پاڵپشت بەبڕگەی (دووەم و سێیەم) لەماددەی (پێنجەم)ی یاسای دەستەی سەربەخۆی مافی مرۆڤ ژمارە (4)ی ساڵی 2010، پەرلەمانی کوردستان ئاگاداری هاووڵاتییانی هەرێمی کوردستان دەکاتەوە، بەمەبەستی خۆپاڵاوتن بۆ (سەرۆکی دەستەی سەربەخۆی مافی مرۆڤ) دەتوانن (C.V)ی خۆیان پێشکەش بەبەڕێوەبەرایەتیی کاروباری پەرلەمان و لیژنەکان/ بەشی کاروباری پەرلەمان لەپەرلەمانی کوردستان بکەن، لەماوەی (15) ڕۆژ لەبەرواری بڵاوکردنەوەی ئەم ئاگادارییە لەسایتی فەرمیی پەرلەمانی کوردستان و ڕۆژنامەدا، وەک لەبڕگەی (سێیەم)ی ماددەی (پێنجەم)ی یاساکە هاتووە پێویستە ئه و بەرێِزەی (C.V)ی پێشکەش دەکات ئەم مەرجانەی خوارەوەی هەبێ:
1 هاووڵاتیی هەرێم بێت و لێی نیشتەجی بێت.
2 بەلایەنی کەم بڕوانامەی سەرەتایی زانکۆیی هەبێ و لەبورای مافەکانی مرۆڤ لێهاتوو و شارەزا بێ.
3 خوڕەوشتی باشبێ و بەتاوانێک یاکەتنێکی ئابڕووبەر حوکم نەدرابێ.
4 بەڵێنامەیەکی دەستنووس پێشکەش بکات کە لەماوەی فەرمانبەرایەتییەکەیدا حزبایەتی نەکات.
5 بەشداریی له و تاوانەدا نەکردبێ کەدەسەڵاتە داپلۆسێنەرەکان ئەنجامیان دابێ.
لەگەڵ ڕێزدا
پەرلەمانی کوردستان
#01-09-2020#

لێدوانی ڕۆژنامەوانی دەستەی سەربەخۆی مافی مرۆڤ
دەستەی سەربەخۆی مافی مرۆڤ لەسەر وتارێکی (د.عبدالواحد محمد) داوای وەگرتنی ڕێکاری یاسایی دەکات و وتارەکەش بەهاندان بۆ تێکدانی ئاسایشی نەتەوەیی و پێکەوە ژیان دەزانێت.
دوای بڵاو کردنەوەی وتارێکی بانگخواز (د عبدالواحید محمد) لەسەر هێرش کردنە سەر ئایین و پەیڕەوانی ئایینی مەسیحی، ئەوەش نیگەرانی زۆربەی خەڵکی لێ کەوتەوە بەتایبەت پەیڕەوانی ئایینی مەسیحی لەهەرێمی کوردستان و ئازادیخوازان، ئێمە وەک دەستەی سەربەخۆی مافی مرۆڤ سەرەڕای ئەوەی نیگەرانین لەهەر هەوڵێک کە بیەوێ ئاسایشی کۆمەڵایەتی تێک بدات و هێرش بکاتە سەر پێکەوە ژیان و ئایینەکان، چونکە لەڕابردوش بەجۆرەها شێواز هێرش کرایە سەر ئایینی ئیزیدی و کاکەیی یەکان وجولەکەکان و ئەوانی تر لەلایەن خەڵکانێکەوە بەڵام بەداخەوە هیچ ڕێکاریکی یاساییان بەرامبەر نەکرا، بۆیە ئێمە بەووردی بەدوا داچونمان کرد بۆوتارەکەی ناوبراو و هەڵسەنگاندنی لەڕوانگەی بنەماکانی مافی مرۆڤ و یاسای ژمارە (5) ی ساڵی 2015 ی پاراستنی مافی پێکهاتە ئایینی و نەتەوەکان وە ئەوەی لەوتارەکە دەردەکەوی َ بریتی یە لە :
1_ تەواوی وتارەکە هێرش کردنە بۆ سەر ئایین و پەیرەوانی ئایینی مەسیحی و ناوزراندن بەو ئایینە، ئەوەش تەواو پێچەوانەی بنەماکانی مافی مرۆڤەو هاندانێکی زەقە بۆ ڕەت کردنەوەی ئایینی مەسیحی و ئازادی بیرو ڕاو ئازادی پەیرەو کردنی ئایینی لای مرۆڤەکان لەهەمان کات پێچەوانەی سەرجەم بیرو ڕاو ناوەرۆکی پەیامی ئایینە ئاسمانیەکانە کە ماف بەکەس نەدراوە ئایینی کەس ڕەت بکاتەوەو بەزۆر ئایینی تر فەرز بکات و ئەو جۆرە وتارە بەمەترسی بۆ سەر ئاسایشی نیشتمانی و پێکەوە ژیان دەزانین بەتایبەت لەو بارودۆخە.
2_لەوتارەکەی ناوبراو بەجۆرێک باسی ئایینی مەسیحی دەکات وەک ئەوەی شتێکی نامۆ بێت بەو وڵات و هەرێمی کوردستانە بێ ئەوەی لەڕووی مێژوویی و واقعیەوە خوێندنەوەی بۆ پێکەوە ژیانی ئایینی و نەتەوەیی کردبێت لەهەرێمی کوردستان و عێراق و کە جوانترین نمونەی ئەو پێکەوە ژیانەیەوبەتایبەت مەسیحیەکان کە بەشێکی ڕەسەنن لەو وڵاتە، تەنانەت لەرابردووش هەوڵی لەو جۆرە درا بەڵام هیچ بەهای نەبو وە تەنانەت دوا هەوڵیش گروپی تیرۆریستی داعش بو کە ویستی ناوو مێژوی ئایینەکان بسڕێتەوە و ناکۆکی بخاتە نێوانیان بەڵام شکستی هێنا چونکە ئەوانیش بێ ئاگا بون لەو مێژووە هاوبەشەی لەنێوان هەموو ئایینەکان هەبوە لە قوربانی دان و تێکڵاوی کۆمەڵایەتی خەباتی هاوبەش.
3_ئێمە سەرەڕای نیگەرانی خۆمان لەو جۆرە وتارانە کە ئەوە یەکەم جار نیە لێرەو لەوێ لەلایەن خەڵکانێک بەو جۆرە هێرش دەکرێتە سەر ئایینەکان و پێکەوە ژیان لەهەمان کات پێمان وایە ئەو وتارانە تەواو پێچەوانەی بەڵَگەنامەکانی مافی مرۆڤ و پێکەوە ژیانی ئایینی یە لەهەرێمی کوردستان مەترسی هەیە بۆ سەر ئاسایشی نەتەوەیی و ئاییندەی ئەو ئایینانە وە بۆیە داوا لەلایەنە پەیوەندیدارەکان دەکەین بە ئەرکی خۆیان هەڵسن بەرێگە نەدان بەو جۆرە وتارانەو وەرگرتنی ڕێکاری یاسایی بەرامبەر ئەو وتاربێژانە بەپێ ی یاسای ژمارە (5) ساڵی 2015، بەتایبەت دام و دەزگاکانی ئاسایشی هەرێمی کوردستان کە ئەرکیان پاراستنی ئاسایشی خەڵک و ژیان و سەروەری مرۆڤەکان و ڕێگری کردنە لەهەر هەولێک کە بیەوێ ئاسایشی کۆمەڵگا تێک بدات.
دەستەی سەربەخۆی مافی مرۆڤ لەهەرێمی کوردستان
31-12-2016

بەداخەوە شەوی 22/11 مامۆستای ئایینی شاری هەولێر (دکتۆر هۆشیاراسماعیل) لەلایەن چەند کەسێکەوە لەبەردەم ماڵەکەی خۆی تیرۆر کرا.
ئێمە لەدەستەی سەربەخۆی مافی مرۆڤ وێرای ئەوەی ئیدانەی تیرۆرکردنەکە دەکەین و نیگەرانی خۆشمان دەردەبرین لەسەر ڕووداوەکە و ئه و جۆرە کارە بەمەترسی دەزانین بۆ سەر ژیانی هاوڵاتیان و هەواڵەکەش هەموانی دڵگەران کرد.
ئێمە لەدەستەی سەربەخۆی مافی مرۆڤ هەمو کات ئەوەمان دوپات کردۆتەوە کە تیرۆر مەترسیەکی گەورەیە بۆ سەر مرۆڤایەتی و هیچ ئایین و کەسێک ناناسێت، بەتایبەت لەئێستادا کە هەرێمی کوردستان و ناوچەکە لەشەرێکی قورس دایە بەرامبەر تیرۆرو دوژمنانی مرۆڤایەتی و زۆرترین قوربانیمان داوە له و پێناوە.
تیرۆرکردنی مامۆستای ئایینی زەنگێکە بۆ ئەوەی کە تیرۆر هیچ سنورێکی نیە و مەترسیە بۆ سەر ژیانی هەمو تاکێک و کات و شوێنی بۆ نیە، چونکە مامۆستای ئایینی جگە لەوەی خاوەن کەسایەتی و پێگەی کۆمەڵایەتی بەرزن لەناو کۆمەڵگەی کوردستاندا و ڕۆڵیان گرنگ بوە لە برەودان بە پێکەوە ژیان و چەسپاندنی پرۆسەی ئاشتی کۆمەڵایەتی و هەمیشە بەشێک بونە لەخەباتی نیشتمانی بۆ ڕزگاری میللەتەکەشیان بەدرێژایی مێژوو.
ئه و ڕووداوە ئەوەمان پێ دەڵێ کە تیرۆر هێشتا زۆر نزیکە لێمان و لەسەروی هەمو ئەوانەش دوپات کردنەوەی ئه و ڕاستیەیە کە ئێمە لەدەستەی مافی مرۆڤ ماوەی پێنج مانگە لەراپۆرتی مانگانەمان ئاماژەمان بە مەترسی دیاردەی چەکداری و بڵاو بونەوەی چەکی مەترسیدارو بێ مۆڵەت کردوه و کە بونەتە سەرچاوەی تاوانەکان و کوشتن و هەرەشە بۆ سەر هاوڵاتیان و ئارامی و ئاسایشی کۆمەڵایەتی.
بۆیە له و سۆنگەوە جگە لەوەی ئەوە دوپات دەکەینەوه و داواکارین دەزگا ئەمنیەکان و پۆلیس هەوڵەکانیان بخەنە گەر لەپێناو دۆزینەوەی بکوژان و تاوانباران و ڕادەست کردنیان بە یاساو ئاشکرا کردنیان بۆ ڕای گشتی وە هەورەها ڕێکاری جددی و پێویست بگیرێتە بەر بۆ کۆنترۆل کردن و دەست بەسەرداگرتنی دیاردەی چەکداری لەپێناو پاراستنی ژیانی هاوڵاتیان و سەقامگیری ئاسایش خەڵک و خاک و نیشتمان.
دەستەی سەربەخۆی مافی مرۆڤ لەهەرێمی کوردستان
23-11-2016

دەستەی سەربەخۆی مافی مرۆڤ ئیدانەی توندوتیژیەکانی هێزە ئەمنیەکان دەکات بەرانبەر خوێندکاران و ڕۆژنامەنووسان لە سلێمانی.
دوای ئەوەی ژمارەیەک خۆێندکار لە، شاری #سلێمانی# گردبونەوە دەکەن بۆ داواکردنی مافە ڕەواکانی خۆیان بە تایبەت داواکاری دەرماڵە، دواتر توندوتیژی لێ دەکەوێتەوە.
ئێمە لە دەستەی مافی مرۆڤ وێڕای ئەوەی پشتیوانی داواکانی خوێندکاران دەکەین و پشتگیری هەمو جۆرە ڕێکارێکی مەدەنی دەکەین بۆ داواکردنی مافەکانی چین و توێژەکان، لە هەمان کاتدا ئیدانەی هەمو جۆرە گرژی و توندوتیژیەک دەکەین، بەداخەوە لەلایەن هێزە ئەمنیەکان بە گازی فرمێسک ڕژێن و لێدان ڕووبەڕووی خۆێندکاران و ڕۆژنامەنووسان بوونەتەوە و دواتریش ژمارەیەکیشیان لێ دەستگیر کردوون، دواتر ئازادیان کردوون، لێرەوە داواکارین هێزە ئەمنیەکان خۆیان بەدوور بگرن لە بەکارهێنانی توندوتیژی و ئەشکەنجەدان و لایەنی پەیوندیداریش مافەکانی خوێندکاران دابین بکات. [1]
دەستەی سەربەخۆی مافی مرۆڤ
#13-11-2022#

دواڕۆژ، عیسا عەبدولقەهار
دەستەی مافی مرۆڤی هەرێم ئاشکرایدەکات، لاقەکردن و دەستدرێژی سێکسی لە کامپەکانی هەرێم زیادیکردووە.
محەمەد گۆمەشینی، وتەبێژی دەستەی سەربەخۆی مافی مرۆڤ ئەمڕۆ یەکشەممە 30ی تەمموزی 2017 بە دواڕۆژی ڕاگەیاند، لەماوەی کەمتر لە ساڵێکدا نزیکەی 150 حاڵەتی دەستدرێژی سێکسی و لاقەکردن و توندوتیژی جەستەیی بەرامبەر کچ و ئافرەتی کامپەکان تۆمارکراوە.
وتیشی لە کامپەکانی هەولێر 27 حاڵەتی‌ توندوتیژی‌ سێکسی‌ لە جۆری‌ لاقەکردن و دەستدرێژیی‌ و گێچەڵی‌ سێکسی‌ تۆمارکراوە، هەروەها 24 حاڵەتی‌ توندوتیژی‌ جەستەیی‌ و 80 حاڵەتی‌ هاوسەرگیری پێشوەخت تۆمارکراوە، لە کامپی دۆمیزی شاری دهۆکیش تەنیا لەماوەی مانگێکدا 13 حاڵەتی توندوتیژی دژ بە ئافرەتان تۆمارکراوە.
لەبارەی کامپی عەربەتی سەر بە پارێزگای سلێمانی، وتەبێژی دەستە ڕایگەیاند، بە بەراورد بە کامپەکانی تر ڕەوشی ئافرەتان باشترە و لەماوەی کەمتر لە ساڵێکدا تەنیا یەک حاڵەتی‌ دەستدرێژی‌ سێکسی‌ و پێنج حاڵەتی‌ توندوتیژی‌ جەستەیی‌ تۆمارکراوە.
ئه و بەرپرسەی دەستەی مافی مرۆڤی هەرێم ئاماژەی بەوەشکرد، بارۆخی ئافرەتان و کچان لەنێو کامپەکانی هەرێم باش نییە و ڕووداوەکان زیادیانکردووە، بۆیە داوامان لە لایەنە پەیوەندیدارەکان بەتایبەتی وەزارەتی ناوخۆ کردووە پێشلکارییەکان نەهێڵن.
ساڵی ڕابردوو، ڕێکخراوی ئایسلاندی ئەمریکی لە بەدواداچوونێکیدا بۆ ڕەوشی کچ و ژنان لەنێو کامپەکاندا، ڕایگەیاند دەستدرێژی سێکسی و لاقەکردنی کچ و ژنان کۆنتڕۆڵنەکراوە و حاڵەتەکان بەره و زیادبوون دەچن.
30-07-2017

دواڕۆژ، ئاوارە حەمید
بەپێی ڕاپۆرتێکی دەستەی سەربەخۆی مافەکانی مرۆڤ، مانگی تەمموزی ڕابردوو 30 حاڵەتی کوشتن و 6 حاڵەتی خۆکوشتن و خۆخنکاندن و خۆسووتاندن تۆمارکراون.
ئاماری تاوانەکانی تەمموزی 2017ی دەستەی سەربەخۆی مافەکانی مرۆڤ کە دەست دواڕۆژ کەوتووە، تیایدا هاتووە 30 حاڵەتی کوشتن و 6 حاڵەتی خۆکوشتن و خۆخنکاندن و خۆسووتاندن تۆمارکراون، هەروەها هەوڵدان بۆ کوشتن و خۆکوشتن دوو حاڵەت بووە لەگەڵ 22 حاڵەتی بریندارکردن و 5 پێشێلکاری تر.
بەپێی ئەم ئامارە کە لە مانگێکدا 30 حاڵەتی کوشتن هەبووە، ئەگەر دابەشی بکەین بەسەر کۆی مانگەکەدا بەنزیکەیی لەو مانگەدا ڕۆژانە کەسێک کوژراوە.
لە بەشێکی تری ڕاپۆرتەکەدا باس لەوەکراوە کە بەشێکی زۆری تاوانەکان بەهۆی کێشەی کۆمەڵایەتی و شەڕکردنەوە بووە.
هەروەها کێشە ئابوورییەکان و قەیرانی دارایی زۆترین هۆکاربوون و بەشێکی زۆری تاوانەکانیش بە چەک ئەنجامدراون لەیەلان هاووڵاتیانەوە، ئەمەش ئەوە دەسەلمێنێ کە چەک لە دەستی هاووڵاتیاندایە.
دەستەی سەربەخۆی مافەکانی مرۆڤ ڕێگە چارەسەرییەکانی دەستنیشانکردوە، ئەوانیش چاوخشاندنەوە بە سیستمی پاشەکەوتی مووچە و ڕۆڵبینی دەزگاکانی ڕاگەیاندن و گرتنەبەری ڕێوشوێنی تایبەت بۆ دیاردەی چەکهەڵگرتن.
03-08-2017

بەڕێوەبەری نوسینگەی مافی مرۆڤ لە سلێمانی لەبارەی زیادبوونی پێشێلکارییەکان و ڕووداوەکانی کوشتن و خۆکوشتن دەڵێت، ڕێژەکە ڕوو لە زیادبوونە و پێویستە کۆمەڵگە هۆشیار بکریتەوە.
لەم ماوەیەدا توندوتیژی و پێشێلکارییەکانی مافی مرۆڤ و کوشتن و خۆکوشتنەکان ڕووی لە زیادبوون کردووە لە هەرێمی کوردستان، نوسینگەی سلێمانی دەستەی سەربەخۆیی مافەکانی مرۆڤیش کاری بە کۆمەڵ بۆ هۆشیارکردنەوەی تاک بە گرنگ دەزانن بۆ کەمکردنەوەی ئەو ڕووداوانە.
سابیر عەبدوڵا، بەڕێوەبەری نوسینگەی مافی مرۆڤ لە سلێمانی، بە ڕۆژنیوزی وت: ڕێژەی خۆکوژیی و کوشتن و پێشێلکاری بەرامبەی مافی مرۆڤ ڕووو لە زیادبوونە، ئەمەش کاردانەوەیەکی زۆر نەرێنی هەیە کۆمەڵگا بە گشتی.
سابیر، وتیشی: کۆمەڵێک هۆکاری زۆر سەرەکی هەیە وەکو هۆکاری کۆمەڵایەتی، سیاسی، بێکاری، دارایی، ئەمانەش وادەکات کۆمەڵگایەکی ناسەقامگیر و نائارام دروستبکات، ئەگەرچی تاڕادەیەکیش دەزگا ئەمنییەکان توانیویانە ئەو دیاردە دزێوانە سنوردار بکەن، بەڵام هەر بەردەوامیشە.
ئاماژەی بۆ ئەوەش کرد: دانەمەزراندنی دەرچوانی زانکۆ و پەیمانگاکان و زۆربوونی ڕێژەی بێکاریی هۆکارێکیترە بۆ خۆکوشتن، لە پێش 2014 ڕێژەی بێکاری لە 6% بۆ 7% بووە، بەڵام ئێستا ڕێژەکە گەیشتووەتە 18% بۆ 21%، هەروەها ئەو دراما تورکیانەی کە ئێستا لە کەناڵە کوردییەکان پەخش دەکرێت کاریگەریەکی زۆری کردووەتە سەر دەروونی هاوڵاتیانی کورد.
ئەو بەڕێوەبەرەی نوسینگەی سلێمانی مافی مرۆڤ دەشڵێت: ئامارەکانی خۆکوژیی ئەوەمان پێ دەڵێت کە پێویستە ئێمە هەڵوێستە بکەین لە ئاست ئەم ڕێژە زۆرەی تاوان، پێویستە کارکردن بۆ ئەم مەبەستە بە سەرجەم لایەنەکان بکرێت پێش هەموویان حکومەتی هەرێمی کورستان کە هەلی کار و دامەزراندن بۆ گەنجان بڕەخسێنێت و دەزگا ئەمنییەکان زیاتر ئەمنیەتی شوێنەکان بپارێزن، هەروەها دەستەی مافی مرۆڤیش پێویستە کۆمەڵگا هۆشیاربکاتەوە لە ئاستی زۆربوونی ڕێژەی تاوان وە ڕێژەی پێشێلکاری بەرامبەر مافی مرۆڤ بەشێوەیەکی گشتی.
بە گرنگیشی دەزانێت، کە ڕێکخراوەکانی کۆمەڵگای مەدەنی بەتایبەت ڕێکخراوەکانی پاراستنی مافی مرۆڤ کار بکەن بۆ بڵاوکردنەوەی کلتوری مافی مرۆڤ و هۆشیارکردنەوەی کۆمەڵگا و ئاشناکردنی کۆمەڵگا بە بنەماکانی ڕێزگرتن لە شکۆی مرۆڤ، هەروەها ئەرکی حکومەتی هەرێمی کوردستانە کە هەوڵی سەروەرکردنی یاسا بدات و جیاوازی نەکرێت لەنێوان حکومدانی کەسانی بکوژ و تاوانباردا، زۆرجار دەبیستین کە چەندین کەس لە بازنەی یاسا دەرباز دەبن، ئەمەش پاڵنەرە بۆ خەڵکی دیکە تاوان ئەنجامبدەن.[1]
#08-07-2018#

#شیرین ئەمین#: سەرۆکی پێشوی دەستەی مافی مرۆڤ، بە گەندەڵی و ھەوڵدانی بۆ چوونە دەرەوەی وڵات تۆمەتبارە
شیرین ئەمین، پەڕڵەمانتاری سەربەخۆی پەڕڵەمانی کوردستان لە لاپەڕەی خۆی لە تۆڕی کۆمەڵایەتی فەیسبووک ئەوەی بڵاوکردووەتەوە کەس کاڵایەکی یاسایی لە سەرۆکی پێشووی دەستەی مافی مرۆڤ بردووەتەوە...کە ئەمەی خوارەوە دەقی بڵاوکراوەکەی شیرین ئەمینە:

$براوە بووین..$
لە ساڵی 2019 ڕاگەیەنراوێکم لەسەر تێوەگلانی سەرۆکی پێشوی دەستەی مافی مرۆڤ بەپشت بەستن بە ڕاپۆرتی پەڕڵەمانی کوردستان بە گەندەڵی و ھەوڵدانی بۆ چوونە دەرەوەی وڵات بڵاو کردبووەوە.، وە بەڵگە و زانیارییەکانمان ئاڕاستەی دەستەی دەستپاکی کردبوو.، بەڵام ناوبراو ھەستا بەتۆمارکردنی سکاڵای یاسای لە دژم وە داوای قەرەبوی زیاتر لە ملیارێک دینار.
ئەم کەیسە پاش سێ ساڵ بە بڕیاری دادگای بەرایی #ھەولێر# و وە سەرۆکایەتی دادگای پێداچونەوەی ھەرێمی کوردستان.
بڕیاریدا بە ڕەتکردنەوەی داوای سەرۆکی پێشوی دەستە.، خۆش بەختانە براوەی دۆسیەکە بووین..
بە پێویستی دەزانم لێرەوە سوپاس و پێزانینم ئاڕاستەی ھەوڵ و ماندوبوونی پارێزەر ئازاد چۆمانی بکەم. [1]