بڕیارە کاتژمێر 11ی پێش نیوەڕۆی ئەمڕۆ دووشەممە ڕێکەوتی #26-06-2023#، شاندێکی پارتی سەردانی بارەگای مەکتەبی سیاسی یەکێتی لە #هەولێر# بکات و لەگەڵ #بافڵ تاڵەبانی# و مەکتەبی سیاسی یەکێتی کۆببنەوە.
کۆبوونەوەکە تایبەتە بە دۆخی هەرێم و ئێراق هەڵبژاردنەکانی ئەنجوومەنی پارێزگا و پەڕڵەمانی کوردستان و پەیوەندییەکانی نێوان هەردوو حزب و دوای هەڵوەشاندنەوەی پەڕڵەمانی کوردستان لەلایەن دادگای فیدڕاڵی.
کۆبوونەوەی شاندی پارتی لەگەڵ بافڵ تاڵەبانی، لە کاتێکدایە دوێنێ ڕێکەوتی #25-06-2023# ناوبراو بەسەرۆکایەتی شاندێکی یەکێتی سەردانی #بزووتنەوەی گۆڕان# و یەکگرتووی ئیسلامی و کۆمەڵی دادگەری کرد.
شاندەکەی پارتی فازڵ میرانی سەرۆکایەتی دەکات و #سیداد بارزانی# برای #مەسعود بارزانی# و #فوئاد حسێن# و مەحموود محەمەد ئەندامی شاندەکەن. شاندی یەکێتیش بە سەرۆکایەتیی بافڵ تاڵەبانی و ئەندامێتی #شێخ جەعفەر# شێخ مستەفا و #دەرباز کۆسرەت ڕەسوڵ# و شاڵاو عەلی سەربازی دەبێت. [1]