بەبۆنەی سەری ساڵی نوێی کۆچییەوە، سەرۆکی #حکومەتی هەرێمی کوردستان#، پەیامێکی پیرۆزبایی ئاراستەی موسوڵمانانی کوردستان و عێراق و جیهان کرد.
لە پەیامەکەی #مەسرور بارزانی#دا هاتووە، بە بۆنەی هاتنی سەری ساڵی نوێی کۆچی 1446، گەرمترین پیرۆزبایی ئاراستەی موسڵمانانی کوردستان و عێراق و جیهان دەکەم.
سەرۆکی حکوومەت، ئەوەشی خستووەتە ڕوو، داواکارین لە خوای مەزن و دلۆڤان، ساڵی نوێی کۆچی، ساڵی خێر و ئاشتی و ئارامی و پێشکەوتن و کامەرانی بێت.
ئاماژەی بەوەش داوە، ساڵی نوێی کۆچی لە گشت موسڵمانان پیرۆز بێت و هەمیشە لە خۆشیدا بن. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەبۆنەی هاتنی جەژنی ڕەمەزانی پیرۆز، گەرمترین پیرۆزبایی جەژن لە سەرجەم موسڵمانانی کوردستان و عیراق و جیهان دەکەین، خوای گەورە ڕۆژو و تاعەتی هەموولایەک قەبوڵ بکات.
پیرۆزبایی جەژن لە خانەوادەی سەربەرزی شەهیدان و ئەنفالکراوان و پێشمەرگە قارەمانەکان و کەسوکاریان دەکەین، هیوای بەختەوەری و ژیانی ئاسودەیان بۆ دەخوازین.
هەروەک ڕوونە جەژن هەڵگری پەیامی لێبووردەیی و ئاشتەوایی و خێروبەرەکەتە بۆ گشت مرۆڤایەتی و موسڵمانان، بەداخەوە ڕەمەزان و جەژنی ئەمساڵمان لە هەڵومەرجێکدا بەڕێدەکەین کە تەواوی جیهان بەدەست پەتای کۆرۆنای نوێ COVID -19 دەناڵێنێت و تاوەکو ئێستا چارەسەری بنبڕی بۆ نەدۆزراوەتەوە.
وەزارەتی تەندروستی لەژێر ڕۆشنایی هێڵە گشتییەکانی بەرنامەی کاری کابینەی نۆیەمی حکومەتی هەرێمی کوردستان بەردەوامە لە پێشکەشکردن و باشترکردنی خزمەتگوزاری تەندروستی، بەتایبەتی لە ڕۆژانی پشووی جەژنی ڕەمەزانی پیرۆز خزمەتگوزارییەکانی خۆپارێزی و چارەسەری هاوکات لەگەڵ هەڵمەتی بەرەنگاربوونەوەی ڤایرۆسی کۆڕۆنا لە هەرێمی کوردستان بەپێی پلانێکی تۆکمە پێشکەش بە هاووڵاتییان دەکات.
لێرەدا جارێکی تر وێڕای پیرۆزبایی جەژن، دەستخۆشی و ڕێز و سوپاسمان بۆ هەموو پزیشکان و کارمەندانی تەندروستی و فەرمانبەرانی دامودەزگاکانی تەندروستی دەردەبڕین کە ماندوونەناسانە و بە شەونخوونی خزمەتکردنیان بۆ هاووڵاتیان بەتایبەتی لە ڕووبەڕووبوونەوەی ئەم پەتایەی کۆرۆنا پێشکەش بە هاووڵاتییان کردووە.
هاوڵاتیانی خۆشەویست...
سوپاستان دەکەین بۆ پابەندبوونتان بە ڕێنماییە تەندروستییەکان لە ماوەی ڕابردوو و لە ئێستادا، ئەو ڕێکارانەی دەگیرێتەبەر بۆ سەلامەتی و پاراستنی ئێوەی خۆشەویستە، ئومێدەوارین هەموو پێکەوە خۆپارێزی کەسی و ئامۆژگارییەکانی تەندروستی جێبەجێ بکەین، هیوادارین ئەو ئاستەنگیانەی هاتوونەتە پێش بە زووترین کات تێیپەڕێنین و هەمووان ئاسودەی ژیانێکی تەندروست بن.
دووبارە جەژنی ڕەمەزان لە هەمووان پیرۆز بێت و هەر ساغ و سەلامەت بن.
د. سامان حسین بەرزنجی
وەزیری تەندروستی
#24-05-2020#

بەداخەوە، ئەمشەو 12/13-11-2017 #بوومەلەرزە#یەک، شارەکانی کوردستانی هەژاند و بووە هۆکاری گیانلەدەستدان و برینداربوونی چەندین هاووڵاتی لە ناوچە جیاجیاکان. لێرەوە داوا لە کارمەندانی نەخۆشخانە و بنکەکانی تەندروستی و هەموو وەزارەتە پەیوەندیدارەکانی پەیوەست بە هاوکاریی هاووڵاتیان دەکەین، ئەمشەو پەیوەندی بە شوێنی کاریانەوە بکەن و لە ئامادەباشیدا بن بۆ هاوکاریکردنی هاووڵاتیان، بەتایبەتیش برینداران.
بەم بۆنەیەشەوە سەرۆکایەتیی ئەنجومەنی وەزیران، پارێزگار و سەرپەرشتیاری یەکە کارگێڕییەکان سەرپشک دەکات لە بڕیاردان بۆ هەر هەنگاوێک کە پێویست بکات بۆ هاوکاریکردنی برینداران و هاووڵاتیان.
لە پەروەردگاری مەزن داواکارین گیانی قوربانییان بە بەهشتی خۆی شاد بکات و سەبووریی کەسوکاریان بدات، هیوای زوو چاکبوونەوەش بۆ برینداران و سەلامەتی بۆ هاووڵاتییان دەخوازین.
ئەنجومەنی وەزیرانی هەرێمی کوردستان
12-11-2017

بەبۆنەی جەژنی لە دایکبوونی حەزرەتی مەسیح کریسمس، پیرۆزباییەکی گەرم ئاراستەی مەسیحییەکانی کوردستان و عێراق و جیهان دەکەم. هیوادارم لە کەشێکی ئارام و ئاسوودەدا، جەژن بەسەر ببەن.
هەرێمی کوردستان وەک مەڵبەندی بەیەکەوە ژیانی نەتەوەیی و ئاینی دەمێنێتەوە. شانازیش دەکەین کە پەناگەیەک بووە بۆ میوانداریکردنی سەدان هەزار ئاوارە و پەنابەر و لەناویشیاندا مەسیحییەکانی عێراق و ناوچەکە، حکوومەتی هەرێمی کوردستانیش درێغی نەکردووە و بەردەوامیش دەبێت لەدابینکردنی ئارامی و دڵنیایی و یارمەتیدانی هەموو ئەوانەی لەبەر ستەم و زۆرداری پەنای بۆ دەهێنن.
هیوداراین شەڕو نەهامەتیی لەناوچەکە و جیهان بە گشتی کۆتایی پێ بێت و ئاشتی و ئارامی و ئاوەدانی سەقامگیر بێت.
#مەسرور بارزانی#
سەرۆکی حکوومەتی هەرێمی کوردستان
#24-12-2019#

ئەو تاوانانەی لە کوشتن و ڕاوەدوونان و دەربەدەرکردن دژی هاووڵاتییانی سڤیل و موسڵمانانی ڕۆهینگا لە میانمار ئەنجام دەدرێن، بە توندی سەرکۆنەیان دەکەین.
گەلی کوردستان کە کارەساتی کیمیاباران و ئەنفال و تاوانەکانی داعشی دژ بە خوشک و برایانی ئێزدی و پێکهاتەکانی دیکەی کوردستان بینیوە، لە نزیکەوە هەست بە ئازار و مەینەتییەکانی موسڵمانانی ڕۆهینگا دەکات و هاوسۆزی و پشتیوانییان بۆ دەردەبڕێت.
مایەی نیگەرانییە کۆمەڵگەی نێودەوڵەتی نەیتوانیوە ڕێگە لەو تاوانانە بگرێت و دووبارە و چەندبارە دەبنەوە، بۆ ڕێگری لەو تاوانانە داواکارین هەنگاوی جدی بگیرێتە بەر و کۆتایی بە تراژیدیا و کارەساتی خەڵکی سڤیل و بێدەسەڵاتی ڕۆهینگا بهێنرێت و تاوانباران بە سزای خۆیان بگەیەنرێن.
#ئەنجومەنی وەزیران#ی هەرێمی کوردستان
07-09-2017

سەرەخۆشی لە خانەوادەی ئه و ئەفسەرە فەڕەنسييە دەکەين کە دوای نواندنی قارەمانيەتييەک بۆ ڕزگارکردنی بارمتەيەکی سڤيل، لە ئەنجامی کارە تيرۆرستييەکەی پێرێی باشووری فەڕنسادا، دوێنێ بە هۆی سەختيی برينەکانييەوە گيانی لە دەست دا، هەروەها سەرەخۆشی لە خانەوادەی سێ قوربانييەکانی ديکە و گەل و حکوومەتی فەڕەنسا دەکەين، هاودەردی و هاوخەميمان لەگەڵيان دەردەبڕين و بە توندی ئه و کارە تيرۆرستييە ترسنۆکە ئيدانە دەکەين.
حکوومەتی هەرێمی کوردستان
#25-03-2018#

لەسەر بڕیاری #حکومەتی هەرێمی کوردستان#، لە شارەدێی #شیلادزێ#ی سەر بە شارۆچکەی (#ئامێدی#) لە سنووری پارێزگای #دهۆک#، کۆڕنیشێک درووست دەکرێت.
میللەت عیسمەت، سکرتێری ڕۆژنامەوانیی پارێزگای دهۆک ڕایگەیاند: لەسەر بڕیاری حکوومەتی هەرێمی کوردستان، کۆڕنیش لەسەر ڕووباری ئاڤاشین لە شیلادزێ درووست دەکرێت..
وتیشی: ئامادەکارییەکان بۆ ئەو پڕۆژەیە دەستی پێ کردووە و لە ماوەیەکی نزیکدا کارەکانی پڕۆژەکە دەست پێدەکات.
سکرتێری ڕۆژنامەوانیی پارێزگای دهۆک ئەوەشی خستە ڕوو، بە درووستکردنی ئەو پڕۆژەیە، کەرتی ئابووری و گەشتیاری لە ناوچەکە بەرەو ئاستێکی باش دەبات و ناوچەکە جوانتر دەبێ، لە هەمان کاتدا هەلی کار بۆ خەڵکی ناوچەکە فەراهەم دەبێت. ئەمە لە کاتێکدایە، دوێنێ یەکشەممە ڕێکەوتی #14-08-2023#، لە ڕێوڕەسمێکدا، #مەسرور بارزانی#، سەرۆکی حکوومەتی هەرێمی کوردستان، پڕۆژەی گەشتیاریی کۆڕنیشی دەلالی لە #زاخۆ# کردەوە.
هەر دوێنێ سەرۆکی حکوومەت مزگێنی بە خەڵکی زاخۆ دا و وتی: ئێمە لە درووستکردنی کۆڕنیشی زاخۆ بەردەوام دەبین هەتا ڕووباری خابوور لە زاخۆ تەواو دەبێت، ئیشەڵا هەموو قۆناغەکانی دیکەش جێبەجێ دەکرێن. [1]

ئێوارەی ئەمڕۆ دووشەممە #18-12-2023# #مەسرور بارزانی#، سەرۆکی #حکومەتی هەرێمی کوردستان#، لە کوەیت، بەشداریی لە پرسەی میری کۆچکردووی کوەیت شێخ نەواف ئەحمەد جابر ئەلسەباح.
سەرۆکی حکوومەت، سەرەخۆشی و هاوخەمی خۆی و هەرێمی کوردستانی بە شێخ مەشعەل ئەحمەد جابر ئەلسەباح میری دەوڵەتی کوەیت و بنەماڵەی ئەلسەباح گەیاند و هیوای خواست خوای مەزن گیانی خوالێخۆشبوو بە میهرەبانیی خۆی شاد بکات و ئارامی و دڵنەواییش بە هەمووان ببەخشێت.
سەرۆکی حکوومەت هەروەها سوپاس و پێزانینی بۆ هاوکاری و پشتیوانیی دەوڵەتی کوەیت بۆ ئاسایش و سەقامگیریی هەرێمی کوردستان و عێراق دەربڕی.

پاشنیوەڕۆی ئەمڕۆ دووشەممە 18-12-2023 سەرۆکوەزیران مەسروور بارزانی، بەسەرۆکایەتی شاندێکی حکوومی، بەرەو کوەیت بەڕێکەوت بۆ بەشداری لە پرسەی شێخ نەواف ئەحمەد جابر ئەلسەباح.
سەردانەکەی سەرۆکوەزیران مەسروور بارزانی بۆ کوەیت و گەیاندنی سەرەخۆشی و هاوخەمی خۆی و هەرێمی کوردستانی بە شێخ مەشعەل ئەحمەد جابر ئەلسەباح میری دەوڵەتی کوەیت و بنەماڵەی ئەلسەباح، بووە جێی بایەخی میدیای فەرمیی کوەیت ناسراو بە (کونا).
ڕۆژی شەممە #16-12-2023#، نەواف ئەحمەد جابر ئەلسەباح میری کوەیت، لە تەمەنی 86 ساڵیدا کۆچی دوایی کرد، بەو بۆنەیەوە سێ ڕۆژ پشوو لە سەرتاسەری وڵاتەکە و 40 ڕۆژ ماتەمینی ڕاگەیەندرا. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

سەرۆکی #حکومەتی هەرێمی کوردستان# پیرۆزبایی هەڵبژاردنی وەک سەرۆکوەزیرانی نوێی بەریتانیا لە کییەر ستارمەر، سەرۆکی پارتی کرێکاران دەکات.
ڕۆژی 5ی تەمموزی 2024 #مەسرور بارزانی#، سەرۆکی حکوومەتی هەرێمی کوردستان لە تۆڕی کۆمەڵایەتی ئێکس پیرۆزبایی لە کییەر ستارمەر کرد، بە بۆنەی هەڵبژاردنی وەک سەرۆکوەزیرانی نوێی بەریتانیا.
لە پەیامەکەی سەرۆکی حکوومەتی هەرێمی کوردستان مەسروور بارزانیدا هاتووە: بەڕێز کییەر ستارمەر، پیرۆزباییتان لێدەکەم بە هەڵبژاردنتان وەک سەرۆکوەزیرانی نوێی بەریتانیا، بەوپەڕی خۆشحاڵییەوە چاوەڕێی کارکردنم لەگەڵ ئێوە بۆ بەردەوام بوون لە هاوبەشی بەهێزی نێوان هەرێمی کوردستان و بەریتانیا. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

سەرۆکی #حکومەتی هەرێمی کوردستان#، پیرۆزبایی لە مەسعود پزیشکیان دەکات و رایدەگەیەنێت، ئێران دراوسێیەکی گرنگی هەرێمی کوردستان و عێراقە.
ئەمڕۆ شەممە #06-07-2024#، #مەسرور بارزانی#، سەرۆکی حکوومەتی هەرێمی کوردستان، پیرۆزبایی لە مەسعود پزیشکیان دەکات، بە بۆنەی هەڵبژاردنی بە سەرۆکی نوێی کۆماری ئیسلامی ئێران.
سەرۆکی حکوومەت لە پەیامەکەدا ئاماژەی بەوە کردووە، ئێران دراوسێیەکی گرنگی هەرێمی کوردستان و عێراقە.
مەسروور بارزانی روونی کردووەتەوە، بە هیوای قووڵکردنەوەی هاوئاهەنگیی نێوانمان لەسەر بنەمای دراوسێیەتی و ڕێز و بەرژەوەندی هاوبەش. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=