عەبدولرەزاق عەزیز میرزا، ساڵی 1945 لە بەغدا لەدایکبووە. ئەو کوڕی بازرگانێکی دەوڵەمەندی بەغدا بوو، بەڵام خەبات گەیاندیە ئەو ئاستەی، کە لە کۆگایەک کاری دەکرد، تا خۆی بژیەنێت. هەمیشە مرۆڤێکی گەشبین بوو. دیارە جگە لە زاراوەی فەیلی، کوردی ناوەند و کرمانجیەکەی، زۆرزۆر باش بوو. کاتێک کە بە کرمانجی دەدوا، وات دەزانی لە قامیشلۆ هاتووە. هەروەک ئینگلیزیی، سویدیی، فارسیی و عارەبیی، بەو ئەندازەیە باش بوو، کە ماوەیەک کاری وەرگێڕی دەکرد. یەکێک بوو لە دامەزرێنەرانی #یەکێتیی نیشتمانیی کوردستان#. چەندین پۆستی حیزبی و حوکومیی بینیوە. ڕۆژی #13-06-2018# لە #سلێمانی# کۆچی دوایی کرد.[1]

ئێمە بە غەمبارییەکی گەورەوە هەواڵی کۆچی دوایی عەبدولڕەزاق میرزا یەکێک لە دامەزرێنەرانی یەکێتی و دۆست و برای خۆمان پێگەیشت. کۆچی دوایی هاوڕێمان عەبدولڕەزاق، کە لە هەموو قۆناغەکانی تێکۆشانی ئازادیی گەلەکەماندا لە باشووری کوردستاندا ڕۆڵی هەبووە، بۆ هەموومان لە دەستدانێکی گەورەیە. ئەو کۆچە ئەمڕۆ هەموومانی تووشی خەم و ئازار کرد، بۆیە خۆمان بە هاوبەشی خەم و ئازاری بنەماڵەکەی و بەڕێوەبەرانی یەکێتیی نیشتمانیی کوردستان دەزانین.
هاوڕێی بەهەشتیمان عەبدولڕەزاق میرزا هەموو ژیانی بۆ تێکۆشان لە پێناو ماف و ئازادیی گەلی کورد دا بەخت کرد. بە کەسایەتیی خۆڕاگر و بەرخۆدێری، کە لە هیچ هەلومەرجێکی قورس و دژواریشدا هەنگاوێکی بۆ دواوە هەڵنەگرتووە، لە دڵی هەموو کوردێکدا جێگەیەکی تایبەتی بۆ خۆی دروستکردووە.
هاوڕێمان عەبدولڕەزاق لە ژیانی تێکۆشەرانەیدا بە هۆشیاری و عەقڵیەتی ئەوەی کە کێشەی کورد لە هەر چوارپارچەی کوردستاندا یەک کێشەیە و بە هیچ شێوەیەک لە یەک جیاناکرێتەوە، ئەرک و کارەکانی بەجێ گەیاندووە. لەبەر ئەوەشە، کە هەموو کات پشتیوانییەکی کارای لە تێکۆشانی پارچەکانی تری کوردستان کردووە و چالاکانە بەشداربووە لە خەباتی یەکێتیی نەتەوەیدا و پشتیوانیی لێکردووە. بەو هۆیەوە دۆستایەتیی عەبدولڕەزاقی برادەرمان لەگەڵ حیزبەکەمان و بەڕێوەبەرایەتییەکەماندا دروستبوو. لەبەر ئەوەی خۆیشی لە کۆمەڵگەی فەیلەییەکان بوو، لە نزیکەوە کاری بۆ چارەسەرکردنی کێشەکانی کۆمەڵگەی فەیلی دەکرد و بە بەردەوامی پشتیوانیی لە سیاسەتەکانی حیزبەکان دەکرد بۆ کۆمەڵگەی فەیلی.
کۆچی دوایی عەبدولڕەزاقی برادەرمان، کە لە هەموو ڕووییەکەوە خاوەنی ژیانێکی پڕاوپڕ لە تێکۆشان بوو، ئێمەی بە قوڵی غەمبارکرد. ئێمە بەو هەست و بیرکردنەوەیەوە، لە خودای گەورە داواکارین بە بەهەشتی بەرینی شاد بکات. سەرەتا خۆمان بە هاوبەشی خەمی بنەماڵە غەمبارەکەی و هەروەها خۆمان بە هاوبەشی ئازاری بەڕێوەبەران و هەموو ئەنجوومەن و ئەندام و لایەنگرانی یەکێتیی نیشتمانیی کوردستان دەزانین، بۆیە سەرەخۆشی لە بنەماڵە، دۆستان و گەلەکەمان دەکەین.
#15-06-2018#