییەوە ڕێژەی هاتنی گەشتیار بۆ ناوچە گەشتیاریەکان ڕووی لەکەمی کردووە، چونکە من بۆخۆم سێ ساڵ بەر لە ئێستا سەردانی ناوچەی هەورامانم کردووه، لەگەڵ ئەوەشدا هەبوونی هەر کێشه و گرفتیک هۆکار دەبێت بۆئەوەی کە هاتنی گەشتیاران کەمبکاتەوە بۆ ئه و ناوچەیە بەپێچەوانەشەوە هەبونی ئاسانکاری و شوێنی مانەوە دەبێتە هۆی زیاترکردنی ڕێژەی هاتنی گەشتیار بۆناوچەکە.
ئه و گەشتیارە‌، ئەوەشی خستەڕوو: بۆئەوەی بتوانن ناوچە گەشتیاریەکانی هەورامان و شوێنەکانی تری کوردستان بەشێوەیەکی ستاندارد پێشوازی لە گەشتیار بکەن، دەبێت کاری زۆر لەوە زیاتریان تیادا بکرێت و حکومەت پرۆژەی ستراتیژیان تیادا ئەنجام بدات.
لای خۆشییەوە، ئەرکان حەمەصاڵح، خاوەنی یەکێکی تر لە کەبابخانەکانی هەورامان لە نزیگ گوندی بەڵخه،‌ بۆ ڕۆژنیوز وتی:" لە ئێستادا بازاڕی ئێمەش زۆر کەمی کردووە بە بەراورد بە ساڵانی ڕابردوو، چونکە ئەگەرچی گەشتیارانیش دێنە ناوچەکه،‌ بەڵام زۆربەی گەشتیاران خۆراک و پێداویستی لەگەڵ خۆیان دەهێنن و کەمتر ڕوو لە چێشتخانە و کەبابخانەکان دەکەن ئەوەش بەهۆی بەردەوامی قەیرانی دارایی و پێ نەدانی موچەیە لەکاتی خۆیدا".
ئەرکان حەمەصاڵح، وتیشی: ئیش و کاری ئێمە پەیوەندیەکی ڕاستەوخۆی هەیە بە باش بونی بژێوی و گوزەرانی هاوڵاتیانەوە، چونکە ئەگەر هاوڵاتیان باری ئابورییان باش بێت دێنە دەرەوە و ڕوو لە ناوچە گەشتیاریەکان دەکەن، ژمارەیەک له و گەشتیارانەش سەردانی چێشتخانه و کبابخانەکانیش دەکەن بۆ ئێمەش باشتر دەبێت، بەڵام لە ئێستادا ئەوە بەدی ناکەین و ڕۆژلەدوای ڕۆژ بازاڕمان کز تر دەبێت.

دواڕۆژ، بیلال سەنگەری-راپۆرت
تا دێت قەیرانی دارایی زیاتر نەنگ بە هاوڵاتیان دەچنێت، وەک عومەر حەمەکەریم، تەمەن 44 ساڵ دەڵێت بەمووچەی 300 هەزارییەوە، نەک ناتوانم خانووەکەم تەواو بکەم، بەڵکو بەشی خەرجی مانگانەی خێزانەکەشم ناکات، ئیتر بە من چی نرخی کەرەستەی بیناسازی دابەزیوە.
لەدوای قەیرانی دارایی و وەستانی پێشینە و قەرزەکان نیشتەجێبوون و کەمکردنەوەی مووچە و وەستاندنی پرۆژەکانی حکومەت، خواست لەسەر کەرەستەی بیناسازی بەڕێژیەکی بەرچاو دابەزیوە.
بێستون ئەحمەد، خاوەنی کۆمپانیای بێستون بۆ کەرەستەی بیناسازیی بەدواڕۆژی وت خواست لەسەر کەرەستەی بیناسازی بەڕێژەی 80% دابەزیوە، لە پێش ئەم قەیرانەدا ڕۆژانە نزیکەی 2000 هەزار تەن شیش و چیمەنتۆمان دەفرۆشت، بەڵام ئێستا فرۆشمان بۆ 200 تەن دابەزیوە.
وەک خاوەنی ئەو کۆمپایایە دەڵێت وەستانی پرۆژەکانی حکومەت و ئەو قەیرانە داراییەی کە هەیە، وایکردوە هاوڵاتیان نەتوانن بینادروست بکەن، بەمەش ئاستی داخوازی لەسەر کەرەستەی بیناسازی کەمیکردوە، وتیشی لەئێستادا ئێمە 80%ی ئەو کەرەستانە ڕەوانەی شارەکانی عێراق دەکەین.
خاوەنی کۆمپانیایەکی دەرگاوپەنجەرە دەڵێت پێش دروستبوونی قەیرانی دارایی و ڕیفراندۆم، ڕۆژانە بە بەهای 100 هەزار دۆلار مامەڵەمان کردوە، بەڵام ئێستا ئەو ڕێژەیە بۆ 1000 هەزار دۆلار دابەزیووە.
حاجی ئەحمەد شاسوار، خاوەنی کۆمپانیای ئەحمەد شاسوار بۆ کەرەستەی دەرگاو پەنجەرە بۆ دواڕۆژی وتی لەئێستادا خواست لەسەر کەرەستەی بیناسازی زۆر کەمبۆتەوە، ئەگەر پێش ڕیفراندۆم پێنج کەس هاتبن بۆ کڕینی کەرەستەی بیناسازیی، لەئێستادا تەنیا کەسێک دێت.
وتیشی پێدانی قیستیمان بە هاوڵاتیان وەستاندوە، چونک مووچە نیە، هاوڵاتی ناتوانێت قیستەکەی لەوادەی خۆیدا بهێنێت، ئەو هۆکارانە وایکردوە خواست لەسەر کەرەستەی بیناسازیی کەمبێتەوەْْ.
وەستایەکی دانانی دەرگاو پەنجەرەش باس لەوەدەکات ئێستا بێکاربووە، هیچ پرۆژەیەک نیە ئیشی تێدا بکات، هاوڵاتیانیش خانوو دروست ناکەن.
عومەر محمد، وەستای دانانی دەرگاو پەنجەرە بۆ دواڕۆژ باسی لەوەکرد پێش دروستبوونی ئەم قەیرانە ڕۆژانە بە 50 هەزار دینار کاری دەکرد، بەڵام ئێستا نەک ڕۆژانە بەڵکو هەفتانەش ناگات بەو پارەیە، کاری ئێمە بەتەواوی وەستاوە و بێکاربووین.
جگە لەوەی حکومەتی هەرێم هیچ بودجەکی بۆ پرۆژەکانی وەبەرهێنان تەرخان نەکردوە، هەزاران پرۆژە بەنیوەچڵی وەستاوە، ئەوەندەی دیکە کاریگەری لەسەر بازاڕی کەرەستەی بیناسازیی دروستکردوە.
وتەبێژی بەڵێندەرانی سلێمانیش دەڵێت نزیکەی 4000 هەزار پرۆژە ڕاوەستاوە بەهۆی ئەوەی حکومەت ناتوانێت پارەی بەڵێندەران دابین بکات، تەنها 20 پرۆژە کارکرد تێیدا بەردەوامە.
میران کامیل، وتەبێژەی بەڵێندەرانی سلێمانی بەدواڕۆژی وت کاتێک هیچ پرۆژەیەک نەبێت خواست لەسەر کەرەستەی بیناسازیی کەم دەبێتەوە، ئێمە لەئێستادا سەرجەم کارەکانمان ڕاگیراوە، بەهۆی ئەوەی حکومەت پارەمان بۆ دابین ناکات، تا بتوانین پرۆژەی پێ تەواو بکەین، بازاڕی کەرەستەی بیناسازی ببوژێنینەوە.
عومەر حەمه کەریم، ئه و هاوڵاتیەی کە دوو مناڵی نەخۆشی درێژخانی هەیە، بەردەوام دەبێت دەرمانیان بۆ بکرێت بۆ دواڕۆژ وتی ماوەی دوو ساڵە خانوویەکمان هەیە توانامان نییە تەواوی بکەین، بەهۆی ئەوەی پارەمان نییەو بارودۆخی ژیانمان زۆر خراپە، ئیتر چۆن بتوانین خانوو تەواو بکەین، بۆیە چەند نرخی کەرەسەی بیناسازی دابەزێت، خانووەکە بۆ تەواو ناکرێت.[1]
#05-01-2018#

ڕۆژنیوز – دانا عومەر
لەبارەی قەیرانەکانی هەرێمی کوردستانەوە ئارا ئیبراهیم ڕۆژنامەنوسی ئابوری ڕایدەگەیەنێت پێم وایە ئەم قەیرانانە تاوەکو ساڵی 2018 بەردەوام دەبێت، بەڵام ڕەنگە ساڵی نوێ کەمێک باشتر بێت لەساڵی 2016.
ماوەی زیاتر لە دوو ساڵە هەرێمی کوردستان بە دۆخێکی خراپی ئابوریدا تێپەڕدەبێت، لەئەنجامی ناکۆکیەکانی هەرێمی کوردستان و حکومەتی ناوەندی بەهۆی فرۆشتن و داهاتی نەوتەوە.
ئارا ئیبراهیم، ڕۆژنامەنوسی ئابوری و خاوەنی بڕوانامەی بەکالۆریۆس لە ئابوریدا له و بارەوەیە بیر و ڕای خۆی خستە ڕوو بۆ ڕۆژنیوز وتی:" بەبڕوای من ئەم دۆخە خراپەی ئابوری تاوەکو ساڵی 2018 بەردەوام دەبێت، بەڵام ڕەنگە ساڵی 2017 کەمێک باشتر بێت لە ساڵی 2016، ئەویش بەهۆی ئەوەی کە نرخی نەوت کەمێک بەرزبۆتەوە".
بەبۆچوونی ئارا ئیبراهیم، ڕەنگە فشارەکان وابکات کە حکومەتی هەرێم دەستکاری بڕی پاشەکەوتی موچە بکات و‌ لە 25 هەزار بۆ 100 هەزار بۆ مووچەی موچەخۆران زیادبکرێت.
پارتی ڕێککەوتنی 50 ساڵەی لەگەڵ تورکیادا هەیە
لەبارەی یاسای بودجەی 2017ی عیراقەوه،‌ ئارا وتی:"خۆی دەبوایە پێش ئەوەی پڕۆژە یاسای بودجەی ساڵی 2017 ی عێراق گەڵاڵە بکرایە حکومەتی هەرێمی کوردستان لەگەڵ فراکسیۆنە کوردیەکاندا گفتوگۆی بکردایە بەڵام ئەوەی نەکرد، لەکۆتایی کارەکەدا بەیاننامەی دەرکردووە و ڕایگەیاندووە پابەند نابم پێیەوە، هۆکاری پابەند نەبوونیشی بەڕای من ئەوەیە، کە پارتی ڕێکەوتنێکی 50ساڵەی هەیە لەگەڵ تورکیادا ناتوانێت پابەند بێت بەیاسای بودجەی 2017وە".
یاسای بودجەی 2017 سودی زیاتری تێدایە بۆ کورد
ناوبراو، درێژەی بە وتەکانی داو وتی:" یاساکە جیاوازیەکی ئەوتۆی نیە لەگەڵ یاسای ساڵی 2015 و ساڵانی پێشتریشدا، بگرە سودی زیاتری تێدایە بۆ کورد بەتایبەت بۆ هێزی پێشمەرگە".
ئەو ڕۆژنامەنووسە، ئاماژەی بۆ ناشەفافی پرسی نەوت و داهات کرد لە هەرێمی کوردستان و وتی:" لەهەرێمی کوردستاندا پرسی دارایی و پرسی نەوت شەفاف نییە، بۆیە لایەنەکانی تر پەنایان بردۆتە بەر بەغدا بۆ چارەسەرکردنی کێشەی مووچە،‌ ئەگەر سەیربکەین حکومەتی هەرێمی کوردستان تاوەکو کۆتایی ئەمساڵ توانیویەتی تەنها موچەی 10 مانگ بدات، بەڵام ئەگەر وردی بکەینەوە دەبینین تەنها موچەی چوار مانگی لەساڵێکدا بۆ دابین کراوە، چونکە مووچەی 10 مانگی دابین کردووە چارەکە موچە و نیو موچەی داوە".
لەبارەی داهاتەکانی حکومەتی هەرێمەوه،‌ ئارا ئیبراهیم، وتی:"حکومەتی هەرێم پێشتر هیچ کات دانی بەوەدا نەدە‌نا،‌ کە 1 ترلیۆن و 20 ملیار دینار داهاتی مانگانەی هەیە، کە نزیکەی یەک ملیار دۆلار دەکات، ئەمە ئێمەی خستە گومانەوە، جێگای پرسیارە بۆ تاوەکو ئێستا ئەم قسەیەی نەکردووە، ئەم بڕە پارەیە ئەگەر هەبێت پارەیەکە کە بەشی موچەی هەموو فەرمانبەران دەکات و نزیکەی 245 ملیۆن دۆلاریشی زیاد دەبێت، کە دەتوانێت له و زیادەیە پارەی کۆمپانیا نەوتییەکان و قەرزەکانی دیکەی بداتەوە، چونکە حکومەتی هەرێم نزیکەی 1 ملیۆن و 400 هەزار مووچەخۆری هەیە، بۆ ئەمەش پێویستی بە 725 ملیۆن دۆلار هەیە بە موچەی تەواوەوە".
" بڕوام بەو قەرزەنە نییە، کە حکومەت باسیدەکات"
ناوبراو، باوەڕی به و قەرزانە‌ نیە، کە حکومەتی هەرێمی کوردستان باسیدەکات، کە کردبێتی و پێیوایە، کە ئەوە تەنها سپیکردنەوەی پارەیە و وتی:"هەرێمی کوردستان تاوەکو ساڵی 2014 پارەی له ‌بەغداوە بۆ هاتووە و هیچ قەرزێکی نەکردووە، لەدوای ئەوەش نەوتی فرۆشتووە، داهاتی ناوخۆی هەبووە، حکومەتی هەرێم دەڵێت 20 ملیار دۆلارمان قەرزکردووە، بەڵام من بۆخۆم بڕوام بەوە نیە، ئەوەی کە هەیە هەندێک کۆمپانیای خۆیان قەرزی داوەتە حکومەت و هەندێکیش باس لەوە دەکەن، کە لەحکومەتی تورکیا 1 ملیار دۆلار قەرزکراوە، واتە هەمووی ناگاتە 3 بۆ 4 ملیار دۆلار، بۆیە من پێم وایە ئەمە بۆ سپیکردنەوی پارە و پەردەپۆشکردنی دۆسیەی گەندەڵیە".
"حکومەتی هەرێم سودمەندە لەم دۆخەی ئێستا"
لەبارەی ئەوەی کە حکومەتی هەرێم بۆچی پابەندی یاسای بودجەی ساڵی 2017ی عێراق نابێت یان بۆچی دۆخی ئابوری چارەسەرناکات ئارا ئیبراهیم، وتی:" حکومەتی هەرێم سودمەند بووە لەم دۆخە، پارەی کۆمپانیاکانی نەوت نادات، مووچەی کەمکردۆتەوە، ئێستاش بەم کەمکردنەوە مانگانە 400 ملیۆن دۆلار دیارنییە، کە کەس نازانێت دەچێت بۆکوێ دەچێتە کاسەی بنەماڵەیەکەوە یان دەچێت بۆ وڵاتانی دراوسێ، ئەمە پەرلەمانتارانیش باسیان کردووە".
"دەبێت ئاشتی هەورامی دادگایی بکرێت"
بەبۆچوونی ئەو ڕۆژنامەنووسە، لەپێناو چاکسازیکردن لە ئابوری هەرێمی کوردستان و دۆسیەی نەوتدا دەبێت حزبە سیاسیەکان فشارێکی زۆر بخەنە سەر پارتی دیموکراتی کوردستان-عێراق بۆ شەفافکردنی دۆسیەی نەوت و وتیشی:" باشتر وایە وەزارەتی سامانە سروشتیەکان لە پارتی بسەندرێتەوە هەروەها ئاشتی هەورامی بدرێتە دادگا، چونکە ئەمە کارێکی هەروا ئاسان نیە کەسێک داوای فرۆشتنی کێڵگە نەوتیەکان بکات و هەر بەوشێوەیە لێی بێدەنگ بین".
ئارا ئیبراهیم، ڕۆژنامەنووسی ئابووری، وتیشی:" پێویستە، یەکێتی نیشتیمانی کوردستا-یش ئەوە بۆ خەڵکی هەرێمی کوردستان ڕوونبکاتەوە، کە ئاگای لە دۆسیەی نەوتە یاخود نا، چونکە ئەگەر ئەم دۆخە بەم شێوەیە بەردەوام بێت خەڵک توانای بەرگەگرتنی نامێنێت‌".
ئارا ئیبراهیم خاوەنی بڕوانامەی بەکالۆریۆسە لە ئابووریدا، ماوەی زیاتر لە نۆ ساڵە کاری ڕۆژنامەنوسی دەکات، نزیکەی سێ ساڵ بەرپرسی لاپەڕەی ئابوری ڕۆژنامەی هاوڵاتی بووە، ئێستا خاوەنی سایتێکی ئابوریە بەناوی برەو.
01-01-2017

ناونیشانی پەڕتووک: قەیرانی دارایی جیهانی 2008 و چارەسەری لە سیستەمی ئابووری ئیسلامی دا
ناوی نووسەر: سەردار عوسمان خدر - عامر عەبدوڵڵا مەجید
ساڵی چاپ: 2009
[1]