#بافڵ تاڵەبانی#، سەرۆکی #یەکێتیی نیشتمانیی کوردستان# پەیامێک ئاڕاستەی #عومەری سەید عەلی# ڕێکخەری دەست لەکارکێشاوەی #بزووتنەوەی گۆڕان# و چیا نەوشیروان مستەفا کردووە.
پەیامەکەی بافڵ تاڵەبانی تایبەت بووە بە پەیوەندییەکانی نێوان بزووتنەوەی گۆڕان و #پارتی دیموکراتی کوردستان# و بابەتی وەرگرتنەوەی چەند پۆستێکی سنووری #سلێمانی# لە بزووتنەوەکە.
لە پەیامەکەدا بافڵ تاڵەبانی نیگەرانی خۆی نیشانداوە لە زیادبوونی دەسەڵاتی پارتی لەناو بڕیارەکانی گۆڕان و باسی لەوە کردووە، پارتی بە تەواوی دەستی بەسەر بزووتنەوەی گۆڕاندا گرتووە، ئەوەش لە ڕێگەی دوو وزەی گۆڕانەوە کە لە کابینەی نۆیەم پۆستی وزارییان هەیە.
بەشی دووەمی پەیامەکەی بافڵ تاڵەبانی بۆ ئەو دوو بەرپرسەی گۆڕان، تایبەت بووە بە گۆڕانکارییە ئیدارییەکانی سنووری سلێمانی و تێدا باسی لەوە کردووە، کە دوای سەری ساڵ وەک یەکێتی دەست بە گۆڕانکاری لە چەند پۆستێکی ئیداری سنووری سلێمانی دەکەن، بە پۆستی پارێزگاریشەوە. [1]

دەقی پرسەنامەکەی #بافڵ تاڵەبانی#:
بەڕێز کاک عومەری سەید عەلی
بەداخ و خەمێکی قوڵەوە هەواڵی کۆچی دوایی خاتوو (فاتمە عەلی حسێن) خوشکی بەڕێزتانمان پێگەیشت.
بۆ ئەم خەمە، پرسەو هاوخەمی و سەرەخۆشی خۆمان ئاڕاستەی بەڕێزتان و بنەماڵە تێکۆشەرەکەتان دەکەین کە نموونەی بەرزی خەبات و قوربانیدانی گەلەکەمانن.
کەلەمێژووی ڕزگاری خوازی کوردا بەتایبەت شۆڕش نوێ جێ دەست ئێوەو بنەماڵە تێکۆشەرەکەتان لە نەخشی سیاسی و خەباتی شاخ و شارو ڕێکخستن و خۆڕاگرتن لە زینداندا دیارو بەرچاوە.
لەخوای گەورە داواکارین سەبووری وئارامی بە هەموولایەک ببەخشێت و دواناخۆشیتان بێت و ڕۆحی کۆچکردووش بۆ هەمیشە شادبێت.
دڵسۆزتان
بافڵ #جەلال تاڵەبانی#[1]

دەقی پرسەنامەکەی #قوباد تاڵەبانی#:
بەڕێز کاک عومە ڕی سە ید عە لی
بە داخە وە هەواڵی کۆچی دوایی خاتوو (فاتمە عە لی) خوشکی بە ڕێزتانمان پێگە شت و دڵگران و نیگەران بووین.
لەم بۆنە خەمناکەدا پرسە و سەرەخۆشی لە جە نابت و خانەوادە شۆڕشگێڕەکەتان دەکەم و هاوبەشی خەمتانم.
لە خوای گەورە داواکارم سەبوریی و دڵنەوایی بەهەموو لایەک ببەخشێت، جێگای کۆچکردووش بەهەشتی بەرین بێت.
انا لله وانا الیە ڕاجعون
قوباد تاڵەبانی
جێگری سەرۆکی ئەنجومەنی وەزیران[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

بیرەوەریەکانی مستەفا چاوڕەش
زیندانیکردنی عومەر سەید عەلی لەلایەن پارتیەوە ساڵی 1973

ڕۆژیکیان هەینی بوو، لەسەر شەقامی مەولەوی چاوم بە کاک بەکری حاجی فەرەج و بێستون مەلا عومەر کەوت. پاش چاکوچۆنی وتیان ئیشمان هەیە، ئەمرمان پێکراوه و دەچین کەسێک دەگرین . من نەمدەزانی کێیە، وتم منیش ئیشم نییە ، لەگەڵتان دێم. لە ڕووی هاوڕێیەتییەوە وام وت. وتیان نابێ کەس بزانێ، وایان باس کرد.

سواری جێبەکەی محەمەد ڕەحیم بووین. ڕۆیشتین و لە تەیناڵ تێپەڕیین. وتیان دەچین بۆ دێی هەیاسی. دوو هەیاسی هەیه، سەروو و خواروو. کە چووینە ئەوێ، ئەوان ناوەکەیان دەزانی. لەوێ وتیان ڕۆیشتووەتەوە بۆ سلێمانی. ئیتر ئێمەش گەڕاینەوە. پێش ئەوەی بگەینە تەیناڵ، لە ڕێگە چەند کەسێک بە پێ بەره و تەیناڵ دەڕۆیشتنەوە. دیار بوو بەکری حاجی فەرەج و بێستون دەیانزانی کێیە. کە پێیان گەیشتین، سڵاومان کرد. بە عومەری سەید عەلییان وت سەرکەوە لەگەڵمان. من تاکو ئه و کاتەش و دوای ئەوەش نەمزانی کێیە. بردمان بۆ سوورداش بۆ لای هێزی ڕزگاری. ڕەئیس عەبدوڵڵا ئامرهێز بوو. بەکری حاجی فەرەج دەستی کردە ملی و سەرکەوت، چونکی پێی وترابوو نابێ کەس بزانێ. ئێمە گەڕاینەوە سلێمانی. وتیان بڕۆن بیهێنن بۆ چوارتا. من خۆشم لێپرسراوی بارەگاکەی چوارتا بووم. گەڕاینەوە، چووینە سوورداش. لە سجن دانرابوو. لە بیرمە ملازم سەردار دەلەوی لەوێ بوو. هەر ئه و شەوە هێنامان بۆ چوارتا. تاکو ئه و ساتە عومەری سەید عەلیم نەناسیووە چییه و کێیە، لەبەر هاوڕێیەتی لەگەڵیان چووم. ئیتر من هاتمە دەرەوە، لای ژوورەکەی جەمال قاسم وەستابووم. وتی نازانم بۆچی منیان هێناوە، جەمال قاسم وتی غێر مارکسییەتەکە. کە وای وت، من لام سەیر بوو، چونکی وتیان خەتەره و پیاوی حکومەتە. ئەمە مانای چی؟ ئیتر کە هاتە دەرەوه، من خۆم قسەم لەگەڵ کرد وتم بۆچی تۆ لەسەر مارکسییەت گیراوی؟ وتی بەڵێ. وتم گوێ مەدەرێ من خۆم هەمووی مانگێک دەبێ لە حیزبێکی مارکسی وازم هێناوه. یانی چی خەڵکی مارکسی بگرم؟ ئیتر نازانم چییان لێپرسیووە و چیی وەڵام داوەتەوە. وتم گوێ مەدەرێ، من براتم لێرە.

زیندانیکردنی عومەر سەید عەلی

لە کۆمەڵگای کوردیدا هەر کەسێک کە دەگیرێ، حسابی بەندی بۆ دەکرێ. ئەویش کە لە ژوورەوە بوو، نە من ئەوم دەناسی نە ئەویش منی دەناسی؛ خۆی ماوە لە ژیان. من زۆر هاوکاریم کرد ئه و چەند ڕۆژه: 1- کتێبێکم بۆ بردە ژوورەوە عشرة أیام هزة العالم کە ئەمە مەگەر هەر لای مارکسییەکان و شیوعییە کان دەست بکەوێت، لە بارەگای پاراستن شتی وا هەر نییە ، هەشبێت بۆ زیندانی نییە . 2- نامەیەکم لێوەرگرت بۆ شێخ حامد کە خزمی بوو، بە دزییەوە ناردم بۆ ئەوەی بزانن گیراوه. هەر ئەوەش وایکرد زوو بەریان دا. 3- نەمهێشت لە زیندان ئیشی پێبکەن، ئیش هەر بە زیندانی دەکرێ. له و سەردەمەشدا چەند کەسێکی تر گیرابوون. وتیان ڕەوانەی بارەگای بارزانییان دەکەن. ئەمیشیان هێنا وامزانی ڕەوانەی سەرەوەی دەکەن. بە دزییەوه سێ دیناری ئه و کاتەم دایە. وتم نەک پارەی پێنەبێ. کاک عومەر ئێستا دەڵێت دینارێک بووه. ئەگەر دینارێک بێت یان زیاتر و کەمتر، مەبدەئی کارەکە حەق حسابی بکات. هەرچەند بێ، ئەو کاتە زۆر بووە. خۆشمان له و سەردەمەدا ڕەنگە چەند دینارێکمان پێبووبێ. کە هێنایانن، سواری سەیارەکەی یەکێتیی جوتیارانیان کردن، ئەمیان بەره و سلێمانی بردەوە. ئەوانی تریش ڕەوانەی سەرەوە کران بەره و گەڵاڵە و حاجی هۆمەران و ناوپردان. ئەوانیش حەمەی حەمە تالیب و ئەحمەدی برای بوون. ئەمان کە گیرابوون، فێلیان لێکردبوون. پێیان وتبوون وەرن کاک شەکیب عەقراوی ببینن، کاک عەبدوڵڵا مەلا ساڵح خزمیان بوو، فێڵیان لەویش کردبوو. کاک عەبدوڵڵا ویستبووی وەک کوردێکی دڵسۆز خزمەت بکات، کەوتبووە بەینەوە لە حکومەتیان دوور بخاتەوە و خزمەت بە شۆڕش بکەن. وەعدیان دابوویه، بەڵام دوایی وا دەرنەچوو. هەر ئه و شەوە کاک عەبدوڵڵا زۆر هەوڵی دا، وتی نامەردیتان لەگەڵ کردووم. قسەی زۆری کرد، حەقیشی بوو. بەڵام گوێیان لێنەگرت. ئەمە هەمووی محەمەد ڕەحیم کردبووی. غەدریان لێکرا، هەرچەند کاک عەبدوڵڵا وتی عەیبه و نامەردییە و بۆ من ناخۆشه، بەڵام ئەوان نەیانبیست.

#بافڵ تاڵەبانی#، سەرۆکی #یەکێتیی نیشتمانیی کوردستان# بە یاوەری #ڕەفعەت عەبدوڵڵا#، بڕیاردەری دەستەی کارگێڕی و فەرید ئەسەسەرد، سکرتێری ئەنجوومەنی سەرکردایەتی، سەردانی #بزووتنەوەی گۆڕان#ی کرد و لەلایەن #عومەر سەید عەلی# و وەفدێکی باڵای بزووتنەوەکەوە پێشوازیلێکرا.
لە کۆبوونەوەکەدا دوایین گۆڕانکارییە سیاسی و ئابوورییەکانی هەرێم تاوتوێکران و جەخت لە پاراستنی یەکڕیزی و لێکتێگەیشتن کرایەوە لەپێناو چارەسەرکردنی کێشەکان و زاڵبوون بەسەر ئاڵنگارییەکاندا.
لە درێژەی کۆبوونەوەکەدا پتەوترکردنی پەیوەندییەکانی نێوان هەردوولا جەختیلێکرایەوە و خێراترکردنی هەنگاوەکان بۆ چارەسەرکردنی کێشەکان لە #بەغدا# لەچوارچێوەی دەستوور و دەستبەرکردنی ژیانێکی شایستە بۆ خەڵک بەپێویست زانرا. [1]

#عومەر سەید عەلی#، ڕێکخەری دەست لە کارکێشاوەی #بزووتنەوەی گۆڕان# نیگەرانە لە بەرپرسانی بزووتنەوەکەی و بەو هۆیەشەوە هەرێمی کوردستانی جێهێشتووە.
بەپێی ئەو زانیارییانەی تایبەت لە سەرچاوەیەکی بزووتنەوەی گۆڕانەوە دراوە بە بوار، چوونە دەرەوەی عومەر سەید عەلی پەیوەندی بە نیگەرانییەکانییەتی لە دۆخی بزووتنەوەی گۆڕان هەیە.
لە کۆتا جار کە قسەی لەگەڵ بەرپرسانی گۆڕان کردووە، جەختی کردووەتەوە، کە ئەو دۆخەی قبووڵ نییە و ناشیەوێت بەو شێوەیە بە تەواوی دەستبەرداری گۆڕان بێت.
زانیارییەکان باس لەوەش دەکەن، عومەر سەید عەلی بۆ بەرپرسانی گۆڕان، جەختی لەوەش کردووەتەوە کە دەبێت کۆنفرانسی نیشتمانی ببەسرێت و داواشی کردووە، ئەو نەکەنە بەشێک لە ململانێکان و یەکێک بۆ بەرێوەبەردنی گۆڕان هەڵبژێرێن، ئەوکات ئەویش دەستبەرداری هەموو شتێکی گۆڕان دەبێت بۆ ئەو کەسە.
چەند مانگێکە بەهۆی ئەو نیگەرانییانەوە عومەر سەید عەلی هەرێمی کوردستانی بەرەو سوید جێهێشتووە و بڕیاریداوە نەگەڕێتەوە هەرێم، تا دۆخی گۆڕان یەکلایی دەکرێتەوە. [1]

#عومەری سەید عەلی# ڕێکخەری دەستلەکارکێشانەوەی #بزووتنەوەی گۆڕان# شکستی بە ڕێککەوتنێکی #قوباد تاڵەبانی# و چیا نەوشیروان مستەفا هێناوە.
قوباد تاڵەبانی جێگری سەرۆکی حکومەتی هەرێم لە پشکی یەکێتی لەگەڵ چیا نەوشیروان مستەفا گفتوگۆی کردووە، بۆ گۆڕانکاری لە پۆستە ئیدارییەکانی سنووری #سلێمانی# بەو پۆستانەشی لای گۆڕانن.
عومەر سەید عەلی، کاتێک بەو ڕێککەوتنەی زانیووە، لە ڕێگەی تیمی گۆڕان لە حکومەتی هەرێم شکستی بە ڕێککەوتنەکە هێناوە و ڕێگری کردووە، لەوەی گۆڕانکاری لە پۆستەکانی بزووتنەوەکەی بکرێت.
پاشگەزکردنەوەی #زانا ڕەحمان ڕەحیم# قایمقامی #پێنجوێن#یش لە دەستلەکارکێشانەوەکەی، پەیوەندی هەر بەو بابەتەوە هەبووە و فشارەکان بۆ پاشگەزبوونەوەکەی عومەری سەید عەلی لە پشت بووە. [1]

لە ساڵی 1945 لە گەڕەکی شێخان لە #سلێمانی# لەدایکبووەو خانەی مامۆستایانی تەواو کردووە.
ساڵی 1976 بە شەش ساڵ زیندانی سزا دەدرێت، دوای سێ ساڵ لەتەواوی کردنی زیندان بەر لێبوردنی گشتی دەکەوێت و ئازاد دەکرێت.
دوای ئازادبوونی لە زیندان بە ئەندامی سەرکردایەتی #کۆمەڵە#، سەرکردایەتی یەکێتی هەڵبژێردراوە.
لە ساڵی 1980 بەهۆی بۆردومانی فڕۆکە لە بناری #کێوەڕەش# بریندار بووە، پاشان ڕەوانەی سوید کراوە هەر لەوکاتەوە سەرپەرشتی ڕێکخستنەکانی یەکێتی کردووە لە ئەوروپا.
لە هەموو کۆنگرەکانی یەکێتی بە ئەندامی سەرکردایەتی و پاشان مەکتەبی سیاسی هەڵبژێردراوە.
ساڵی 1992 بووەتە ئەندامی #پەرلەمانی کوردستان#.
ساڵانێکیش لێپرسراوی مەڵبەندی سلێمانیی یەکێتی بوو.
ساڵی 2009 لەگەڵ #نەوشیروان مستەفا# و قادری حاجی عەلی و #عوسمانی حاجی مەحمود# و #محەمەد تۆفیق ڕەحیم# و #مستەفا سەید قادر#، دەستی لە ئەندامێتی مەکتەبی سیاسی یەکێتی کێشایەوە و بۆ هەڵبژاردنەکانی 2009 لەسەر لیستی گۆڕان خۆی کاندید کرد و دواتر کشایەوە.
پێش ئەوەی بەرێکخەری گشتی گۆڕان هەڵبژێردرێت، سەرپەرشتیاری فراکسیۆنەکانی گۆڕان بووە.
لە ڕۆژی 25-07-2017 بووە ڕێکخەری گشتیی #بزووتنەوەی گۆڕان#.
دەست لەکارکێشانەوە
عومەری سەید عەلی لە 13ی تشرینی یەکەمی 2021 بەھۆی ئەنجامە خراپەکانی بزووتنەوەی گۆران لە ھەڵبژاردنی پێشوەختەی ئەنجومەنی نوێنەرانی عێراق لە 2021 کە نەیتوانی ھیچ کورسییەک بەدەست بھێنێت و لە ھەمان کاتدا وەک ھەڵگرتنی بەرپرسیارێتیی ئەو شکستە سیاسییەی گۆڕان، لەگەڵ ئەندامانی جڤاتی نیشتمانی بزووتنەوەکە بە شێوەی گشتی دەست لە کارکێشانەوەیان ڕاگەیەندرا.

مەسروور بارزانی، سەرۆکی حکوومەتی هەرێمی کوردستان، سەرەخۆشی لە عومەر سەید عەلی دەکات بۆ کۆچی دوایی هاوژینی.
=KTML_Bold=دەقی پرسەنامەکەی سەرۆکی حکوومەتی هەرێمی کوردستان:=KTML_End=
بەڕێز #عومەری سەید عەلی#
بۆ کۆچی دوایی هاوژینی بەڕێزتان خوالێخۆشبوو (نازەنین ئەبابەکر کەریم)، پرسە و سەرەخۆشیتان لێ دەکەم و هاوبەشی خەمتانم. خوای مەزن گیانی بە بەهەشت شاد بکات و سەبر و ئارامییش بە بنەماڵە بەڕێزەکەتان ببەخشێت. [1]

#مەسرور بارزانی#
سەرۆکی #حکومەتی هەرێمی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

رێکخەری گشتی #بزووتنەوەی گۆڕان#، #عومەر سەید عەلی# فراکسیۆنی گۆڕان ئاگاداردەکاتەوە کە هیچ لێدوانێک لە دژی مەسرور بارزانی و #پارتی دیموکراتی کوردستان# نەدەن.
⚠️ تێبینی: کوردیپێدیا لە دروستیی ئەم بەڵگەنامەیە دڵنیا نییە، هۆکاری بڵاوکردنەوەی بۆ ئەوەیە کە لە پاشەڕۆژدا ڕاستی و دروستیی ئەم بەڵگەنامەیە بسەلمێدرێت.