لە ساڵی 1938 لە شاری #هەڵەبجە# لەدایک بووە، خوێندنی سەرەتایی وناوەندی لە وێ تەواوکردووە، لە ساڵی 1957 چووەتە پەیمانگای هونەرە جوانەکانی بەغدا بەشی شێوەکاری تەواوکردووە، لە سالە کانی 1961 ەو دەستی کردووە بە وتنەوەی وانەکانی پەروەردەیی وهونەری لە قوتابخانەکانی سەرەتایی وناوەندی و پەیمانگای هونەرە جوانەکانی #سلێمانی# دواتر بووەتە سەر پەرشتیاری بەشی سیرامیک لە مەڵبەندی ئیشی دەست لە سلێمانی، ئەندامی نقابەی هونەرمەندانی ئێراق و سلێمانی بووە، ئەندامی نادی کاری بچوک (میناتۆر) ی فرەنسی بووە.
وردترین کاری هونەر مەند بچوکترین گۆزەیە لە جیهان، کە لەسەر دەمانێک دا جێی سەر سوورمان وسەرنج ڕاکێشانی هەموو جیهان بوو، لە چەندین پێشدانگای نێودەوڵەتی بەشداری کردووە دیارترینیان پێشدانگای کاری وردی میناتوری لە مۆنتیلماری شاری فەڕەنسا، بە سێ جار هەر جارەی بە قەبارەیەک ئەوەش جێ سەر سوورمان وسەرنج ڕازکێشانی میوانان ومیدیاکانی جیهان بوو، نوێترین کاریش ئەوەتا، هەلەبجەی شەهید لەسەر گۆی زەوی پایامی خۆی دەگەیەنێ!
لەساڵەکانی 1987 و1988 1989 بەشداری لە پێشدانگای میناتۆری نێودەوڵەتی وردەکاری مۆنتلیماری/فرەنسی کردووە، بەڵام لەبەر خراپی بارودۆخی سیاسی ئێراق لە ساڵی 1990، کەبڕیار بووە بەشداری بکاتەوە بۆجاری چوارەم، بەڵام بەشدار نەبووەتەوە.
بەشداری لە چەندین پێشدانگای شێوەکاری بەکۆمەلی کردووە لە:#هەولێر#، سلێمانی، بەغدا، وەک لە پێشدانگای هونەرمەندانی سلێمانی، میهرەجانی یەکەم بۆ هونەری کوردی لە بەغدا ساڵی1974، پێشدانگای گشتی هونەرمەندانی کورد 1976 هەولێر، میهرەجانی بابل 1987، پێشدانگای تایبەتیی یەکەم 1987 بەغدا، پێشدانگای تایبەت لە ساڵی 1986 هۆلی ڕەشید، لە ساڵی 1986 بەشداری پێشدانگای گشتی هونەرمەندانی کوردی کردووە لە هەولێر، لە ساڵی 1989 پێشدانگای تایبەت لە هۆلی ڕواق/ بەغدا، لە ساڵی 1989 لە بەغدا هۆلی ڕەشید بەشداری پێشدانگای کاری وردی کردووە لەگەڵ هونەر مەندان:#ئیسماعیل خەیات# و هیمەت محەمەد عەلی، #بورهان سابیر#، نامق عەلی قادر.