دەقی پرسەنامەکەی ستران عەبدوڵڵا:
مەدرەسەی شەهادەتە ئەم یەکێتییە
لە خاڵە شیهابە تا شەهید ئاکام
ئەنسکۆبیدیای جۆرەکانی قوربانیدانە ئەم یەکێتییە
لە ڕۆژی ئەوەلی دەستپێکردنەوە تا ئێوارەکەی ئەمرۆ
.. .. .. .. .. .. .. .. .. .. .. .. .. ..
شەمەندۆفەری گیانبازی بۆ کورد و کوردستان هەر بەڕێوەیە تا دەگاتە دوا مەنزلی مافی چارەنووس
ئاکام سەرکەوتنە بۆ کوردایەتی، شەهادەتی ئەمڕۆش مورافەعەیە بۆ ڕەوایی خەباتەکەی یەکێتی، سەرەنجام و ئاکام گەیشتنە بە ڕزگاری یەکجاری.
ڕۆحت شاد فەرماندەی گەنج کە پشتت دا بە کێوێکی دێرین و بەرزی شەهادەتەوە
ستران عەبدوڵڵا[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پیرۆزباییەکەی ستران عەبدوڵڵا:
هەڤاڵ و برام دڵبەند مستەفا بەرێوەبەری گشتی دەنگی گەلی کوردستان
خوشک و برایانی میدیاکاری خۆشەویست لە سەکۆی ئێزگەکە
پیرۆزبایی یادی چل و سێ ساڵەی دامەزراندنی بڵندگۆی شۆڕشی نوێی گەلەکەمان و ئێزگەکەی مژدەی ڕاپەڕینی مەزنی کوردستانتان لێ بێت.
دەنگی گەلی کوردستان هەر دەنگی زوڵاڵی پێشمەرگە و تێکۆشەرانی گەلەکەمان نییە بەڵکو لە کوردستانی ئازادیشدا مینبەری ڕاگەیاندنی بەرپرسیارانە و ئازادی یەکێتی بووە و لەماوەی ساڵی ڕابردووشدا لەرووی چۆنایەتییەوە گەشەی بەرچاوی بەخۆوە دیووە کە کاتی ئەوەیە ئەم گەشەکردنە برژێتە ڕوباری گەشەکردنی کۆی میدیای یەکێتی لە یەکخستن و پوختکردن و نوێکردنەوەی چۆنایەتیدا.
باشترین دیاری هەموومان بۆ نەورۆزی ڕاپەڕین و بەهاری ئێزگەکە ئەوەیە ڕاگەیاندنێکی شایان و پێشکەوتوو پێشکەشی یەکێتی و میللەتەکەمان بکەین.
دووبارە پیرۆزە و هەر سەرکەوتوو بن.
ستران عەبدوڵڵا
لێپرسراوی مەکتەبی ڕاگەیاندن[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

جەژنی قوربان لەگەلەکەمان، لە نەوە تازەکانی کوردەواری بە کچان و کورانییەوە پیرۆز بێت.
پیرۆز بێت لە دایکی شەهیدان و کەسوکار و یادگارە شیرینەکانیان پیرۆز بێت
لە پێشمەرگە قارەمانەکان، بە دێرین و تازەیانەوە،
لە سەرجەم تێکۆشەرانی یەکێتیی، بەتایبەتی پێشمەرگەکانی قەڵەم و کاغەز و کیبۆرد و میدیای نوێ لە ڕاگەیاندنی یەکێتیی و سەرجەم خەباتگێڕانی دیموکراتی و کوردایەتی پیرۆز بێت.
جەژنی قوربان لە هەموو دۆستانی گەلەکەمان و لە هەموو موسڵمانانی عێراق پیرۆز بێت.
جەژنی گەردەن ئازادی و ئاشتی و پێکەوەیی و جەژنی گوزەرانی باش و هەرزانی لە هەموان پیرۆز بێت.
پێکمانەوە بێت لە خزمەتی جەماوەری گەلەکەمان و بزووتنەوە ڕەواکەی. [1]

#ستران عەبدوڵڵا#
ئەندامی مەکتەبی سیاسیی و لێپرسراوی مەکتەبی ڕاگەیاندنی #یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

ناونیشانی پەرتووک: زەکاتی ئەزموون، گەڕان بە کونوکەلەبەرەکانی ئەزموونی (#ستران عەبدوڵڵا# ) دا
دیدار: ئاریان محەمەد
شوێنی چاپ: #سلێمانی#
چاپخانە: شڤان
ساڵی چاپ: 2021
ژمارەی چاپ: یەکەم
[1]

نووسەر و ڕۆژنامەنووس
ساڵی 1969 لە #کەرکووک# لەدایکبووە.
لە ساڵی 1993ەوە لە بواری ڕۆژنامەوانی حزبی و کایەی میدیای کوردستانی بەگشتی کار دەکات و دەنووسێ
سەرنووسەری ڕۆژنامەی کوردستانی نوێ و ڕۆژنامەی ئاسۆ و گۆڤاری هەفتانە بووە
⁠لە ساڵی 2019 بووەتە ئەندامی سەرکردایەتی و مەکتەبی سیاسیی یەکێتیی نیشتمانیی کوردستان
⁠ماوەیەک لێپرسراوی مەکتەبی ڕاگەیاندن و ئێستاش لێپرسراوی سکرتاریەتی مەکتەبی سیاسیی یەکێتییە
خاوەنی کۆمەڵێک پەرتووکە بە زمانەکانی کوردی و عەرەبی لەسەر مەسەلەی کورد ، ئێراق و تورکیا
لە ڕۆژنامە ئێراقی و عەرەبییەکاندا، لەسەر مەسەلەی کورد و ئێراق وتار و لێکۆڵینەوەی جیاجیای بڵاوکردووەتەوە ستران عەبدوڵڵا وەک نووسەر و ڕۆژنامەوانێک کە 23 ساڵە (2016) لە بواری میدیای کوردستانی و بەتایبەتیش میدیایی حزبیدا کار دەکات تا ئێستا خاوەنی 17 بەرهەمی چاپکراوە لەنێوان زنجیرە پەرتووک و پەرتووک و نامیلکە کە دیارترینیان (#مەسەلەی توتنەکە#) بە سێ بەش، (نەتەوەیەک لەسەر کاغەز) و (لە ڕۆما کەوتە بەرچاوم)ە.
[1]

#ستران عەبدوڵڵا# ئەندامی مەکتەبی سیاسی یەکێتی​:حاجی #قاسم سلێمانی#، ڕۆڵێکی بەرچاوی هەبوو لە ڕووبەڕوبونەوەی داعش لە #هەولێر#.
- ئەمڕۆ یادی تیرۆرکردنی سەرکردە شەهید قاسم سلێمانی دەکەینەوە، کە هاوکارمان بووە لە بەرپەرچدانەوەی داعش.
- بەدرێژایی مێژوو کۆماری ئیسلامی ئێران، چاکەی گەلی کورد و ئێڕاقی ویستووە. بەتایبەت لە کاتی کارەساتی #هەڵەبجە#.
- حاجی قاسم سلێمانی، ڕۆڵێکی بەرچاوی هەبوو لە ڕووبەڕوبونەوەی داعش لە هەولێر. [1]

دەقی پەیامەکەی #ستران عەبدوڵڵا#، ئەندامی سەرکردایەتی و بەرپرسی ڕاگەیاندنی یەکێتی خوشک و برایانی دەزگای میدیایی کوردسات بە بۆنەی (23) ساڵەی دامەزراندنی کەناڵی کوردسات و دەستپێکردنی کۆششی میدیایی دەزگا بەڕێزەکەتانەوە بە گەرمی پیرۆزبایی ئەم یادە گەورەیەتان لێ دەکەین. کوردسات ئەزموونێکی میدیایی ناوازەیە لە کوردستان لە کایەی خزمەت کردنی گشتی، سیاسیی و ڕووناکبیری و فەرهەنگیدا، لە هەموو قۆناغەکانی خۆیدا سەربەرزانە و بە هەمان ڕیتمی نەرم و نیان، بەڵام قووڵ و کاریگەر، پەیامی نیشتمانی و دیموکراتی خۆی گەیاندووە . سەرەنجام بۆتە خوێندنگەیەکی دەوڵەمەند و سەنگین و نموونەی میدیایەکی بەرپرس و بە پرەنسیب. هەڵبەتە لەم ئەزموونە گەورەیەدا خوشکی بەرێزمان هێرۆ خان ستوونێکی هەرە پتەوی دامەزراندن و پێگەیاندن و گەشەکردنی کوردسات بووە تا بۆتە تەلارێکی بەرز و فراوانی کوردستانیی و ئەمڕۆ لە سایەیدا دەیان ڕۆژنامەنووس و میدیاکاری کچ و کوڕی بە توانا خزمەت دەکەن. هیوادارین دەزگای میدیایی کوردسات بە هەموو بەش و ناوەندەکانییەوە، هەموو یاد و بۆنەیەکی بکاتە وێستگەی نوێی پێشکەوتن و فراوانبوونی زیاتر و زیاتر لە خزمەت کۆمەڵانی خەڵک و پەیامە پیرۆزەکەیدا. جارێکی تر پیرۆزە و سەرکەوتوو بن. [1]
ستران عەبدوڵڵا لێپرسراوی مەکتەبی ڕاگەیاندن.

هەڤاڵ کاک #عەتا کەریم#
سەرنووسەری ئاژانسی ڕەسمی #یەکێتیی نیشتمانیی کوردستان# (pukmedia)
هەڤاڵانی خۆشەویست
لە کانگای دڵەوە پیرۆزبایی یادی بیست ساڵەی دەستبەکاربوونی pukmidea تان لێ دەکەم. کە سەروەرییەکی یەکێتییە لە کایەی میدیای نوێ و دوو دەیەیە خزمەتی هەواڵ و زانیاری بە چەندین زمانی دونیا پێشکەش دەکات.
ئەمساڵیش لە سایەی ستافی نوێ و سەرنووسەری تازەدا پێشکەوتنێکی بەرچاوی بەخۆیەوە بینیووە ، چ لە ڕووی پەیام و ناوەرۆک و چ لەرووی پێسپاردنی ئەرکی گوزارشتکردن لە سیاسەتی ڕەسمی یەکێتی و چ لە ڕووی دیزاینی مۆدێرن و گەشەکردنی پەلە و چۆنایەتی لە ڕووماڵی هەواڵ و ڕووداوەکاندا.
ئێستا ئەم مینبەرە چالاکە بۆتە چەقی ناوەندی خزمەتگوزارییە سەرەکییەکانی میدیای ڕەسمی یەکێتی بە هەردوو شێوەزاری کوردی و زمانەکانی عەرەبی و ئینگلیزی کە جێگەی دەستخۆشی و پێزانینە و هەنگاوێکی ترە بەرەو یەکخستنی پەیامی ڕاگەیاندن و پوختکردنی کۆششەکانی لەرێی خزمەتی جەماوەری وەرگردا.
هەڤاڵانی مینبەری pukmedia و مینبەرەکانی تری ڕاگەیاندنی یەکێتی .
ڕاستە بەشێکی بەرنامەی نوێکردنەوەی میدیای یەکێتی دەستی پێکردووە و جەماوەریش هەستی پێدەکات ، بەڵام ئەرکی زیاتر و ڕێگای دورتر و زۆرترمان لە پێشە و چاوەڕوانی لە میدیاکارانی یەکێتی لەوە زیاترە کە پێی گەیشتوون، بۆیە کاتێتی کاژی چەقبەستوویی و خاوەخاو تێپەڕێنین و پێکەوە ؛ ڕاگەیاندنەکەمان بکەینەوە ڕاگەیاندنە کاریگەرەکەی جاران ، ڕێگا بۆ کچان و کوڕانی قۆناغی میدیای نوێ و سۆشیال میدیا خۆش بکەین ، ڕۆڵیان بدەینێ و متمانە بە تواناکانیان بکەین ، سا بەڵکو لەگەڵ وزە و ورەی ئەوانیشدا تەکانی شایستە بە خیتناب و کۆششی میدیایی خۆمان بدەین. [1]
جارێکی تر پیرۆزتان بێت.
هەر سەرکەوتوو بن.
#ستران عەبدوڵڵا#
لێپرسراوی مەکتەبی ڕاگەیاندن

$تێبینی:$ ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

لێپرسراوی مەکتەبی ڕاگەیاندنی #یەکێتیی نیشتمانیی کوردستان# و ئەندامی مەکتەبی سیاسی ڕایگەیاند، بەشێکی زۆری ڕاسپاردەکانی دیدار چوونەتە بواری جێبەجێکردنەوە و ئەمساڵ دیداری دووەم ئەنجام دەدەین. #ستران عەبدوڵڵا#، ئەندامی مەکتەبی سیاسی و لێپرسراوی مەکتەبی ڕاگەیاندنی یەکێتی ڕایگەیاند: لە دوای دیدارەوە قورسایی سیاسەتی یەکێتی لەپێناو مافەکانی کورد و جێبەجێکردنی مادەی 140 گواستراوەتەوە #بەغدا# و ئێستا #10-01-2023# بەشێکی زۆری ڕاسپاردەکانی هەر 13 لیژنەکەی دیداری یەکێتی چوونەتە بواری جێبەجیکردنەوە و کاریان لەسەر دەکرێت و ئەمساڵ دیداری دووەم ئەنجام دەدەین. ئاماژەی بەوەشکرد: هەڵوێستوەرگرتنی یەکێتی و تیمەکەی لە حکومەتی هەرێم جێبەجێکردنی ڕاسپاردەکانی دیدارە و یەکێتی سیاسەتی تاکڕەوی قبوڵ نییە و لەڕێی هەڵبژاردنێکی پاک و گۆڕینی یاساکانییەوە بە گژیدا دەچینەوە و بەو یاسایانەی ئێستا هەیە یەکێتی هەرگیز ناچێتە هەڵبژاردنەوە و بۆ ئەمەش لایەنەکانی تریش جگە لە پارتی لەگەڵدایە.ئەوەشی خستەڕوو: پاراستن و داکۆکیکردن لە مافەکانی ژنان و ڕاگەیاندنی هەڵمەتی ڕووبەڕووبوونەوەی توندووتیژی بەرانبەر بە ژنان لەلایەن سەرۆک #بافڵ تاڵەبانی#یەوە جێبەجێکردنی یەکێکی ترە لە ڕاسپاردەکانی دیداری یەکێتی. [1]

#ستران عەبدوڵڵا# لێپرسراوی مەکتەبی ڕاگەیاندنی #یەکێتیی نیشتمانیی کوردستان# لە لێدوانێکدا ڕایگەیاند: ئەوانەی کە قەزیەی بودجە، ئیستیحقاقاتەکانی خەڵکی کوردستان، شارەکانی کوردستان، #سلێمانی# و دەوروبەری، ئەوەی کە پێی دەوترێت زۆنی سەوزی جاران، ئەوانەی کە داکۆکیکردن لە مافی ئەو خەڵکە بە لەتکردنی کوردستان و سیاسەت دژی کوردستان لە قەڵەم دەدەن، نە لە کوردستانییەت تێگەیشتوون، نە دەزانن کوردایەتی چییە، نە ئەزانن کوردستان لە کوێیە و لە کوێوە دەستپێدەکات.
لە لێدوانەکەشدا ئاماژە بۆ ئەوە دەکات: ئەوانە دەیانەوێت تەعریفێک بدەن بە کوردستان کە یەکسانە بە زوڵم و زۆر، کە یەکسانە بە پێنەدانی مووچەی خەڵک، یەکسانە بە پاشەکەوت، یەکسانە بە قوتدانی قوتی خەڵک. [1]