هاووڵاتیانی بەشەرەفی هەرێمی کوردستان، مامۆستایان، فەرمانبەران، تەندروستکاران، ڕۆشنبیران، هونەرمەندان، هێزە ئەمنییەکان، تەواوی چین وتوێژە ناڕازی و بەشخوراوەکان، تەڤگەری ئازادی کۆمەڵگەی کوردستان وەکو بزوتنەوەیەکی سیاسی و کۆمەڵایەتی ئۆپۆزسیۆنی دیموکراتی، سەبارەت بە خۆپیشاندان و ناڕەزایەتیەکان ئێوە بە مافدار دەزانێت و خۆیشی بە ئەرکدار.
لای هەمووان ئاشکرایە کە نزیکەی سی ساڵە دەسەڵات نەیتوانیوە بەشێوەیەکی تەندروست ئیدارەی ئەم هەرێمە بدات و ژیانێکی شەرەفمەندانە و ئازادانە فەراهەم بکات، ئەتوانین بەکورتی بڵێین، لەڕووی ئابوریەوە دۆخێکی شکستخواردوو، لەڕووی سەربەخۆییش هەرێمێکی بێ سەروەری و بێشکۆ، لەڕووی کۆمەڵایەتییەوە کۆمەڵگەیەکی ئیرادە شکێندراو و بێ هیوا کە دەتوانین بڵێین لە زۆرڕوەوە شکستیان هێناوە.
وێڕای هەبوونی خەڵکانی پسپۆڕ و دڵسۆز لە کەرتەکانی پەروەردە و تەندروستیدا دۆخی هەرێمەکەمان دەبینین، ئەم بارودۆخە پێمان دەڵێت، ئەم حکومەتە ناتوانێت لەوە باشتربێت، وەک لە پەیامی سەرۆکی حکومەتدا هاتبوو، کە قەرزداریشین.
هاووڵاتیانی بەڕێز، ئەم حکومەتە سایکۆلۆژیای ئەم میللەتەی ناسیوە بۆیە جۆرەها ساختەکاری بەکاردەهێنێت بۆ کپکردنی دەنگی ناڕەزایەتی و بەلاڕێدابردنی هەڵوێستیڕەوای هاووڵاتیان،
پێویستە ئێمەشڕاستی ئەم دەسەڵاتە بناسین بۆ ئەوەی بزانین چۆنڕوبەڕوی پلانە ساختەکاریەکانی ببینەوە، بۆئەوەش ئێمە چەند پەیامێکی گرنگ ڕادەگەیەنین، کە بەشێکی کۆمەڵگە ئەرکدار دەکات بە هەموو چین و توێژەکانیەوە، ئەو بەشەی دیکەشی لایەنە سیاسییە ئۆپۆزسیۆنەڕاستەقینەکانی کە لەبەرەی گەلن، بۆ بە ئەنجام گەیاندنیشی وەکو تەڤگەری ئازادی ئامادەین و بە ئەرکی خۆمان هەڵدەستین.
بەڕێزان، هەمیشە دەسەڵات هەوڵ دەدات بە دروستکردنی کێشە سەرەتاییەکانەوە هاووڵاتیان سەرقاڵ بکات و کێشە بنەڕەتیەکان لە بیر بباتەوە.
بۆیە ئێمە بانگەوازی دەکەین بۆ هەمووان بێ جیاوازی، تکایە هۆشیار بن و خواستمان بۆ چارەسەری پێویستە سنوری باو تێپەڕ بکات، پێویستە پێش ئەوەی داوای موچە بکەین داوایڕوخانی ئەو هێز و لایەنانە بکەین کە بە ئەنقەست قوت و موچەی خەڵکیان بڕیوە پێش ئەوەی داوای کردنەوەی دوکانەکانیان هاوکاری مادی لە دەسەڵات بکەین، ئەو زهنیەتە بناسین کەڕوبەڕوی دۆخێکیبەمڕەنگەی کردوینەتەوە، لەڕابردودا بە شێوەی سۆز و عاتیفە ناڕەزایەتییەکانڕێکخران، بێ هۆشیاری و داواکاری بۆ گۆڕینی زهنیەتی دەسەڵاتداری هەژمونخوازی، بۆیەش ئەنجامەکەی لەلایەکبێ هیوایی هێنا و لەلایەک هاووڵاتیان سەرزەنشتی خۆیان کرد کە لە بری گۆڕانکاری لە سیستم و زهنیەتی بەڕێوەبەری هەندێک گوڕانکاریان لە دەموچاو و ژیانی چینێکی دیاریکراودا کرد، ئەمڕۆ جارێکی تر ناڕەزایەتییەکان بەرەو قۆناغێکی دیکەی هەستیار دەچن، زۆر گرنگە بە ئەزمون وەرگرتن لەڕابردوو بە هۆشیاریەکی تەواوەوە هەوڵی گۆڕانکاری بدەین، تکا و داوای ئێمە بۆ هاووڵاتیان ئەوەیە ناڕەزایەتییەکان بە پلان و پرۆژەوە ئامادەکاری بۆ بکرێت، خۆڕێکخستنی هاووڵاتیان و سازش نەکردن و پاشگەز نەبوونەوە و بەردەوامی دان، خاڵی بەهێزی سەرکەوتنی چالاکیە مەدەنی و فشارە جەماوەریەکانن، گەرەنتی کردنی خاوەنداری دەبێتە هۆکاری متمانەی هاووڵاتیان و بەدەمەوە هاتنی بانگەوازیەکان بۆ چالاکی، ناکرێت و نابێت لایەنێکی سیاسی خۆی بکاتە خاوەنی دەنگی هاوڵاتی و ئەزمونیڕابردوو بەکار بهێنێت بۆ گەیشتن بە دەسەڵات لەسەرڕەنجی هاووڵاتی و خوێنی ناڕازیە بەشخوراوەکان، کۆمەڵگەی هۆشیار و چالاک هەردەم بە دوای سیستمێکی باشتردا دەگەڕێت کە ئەمەش حەقێکیڕەوای خۆیەتی.
سەبارەت بە هێزە سیاسییەکان و کەسایەتیی و ڕێکخراوەکانیش ئێمە هەمان بانگەوازیمان هەیە، کە پێویستە هەمووان پێکەوە لە چوارچێوەی پلانێک و بەرەیەکی هاوبەشی دیموکراتی ئۆپۆزسیۆنی حەقیقیدا کۆببینەوە و پرۆژەیەکی نوێ بە هەماهەنگی لەگەڵ نوێنەرایەتی خۆپیشاندان و ناڕەزایەتیتوێژەکاندا بنووسینەوەو وەکو سیستمێکی ئەلتەرناتیڤ پێشکەشیڕایگشتی ناوخۆیی و جیهانیش بکەینەوە، کە بریتیبێت لە گۆڕینی سیستمی حوکمڕانی ئەم هەرێمە.
ئێمە وەک تەڤگەری ئازادی پێمان وایە ئەم دەسەڵاتە ئیدی شکستی هێناوە و پێویستە هەموو هێزە سیاسیەکان خۆیانیەکلایی بکەنەوە کە لەبەرەی گەلنیاندەسەڵات، بە هەموو شێوەیەک دوفاقیش قبوڵ ناکرێت و بێ واتایە هێزێک قاچێکی لە شەقام و قاچێکی دیکەی لەدەسەڵات بێت، بەوڕەنگەڕوویڕاستی هەموو لایەکیش ئاشکرا دەبێت، بۆ خۆمان تا دوا ڕادە ئامادەین و خۆمان بە ئەرکدار و بەرپرسیار دەبینین بەڵام مەرجی سەرکەوتنمان گرنگە کە بریتیە لە پابەند بوون بەو خاڵانەی کە لەسەرەوە باسمان کرد، بە پێچەوانەوە لەم قۆناغە بێدەنگی باشترئەبێت.
لە کۆتایدا ئەم دۆخە کۆتایی نایەت بەڵکو دەستپێکی دەربڕینی ناڕەزایەتییەکانە، بۆیەش دوپاتی دەکەینەوە تواناکانمان پێکەوە بە هەماهەنگی وبە پێشەنگایەتی ژنان و گەنجان دەتوانێت ژیانێکی ئازادانە و دیموکراتیانە بەشەرەفەوە بۆ خۆمان و نەوەی داهاتومان مسۆگەر بکات، ژیانێک کە هەمووان تیایدا ئازاد بژین و ئازاد بیربکەنەوە.
#04-06-2020#

#تەڤگەری ئازادیی کۆمەڵگەی کوردستان# ڕەخنەی لە یاسای چاکسازیی هەیە و داوا لە سەرۆکی هەرێم دەکات، کە واژۆی نەکات و بیگەڕێنێتەوە بۆ پەرلەمان.
تەڤگەری ئازادیی کۆمەڵگەی کوردستان لە ڕاگەیەنداروێکدا، کە ئەمڕۆ بڵاویکردووەتەوە، ڕەخنە لەیاسای چاکسازیی دەگرێت، کە لەلایەن پەرلەمانی هەرێمی کوردستانەوە پەسەندکراوە و ڕۆژی 20ی ئەم مانگەش بۆ نیشاندانی ڕەزامەندیی لەسەری، ڕادەستی سەرۆکی هەرێمی کوردستان کرا.
تەڤگەری ئازادیی لە ڕاگەیەندراوەکەیدا دەڵێت:پێمانوایە ئه و یاسایە، نەک ناتوانێت بار و گوزەرانی مووچەخۆر و فەرمانبەران باش بکات، بەڵکو خەڵکی بێ مووچه و کاسبکاریشی خستووەتە بەردەم قەدەرێکی نادیار.
دڵنیاییش دەدات، کە هێشتا هەزاران کەس لەناو هێزە ئەمنییەکاندا بندیوارن و خەڵکێکی زۆر ناویان لە لیستی مووچەی فەرمانبەران هەیە، هەندێکیان هەر ناوێکی وەهمی یه و مووچەکانیشیان وەردەگیرێت و دەخرێتە گیرفانی بەرپرسان.
بەبۆچوونی تەڤگەری ئازادیی، ئەگەر حکومەتی هەرێم مەبەستیەتی چاکسازیی بکات، دەبێت سەرەتا داهاتی نەوت و گرێبەستەکانی لەگەڵ دەرەوەدا ئاشکرا بکات، داهاتی ناوخۆ ئاشکرا بکات، دەشڵێت:ئێمە هیچ گومانمان لەوە نیە هەرێمی کوردستان لە ئێستاشدا خاوەن داهاتیکی زۆر گەورەیە، کە دەتوانێت زۆربەی کەرتەکان ببوژێنێتەوە و پرۆژە وەستاوەکان بخاتەوە کار.
لەبارەی مووچەی پلەباڵاکانیشەوە، تەڤگەری ئازادیی دڵگرانیی نیشان دەدات لەوەی، پەرلەمان لە باشوری کوردستان ڕۆژ بە ڕۆژ بێ ئەرزش دەکرێت و لاواز دەکرێت، بەشێکیش لە پەڕلەمانتاران بێ بەڵێن بوون بەرامبەرخەڵکی و ئەو بانگەشانەی کە لە کاتی هەڵبژاردنەکان دا بەرزیان کردبووەوە، دەشڵێت:جیاوازیی مووچە لە هەرێمی کوردستان ئێجگار زۆرە، لەبەر ئەوەیە چینایەتی بە ڕێژەیەکی زۆر لە پەرەسەندن دایە.
تەڤگەری ئازادیی کۆمەڵگەی کوردستان لە کۆتایی ڕاگەیەندراوەکەیدا، داوا لە سەرۆکی هەرێم دەکات، کە واژۆ لەسەر ئەو ە یاسایە نەکات و بیگێڕێتەوە بۆ پەڕلەمان تا گفتوگۆی زیاتری لە بارەوە بکرێت و چاکسازیەکی ڕیشەیی ئەنجام بدرێت.[1]
#23-01-2020#

دەستەی بەڕێوبەریی تەڤگەری ئازادیی کۆمەڵگەی کوردستان، ڕاگەیەندراوێکی بۆ ڕای گشتیی، پەرلەمان، حکومەتی هەرێم و ڕێکخراوە مەدەنییەکان، بڵاوکردەوە.
لە ڕاگەیەندراوەکەدا، ئاماژەی بەو دۆخە ناهەموارە کردووە، کە بەهۆی بڵاوبوونەوەی ڤایرۆسی کۆرۆنا و قەدەغەی هاتووچۆوە، ڕووبەڕووی هاوڵاتیانی هەرێمی کوردستان بووەتەوە.
لە ڕاگەیەندراوەکەدا هاتووە:هەرێمی باشوری کوردستانیش لەبەردەم ئەوهەرەشەیەدایە، حکومەت و لایەنی تەندروستی ئەیانەوێت ڕێ وشوێن بۆ پێشگرتن لەو پەتایە بگرنەبەر بەڵام ئەورێوشوێن و خۆپارێزیە بەتەنهالەسەر حسابی بەکەرێنتینەکردنی هاوڵاتیان لەماڵەکانیاندا ئەنجامگیر نابێت.
تەڤگەری ئازادیی دەشڵێت:ئەوەی بەدی ئەکرێت هاوڵاتیان باش پەیڕەوی بڕیارەکانی خۆپاراستن ئەبن، بەڵام ئەوەی ئەرکی حکومەتە له دابینکردنی موچه و پێداویستییەکانی هاوڵاتیان بەتایبەتی خەڵکی کەم درامەت هیچ هەنگاوێک نەنراوە.
تەڤگەری ئازادیی کۆمەڵگەی کوردستان لە چەند خاڵێکدا داواکارییەکانی دەخاتەڕوو:
1- ئەگەر حکومەت لەبەرامبەر بژێوی بەهەزاران خێزان کە ڕۆژێک کارنەکەن نان نیە بیخۆن ئەرکی خۆی جێ بەجێ نەکات ئەوا لەبەرامبەر هەلومەرجێکی مەترسیدار و مرۆڤایەتی بەرپرسیاردەبێت و هەموو ئەگەرێک کراوەیە لەکۆنترۆڵ دەربچێت. لەئەگەری ئەوەی ئەگەر بیر لەدابینکردنی پێداویستی خەڵک نەکرێتەوە دەبێت چاوەڕوانی ئەوەبین خەڵکی ڕێبازەکانی کارەنتینە بشکێنن و بەدوای پێداویستییە ژیانیەکانیان لەماڵەکانیان دەرکەون، ئەوەش کارەساتی گەورەی لێدەکەوێتەوه و لەئەگەری هەچ ڕووداوێکی نەخوازراودا حکومەت و دەسەڵات لێی بەرپرسیارن و ئه و کات کۆنترۆڵکردنی گران دەبێت.
2- کۆمەڵگەی باشوری کوردستان بەشی زۆری لەسەر مووچە دەژی بەچ یاسایەک خەڵکی بەبێ مووچە و دابینکردنی پێداویستی خواردەمەنی لەماڵەکاندا دەهێڵدرێنەوە، ناکرێت ئەو دۆخە لەسەرحسابی برسیکردنی هاوڵاتیان و نەدانی مووچە درێژبکرێتەوە، ئەرکی حکومەت و دەسەڵاتدارانە بێ دواکەوتن مووچە دابەشبکەن، چونکە هاوڵاتیان لەو دۆخەدا ئەرکی خۆیان جێ بەجێ کردووە، دەبێت حکومەتیش ئەرکی خۆی جیبەجێ کات و میکانیزمی گونجاو پەیڕەوبکات بۆ دابەشکردنی موچە.
3- کارمەندانی تەندروستی ک ەبەهەزاران دەرچووی زانکۆ و پەیمانگاکان هەن، بکرێنە گرێبەست و بەخێرایی ڕاهێنانیان پێبکرێت بۆهاوکاری تیمە تەندرووستیەکان ئامادە بکرێن.
4- لە وەرزی ئێستادا کەوەرزی بەرهەمی کشتوکاڵییە، دەبێت وەزارەتی کشتوکاڵ پلانی هەبێت بۆ بەرهەمی خۆماڵی، دەبێت لەبن چاودێری تەندروستییدا ڕێگە خۆشبکرێت بۆ جوتیاران لەپێناو زیادکردنی بەرهەمی ناوخویی و لەپێناو بوژاندنەوەی خۆبژێوییدا بڕۆنە مەزراکانیان، ناکرێت ڕێگری بکرێت لە جوتیاران و هاوڵاتیان بۆ چوونە سەر کێڵگەی کشتوکاڵی و ئاژەڵداریەکانیان و لەولاشەوە ڕێگە بۆ بەرهەمی ئێرانی وتورکی وبیانی بکرێتەوە، چونکە باروودۆخەکە بۆهەر ئەگەرێک کراوەیە، لەکاتێکدا کاربگاتە سەرداخستنی سنورەکان دەبێتە کارەساتی مرۆیی گەورەلەسەر گەلەکەمان، یەکێکیش لەشێوازەکانی خۆپاراستن داخستنی سنورەکانە، لەبەر ئەوە ناکرێت لەم کاتەدا کەوەرزی جۆرێک لەبەرووبوومە ڕێگری بکرێت کاری کشتوکاڵی.
5- پەرەبدرێت بە دروسکردنی پێداویستی تەندروستی و خۆپارێزی وەک ماسک و دەرمانی پاککەرەوە، دەکرێت ئه و کارگانەی لەئێستادا بەرهەمەکانیان گرنگ نین یان ڕاوەستێنراون بگۆڕێن بۆ شوێنی بەرهەم هێنانی کەرەستەی خۆپاراستن.
6- لەسەرجەم شارو شارۆچکەکان باڵەخانەی حکومی، هۆڵی گشتی وەک هۆڵی بۆنەکان، هۆڵی پرسەکان و باڵەخانەی گونجاو بۆ کەرەنتینەکردن ڕێکبخرێن و دیزاین بکرێن. لەئێستادا پێویستە حکومەت + هاوکاری هاوڵاتیان لەجیاتی بینادروستکردن هەوڵی دەستەبەرکردنی ئامێر و پێداویستی پزیشکی تایبەت بەو ڤایرۆسە بدرێت، هەروەها بەدەستهێنانی ڕێژەیەکی باش و پێویست لەئامێری هەناسەدان ئەوەی جێی نیگەرانییه و وەک لەداتاکانی نەخۆشخانەکان ئاشکرا دەکرێن کەمترین ئامێری هەناسەدان هەیە لەهەرێمی کوردستان.
7- پێویستە پەرلەمان بەپەلە بکەوێتە خۆی و پرۆژەیاسای خێراو تایبەت دەربکات، لەبەرژەوەندی هاوڵاتیان بێت، کرێی ئاو کارەبا و تەندروستی و ئینتەرنێت و باج و خزمەتگوزاری لاببرێت یان بەرێژەی لەسەدا 80 کەم بکاتەوە و حکومەت ناچار بەجێبەجێکردنیان بکات.
8- سەبارەت بە پەنابەرانی باکوری کوردستانیش لەکەمپی پەنابەرانی ڕۆستەم جودی لە#مەخموور#، لەرووی تەندرووستی و ژیانیەوە هاوکاری بەپەلەبکرێن. کەچەندین مانگە لەتەواوی پێداویستییەکانیان بەتایبەتی پێداویستی تەندروستی بێبەش کراون.[1]
#27-03-2020#

تەڤگەری ئازادیی کۆمەڵگەی کوردستان داوای سەربەستکردنی تەواوی زیدانیانی #دهۆک# دەکات و دەشڵێت: حکومەتی هەرێمی کوردستان فەشەلی ئیداری و سیاسی و حوکمڕانی هێناوە و نایەوێت دانی پێدا بنێت و بە خۆداچونەوەیەک بکات.
ئەمڕۆ تەڤگەری ئازادیی کۆمەڵگەی کوردستان ڕاگەیەندراوێکی بڵاوکردەوە.
لە ڕاگەیەندراوەکەدا تەڤگەری ئازادیی دەڵێت: پارێزگاری دهۆک بۆ ئەوەی بڵێت هاوڵاتیان ناڕازی نین و ئەمە هێزە سیاسییەکانن دەستێوەردان دەکەن، وەک بەرپرسێکی سەربازیی حزبیی پەنجەی تۆمەت بۆ تەڤگەری ئازادیی ڕادەکێشێت.
تەڤگەری ئازادیی، دەشڵێت، کە داکۆکییکردن لە مامۆستایان و تەواوی گەلی کورد بە ئەرکی لە پێشینەی خۆیان دەزانن و هیچ کەسێکیش مافی نییە بە ناڕەزاییەکانی بادینان بڵێت ئاژاوەگێڕی.
هەروەها داوا دەکات هەرچی زووە زیندانیان سەربەست بکرێن و چیتر داوا کردنی قوتی ژیان نەبێتە هۆی سزادان، بە پێویستیشی دەزانێت دەسەڵاتی ئەم هەرێمە لە بری تۆمەت و سزادان، بیر لە چارەسەریی بکاتەوە.
تەڤگەری ئازادیی دوپاتیشیدەکاتەوە کە لە پاش 2003 دەرفەتێکی زێڕین بۆ گەلی کورد لە باشور هاتە پێش، بەڵام دەسەڵاتی ئەم هەرێمە بە پێچەوانەوە لە بەرژەوەندی هاوڵاتیان کاری نەکرد و دواجار بە دەستێوەردان و هەماهەنگی وڵاتانی دەرەکی هەرێمێکی بێ سیستم و هاوڵاتییەکی بێ هیوا هاتە کایەوە، ئەمڕۆش لە ئەنجامی نەبوونی سیاسەتێکی سەرکەوتوو، هاوڵاتیانی ئەم هەرێمە باجی سیاسەتی ناحەکیمانەی دەسەڵات دەدەن.
هێما بۆ ئەوەشدەکات، تەڤگەری ئازادیی کۆمەڵگەی کوردستان، زۆرترین باجی داوە لە خزمەت کۆمەڵگەدا و تاکە هێزی ئۆپۆزسیۆنە، کە ڕێگریی لە چالاکیی و تەنانەت هەبوونی بارەگاکانی دەکرێت.[1]
#21-05-2020#

دەقی ڕاگەیەندراوەکەی تەڤگەری ئازادیی
کۆمەڵێک لە گەنجان و کەسایەتییەکانی شیلادزێ لە ڕاپەڕینەکەی پارساڵی شیلادزێ-وە تا ئێستا لە بەرامبەر هەڵوێستەکانیان دژ بە داگیرکاری لەلایەن دەسەڵاتی ئەو هەرێمەوە دەستبەسەر کراون و لە زینداندا ماون، لایەنە سیاسیەکان و ڕێکخراوە مەدەنییەکان و نوێنەرایەتی نەتەوە یەکگرتووەکان لە هەرێمی کوردستان و کونسوڵخانە و داکۆکیکارانی مافی مرۆڤ، لیژنەکانی مافی مرۆڤی پەرلەمان لە ئەنجومەنی نوێنەرانی عێراق و پەرلەمانی هەرێمی کوردستان، بێدەنگن و ئەو مرۆڤە ئازادیخواز و وڵاتپارێزانە بێ خاوەنداریی و داکۆکی ماونەتەوە، لە پاش ئەو کاتەشەوە هەتا دوو ڕۆژ پێشتریش بە شێوەیەکی بەردەوام گەنجان و هاوڵاتیانی قارەمان و بەرخۆدێری بادینان بە گشتی و شیلادزێ بەتایبەتی دەستگیر دەکرێن و ڕووبەڕووی هەڕەشە و زیندان دەکرێنەوە و داوای بێدەنگی و بێ هەڵوێستیان لێ دەکەن، بۆ ئەو مەبەستەش داوای پڕ کردنەوەی بەڵێننامەیان لێ دەکرێت، ئەوانەشی ئامادەنەبن واژۆی بکەن لە زینداندا دەمێنن و تا ئێستا زیاتر لە چوار کەسیان یازدە مانگی تێپەڕاندووە لە مانەوەیان لە زینداندا.
لێرەوە داوا دەکەین بە ڕای گشتی بتوانین ئەم کەیسە بجوڵێنین و داواکارانی گشتی و یاساناسان و کۆی ئەو لایەنانەی لەسەرەوە ئاماژەمان بە بێدەنگیان کرد، بهێنینە سەر هێڵ و هەرچی زووە سەربەستی بۆ ئەو وڵاتپارێزانە بە دەستبخەین، وەکو سەرەتایەک کەمپینێکی تۆڕە کۆمەڵایەتیەکان و بە ڕۆژەڤ کردنی ئەم کەیسە گرنگ دەبینین.[1]

ئەم بابەتە بەپێی ستانداردەکانی کوردیپێدیا هێشتا ناتەواوە و پێویستیی بە داڕشتنەوەی بابەتی و زمانەوانیی زۆرتر هەیە!

لە ڕۆژێکی وەکو ئەمڕۆدا لە ساڵی 1974، ڕژێمی بەعس'ی عێراق شارۆچکەی #قەڵادزێ#ی بۆردوومان کرد و لە ئەنجامیدا 138 هاوڵاتی شەهیدبوون و سەدانیش برینداربوون، لەم ساڵیادەدا تەڤگەری ئازادیی- هەرێمی ڕاپەڕین ڕاگەیەندراوێکی بڵاوکردەوە.
لە ڕاگەیەندراوەکەدا هاتووە: کومەڵکوژی سەر خەڵکی کورد پەروەری پشدەر بۆ شکاندنی ئەو ئیرادە بەهێزەی خەڵکەکە بوو کە لە بەرامبەر داگیرکاریدا ڕاوەستابوون، هەرکاتێک داگیرکەران نەیان توانیبێت گەل دەستەمۆ بکەن و بیانخەنە ژێر ڕکێف و تەسلیمیان بکەن بەکۆمەڵکوژی و ڕووبەڕووی گەلی کورد بوونەتەوەوە، لە #هەڵەبجە# بە چەکی کیمیایی و لە #گەرمیان# بە ئەنفال جینۆسایدێکی کەم وێنەی مەزنتریان ئەنجامدا بە بەرچاوی جیهانەوه، لە ڕۆژگاری ئەمڕۆشدا داگیرکەرانی سەر کوردستان بەتایبەت دەوڵەتی فاشستی تورکیا لەهەرکاتێک زیاتر بۆ شکاندنی هێڵی تێکۆشانی گەلی کورد و بزوتنەوە ئازادیخوازیەکەی بە هەموو توانای خۆی و هاوپەیمان و نۆکەرانی ناوخۆییەوە بەردەوامە لە ئەنجامدانی کۆمەڵکوژیی و تاوانی دژ بە مرۆڤایەتی لە باکوری کوردستان تادەگاتە ڕۆژئاوا و باشوری کوردستان.
لە بەیاننامەکەدا جینۆسایدی خەڵکی، شەنگال، #عەفرین#، کۆبانێ، #سەرێکانی# کراوە وەک هەمان پیلان بەبیرهێنراوەتەوە، هەروەها هاتووە: دەبوایە لەو ڕۆژەدا بەشکۆیەکی مەزنەوە یادی شەهیدانی قەڵادزێمان بکردایەتەوە و یەکگرتوویی خۆمان نیشانی داگیرکەرانی سەر کوردستان بدایە، بەداخەوە بەهۆی ناکۆکی و خۆگرێدان بەداگیرکەران و بەرژەوەندپەرستییەوە داگیرکاری بە پشتیوانی هێڵی خیانەت بەردەوامە لەسەر پارچەکردنی هێزوو تواناکانی گەل، هەرئەوەش وای کردوە مەترسی و کۆمەڵکوژی لەسەر گەلی کورد درێژەبکێشێت.
تەڤگەری ئازادیی داوای لە هاوڵاتیانی دەڤەرەکە کردەوە بە هەمان ئیرادەی پێشووەوە شکست بە پیلان و داگیرکارییەکان بهێنن، کە لە ئێستادا ئەو پیلانگێڕییە بەهێنانی هێز بۆ زینی وەرتێ دەستیپێکردووە لەسەر ئەو بنەمایە پشتگیری لە خەڵکی وڵاتپارێزی ناوچەی وەرتێ و شاورێ و دۆڵی ئاکۆیەتی دەکەین بۆ چوونەدەری ئەوهێزانە بۆ شۆێنەکانی خۆیان و گێڕانەوەی ئارامی بۆ ناوچەکە، جگە لەوە گەلی کورستان بە هیچ جۆرێک شەرو ئاڵۆزی قبوڵناکات.[1]
#24-04-2020#

پارتێکی ڕامیاریی نزیک #پەکەکە#یە لە باشووری کوردستان. لە #17-10-2014# دامەزراوە، بەڵام لە ڕۆژی #04-12-2017# لەلایەن کۆمسیۆنی باڵای هەڵبژاردنەکانی عێراق مۆڵەتی فەرمی پێدراوە و هێشتا لە #وەزارەتی ناوخۆ#ی حکومەتی هەرێم مۆڵەتی کارکردنی نییە.
رۆژی #19-01-2018# کۆنگرەی دامەزراندنی لە #سلێمانی# بەست.
رۆژی #26-11-2018# ئاساییشی سلێمانی ئاگاداری کردن کە بەهۆی نەبوونی مۆڵەتی کارکردن بارەگاکەیان دابخەن.

تەواوی گەلەکەمان ڕای گشتی ئاگادار دەکەینەوە هەڤاڵمان (#ئازاد عومەر محەمەد#) ناسراو بە حاجی ئازاد هاوسەرۆکی هەرێمی سلێمانی #تەڤگەری ئازادی# لەسعات 9ونیوی ئەم بەیانییەوە ڕۆشتۆتە بازاڕ و دیار نەماوه و لەهەموو پەیوەندییەک دابڕاوە، ئێمە دڵنیاین لای ئاسایشی سلێمانیه و لەچوار چێوەی ئه و شەپۆلی گرتن و دەسبەسەر کردنانەدا دەستبەسەریان کردووە، ئێمە ئاسایشی سلێمانی و لیژنەی ئەمنی سلێمانی و پارێزگاری سلێمانی وەک سەرۆکی لیژنەی ئەمنی سلێمانی ئاگادار ئەکەینەوە هەرچی زووە چارەنووسی ئه و هەڤاڵەمان ئاشکرا بکەن، ئەگەرنا هەڵوێستی توندمان ئەبێت.
هاوسەرۆکایەتی تەڤگەری ئازادیی کۆمەڵگەی کوردستان
#19-12-2017#

هەڤاڵ ئیدریس، سیمبوڵی خۆڕاگریی
بەردەوام بزوتنەوە ئازادیخواز و مرۆڤدۆستەکان لە ژێر دەسەڵاتی داگیرکاراندا قەدەغەن و ئەندام و لایەنگرانیان دەخرێنە کونجی زیندانەوە و ئەشکەنجە دەکرێن، بەرگی یاسا و ئاسایشی نیشتیمانی بەبەر چەتەگەرێتی و پێشێلکاریەکانیاندا دەکەن، نموونەش لەزیندانەکانی تورکیا و باکوری کوردستان دەبینین و لە سێدارەدان و ئەشکەنجەی ئازادیخوازانی ڕۆژهەڵاتی کوردستان و ئێرانیش، شاهێدێکی دیکەی سیستمی هەژمونگەرا و دیکتاتۆری سەردەستەکانی کوردستانن.
بەداخەوە لە هەرێمی کوردستان و لە حکومەتێکی بەناو کوردیدا ڕای جیاواز و هێزی ئۆپۆزسیۆن هەر هێندەی تەڤگەری ئازادی دەرفەتی کار و خەباتی هەیە، زیاتر لە ساڵێک و مانگێک ئەندامی تەڤگەری ئازادی لە ئەنجومەنی هەرێمی #هەولێر#، هەڤاڵ ئیدریس سەلیم لەلایەن ئاسایشی پارتی دیموکراتەوە ڕفێندرا و بەبێ بڕیاری دادوەر لە زیندان خرا و ئەمڕۆش پاش ئەو ماوەیە بێ لێپرسینەوە و بینینی دادوەر سەربەست کرا، ئەمە پێمان دەڵێت کە حوکمی قەرەقوشی لەم هەرێمەدا بەڕێوەدەچێت و تاکە شتێک کە لە ئیدارەداندا بوونی نەبێت یاسایە و بەردەوامیش بەناوی یاساوە هەرە کردارە قێزەونەکانیان ئەنجام دەدەن.
ئێمە وێڕای بەخێرهێنانەوەی سیمبوڵی خۆڕاگری هەڤاڵ ئیدریس، پێی دەڵێین کە شانازی بە هەبوون و بەرخۆدان و ئیرادە بەرزیتانەوە دەکەین و هەر ئەوەندەمان لە ئێوە و بنەماڵە سەربەرز و تێکۆشەر و قوربانیدەرەکەتان چاوەڕوان دەکرد.
هەر لێرەشەوە سوپاسی پارێزەرانی خۆبەخشی ئەم کەیسە دەکەین کە هەر لە سەرەتاوە لەگەڵمان بوون و بەهەموو شێوەیەک خۆبەخشانە خاوەنداریان لەم کەیسە کرد وەکو ئەرکێکی مرۆیی ئەخلاقی و بە بەرپرسیارێتیەوە ئەرکی خۆیان جێبەجێ کرد کە بریتی بوون لە چوار پارێزەر.
سوپاس بۆ ئەو ناوەند و ڕێکخراو و ڕاگەیاندنانەی بەپێی توانا هەوڵی گەیاندنی ئەم کەیسەیان دا.
لە کۆتاییدا دەڵێین سوپاس و پێزانینمان هەیە بۆ تەواوی ئەو دۆست و وڵاتپارێز و ئازادیخوازانەی کە لە وشەیەکەوە خاوەن هەڵوێست بوون تا دەگاتە ئەوەی لە پێناوی ئازادی هەڤاڵماندا بە هەموو شێوەیەک هەوڵدانیان کرد لە سەرانی ئەو دەسەڵاتە کرد.
دوپاتی دەکەینەوە پەروەردەی ئەندام و هەڤاڵانی تەڤگەری ئازادی کۆمەڵگەی کوردستان تەسلیم بوون ناناسێت و تەڤگەرەکەشمان تا دوا نەفەس لەبەرەی گەلە و لە خزمەت گەلدا تێکۆشان دەکات و خاوەنداری لە هەموو بەها پیرۆزەکانی شەهیدان و ئازادیخوازان دەکات.
تەڤگەری ئازادی کۆمەڵگەی کوردستان
دەستەی هاوسەرۆکایەتی
#02-06-2020#