بیست و نۆ ساڵ بەر لە ئێستا و لە #03-01-1993# لەدوای دانپێدانانی پەڕڵەمانى کوردستان بەشێوەیەکى فەرمى، ژمارەیەک پارێزەرى کوردستان، وەکوو ئەرکێکى نیشتمانیى و کوردستانیى و پیشەییانە، سەندیکاى پارێزەرانى کوردستانیان دامەزراند.
لەدوای دامەزراندنی سەندیکاکە، سەرۆک مام #جەلال تاڵەبانی# وەک یەکەم کەس بووە بە هەڵگری ناسنامەی ژمارە یەکی سەندیکای پارێزەرانی کوردستان.
ڕۆژى پارێزەرانى کوردستان، لە ڕێکەوتى (3-1) ى هەموو ساڵێک یاد دەکرێتەوە و سەندیکاکە نزیکەی 13 هەزار ئەندامی هەیە، پێنج لقی لە #هەولێر#، #سلێمانی#، #کەرکووک#، #دهۆک# و #هەڵەبجە#دا هەیە. [1]

#سەندیکای پارێزەرانی کوردستان# لە ئاگادارینامەیەکدا، وەک ناڕەزاییەک بەرانبەر ئەو دەستدرێژییەی دژی پارێزەر #محەمەد یابە سۆفی# کراوە، داوا لە سەرجەم پارێزەرانی کوردستان دەکات سبەینێ یەکشەممە #16-04-2023# کاتژمێر 11 ی بەیانی لە بەردەم گشت دادگاکانی کوردستان ئامادەبن بۆ دەربڕینی ناڕەزاییی دژی ئەنجامدەرانی ئەو تاوانە و پاڵپشتیکردنی پارێزەری هاوپیشەمان .
=KTML_Bold=دەقی ئاگاداریەکەی سەندیکای پارێزەرانی کوردستان:=KTML_End=

بۆ گشت پارێزەران وەک ناڕەزاییەک بەرانبەر ئەو دەستدرێژییەی دژی پارێزەر محەمەد یابە سۆفی کراوە، داوا لە گشت پارێزەرانی کوردستان دەکەین، بەیانی ڕۆژی یەکشەممە ڕێکەوتی 16-04-2023 کاتژمێر 11ی بەیانی لە بەردەم گشت دادگاکانی کوردستان لە هەموو شار و شارۆچکەکانی کوردستان ئامادەبن بۆ وەستانی ناڕەزاییی دژی ئەنجامدەرانی ئەو تاوانە و پاڵپشتیکردنی پارێزەری هاوپیشەمان. [1]

#سەندیکای پارێزەرانی کوردستان#

11-12-2019

لە چەند شەوی ڕابردوودا لە #هەولێر# پارێزەرێک لەلایەن ژمارەیەک چەکدارەوە ڕفێنرا و پاش ئازار و ئەشکەنجەدانێکی زۆر گرتەی ڤیدیۆیشی تۆمارکرا، پۆلیسی هەولێر ڕایگەیاند تۆمەتباری سەرەکی دەستگیرکراوە، بەڵام سەندیکای پارێزەران دەڵێت: تا ئێستا #16-04-2023# تۆمەتباری سەرەکی هێرشکردنە سەر پارێزەرەکەی هەولێر دەستگیرنەکراوە. لە چەند شەوی ڕابردوودا لە هەولێر پارێزەرێک بەناوی #محەمەد یابە سۆفی# لەلایەن ژمارەیەک چەکدارەوە ڕفێنرا و پاش ئازار و ئەشکەنجەدانێکی زۆر ئازاد کرا، کەسوکارەکەی ئاماژە بەوە دەکەن، ئەو پارێزەرە سەرباری لێدان و ئازار و ئەشکەنجەدانی لەلایەن چەکدارەکانەوە گرتەی ڤیدیۆیشی تۆمارکراوە و هەڕەشەشی لێکراوە ئەگەر بێت و لەدوای ئازادکردنی بێدەنگ نەبێت تۆمارە ڤیدیۆییەکەی بڵاوی دەکەنەوە و هەڕەشەی کوشتنیان لە کەسوکارەکەی کردووە. برای پارێزەرەکە لای خۆیەوە تەئکیدی کردەوە، سوڵحی عەشایەری ناکەین و ڕەتیدەکەینەوە. سەندیکای پارێزەرانیش ئاشکرایکرد، تا ئێستا تۆمەتباری سەرەکی هێرشکردنە سەر پارێزەرەکەی هەولێر دەستگیرنەکراوە. لە ماوەی کەمتر لەمانگێکدا ئەمە دووەمین حاڵەتی ڕفاندن و سەرتاشین و سووکایەتی پێکردنی هاووڵاتییانە لە شاری هەولێر، ئەوەش پاش ئەوەی هونەرمەندێکی میلی لەلایەن کادرێکی پارتییەوە لەو شارە دوای ڕفاندنی سەری تاشرا و گرتەی ڤیدیۆشیشی تۆمار کرا. [1]