$باشووری کوردستان$
- هاوکات لەگەڵ سەردانەکەی مەولود چاوشئۆغڵو، وەزیری دەرەوەی تورکیا بۆ هەرێمی کوردستان، سوپای تورک بۆردوومان و تۆپبارانی گوندەکانی #برادۆست# دەکات. کاتژمێر 12:00ی نیوەڕۆ، گوندی بێرکم بۆردوومان و گوندی خەلیفان سنووری برادۆست لەلایەن سوپای تورکەوە تۆپباران کرا. بۆردوومان و تۆپبارانەکان زیانی گیانیی بەدواوە نەبووە، بەڵام زیانی سروشتی ناوچەکە گەیاندووە.[2]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/286879/0005.JPG=KTML_ImageCaption_Title=رێوڕەسمی سوێندخواردنی نێچیرڤان بارزانی=KTML_ImageCaption_CaptionStyle=000000=KTML_ImageCaption_Caption=رێوڕەسمی سوێندخواردنی نێچیرڤان بارزانی=KTML_ImageCaption_End=
- #بەرهەم ساڵح# بۆ بەشداریکردن لە سوێندخواردنی سەرۆکی هەرێم گەیشتە #هەولێر#.[1]
- وەزیری دەرەوەی تورکیا و شاندێکی باڵای ئێران بۆ بەشداریکردن لە سوێندخواردنی #نێچیرڤان بارزانی# وەک سەرۆکی هەرێم گەیشتنە هەولێر. مەهدی ئەکەر پەرلەمانتاری ئاکەپە، هاکان کاراچای کۆنسوڵی تورکیا لە هەولێر، فاتیح یڵدز باڵێۆزی تورکیا لە بەغدا یاوەرەکانی چاوش ئۆغڵو بوون.[1]
- پاش ئەوەی لە تەمەنی هەشت ساڵیدا منداڵێکی ئێزدی لەگوندی کوچۆ سەر بە شارۆچکەی #شنگال# لەلایەن چەکدارانی #داعش#ەوە ڕفێندرا، دوای پێنج ساڵ لە کەمپی هۆلێ لە سوریا دۆزرایەوە. ئەو منداڵە ئێزدییە ناوی (حازم قاسم عەفدو)یە کە ئێستا تەمەنی 13 ساڵە، لە کەمپی چەکدارانی داعش لە سوریا دۆزراوەتەوە و دراوەتەوە بە ماڵی ئێزدییەکان لە هەرێمی جزیرەی ڕۆژئاوای کوردستان.[3]
- بڕیاربوو ئەمڕۆ کاتژمێر 11:00 کۆمەڵیک لە ڕۆشنبیر، ڕۆژنامەنووس، نووسەر و کەسایەتیی دژ بە داگیرکاریی دەوڵەتی تورک لە کۆنگرەیەکی ڕۆژنامەنووسییدا بەیاننامەیەکی هاوبەش بخوێننەوە، بەڵام ئاسایش ڕێگای پێنەدان. ئاسایشی #سلێمانی# بە بیانووی نەبوونی مۆڵەت ڕیگریی کرد، لەکاتێکدا بەستنی کۆنگرەی ڕۆژنامەنووسیی پێویستیی بە مۆڵەت وەرگرتن نییە.[2]
- بەپێی هەواڵێکی سایتی ژیان، #بافڵ تاڵەبانی# مەراسیمی سوێندخواردنی سەرۆکی هەرێمی کوردستان-ی لە شاری هەولێر جێهێشت. بەپێی هەواڵەکە، بافڵ تاڵەبانی، بەهۆی شوێنی دانیشتنەکەیەوە لەتەنیشت #ئیدریس نێچیرڤان بارزانی# توڕە دەبێت و بەشداری مەراسیمی سوێند خواردنی نێچیرڤان بارزانی ناکات و گەڕایەوە.[2]
- سەرۆکی فراکسیۆنی #نەوەی نوێ# لە پەرلەمانی هەرێمی کوردستان ڕایدەگەێنێت، سوێندخواردنی سەرۆکی هەرێمی کوردستان پێویستی بە کۆشک و تەلار و ئاهەنگ گێرا نەبوو، دەشڵێت پێویستە پەرلەمان کار لەسەر داخوازییەکانی خەڵک بکات، نەک مەراسمی لەو شێوەیە.[2]
- لە ئەنجامی ئاگرکەوتنەوە لە گوندی سفەیەی سەر بە شارۆچکەی خەبات لە سنووری پارێزگەی هەولێر سەدان دۆنم دەغڵودانی جووتیاران سووتا.[4]
$رۆژئاوای کوردستان$
- سەربازانی تورکیا لە ناوچەی سەرێکانی ئاگریان لە دەغڵودانی هاوڵاتییان بەردا. هەروەها بە هۆکاری نادیار لە تربەسپی ئاگرێکی گەورە کەوتەوە.[4]

$رۆژهەڵاتی کوردستان$
- ژمارەیەک لە #کۆڵبەر#انی کورد لە ناوچەی سێ #چۆمان#ی شاری #پیرانشار#، کرانە ئامانجی تەقەی ڕاستەوخۆی هێزەکانی سپای پاسداران و لە ئاکامدا، چەند کۆڵبەرێک کوژران و بریندار بوون. شوناسی دوو کەس لەو کۆڵبەرانە کە گیانیان لەدەست داوە بە ناوەکانی خالید سەلیمی، خەڵکی شاری #سەردەشت# و ئاکام باردڵ، خەڵکی شاری #مەهاباد#، ڕاگەیەندراوە.[6]=KTML_Photo_Begin=https://www.kurdipedia.org/files/relatedfiles/2019/284075/0033.JPG=KTML_Photo_Alt=پرسەی یەک لە کۆڵبەرەکان=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2019/284075/0033.JPG=KTML_Photo_End=
- بە هۆی شەڕ و دەمەقاڵێ لە نێوان چەند هاووڵاتی لە شاری #سنە#دا، دوو هاووڵاتی کوژران و هاووڵاتییەکی دیکەش بریندار بوو.[6]
- ستوان یەکەم، ئیبراهیم ئاخوندزادە، ئەندامی #سوپای پاسداران#، لە نزیک گوندی سێگرکی شاری چاڵدێران، لە شەڕ و تێکەڵچوونێکدا، کوژرا. ئەو ئەندامەی سپای پاسداران، خەڵکی شاری ئاواجیقی سەر بە شاری چاڵدێرانە و میدیا حکوومەتییەکان ئەم شەڕ و تێکەڵچوونەیان، خستووەتە ئەستۆی حیزبە کوردییەکانی ئۆپۆزسیۆنی حکوومەتی ئێران.[6]
$باشووری کوردستان$
- #پەڕڵەمانی کوردستان# بۆ هەڵبژاردنی سەرۆکی هەرێم کۆدەبێتەوە. فراکسیۆنەکانی #یەکێتیی نیشتمانیی کوردستان#، #کۆمەڵی ئیسلامی#، #یەکگرتووی ئیسلامی# و #نەوەی نوێ# دەنگیان بەکاندیدەکەی پارتی نەدا و فراکسیۆنەکانی #بزووتنەوەی گۆڕان# و پارتی و کەمینەکانی پەرلەمان دەنگیان بە #نێچیرڤان بارزانی# دا و بە 68 دەنگ لە 81 بووە سەرۆکی هەرێمی کوردستان.[1]
- سەرچاوەکان باس لە قەیرانێکی تری سیاسی دەکەن لە باشووری کوردستان، بەهۆی دەنگنەدانی یەکێتی بۆ کاندیدی پارتی و ئاڵۆزیی گەورە لەنێوان پەیوەندییەکانی پارتی و یەکێتیدا دروستبووە.[1]=KTML_Photo_Begin=https://www.kurdipedia.org/files/relatedfiles/2019/284075/0011.JPG=KTML_Photo_Alt=لە تۆڕە کۆمەڵایەتییەکانەوە: 28-05-2019=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2019/284075/0011.JPG=KTML_Photo_End=
- وتەبێژی یەکێتیی نیشتمانیی کوردستان ڕایدەگەیەنێت، سبەینێ ئەنجومەنی سەرکردایەتی یەکێتیی نیشتمانیی کوردستان کۆدەبێتەوه و تاوتوێی پڕۆسەی سیاسی لە هەرێمی کوردستان و هەڵوێستی ئایندەی یەکێتی دەکات.[5]
- کۆپتەر و فڕۆکە جەنگییەکانی سوپای تورک دەورووبەری چەمی لۆلان و چیای شەکیف-یان بۆردمانکرد. هێرشەکە بە 30 کۆپتەر و فڕۆکە جەنگی ئەنجامدرا. سوپای تورک دوای بۆردومانەکە سەربازی لەسەر چیای شەکیف دابەزاند.[2]
- بەیانی ئەمڕۆ، دەنگی چەند تەقینەوەیەکی گەورە گوندەکانی بناری ئاسۆسی شارەدێی #بنگرد#ی سەر بە شارۆچکەی #دوکان#ی هەژاند و بەڕێوەبەری شارەدێیەکەش دەڵێت: دەنگی ئه و تەقینەوانە بەهۆی بۆردومانی فڕۆکەوە بووە لە دوو هاوینە هەواری سنورەکە.[3] هەندێک سەرچاوەی تر فڕۆکەکان بەهی ئێران دەزانێت.[4]
- گرتەیەکی ڤیدیۆییی #فەرهاد پیرباڵ# لە تۆڕە کۆمەڵایەتییەکان بڵاوبووەوە، کە دەگووترێت لێی دراوە و خوێن بە سەر و دەموچاوییەوەیە.[1]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/284075/0027.JPG=KTML_ImageCaption_Title=گرتەیەکی ڤیدیۆییی فەرهاد پیرباڵ لە تۆڕە کۆمەڵایەتییەکان بڵاوبووەوە=KTML_ImageCaption_CaptionStyle=000000=KTML_ImageCaption_Caption=گرتەیەکی ڤیدیۆییی فەرهاد پیرباڵ لە تۆڕە کۆمەڵایەتییەکان بڵاوبووەوە=KTML_ImageCaption_End=
- بەشێک لە شۆفێرانی ئۆتۆمبێلە بارهەڵگرەکانی دەروازەی سنووریی #پەروێزخان#، لەبەرامبەر وەرگرتنی بڕێک پارە لێیان لەلایەن گومرگی پەروێزخانەوە مانگرتنیان ڕاگەیاند.[4]
- بەرپرسێکی #وەزارەتی پەروەردە#ی حکومەتی هەرێمی کوردستان ڕایدەگەیەنێت: بەهۆی ئەوەی لە تاقیکردنەوەی ئەمڕۆی زمان و ئەدەبی کوردی پۆلی 12ی ئامادەیی، پرسیارێکی درەکی هەبووە، بۆیە دوو نمرە بەسەرجەم خوێندکاران دەدرێت.[3]
$دەرەوەی کوردستان$
- سەرچاوەکان باس لەوە دەکەن، ئەم بەیانییە، #چراخان ڕەفیق# هاوسەری پێشووی #ئاشتی هەورامی# تووشی ڕووداوی هاتوچۆ بووە لە پاریس و باری تەندروستیی ناجێگیرە.[1]

کێشمەکێشی لایەنەکانو پرسی هەڵبژاردنەوەی سێبارەی مەسعود بارزانی، بۆ پۆستی سەرۆکایەتی، ڕەوتی هەڵبژاردنەکانی داهاتووی کوردستانی لەبەردەم کۆڵانێکی داخراودا ڕاگرتووە. هەوڵەکانی پارتیو دەسەڵاتەکەیو پێداگریان بۆ دانانەوەی مەسعود بارزانی لەسەر کورسی سەرۆکایەتی، جگه لەوەی کە سروشتی سیاسەتی پاوانخوازیو ڕاگرتنی سیستەمی دەسەڵاتدارێتی ئیستای کوردستان لەدەستی بنەمالەی بارزانیدا، ئاشکرادەکات، هاوکات تاکتیکێکە بۆ پاراستنو درێژەدان به سیاسەتو ستراتیژێک کە پارتیهو سەرۆکەکەی لەماوەی 8 ساڵی سەرۆکایەتیەکەیدا بەسەر کوردستاندا سەپاندوویانەو بەڕێوەیان بردووە.

پارتهو بارزانی لەماوەی 8 ساڵی ڕابردوودا هەوڵیان داوە دەسەڵاتی یەکحزبیو بنەماڵەیی بەسەر کۆمەڵگای کوردستاندا داسەپێنن، دەزگای ئەمنیو میلیشیای زەبەلاحی دژە خەڵکی فراوان کردووەو دەستی ئاوەڵاکردوون لە سەرکوتی نارەزایەتیەکانی جەماوەرو پێشێلکردنی مافو ئازادیە سیاسیو فەردیەکانی خەڵکدا. یاسای سەرکوتگەرانەو ناوزراوی ڕێکخستنی خۆپیشاندانەکانیان سەپاند کە بە کردەوە دامێنی ئازادیەکانی لە کوردستاندا بەرتەسک کردۆتەوە. پارتیو مەسعود بارزانی نەخشەمەندانە کاریان کردووە بۆ پەرەدانو داسەپاندنی کەشوهەوای کۆنەپەرستی بەسەر کۆمەڵگای کوردستاندا، یاسای فرەژنیان پەسەندکردووەو هەوڵیان دا یاسای پاراستنی پیرۆزیە ئایینیەکان تێپەرێنن، بەڵام لەبەردەم بەرگریو وەستانەوەی بەرەی ئازادیخوازیی کوردستاندا شکستی هێنا. لەماوەی سەرۆکایەتی بارزانیدا خۆپیشاندانی جەماوەری بۆ نانو ئازادیو کەرامەتی ئینسانی خەڵتانی خوێن کرا. داهاتی کوردستانو نەوت لەلایەن دەسەڵاتدارانی بنەماڵەی بارزانیەوە بەتاڵان دەبرێ. خێزانی بارزانی لە گەورەترین دەوڵەمەندەکانی جیهاننو سەدان هەزار لاوی کوردستانیش بەدەست بێکاریەوە گیرۆدەبوونو هەزاران خێزانیش لەخوار هێڵئ هەژاریەوە ژیان دەگوزەرێنن.. لەژێرسایەی دەسەڵاتدارێتی بارزانیدا هەزاران ژن تیرۆرکراون، دەزگای جاسوسی وولاتان لە کوردستاندا تەراتێن دەکەن، سوپای ووڵاتانی ناوچەکە بۆمبارانی هاوڵاتیانی مەدەنی کوردستان دەکەن، نانبڕین، ڕفاندن، تیرۆر لەدژی ڕوناکبیر، ڕۆژنامەنووس، مامۆستای زانکۆ، هونەرمەند، گۆرانی بێژ، سیاسی، چەپ و کۆمۆنیست... بەڕیوە دەچیت.

ئەگەر ئەوە کارنامەی بارزانی بێت، ئایا شایستەی ئەوەیە کە جارێکی دیکە ببێتەوە بە سەرۆکی هەرێمو باڵاترین پۆستی سیاسیو ئیداری کوردستانی بدرێتەدەست.. ئایا یەکێک لە خواستەکانی خەڵکی کوردستان بەهەمان شیوەی جەماوەری ڕاپەریوی ناوچەکە لەدژی دەسەڵاتی سەرکوتگەری بۆرژوایی، کۆتاییهاتن بە دەسەلاتی بنەماڵەییو گواستنەوەی دەسەڵات نەبوو لەباوکەوە بۆنەوەکانی!؟ ئایا ئەوە بەس نیە بۆئەوەی بارزانی بۆی نەبێت کە جارێکی دیکە خۆی بۆ پۆستی سەرۆکی هەرێم کاندید بکاتەوە!؟ لەلایەکی دیکەوە بارزانی دوو دەورەی سەرۆکایەتی تەواو کردوەو بەپێی یاساکانی خۆشیان بۆی نیە بۆ جاری سێهەم خۆی کاندید بکاتەوە. بەڵام پارتیو بارزانی ئەوەیان بەلاوە گرنگ نیە کە لەپێناو تەواوکردنی ستراتیژەکەیان، واتە بە داسەپاندنی دەسەڵاتی بنەماڵەی بارزانی بەسەر خەڵکی کوردستاندا، هەرچی یاسایەک کە خۆیان بریاریان لەسەر داوە پێشێلی بکەن.

مەسعود بارزانی به هیچ جۆرێک بۆی نیە خۆی کاندیدکاتەوەو نابێ ڕێگای خۆکاندید کردنەوەی پێبدرێ. تەنانەت بەپێوانەی خودی یاسا و ڕێسا و دەستورێکەوە کەپارتی یەک لایەنە بەسەر خەڵکی کوردستاندا بەڕیوەی دەبات ئەو مافەی له بارزانی سەندۆتەوەو نابێ ڕیگای گەڕانەوەی بۆ نێو بازنەی سەرۆکایەتی، بەهیچ پاساوێک پی بدرێ.

خەڵکی کڕیکارو زەحمەتکێشی کوردستان، لاوانو ژنانو ئازادیخوازان، کە بەدرێژایی 8 ساڵی ڕابردوو، بەشیوازی جۆراوجۆر ناڕەزایەتیان دەربڕیوەو بزووتنەوەیەکی جەماوەرییان بەدژی دەسەڵاتی بنەماڵەییو پارتیو سیاسەتەکانی بەئاستی جیاواز لەخۆ نیشانداوە، نەک هەر نابێ بەرامبەر کاندیدکردنەوەی سێبارەی مەسعود بارزانی بێدەنگبن بن، بەڵکو دەبێ هەوڵەکانی ئۆپۆزیسیۆنیش بۆ گێرانەوەی بارزانی بۆ پۆستی سەرۆکی هەرێم لەژێرناوی هەموارکردنەوەی دەستوردا پووچەڵ بکەنەوەو هاوکات لەپێناو دەستکۆتاکردنی سەرتاپای دەسەڵاتی بنەماڵەو کارکردە سیاسیەکانی پارتی، لەسەر ژیانی ئێستاو داهاتویان بێنە مەیدانەوە. خەڵکی ئازادیخوازی کوردستان بە خەباتی هوشیارانەو یەکگرتووی خۆیانو بەکۆبوونەوە لەدەوری شیعاری "مەسعود بارزانی، بۆی نیە خۆی کاندیدکاتەوە" و "نا بۆ دەسەڵاتی بنەماڵە" دەتوانن هەنگاوێکی گەورە بە ئاقاری پێکهێنانی ئالوگۆڕێکی ڕیشەیی لەسیستەمی دەسەڵاتی بۆرژوازی کوردو حزبەکانیدا هەڵبێننەوە. حزبی کۆمۆنیستی کرێکاریی کوردستان، لەڕیزی پێشەوەی ئەم خەباتەدا ڕادەوەستێ.


حزبی کۆمۆنیستی کرێکاریی کوردستان
11-06-2013

لیژنەی یەکسانی نێوان هەردوو ڕەگەز لە لیژنەی ئۆڵۆمپی ئێراق لەژێر چاودێری (د. عەقیل مفتن) سەرۆکی لیژنەی ئۆڵۆمپی ئێراق و بە ئامادەبوونی خاتوو #شاناز ئیبراهیم ئەحمەد# خانمی یەکەمی ئێراق، #شێخ جەعفەر شێخ مستەفا# جێگری سەرۆکی هەرێمی کوردستان، د. #هەڤاڵ ئەبوبەکر#، پارێزگاری سلێمانی و بەرپرسانی حکومی و وەرزشی دووەمین ڤێستیڤاڵی ئۆڵۆمپیادی ژنان لەنێو هۆڵی داخراوی #یانەی وەرزشی پێشمەرگەی سلێمانی# بە هاوکاری یانەی میواندار بەڕێوەچوو.
سەرەتای ڤێستیڤاڵەکە بە مارشی نیشتمانی ئێراق و کوردستان و پاشان خوێندنی سوورەتی فاتیحە بۆ گیانی پاکی شەهیدانی ئێراق و کوردستان بوو، پاشان وتاری هەریەک لە سەرۆکی لیژنەی ئۆڵۆمپی ئێراق و (د. بەیدا گەیلانی) سەرۆکی لیژنەی یەکسانی نێوان هەردوو ڕەگەز خونێدرایەوە و دواتر بە کۆمەڵێک چالاکی جۆراوجۆری وەرزشی ڤێستیڤاڵەکە دەستی پێ کردوو هەروەک لە یاریگەی ئەسپسواری گاردینیا و بە چەند نمایشێکی ناوازەی ئەسپسواران لە تەمەنە جیاوازەکان کۆتایی بە کارەکانی دووەمین ڤێستیڤاڵی ئۆڵۆمپیادی وەرزشی خانمان لە شاری #سلێمانی# هات.
سەبارەت بە ئەنجام دانی دووەم ڤێستیڤاڵی ئۆڵۆمپیادی ژنان کە لە شاری سلێمانی بەڕێوەچوو خاتوو #لەیلا محەمەد ئەمین# جێگری سەرۆکی لیژنەی یەکسانی نێوان هەردوو ڕەگەز لە لیژنەی ئۆڵۆمپی ئێراق بۆ سایتی فەرمی پێشمەرگە سپۆرتی تایبەت بە یانەی وەرزشی پێشمەرگە وتی، دەمەوێت جوانییەکانی شاری سلێمانی و پیێشکەوتنی وەرزش لەو شارە پیشان بدەم و هەروەک بە گرنگیشی دەزانم ئەم جۆرە چالاکییە گرنگانە بەردەوامی پێبدەین.
لە درێژەی لێدوانەکەی ئاماژەی بەوەشکرد کە من وەک ئەندامێکی کورد لە لیژنەی ئۆڵۆمپی ئێراق خزمەت بە سەرجەم شارەکان دەکەم و هەوڵەکانیشمان بۆ ئەوە دەبێت چۆن شاری سلێمانی میوانداری ئەو ڤێستیڤاڵە قەشەنگەی کرد بە هەمان شێوە لە شارەکانی #هەولێر# و #دهۆک# و تەواوی شارەکانی ئێراق ئەنجام بدرێت ئامادەسازی بۆ بکرێت. [1]

کەسوکاری سەربەرزی شەهیدان....
خەڵکی خۆڕاگرو تێکۆشەری #کەرکووک#...
جارێکی تر تیرۆریستانی شکستخواردوی #داعش# و ئەوانەشی چاویان بە ئازادی و سەرفەرازی و خۆشگوزەرانی کوردستان بە گشتی و شارە سەربەرزو کۆڵنەدەرەکەی ئێوە (کەرکووک) هەڵنایەو دەیانەوێت بەم هەوڵە نەزۆک و ترسنۆکانەیان کامەرانی و ئارامی ئێوە تێکبدەن و خۆشی و ئاهەنگی سەرکەوتنە یەکلەدوای یەکەکانی هێزی پێشمەرگەی کوردستان لە سەرجەم بەرەکان کاڵبکەنەوە، بەڵام خۆشیان چاک دەزانن خەونەکانیان نەزۆک و بەتاڵەو خەیاڵیان خاوە، چونکە ئێوەی کەرکووکی لەسەر تێکۆشان و کۆڵنەدان و قوربانیدان و لە پێناو ئازادی سەرتاسەری کوردستان و بە کوردستانیکردنی شارەکەتان ڕاهاتون و، کانیاوی جەستەی ئێوە دەیان ساڵە لە پێناو برایەتی و پێکەوەژیانی ئاشتیانەی نێوان پێکهاتەکانی شارەکەتان خوێنی لێدەچۆڕێ‌، بەڵام ڕەنگە دوژمنەکانی ئازادی هەتا ئێستەش ئێوەو پێشمەرگە قارەمانەکانتان نەناسن، هەر دوێنێ‌ بوو جلەولا و سەعدیەو مەخمورو گوێر و تەللوەرد و ناوچە کوردستانیەکانی دیکەیان لە چنگی ڕەش و دڵی پڕ لە قینیان دەرهێناو ئازاد کرد، سبەینێش بستێک لە خاکە پیرۆزەکەتان نامێنێ‌ ئاڵای کوردستانی لەسەر هەڵنەکەین و نەشەکێتەوە.
کەرکووکیانی سەربەرز، کەسوکاری شەهیدە سەربەرزەکان...
درود و سڵاو لە گیانی پاکی شەهیدەکانی دوێنێ ی ئێوەو سەرجەم شەهیدانی کوردستان،سەربەرزی و خۆڕاگری زیاتر بۆ ئێوەو تێکڕای کوردستانیان لە هەموو پارچەکانی تر.
#کۆسرەت ڕەسوڵ عەلی#
جێگری سەرۆکی هەرێمی کوردستان

بەداخەوە هەواڵی کۆچی ناوادەی هونەرمەند و ئەکتەری دیار #ئاسۆ عومەر سوارە#م پێگەيشت.
بە گەرمی پرسە و سەرەخۆشی لە خانەوادەی بەڕێزيان، لە کەسوکار و هاوڕێ و دۆستانی، لە هونەرمەندان و هونەردۆستانی #سلێمانی# و کوردستان دەکەم، هاوسۆز و هاوخەميانم. خوای گەورە سەبووری و ئارامی بە هەموو لایەک ببەخشێ و خوالێخۆشبوو بە بەهەشتی خۆی شاد بکات.
#نێچيرڤان بارزانی#
سەرۆکی هەرێمی کوردستان
#30-12-2019#

1992

[1]

#پەروین شازادە# هونەرمەندی دیاری کورد ڕایگەیاند، هەشت ساڵە داوای بینینی سەرۆکی هەرێم دەکەم ڕێگەیان نەداوە، بەڵام بۆ گەنجێکی عەرەب کە کەس نازانێت چی دەکات ڕێگە دەدرێت. [1]

لە (43) هەمین ساڵیادی جینۆسایدکردنی کوردانی فەیلیدا بە شکۆوە یادی قوربانییانی ئەم تاوانە دژ بە مرۆڤایەتییە دەکەینەوە، کە لە سەدەی بیستەمدا لەلایەن دەسەڵاتدارانی ئەوکاتی عێراقەوە دووچاری کۆمەڵکوژی و ڕاگواستن و پاکتاوی ڕەگەزی هاتن.

کوردانی فەیلی مێژوویەکی دێرینیان هەیە و پێکهاتەیەکی گرنگی عێراق و کوردستانن، هەر لەسەرەتای دروستبوونی دەوڵەتی عێراقەوە ستەمی زۆریان بەرامبەر کراوە، بە چەندین قۆناغی جیاواز دووچاری (دەربەدەری و ڕاگواستن و بێسەروشوێنکردن) بوونەتەوە و بێبەشکراون لە هەبوونی ناسنامە و مافە سەرەتاییەکانی ژیان.

ئەرک و بەرپرسیاریەتییە لەسەر حکوومەتی عێراق، کە قەرەبووی ماددی و مەعنەوی کەسوکاری قوربانییانی ئەم تاوانە بکاتەوە، هەروەها گرنگە بەدواداچوونێکی زانستی و ئەکادیمیانە لەسەر ئاستی ناوخۆیی و نێودەوڵەتییەوە بکرێت بۆ بە دۆکیۆمێنتکردن و نووسینەوەی مێژووی کوردانی فەیلی و ئەو قوربانییانەی کە لەپێناو بوونیان بەخشیوویانە.

سڵاو لە گیانی پاکی شەهیدانی کوردانی فەیلی و سەربەرزی بۆ کەسوکارەکانیان. [1]

#شێخ جەعفەر#
جێگری سەرۆکی هەرێمی کوردستان
#04-04-2023#
=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=