بارى تەندرووستى و گوزەرانى هونەرمەند (#زیاد ئەسعەد# ) ؟
#وریا ئەحمەد#

زیاد ئەسعەدى هونەرمەندى دوورەوڵات، بەشایەدى زۆرینەى خەڵک و هونەرمەندانیشەوە، مرۆڤێکى دەم بەخەندە و دڵپاک و جوان و خاوەن کەسایەتییەکى هێمن و ڕێزدارە، جگە لەدەنگى بەتوانا و بەچێژ و خۆشى، کەسێکى لێهاتووى کەموێنەیە، بەوەى جگە لە زۆرێک لەئاوازى گۆرانییەکانى خۆى هەتا ئیمڕۆ دەیان ئاوازى جوان و سەرکەوتووى بۆ هونەرمەندە جیاجیاکانى کورد داناوە و ڕۆژانە لەکەناڵ و ڕادیۆ جیاجیاکانەوە گوێبیستییان دەبین و کاریگەرى ئەرینیشیان لەسەر گیانمان هەیە، دیارە لەم هونەرى ئاوازدانانەدا هەتا ئاستێکى بەرز و بەرچاو سەرکەوتوو بووە، کاتی خۆی بەندە، بەڵام دواى ئەوەى لەهەشتایەکانى سەدەى پێشوو ماوەیەک لەگەڵى ژیام و شارەزاى تواناکانى دەنگى بووم و ئاوازیشم بۆى دانا، ئینجا لەستوونێکی دوا لاپەڕەی کوردستانی نوێی ژمارە (179) ی ڕێکەوتی (31-08-1992) و لەژێر ناوی (کەناڵی پێتەختی هەرێم) دا، نووسینێکم بڵاوکردەوە و لەشوێنێکى ئەو نووسینەدا وتبووم: (هەر کەسێک یەک گۆرانی گوت ئەوە: (مەزهەر خالقی) یان (ناسری ڕەزازی) یانیش (زیاد ئەسعەد) نییە.) ..... دیارە ئەوسا بەتایبەتى لەلایەن گۆرانیبێژە گەنجەکانى هاوتەمەنى زیادەوە ڕەخنەى ئەوەم لێگیرا: چۆن دەبێ (زیاد ئەسعەد) ێکى تازەپێگەیشتوو، بهێنمە هاوتاى ئەو گۆرانیبێژە دەنگخۆش و بەئەزموونانەوە؟ بەڵام گرنگ ئەوەبوو پێشبینییەکەم ڕاست دەرچوو. نزیکەى چەن ساڵێک پێش ئێستا، لەلایەن چەن کەسێکەوە ئینجا لەبەر هەر هۆیەک بووبێت، دەنگۆى بێبنەماى خراپیان لەسەر زیادى هونەرمەند بڵاوکردەوە، دواتر بەدیارکەوت ئەوانە: چاویان بەهونەرمەندى دەنگ شیرین و بەتوانا (زیاد ئەسعەد) هەڵنایەت، بەڵام خۆشبەختانە وەک وتراوە: پەتى درۆ کوورتە، دواجار بۆ هەموو لایەک ئاشکرا بوو، کە زۆر بەداخەوە: زیادى هونەرمەندە تووشى (جەڵتەى مێشک) هاتووە و بەو هۆیەوە ئەمڕۆ نزیکەى نیوەى جەستەى نیمچە (ئیفلیح) بووە و ژیانى پێتاڵکردووە، بەداخەوە وەک وتراوە کە ئێمەى کورد: (زیندوو کوژى مردوو پەرستین) ، ئەوە لەبارە تەندرووستییە خراپەیدا لەجیاتى بەهاناوە چوون، ئەوشتە خراپانەیان لەسەر بڵاوکردەوە.
ئێستا ئەو هونەرمەندە بەتوانا و دەنگ سازگار و ئاوازدانەر و نووسەرى تێکستى گۆرانى و ...هتد، لە وڵاتى (سوید) ى سارد و سەرما لەگەڵ ئەو نەخۆشییە درێژخایەنەدا ژیان بەڵام بەتەنیایى و دەردەسەرى دەباتەسەر، بەداخەوە (جەڵتە) کە کارى کردۆتە سەر هەستان و دانیشتنى و تەنانەت بەزەحمەت ڕێگەکردنیشى. دیارە بەندە جارجارە لە ڕێگەى تەلەفۆنەوە ئاگادارى ژیانى ناخۆشى ئێستاى ئەو برا بچووک و هونەرمەندە بەتوانایەم.
خۆشبەختانە ماوەیەک پێش ئێستا سەرۆکى (تیپى مۆسیقاى سلێمانى) تەلەفۆنى بۆ کردم و بەسوپاسەوە و وتى: مامۆستا گیان، ئێمە حەزدەکەین لە ڕێگەى ئێوەوە، داوەتى هونەرمەندى گەورە (زیاد ئەسعەد) بکەین و کۆنسێرتێکى جوانیشى بۆ بکەین، چونکە بە شایانى ئەوە و زیاتریشی دەزانین. (ئاشکرایە نرخى زێڕ لاى زێڕنگرە) ، پەیامەکەیانم بە هونەرمەند زیاد ئەسعەد گەیاند و دیارە لەبەر بارى خراپى تەندرووستی داواى لێبوردنى کرد، بەڵام نایشارمەوە و لەتۆنى دەنگییەوە هەستمکرد، زۆریش نەک کەم بەو ئاوڕلێدانەوەیان دڵخۆشبوو، دڵنیام بەبیستنى هەواڵەکە چاوەکانى ئاویان تێزاوە.
باشە ئەدى وەزارەتى ڕۆشنبیرى حکوومەتى هەرێمى کوردستان و سەندیکاى هونەرمەندانى کوردستان، بۆ زیاد ئەسعەدى هونەرمەندى لێهاتووى کورد، ئایا هەتا ئەمڕۆ هیچتانکردووە؟ ئینجا لقى #هەولێر#ى سەندیکاى هونەرمەندان و بەڕێوەبەرایەتى ڕۆشنبیرى و هونەرى هەولێر و...هتد، . ئایا هەتا ئەمڕۆ هیچییان بۆ ئەو هونەرمەندە لێهاتووەى کورد و هونەرمەندى ناودارى شارەکەى خۆتان کردووە؟ لەم بارى ناساغى و نەخۆشییە و تەنیایەیدا ئایا بیریان لەوە کردۆتەوە: ئەگەر جارێکیش بێت بەهانایەوە بچن، بەڵکوو بەشێوەیەک لەشێوەکان بتوانن: سەردان یان هاوکارى بکەن و هیچ نەبێت کەمێک دڵخۆشى بکەن، بۆ ئەوەى بزانێت و تێبگات کورد بەگشتى و لەشارەکەى خۆیشى خەڵکى بەپەرۆشن بۆى و بەئەرکى سەرشانییانى دەزانن پێداویستى ژیانى ئەمڕۆى بۆدابین بکەن؟[1]

دەقی پرسەنامەکەی بارەگای بارزانی:
بەناوی خودای بەخشندە و میهرەبان
بەڕێزان لە خانەوادەی هونەرمەند هاوتا ئەسعەد
بەداخێکی زۆرەوە هەواڵی کۆچی دوایی کەسایەتی ناسراو و دیاری هونەر و #هەولێر# هونەرمەند (هاوتا ئەسعەد)مان بیست.
سەرەخۆشی ئاڕاستەی خانەوادە بەڕێزەکەتان و تەواوی هونەرمەندانی کوردستان و خزم و ئاشنایانی هونەرمەندی کۆچکردوو دەکەین، هاوبەشی خەمی هەموو لایەکتانین.
لە خودای گەورە داواکارین دڵنەوایی و ئارامی بە خانەوادە و کەسوکارتان ببەخشێت و گیانی خوالێخۆشبوو هونەرمەند هاوتا ئەسعەد بەر ڕەحمەتی خۆی بخات و بە بەهەشتی بەرینی شاد بکات.
إنا لله وإنا إليه ڕاجعون
بارەگای بارزانی
8ی نیسانی 2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی دەرباز کۆسرەت ڕەسوڵ:
بەڕێزان: خانەوادەو کەسوکاری هونەرمەند هاوتا ئەسعەد
برای بەڕێزم: هونەرمەند زیاد ئەسعەد
بەداخێکی زۆرەوە هەواڵی کۆچی دوایی هونەرمەندی دیارو ناسراو (هاوتا ئەسعەد)م بیست، دڵگران و خەمباری کردم، هاوبەشی خەمتانم، پرسەو سەرەخۆشی و هاوخەمی خۆم ئاراستەی هونەرمەندی گەورە زیاد ئەسعەد و کەسوکاری هونەرمەندو تەواوی هونەرمەندانی کوردستان دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.
دەرباز کۆسرەت ڕەسول
کارگێڕی مەکتەبی سیاسی
#یەکێتیی نیشتمانیی کوردستان#[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی مەسرور بارزانی:
بۆ کۆچی دوایی هونەرمەندی ناسراوی کوردستان هاوتا ئەسعەد، پرسە و سەرەخۆشی لە کەسوکار و بنەماڵە بەڕێزەکەی دەکەم و هاوبەشی خەمیانم. خوای میهرەبان گیانی بە بەهەشت شاد بکات و سەبر و ئارامییش بە بنەماڵەکەی ببەخشێت.
مەسرور بارزانی
سەرۆکی حکومەتی هەرێمی کوردستان [1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

#شیرکۆ بێکەس# : (#زیاد ئەسعەد#) نەورەسی سپی ئاواز و گۆرانی #کورد#ییە
لە ئەمڕۆدا ئاواز و گۆرانی کوردی بەگشتی ئەوەندەی لە چەند و ژمارەدا زۆ بووە، لە چۆنایەتیدا کزەو مەگەر دەگمەن ئاوازی بەشی زۆری ئەو گۆرانیانەتێک ببیستی لە ئاستێکی موزیکی و هونەری بەرزدابێت. بەشی زۆری ئەو گۆرانیانە تێکەڵیەکی بێ سەر و بەری لەگۆرانی تورکی و فارسی و عەرەبی و بەشی هەرە زۆری گۆرانیبێژەکانیش ئاگایان لە کەللتوری گۆرانی و موزیک نیە. دیارە من لێرەدا مەبەستم ئەو نیە کە ئەبێ گۆرانی کوردی بەدەر بێ لەکاریگەریتی گۆرانی و موزیکی دەورو بەر، بەڵام نابێ مۆرک و تایبەتمەندی گۆرانی کوردی وون بکرێ، واتە ئەو کاریگەریەتیە نابێ بگاتە ئەو شوێنەی کە کەللتوری دەورووبەردا بتوێنێتەوە.
لە نێو شەپۆلە تازەکانی گۆرانی مۆزیکی کوردیدا، لەو ساڵانەی دواییدا، (زیاد ئەسعەد) بە گوڕوتین و تۆنێکی تاسە شکێنەوە هاتە نامانەوە و هەندێ سنوری تەقلیدی بەزاندو دڵ و گوێچکەمانی بە ڕیتمی تازەو داهێنەرانە زاخاو دایەوە،
چۆن و بۆچی ؟!
یەکەم : لەبەر ئەوەی لاسایی کەرەوە و تەقلیدی نەبوو، واتە هەمان سەدای گۆرانییەکانی ڕابردووی نەدایەوە بەگوێچکەماندا فۆلکلۆریشی بۆ خۆی نەکرد بە بەندینخانە.
دووەم : هونەرمەند (زیاد ئەسعەد) بە تەنها هەر بەهرە و سەلیقە نییە، بەڵکو لە هەمان کاتدا شارەزایی دنیای موزیک و مەقامات ئەزانێت چی ئەکات و عاشقانە لەگەڵ کارەکەی خۆیدا هەڵس و کەوت ئەکات، یان ئەتوانم بڵێم (مۆسیقاو گۆرانی بووە بەدڵدار و تەنانەت – هاوسەری ئەو).
(زیاد ئەسعەد) هەموو ژیانی خۆی داوە بە هونەرەکەی و تەنانەت بۆ چرکە ساتێ لێ دوور نەکوتۆتەوە. بەشی زۆری گۆرانییەکانی تری ئەم سەردەمە، گۆ#ڕانیە#کانیان تەمەنیان کورتە زۆر زوو بیر ئەچنەوە، بەڵام بە شێکی باشی گۆرانییەکانی هونەرمەند (زیاد ئەسعەد) وا لەسەر زاری گەنجەکانەوە و ئەوترێنەوە. کە ئەمەیش بۆ خۆی بەڵگەیەکی زیندووە بۆ زیندوویتی ئەو گۆرانیانە، (زیاد) جگە لەوەی خۆی دەنگی خۆشە، لەهەمان کاتدا ئاواز دانەرێکی بەتوانایە چەندیین گۆرانی بۆ گۆرانیبێژە ناسراوەکانی ئەم سەردەمە داناوە.
(زیاد ئەسعەد) بەچاکی ئاگای لەکەللتوری گۆرانی کوردییە، ئاگای لەگۆرانی کۆن و تازەی میللەتەکانی دەورو بەرە تەنانەت هەناسەکانیان لەیەکتری جیا ئەکاتەوە.
من لەنزیکەوە کاک (زیاد) ئەناسم و تێکەڵین و لەسەردمێکدا لە سوید ڕۆژانە یەکترمان ئەبینی و بۆ یەکەمجاریش لە ڕێگەی هونەرمەند (پەیوەند جاف)ی زاوامەوە لەماڵی خۆمان ناسیم.
هونەرمەند (زیاد ئەسعەد) وەک مرۆڤیش پیاوێکی ناسک و ڕووخۆش و دڵپاکە، ئەو مۆسیقا و گۆرانی کردووەبەنان و ئاو تا سەر ئێسقان عاشقی هەموو گۆرانییەکی جوانە، هەر ئەم عەشقیەش وای لێکردووەکە نەوەستێ و هەمیشە بەخشندە بێ.
جارێکیان باسی ئەو هەموو موزیکییە گەورەیەی بۆ کردم کە لە (حەسەن زیرەک)دا هەبووە، ئەیگوت (حەسەن زیرەک لەهەندێ حاڵتدا ئاڵ و گۆڕی هەندێ تۆنی دەنگدا کاری وایکردووە، کە جێگای سەروڕمانە !!) دیارە من ڕووبەروو هەندێ ڕەخنەم لە هونەرمەند (زیاد ئەسعەد) گرتووە، بەتایبەتی کە ئەو لە ژیانی خۆیی دا پەرش و بڵاوەو پەرت پەرتە و دوورە پەرێزیەکەی لەخەڵکەوە تاڕادەیەک کاری کردۆتە سەر قەتیس بوونی چالاکییەکانی، من پێم وایە ئەبوایە تا ئێستا (زیاد) چەندیین جار سەردانی کوردستانی بکردایە، ئەو لە نزیکەوە تێکەڵ بە عاشقانی گۆرانییەکانی خۆی ببوایەوە و لەنزیکەوە گوێ لەخواست و داواکانیان بگرتایە و چەندیین کۆنسێرتی پێش کەش بکردایە، لەم ڕووەوە (زیاد) زۆر تەمبلە و مەگەر هەلیکۆپتەرێ لەماڵەکەی دا بنیشێتەوە بیڕفێنێ و بیهێنێتەوە!! ئێ ئەمەیش چۆن ئەکرێ ؟!
لە ڕووی هەڵبژاردنی ئەو تێکستی شیعریانەوە کە بۆ ئاوازەکانی هەڵییان ئەبژێرێت، تێکستەکان ڕوون و بێگرێ و گۆڵن بەتەواوی لەگەڵ ئاوازەکاندا ئەیگونجێنێ، ئەویش بۆتە هۆی ئەوەی کە لەلایەن گوێگرانەوە زوو لەبەر بکرێن.
هەڵبەت شیعری گۆرانی ئەبێ سادەو ڕەوان بن و زوو بگەنە ئاستی تێگەیشتنی خەڵکەکە، ئەگەر وانەبێت جۆرە دابڕانێک ئەکەوێتە نێوان وشە و ئاوازەوە، هونەرمەند (زیاد ئەسعەد) لە دنیای گۆرانی و مۆسیقای مندا لە نەورەسێکی سپی ئەچێ کە لەبەر هەتاوی ژیاندا دەبرسیکێتەوە.
لەدوایشدا لە دڵەوە سڵاوم بۆ هونەرمەند (زیاد ئەسعەد) و چاوی ماچ ئەکەم.
شێرکۆ بێکەس

ل ساڵا 1966 ل باژێڕێ هەڤلێر و ل تاخا تەیراوە ژدایک بوویە خوەندنا سەرەتایی و ناڤەندی و ئامادەییا پیشەیی ل هەڤلێرێ تمام کرییە. ل ساڵا 1983 دست ب کارێ هونەری کرییە، ئێکەم سترانا وی بناڤێ دوعا ئەکەم شەو و ڕۆژ بوویە کو بەرهەمێ قادر سیاحییە، پشترە بەرهەمێن زێتر هەبووینە و ل ناڤا گەنجێن هەڤلێرێدە دێ بەرنیاس بیت.
زیاد ئەسعەدێ هونەرمەند ئێکەم کاسێتا خوە ل ساڵا 1988 تومارکرییە .
ل ساڵا 1989 سەردانا ڕوژهەڵاتێ کوردستانێ و ئیرانێ کرییە لوێرێ سەردانا چەند هونەرمەندان کرییە لوانا هونەرمەند سەعید قەندی و گول پایەگانی، ڤەگەڕیایە کوردستانێ و ل ساڵا 1990 ئەلبومەک بڵاڤ کرییە و ل ساڵا 1993 ئەلبومەکە دن بەلاڤ کرییە پشترە کوردستان بەرەف ئێرانێ بجﮪ هێلایە و فێری ئاوازدانان و زمانێ فارسی بوویە پشتڕە چوویە ڕوسیا هەیامەک زور وانەیا فێربونا میوزیکێ و شێوەیێن کارکرن لسەر ستایل و جورێن سترانان خوەندییە، بو ماوێ 2 ساڵان ل ڕوسیا مایە و فێری زمانێ ڕوسی بوویە پشترە چوویە کەنەدا لوێرێ ژی فێری زمانێ ئنگلێزی بوویە پشترە چویە سوید بو ماوێ 3 ساڵان ل قوتابخانەیا هونەرێ کەلتورێ موزیکا جیهانی خوەندییە، ل چەند ئامیرێن میوزیکێ وەکە کیبۆرد و کلارنێت و پێشتریش ل کوردستانێ فێری ئامیرێ شمشاڵێ ببوو. هونەرمەند زیاد ئەسعەد ل ساڵا 1998 ئەلبومەکە سترانان ب ناڤێ نەمزانی بەڵآڤ کر و ل ساڵا 2001 چەند سترانەکێن دن ب ڕییا پڕۆگرامێ کەناڵێ ئاسمانی (#مەد تی ڤی#) بڵاڤ کرن و ل ساڵا 2003 ئەخیر ئەلبوما خوە بناڤێ (سکاڵا) بەڵاڤ کر، ل مەها 6یا ساڵا 2010 دا ب ئامادەبوونا بەشەکە زور یا ڕۆژنامەڤانێن هونەری، ل کۆنگرەیەکە ڕۆژنامەڤانیدە ئەو وەشان کر کو پشتی هەیامەکێ دن بەرهەمێ تازە یێ وی دکەڤیتە بەر گوهێ هۆگرێن دەنگێ وی. زیاد ئەسعەد د پەیاما وەدە ئەو ئاشکرە کر کو ئەو کۆمپانیایێن هونەری و ڕێڤەبەری کارێن وی، بەلێنا هندێ دایێ کوو ب بەرهەمێن تاز ڤەگەڕت ناڤا هەوادارێن خوە، هەڤدەم ئەو ژی گووت کو ڤی بەرهەمەی ل ڕوویێ کوالیتی جیاوازییەکە زیو دگەک بەرهەمێن دن هەنە. ‏‎ئەڤ بەرهەمێ زیاد ئەسعەد،ناڤێ وێ سویند دبیت، لێ بەلێ ئەڤە چەندین ساڵ بسەر ڤێ سوزا وی تێپەڕی وهەیا نها توو تشتەک دیار نییە.[1]

لە ساڵی 1966 لە شاری #هەولێر# لە گەڕەکی #تەیراوە# لەدایک بووە خوێندنی سەرەتایی و ناوەندی و ئامادەیی پیشەیی هەر لەو شارە تەواوکردووە. هەر لەو کاتەوەی دەفامێ، لەلایەن هاوڕێکانییەوە هەست بە دەنگخۆشییەکەی دەکرێت لە ساڵی 1983 دەستی کردووە بە کاری هونەری، یەکەم گۆرانی بەناوی (دوعا دەکەم شەو و ڕۆژ من) بڵاوکردوتەوە کە بەرهەمی قادری سیاحییە پاشان چەند گورانییەکی تریشی تۆمار کردووه.پاشان هەگبەی پڕتر و بەرهەمی زیاتری دەبێت و لەنێو گەنجانی هەولێردا دەناسرێت، ئەوسا و ئێستایش بەرهەمەکانی بە جۆرێک کاریگەرن، کەم کەس هەیە ئارەزووی گوێگرتنی لە دەنگی نەبێت.
زیاد ئەسعەدی هونەرمەند یەکەم کاسێتی خۆی لە ساڵی 1988 تۆمارکردووە و بڵاوی کردووەتەوە.
لە ساڵی 1989 سەردانی ڕۆژهەڵاتی کوردستان و ئێرانی کردووە لەوێ سەردانی چەند هونەرمەندێکی کردووە لەوانەش هونەرمەند سەعید قەندی و گول پایەگانی پاشان گەڕاوەتەوە بۆ کوردستان و لە ساڵی 1990 ئەلبومێکی بڵاو کردووەتەوە و لە ساڵی 1993 ئەلبومێکی تری بڵاو کردووەتەوە پاشان کوردستانی بەجێهیشتووە جارێکی تر چووەتەوە بۆ وڵاتی ئێران ماوەیەک لەوێ وانەی ئاوازوو چۆنییەتی ئەداکردنی گۆرانی خوێندووە هەروەها فێری زمانی فارسی بووە پاشان چووەتە ڕووسیا ماوەیەکی زۆر وانەی فێربوونی میوزیکی شێوەکانی کارکردن لەسەر ستایل و جورەکانی گۆرانی خوێندووە، بۆ ماوەی 2 ساڵ لە ڕووسیا ماوەتەوە فێری زمانی ڕووسی بووە پاشان چووەتە کەنەدا ماوەیەکیش لەوێ خوێندوویەتی فێری زمانی ئینگلیزی بووە پاشان چووەتە سوید بۆ ماوەی 3 ساڵ لە قوتابخانەی هونەری کولتووری میوزیکی جیهانی خوێندووە شارەزاییەکی لە چەند ئامێرێکی میوزیکی فێربووە لەوانەش کیبۆرد و کلارنێت پێشتریش لە کوردستان زۆر بەباشی فێری ئامێری شمشاڵ ببوو. هونەرمەند زیاد ئەسعەد لە ساڵی 1998 ئەلبومێکی گۆرانی بەناوی (نەمزانی) بڵاوکردووەتەوە لە ساڵی 2001 چەند گۆرانییەکی لە ڕێگای پڕۆگرامێکی کەناڵیکی ئاسمانی (مەد تی ڤی) بڵاو کردووەتەوە لە ساڵی 2003 دوایین ئەلبومی خۆی بەناوی (سکاڵا) بڵاو کردووەتەوە هونەرمەند زیاد ئەسعەد جگە بۆ خۆی تا ئێستا 130 گۆرانی بەشێوازی ئاوازوو هۆنراوە لەلایەن هونەرمەندانی گۆرانیبێژەوە کراون بەگۆرانی.لە مانگی 6ی ساڵی (2010)دا بە ئامادەبوونی بەشێکی زۆری ڕۆژنامەوانانی هونەری، لە کۆنگرەیەکی ڕۆژنامەوانیدا ئەوە وەشان کرا کە پاش ماوەیەکی دیکە بەرهەمی تازەی هونەرمەند زیاد ئەسعەد دەکەوێتە بەر گوێی هەواردان و هۆگرانی دەنگی، ‏‎لەو کۆنگرەیەدا، زیاد ئەسعەد لەسەر هێڵی تەلەفۆن پەیامی خۆی ڕاگەیاند و لە بارەی بەرهەمە تازەکەیەوە قسەی کرد. ‏‎
زیاد ئەسعەد لە پەیامەکەیدا ئەوەی ئاشکرا کرد، کە ئەو کۆمپانیا هونەرییانە و بەڕێوەبەری کارەکانی، هیوایان بەو بەخشییەوە، کە بە بەرهەمی تازەوە بگەڕێتەوە نێو هەوادارنی هونەری و تایبەتیی گوێگرانی گۆرانی و میووزیکی کوردی، هاودەم ئەوەیشی دەربڕی کە ئەو بەرهەمەی لە ڕووی کوالێتی و ناوەرۆکەوە جیاوازیی لەگەڵ کۆی بەرهەمەکانی پێشوویدا هەیە و وتیشی لە ڕێگەیەکی جیاوازەوە کارەکانی ئەمجارەی ئەنجام دەدات، بەرهەمەکەیشی بە زۆر باش دانا. ‏‎ئەو بەرهەمەی زیاد ئەسعەد، نێوی (سوێند) دەبێت، وەلێ ئەوە چەندین ساڵ بەسەر ئەو کۆنگرەیەدا تێ پەڕی، تا ئێستا بەرهەمەکەی بڵاو نەکراوەتەوە و دەنگی بڵاوکردنەوەیشی نییە، ئەوەش گوێگرانی نائومێد کردووە.
هونەرمەند زیاد ئەسعەد لە دوای ساڵی 1999وە ئەزموونی هونەری گۆرانی خۆی کردۆتە هەوێنێک بۆ گۆرانی کوردی توانیویەتی چەندین هونەرمەند بێنێتە بوارەکەوه.
زیاد ئەسعەد لە ڕووی ئایدۆلۆژیای حزبییەوە سەر بە هیچ حزبێک نییە و تەنیا هەستێکی نیشتمانیی کوردانەی هەیە و بۆ ئەو مەبەستەیش، زیاد لە ساڵی 1991دا گۆرانی بۆ پێشمەرگە گوتووە، ئەمە لە کاتێکدایە باس دەکرێت کە پێشتر وەک زۆربەی گۆرانیبێژانی دیکە گۆرانی بۆ حکوومەتی سەددام وتووە، بەڵام لەو بارەیەوە زیاد ئەسعەد ڕوونی کردووەتەوە کە ئەوکات لە هۆڵی گەل فەرمانبەر بووە و لە گەرمەی شەڕی ئێران -ئێراقدا بووە و بە زۆری گۆرانییان پێ وتوون، هەروەها ئەو تەنیا لە کۆرسدا بووە نەک گۆرانیبێژی سەرەکی و گۆرانییەکە ناوی (بەڵێن) بووە.[1]

ناو: زیاد
ناوی باوک: ئەسعەد

$ژیاننامە$
نووسەر و زمانزانێکی بەتوانای کوردە [1]

جهێ وێنەی: باژێڕوکێ #سۆران# سەر ب پارێزگەها #هەڤلێر#ێ
ساڵا گرتنا وێنەی: 1991
کەسایەتیێ دناڤا وێنەی: #زیاد ئەسعەد#
ناڤێ وێنەگر: نەدیار [1]

شوێنی وێنە: شارۆچکەی #سۆران# سەر بە پارێزگای #هەولێر#
ساڵی گرتنی وێنە: 1991
کەسایەتی ناو وێنەکە: #زیاد ئەسعەد#
ناوی وێنەگر: نەناسراو