ئەمڕۆ پێنجشەممە (4ی ئایاری 2023) ، #مەسرور بارزانی#، سەرۆکی حکومەتی هەرێمی کوردستان، لە پرسەنامەیەکدا ئاماژەی بەوەکردووە، بە داخەوە هەواڵی کۆچی دوایی تێکۆشەری ناسراوی کوردستان و وەزیری پێشووتری گواستنەوە و گەیاندنی حکومەتی هەرێمی کوردستان خوالێخۆشبوو حەیدەر فەیلیم بیست.
لە پرسەنامەکەدا هاتووە، پرسە و سەرەخۆشی لە بنەماڵە بەڕێزەکەی و کەس و کار و هاوڕێیانی دەکەم و هاوخەمیانم. خوای مەزن گیانی بە بەهەشت شاد بکات و ئارامی و دڵنەوایی بە هەمووان ببەخشێت.

دەقی پرسەنامەکەی سەرۆکی حکومەتی هەرێمی کوردستان
بە داخەوە هەواڵی کۆچی دوایی تێکۆشەری ناسراوی کوردستان و وەزیری پێشووتری گواستنەوە و گەیاندنی حکومەتی هەرێمی کوردستان خوالێخۆشبوو حەیدەر فەیلیم بیست. پرسە و سەرەخۆشی لە بنەماڵە بەڕێزەکەی و کەس و کار و هاوڕێیانی دەکەم و هاوخەمیانم. خوای مەزن گیانی بە بەهەشت شاد بکات و ئارامی و دڵنەوایی بە هەمووان ببەخشێت. [1]

مەسرور بارزانی
سەرۆکی حکومەتی هەرێمی کوردستان
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەرێزان / خانەوادە و کەسوکار و بنەماڵەی خوالێخۆشبوو حەیدەر فەیلی
بەرێزان / هاوڕێیانی حزبی شیوعی کوردستان و عێراق

بەداخ و پەژارەیەکی زۆرەوە هەواڵی کۆچی دوایی خوالێخۆشبوو (حەیدەر فەیلی) پێشمەرگەی دێرین و تێکۆشەری بەئەمەک و کەسایەتی نیشتمانپەروەر و ئەندامی پێشووی مەکتەبی سیاسی حزبی شیوعی کوردستان و وەزیری پێشووتری گواستنەوە و گەیاندنی حکومەتی هەرێمی کوردستانمان بیست.
کاک حەیدەر فەیلی خەباتکارێکی خۆڕاگر و هاوڕێ و دۆستێکی ڕاستگۆ بوو، کەسایەتییەکی دڵسۆز و بەئەمەک و نموونەیەکی بەرزی تێکۆشان بوو، بۆیە کۆچی دوایی جێگای داخ و کەسەرێکی زۆرە، یاد و یادەوەری ھەمیشە بەزیندووی دەمێنێتەوە.
بەم بۆنە خەمبارەوە پرسە و هاوخەمی قووڵی خۆم ئاڕاستەی خانەوادە و کەسوکار و بنەماڵە و هاوڕێ و هاوسەنگەران و حزبی شیوعی کوردستان و عێراق دەکەم و داواکارم لە خودای گەورە بەر ڕەحمەتی خۆی بخات و بە بەهەشتی بەرینی شاد بکات و سەبووری و دڵنەوایی هەموو لایەک بداتەوە. [1]

انا لله و انا الیه ڕاجعون
#بەرهەم ئەحمەد ساڵح#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

ناڤ: حەیدەر
ناسناڤ: فەیلی
ناوی باوک: عەلی
ساڵا ژ دایکبوونێ: 1947
جهێ ژ دایکبوونێ: بەغدا
ڕۆژا وەغەرا داوی: #04-05-2023#
جهێ وەغەرا داوی: نەرویج
$ژیاننامە$
ساڵا 1947 ل بەغدا ژدایک بوویه، ئامادەیی و پەیمانگەها زانستی یا پیشەسازی ل بەغدایێ تمام کرییە، ئەندامێ مەکتەبا سیاسی یا حزبا شیوعی یا کوردستانێ و ل کابینەیا چارێ یا حکوومەتا هەرێما کوردستانێ دە ل ساڵا 1999 تا 2006، وەزیرێ گواستنەوە و گەهاندنێ بوویە.
ڕۆژا شەممێ ڕێکەفتا 04-05-2023 ب ئەگەرێ نەساخیێ ل وڵاتێ نەرویج وەغەرا داویێ کر. [1]

ناو: حەیدەر
نازناو: فەیلی
ناوی باوک: عەلی
ساڵی لە دایکبوون: 1947
شوێنی لە دایکبوون: بەغدا
ڕۆژی کۆچی دوایی: #04-05-2023#
شوێنی کۆچی دوایی: نەرویج
$ژیاننامە$
ساڵی 1947 لە بەغدا لەدایک بووه، ئامادەیی و پەیمانگای زانستی پیشەسازی لە بەغدا تەواوکردووه، ئەندامی مەکتەبی سیاسی حزبی شیوعی کوردستان و لە کابینەی چوارەمی حکوومەتی هەرێمی کوردستان دا لە ساڵی 1999 تا 2006، وەزیری گواستنەوە و گەیاندن بووە.
ڕۆژی شەممە ڕێکەوتی 04-05-2023 بەهۆی نەخۆشییەوە لە وڵاتی نەرویج کۆچی دوایی کرد. [1]

حەیدەر فەیلی (1947-2023) ... پاڵەوانە کوردەکەی ڕۆمانی دیارترین ڕۆماننووسی عەرەب.
ئەزموونی تاڵ و سەختی ژیان و ئەشکەنجەی زیندانی ئەم پیاوە، بووەتە پاڵەوانی ڕۆمانی (الآن...هنا)ی نووسەری عەرەب عەبدولڕەحمان مونیف.
بەداخەوە #حەیدەر فەیلی# هەر لەلایەن دوژمنانەوە ئازار نەدرا، مونیفیش بێ ناوبردن چیرۆکی ژیانی دزی و کردییە ڕۆمان.
نووسەری ئێراقی (د.فالح عبدالجبار) لە ڕۆژنامەی ئەلحەیاتی لەندەنی ئەو غەدرەی ئاشکرا کرد، چونکە فالح خۆی چیرۆکی ژیانی حەیدەر فەیلی تۆمار کردبوو بەنیازی ئەوەی بە ناونیشانی یاداشتەکانی زیندانییەکی ئێراقی، بیکاتە پەڕتووکێک، دواتر فالح چیرۆکی ژیانی حەیدەر فەیلی بۆ مونیف باسدەکات و کاسێتە دەنگییەکانی بە شێوەیەکی کاتی پێدەدات تا گوێیلێبگرێت، بەڵام مونیف تەواوی ژیانی حەیدەر فەیلی بێ ناوهێنان دەکاتە پاڵەوانی ڕۆمانی (الآن هنا) (ئێستا...لێرە) .
کورد هەر خاک و مێژوو نا، بەڵکوو چیرۆکی ئازارەکانیشی دەدزرێن... [1]
نەوشیروان سەعید (Nawsherwan Saeed)

بەڕێزان: خانەوادە و کەسوکاری کاک حەیدەر فەیلی
بەداخێکی زۆرەوە هەواڵی کۆچی دوایی تێکۆشەری دێرین و ئەندامی پێشووی مەکتەبی سیاسی حزبی شیوعی و وەزیری پێشووتری گواستنەوەی حکومەتی هەرێم (حەیدەر فەیلی) م بیست، دڵگران و خەمباری کردم، هاوبەشی خەمتانم.

کاک حەیدەر فەیلی تێکۆشەرێکی دیاری گەلەکەمان بوو، ژیانی خۆی بۆ خزمەتی گەلەکەی تەرخان کردبوو، ڕۆڵێکی دیار و بەرچاوی هەبوو لە خزمەتکردن و هەمیشە لەگەڵ ئاشتی و ئارامی و پێکەوە ژیان بوو، خوازیاربوو خزمەتی گەلەکەمان بکرێت، بەداخەوە بۆ لەدەستدانی ئەو تێکۆشەرە گەلەکەمان.
پرسە و سەرەخۆشی و هاوخەمی خۆم ئاراستەی خانەوادە و کەسوکار و هاوڕێیانی کۆچکردوو دەکەم، هیواخوازم ئەمە دواکۆست و ناخۆشی هەموو لایەک بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت. [1]

#کۆسرەت ڕەسوڵ عەلی#
سەرۆکی ئەنجومەنی باڵای سیاسی و بەرژەوەندی
#یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=