خوشک و برایانی دەزگای چاپ و پەخشی سەردەم.. سڵاو:
(بە ئەوپەڕی داخەوە، کۆچی دوای مامۆستا شێرکۆ بێکەس دڵی من و خانەوەدەکەمی هەژاند. تکادەکەم ئێمە لە خەمی گەورەی خۆتان بەشدار بکەن. براتان عەلی سەیفی قازی 05-08-2013).

محەمەد حسێن سەیفی قازی ناسراو بەحەمەحسێن خان ساڵی 1911 لە شاری #مەهاباد# لەدایکبووه.
میرزا حسێن سەیف و لقوزات، باوکی حەمەحسێن خان، یەکێک لەپیاوەزانا و ناسراوەکانی کوردستان بووه. لەهۆنراوەو نووسیندا دەستێکی زۆر باڵای هەبووه، هۆنراوەکانی بە کوردی و فارسی لەکاتی خۆیدا دەستاو دەست دەگەڕان و لەناو خەڵکدا زۆر بەنرخ بوون.
حەمەحسێن خان لەژێر دەستی باوکێکی زانا و نیشتمانپەروەردا پێگەیشتبوو. ئامۆزای پێشەوا قازی محەمەد و یەکێک لە دامەزرێنەرانی پارتی دیموکرات بوو.
لە سەردەمی کۆماری کوردستاندا، کرا بەشالیاری بەرگری و تا گیران و شەهید بوونی هەر لەسەر ئەم کارەبوو.
حەمەحسێن خان لە دادگادا زۆر پیاوانەلەبیروباوەڕی دیموکراتانەی خۆی، لەکۆماری کوردستان، لەپێشەوای کورد قازی محەمەد بەرگری کرد و شانازی پێدەکرد، کە ئەو لەسەر ئازادی نەتەوەکەی دادگایی دەکرێت.
شەوی 30ی 3ی 1947 پێشەوا قازی محەمەد و سەدری قازی و حەمەحسێن خان لە چوارچرای شاری مەهاباد لەسێدارەدەدرێن.[1]

پێشوازی لە هاتنی میر جەعفەر باقرۆف بۆ تەورێز. محەمەد حوسێنی سەیفی قازی بە نیشانەی x دیاری کراوە" ئەمن پێم وانییە ئەم وێنەیە پێوەندی بە هاتنی " باقرۆف " ەوە هەبێ، چونکوو ئەو لە سەردەمی دەستەڵاتی حکوومەتی ئازەربایجاندا نەهاتووەتە تەوڕیز،بەڵکوو وەکوو مێژوونووس جەمیل حەسەنلی باس دەکا ساڵی 1941 چووەتە تەورێز.

ژەنەراڵ مایۆر محەمەد حوسێنی سەیفی قازی وەزیری هێزی دێمۆکڕاتی کوردستان و پۆدپۆڵکۆڤنیک سەڵاحەدین عیسا زادە (کازمۆڤ) ڕاوێژکاری نیزامی کۆمار و قارەمانی نەتەوەیی سۆڤیێت. کازمۆڤ بە ڕەچەڵەک لە کوردەکانی شووڕەوی بوو و لەو سەردەمانەی کە لە مهاباد بوو بە 'کاکاغا' بە نێوبانگ بوو.

ژەنەڕاڵ مایۆر محەمەد حوسێنی #سەیفی قازی# وەزیری هێزی دێمۆکراتی کوردستان و ژەنەڕاڵ مایۆر حەمەرەشیدخانی قادرخانزادە فەرماندەی هێزی #بۆکان# و مەنتەقە لە سەرا و ئەحمەد خانی فاروقی (سالار، ئەحمەدخانی خەلیل خان) معاونی فەرماندەی هێزی بۆکان و مەنتەقە)
ئەم وێنەیە دەبێ لە کاتی هاتنی حەمە ڕەشید خان بۆ #مەهاباد# لە خاکە لێوەی ساڵی 1325 یان لە دێی سەرا، بنکەی فەرماندەیی حەمەرەشیدخانی قادر خانزادە هەڵگیرابێ. ئەم وێنەیە هاوکات نییە لەگەڵ چوونی سەیفی قازی بۆ سەرلێدانی جەبهەی #سەقز# (14 تا 18ی پووشپەڕی 1325)، چونکو لەو ڕۆژانە دا ئەحمەد خانی فارووقی (ریزی پێشەوە لە ڕاستەوە نەفەری یەکەم) لە سەرا نەبووە.

ئەم وێنەیە لە 15 یان 16ی پووشپەڕی 1325ی هەتاوی لە کاتی سەرلێدانی وەزیری هێز لە جەبهەی سەقز هەڵگیراوە. ئەو کەسەی جیپەکە لێدەخورێ ژەنەڕاڵ مایۆر حەمەحوسێنی سەیفی قازی،ئەوەی دەناو جیپەکە دا بە دەست ئاماژە دەکا،سەرلک (مایۆر) محەمەدئەمینی شەڕەفی، ئەوکەسەی بە جلوبەرگی مەدەنی لە پشت جیبەکە دانیشتووە سەرپۆلی 2 میرحاج ئەحمەدە.
ئەو گەنجەی بە جلکی مەدەنییەوە پاڵی بە ئۆتۆمۆبیلی دوویەمەوە داوە: هاشمی ماملێ یە.
ئەو پێشمەرگەیەی پشتی لە ئوتۆمبیلی دوویەمە و تفەنگی دە شانی دایە کوێخاحمەدی سەراو، پێشمەرگەی پاسەوانی سەیفی قازی یە.

ئەم وێنەیە دەبێ لە نێوان ڕێکەوتی 1325.4.14 و 1325.4.18 دا هەڵگیرابێ.
ریزی یەکەم لە ڕاستەوە بۆ چەپ: 1.نەناسراو.2.سەرپۆلی 2 مستەفا خۆشناو، 3.ژەنەڕال مایۆر محەمەد حوسێنی سەیفی قازی، وەزیری هێزی کوردستان،4. ژەنەڕاڵ مایۆر مستەفا بارزانی فەرماندەی هێزی بارزانییان،5. سەرپۆلی 2 بەکر عەبدولکەریم (حەوێزی)، 6. کاک مامەندی قادری،7. مووسا خانی زەرزا،8.سەربەرز (کاپیتان) محەمەدی ئەسحابی
ڕیزی دوویەم: لە ڕاستەوە بۆ چەپ: 1.نادیار، 2.سەرلک (مایۆر) محەمەدئەمینی شەڕەفی،
3.سەرپۆلی 2 میرحاج ئەحمەد،4.سەرلک (مایۆر) نووری ئەحمەد تەها،5.نەناسراو.6.سەربەرز(کاپیتان) عەلی خانی فرووزش.

لە ڕاستەوە بۆ چەپ: سەیفی قازی، پێشەوا و سەدری قازی

له دایکبووی : #مەهاباد# 1911
کاتی شەهیدبوون : 1947.03.30
شوێنی شەهیدبوون : مەهاباد
شوێنی گڵکۆ : مەهاباد
چۆنیەتیی شەهیدبوون : ئێعدام
وەزیری بەرگری کۆماری کوردستان
محەممەد حوسێن سەیفی قازی ناسراو به حەمەحوسێن خان ساڵی1911لە شاری مەهاباد لە دایک بوو.میرزا حوسێن سەیف ولقوزات، باوکی حەمەحوسێن خان یەکێک لە پیاوە زاناو ناسراوەکانی کوردستان بوو.لە شێعر و نوسیندا دەستێکی زۆر باڵای هەبوو، شێعرەکانی بە کوردی و فارسی لە کاتی خۆیدا دەستاودەست دەگەڕان و لە ناو خەڵکدا زۆر بە نرخ بوون.حەمەحوسێن خان لە ژێر دەستی باوکێکی ئاوا زاناو نیشتمانپەروەر دا پێگەیشت بوو. ئامۆزای پێشەوا قازی محەممەد و یەکێک لە دامەزرێنەرانی حیزبی دێموکڕاتی کوردستان بوو. لە سەر دەمی کۆماری کوردستاندا، کرا بە وەزیری بەرگری و تا گیران و شەهید بوونی هەر لە سەر ئەم کارە بوو.حەمەحوسێن خان لە دادگادا زۆر پیاوانە لە بیرو باوەڕی دێموکڕاتانەی خۆی، لە کۆماری کوردستان، لە پێشەوای کورد قازی محەممەد دیفاعی کرد، وە شانازی پێ دەکرد کە لە سەر ئازادی نەتەوەکەی دادگایی دەکرێ. شەوی30ی3ی1947 پێشەوا قازی محەممەد و سەدری قازی و حەمەحوسێن خان لە چۆارچرای شاری مەهاباد لە سێدارە دەدرێن. ئەم ڕۆژە، یانی دەی خاکەلێوە بە ڕۆژی شەهیدان نێودێر کراوە.

ئەم وێنەیە لە یەکێک لە سەفەرەکانی سەیفی قازی بۆ باکۆ هەڵگیراوە. بە پێی نووسینی ئیگلتن دوایین سەفەری سەیفی قازی بۆ باکۆ لە مانگی نۆڤامبری ساڵی 1946 دا بووە.