ئەمڕۆ هەینی #مەرزی نێودەوڵەتی باشماخ# دەستی بەسەر 12 تانکەر بانزیندا گرتووە کە لە #ئێران#ەوە هاوردەی #هەرێمی کوردستان# کراوە، سەرۆکی لیژنەی وزە و سامانە سروشتییەکانی #سلێمانی#ش دەڵێت ئه و بانزیکە ترسی تەقاندنەوەی ئۆتۆمبێل و وەستانی فیول پەمپی هەیە.
غالب محەممەد، سەرۆکی لیژنەی وزە و سامانە سروشتییەکان لە ئەنجومەنی پارێزگای سلێمانی بە دواڕۆژی ڕاگەیاند ئەمڕۆ 12 تانکەر بانزیک لە مەرزی نێودەوڵەتی باشماخ و لە ئێرانەوە هێنراوەتە هەرێم، بەڵام لەلایەن مەرزەکەوە دەستی بەسەردا گیراوە و ڕەوانەی وڵاتی ئێران دەکرێتەوە.
وتیشی ئه و بانزینە مادەی (RVP) لە ئاستی ئاسای بەرزترە، چونکە ئه و ماددەیە لە هاویندا پێویستە ڕێژەکەی 60 زیاتر نەبێت، لەکاتێکدا ئه و بانزینەی کە دەستی بەسەردا گیراوە ڕێژەکەی 73 بۆ 74.
لەبارەی مەترسی و زیانەکانی بەرزی مادەی (RVP) لە بەنزیندا سەرۆکی لیژنەی وزە و سامانە سروشتییەکانی پارێزگای سلێمانی ئاماژەی بەوەشکرد بەرزی ڕێژەی ئه و ماددەیە لە بەنزیندا دەبێتە هۆی وەستانی فيول پەمپ، ئەمە سەرەڕای ئەوەی مەترسی تەقاندنەوەی ئۆتۆمبێلی لێ دەکرێت، چونکە کە ئه و ماددەیە بەرزبوو واتە بەنزینەکە دەبێتە هەڵم ئۆتۆمبێل لەکاردەخات.
لەبارەی ئه و کۆمپانیایانەی کە بانزینەکەیان هێناوەتە ناوەی هەرێم غالب محەممەد وتی هەردوو کۆمپانیای ساوس کوردستان و سمود وەتەن بەنزینەکەیان هێناوە کە یەکەمیان هەشت تانکەر و دووەمیشیان چوار تانکەری هاوردەکردووە.
دوارۆژ
23-06-2017

دواڕۆژ، ڕێبین حەسەن
تەنیا لەماوەی سێ هەفتەی ئەم مانگەدا، 116 تەنکەر #بەنزین# بەهۆی خراپی و نەشیاوی بۆ بەکارهێنان و دوای دەرنەچوون لەپشکنین، لەرێگەی مەرزی نێودەوڵەتی #باشماخ#ەوە ڕەوانەی ئێران کراونەتەوە.
ئەزوەر مەحمود، سەرپەرشتیاری مەرزی نێودەوڵەتی باشماخ بە دواڕۆژی ڕاگەیاند، بەهۆی توندکردنەوەی ڕێوشوێنەکانی هاوردەکردنی سوتەمەنی و جێبەجێکردنی ڕێنماییەکانی وەزارەتی سامانە سروشتییەکان، کە تایبەتن بە هاوردەکردنی بەنزین، دوای ئەوەی لەماوەی ڕابردوودا ژمارەیەک تەنکەر کە بڕێکی زۆر بەنزینی ئێرانیان پێبوو هێنرانە مەرزەکەمان، نموونەیان لێوەگیرا بۆ پشکنین لەلایەن بنکەی تاقیگەی مەرزی نێودەوڵەتی باشماخەوە.
وتیشی ڕۆژانە چەندین تانکەری سوتەمەنی دەگەڕێنینەوە بۆ ئێران، کە سوتەمەنی کوالیتی نزمییان هاوردەکردووە، هەر بۆیە تەنها لەماوەی سێ‌ هەفتەی ڕابردوودا، (116) تانکەر بەنزین دەستی بەسەرداگیراوە، کە لەتاقیگەدا دەرنەچوون.
سەرپەرشتیاری مەرزی باشماخ ڕوونیشیکردەوە، هۆکاری گەڕاندنەوەیان بۆ وڵاتی سەرچاوە کە ئێرانە پەیوەندی هەیە بەوە کە بەگوێرەی ئەو تایبەتمەندییانە نەبوون، کە لەلایەن وەزارەتی سامانە سروشتییەکانەوە دیاریکراون، بۆیە هەموویان بە سێ قۆناغ ڕەوانەی ئێران کرانەوە.[1]
23-09-2017

دواڕۆژ، ڕێبین حەسەن
لەماوەی کەمتر لەچوار ڕۆژدا و تەنیا لەمەرزی نێودەوڵەتی #باشماخ#ەوە، بەهۆی دەرنەچوون لەپشکنینی تاقیگەی سوتەمەنی سامانە سروشتییەکان لەمەرزەکەدا، (95) تانکەر بەنزین ڕەوانەی وڵاتی ئێران کراونەتەوە.
جەبار عوسمان، حێگری بەڕێوەبەری بەڕێوەبەرایەتی گومرگی مەرزی نێودەوڵەتی باشماخ، بەدواڕۆژی ڕاگەیاند، لەسەرەتای ئەم هەفتەیەدا و بەدیاریکراویی لەرۆژی دووشەممەدا، لەڕێگەی لیژنەیەکی تایبەت (48) تانکەری بەنزین کە پێشتر لەوڵاتی ئێرانەوە هێنرابوونە مەرزی باشماخ، بەڵام بەهۆی دەرنەچوون لەپشکنینەکان ڕەوانەی ئەو وڵاتە کرانەوە.
وتیشی بەرەبەیانی ئەمڕۆش 7ی ئەیلولی 2017 بەئامادەبوونی سەرجەم لایەنە پەیوەندیدارەکانی نێو کۆمەڵگەی دەروازەی نێودەوڵەتی باشماخ، (47) تانکەر دیکەی بەنزین بۆ ئێران گەڕێنرانەوە کە لەپشکنیندا دەرنەچوو بوون لەتاقیگەی گەڕۆکی سامانە سروشتییەکان لەمەرزی باشماخ.[1]
07-09-2017

#15-10-2018#

بەنزین.[1]

[1]

بەپێی وتەی سەرۆکی لیژنەی پیشەسازی و وزەی ئەنجومەنی پارێزگای #سلێمانی#، لە مەزری نێودەوڵەتی #پەروێزخان# لە #گەرمیان#، لەبەر خراپی کوالیتەکەی دەستبەسەر 50 تانکەر بەنزین گیراوە و نابێت ڕێگەی پێی بدرێ بێتە نێو خاکی هەرێمی کوردستانەوە.
سەرۆکی لیژنەی پیشەسازی و وزەی ئەنجومەنی پارێزگای سلێمانی ڕایگەیاند، بەهۆی خراپی کوالێتییەوە، لە مەرزی نێودەوڵەتی پەروێزخان، ئەمڕۆ دەستبەسەر 50 تەنکەر بەنزیندا گیراوە، ئەگەر بێت و ڕێگەی پێی بدرێت بهێنرێتە نێو خاکی هەرێمەوە، ئەوا زیانی زۆر بە هاوڵاتیان دەگەیەنێت.
غالب محەمەد سەرۆکی لیژنەی پیشەسازی و وزە لە ئەنجومەنی پارێزگای سلێمانی بۆ ڕۆژنیوز وتی: لە مەرزی نێودەوڵەتی پەروێزخان، دەستبەسەر ئه و تانکەرانەدا گیراوە و ئەوەش بەهۆی خراپی کوالێتییەکەیانەوە.
غالب محەمەد وتیشی: هۆکاری خراپی ئه و بانزینە ئەوەیە مادەیەکی تێدایە ڕیَِژەکەی زۆر بەرزە و بە کەڵکی کوردستان نایەت، بەپێی ڕێنماییەکانی وەزارەتی سامانە سروشتیەکانی حکومەتی هەرێمی کوردستان، ڕێگە پێدراو نیە و بەکارهێنانی زۆر خراپە و ئەویش ناوی (PDR)، ئەم 50 تانکەرەی ئێستا ڕێژەی ئه و مادەیەی زۆر تێدایە و ئەگەر بێتە نێو خاکی هەرێمەوە ئەوە زیانی زۆر بە هاوڵاتیان دەگەیەنێت.
هەروەها ناوبراو باسی لەوەشکرد: وەزارەتی سامانە سروستیەکان بێ ئەوەی بیر لە بەرژەوەندی هاوڵاتیانی پارێزگای سلێمانی بکاتەوە دەستی کردووە بە گۆڕینی ڕێنمایی بۆ ئەوەی ئه و بەنزینانە بهێنرێنە کوردستانەوە، وەک بڵێی ئەم وەزارەتە نوێنەری کۆمپانیا بێت نەک میلەت، گۆڕینی ڕێنمایی بۆ هاتنەژورەوەی بەنزینی کوالیتی خراپ لەلایەن وەزارەت، دەبێت وەزارەت ئەوەش بزانێت، کە یەک (فول پەمپ) یان یەک ئۆتۆمبێل بسوتێت ئەوان بەرپرسی یەکەمن لە بەردەم هاوڵاتیان.
غالب محەمەد وتیشی: دوای ئەوەی لەگەڵ بەرپرسی مەرزی نێودەوڵەتی پەروێزخان قسەم کردووە، کە نابێت ڕێگە بدرێت ئه و 50 تانکەر بانزینە بهێنرێتە نێو خاکی هەرێمی کوردستانەوە، لەبەرامبەردا ئەوەی پێ ڕاگەیاندووم، کە ڕێگە نادات بە هیچ شێوەیەک ئه و ئه و تانکەرانە بێنە ناو خاکی هەرێمی کوردستانەوە.
27-06-2017

دواڕۆژ، زریان محەمەد
نرخی بەنزین چەند هەفتەیەکە بەرەو گرانبون دەڕوات و هەر لیترێک بڕی 25 دینار زیادی کردووە، بەرێوەبەری چاودێری بازرگانیش دەڵێت بازاڕ کراوەیە و بازرگانان دەتوانن بەپێی مەرج و ڕێنماییەکان بەنزین هاوردە بکەین.
سۆران غەفور، بەڕێوەبەری چاودێری بازرگانی #سلێمانی# بەدوادۆژی وت ڕاستە بەنزین نرخی گرانبووە، بەڵام ئێمە بەدواچوونی خۆمان بۆکردووە دەکەین و سەردانی بەنزینخانە و کۆگاکانمان کردووە لێپرسینەوەمان لەگەڵیاندا کردوون.
راشیگەیاند گرانبوونی بەنزین پەیوەندی بەناوخۆوە نیە، بەڵکوو لە بۆرسەی جیهانی گرانبووە، لەگەڵ ئەو وڵاتانەی کە لێوەی هاوردە دەکرێت بۆ کوردستان گرانیان کردووە بۆ هەرتەنێک 60 دۆلار زیادبووە، ئێمە سەیری ئەو پسوڵانەمان کردووە، کە نرخی کڕینی بەنزینەکەیە و ڕاستە گرانبووە، بۆیە لە سلێمانیش نرخ کەمێک بەرزبۆتەوە.
بەڕێوەبەری چاودێری بازرگانی سلێمانی ئاماژەی بەوەشدا ڕێگریکردن لە هێنانی بەنزین ناکرێت، مونافەسەکردن بۆ هێنانی بەنزین هەرماوە، بەپێی ئەو مەرجانەی کەدانراوە بازرگان دەتوانێت بەنزین هاوردەبکات.
ماوەی چەند ڕۆژێکە نرخی بەنزین گرانبووە، کە ئەمەش بۆتەهۆی نیگەرانی لای شۆفێران.
06-08-2017

بەهۆی قەدەغەی هاتووچۆوە، بەکارهێنانی ئۆتۆمبێل لە هەرێمی کوردستان بە ڕێژەی 95% کەمبووەتەوە، ئەمەش وایکردووە فرۆشی بەنزین بەرێژەی 93% دابەزێت، بەم هۆیەشەوە خەرجی ڕۆژانەی بەکارهێنانی بەنزین لە 5 ملیار و 110 ملیۆن دینارەوە بۆ 357 ملیۆن و 700 هەزار دینار کەمبووەتەوە.
بەپێی داتاکانی بەڕێوەبەرایەتی نەوت و گازی پارێزگاکان، بەرلە قەدەغەی هاتووچۆ ڕۆژانە 7 ملیۆن و 300 هەزار لتر بەنزین لەهەرێمی کوردستان (#هەولێر# 3 ملیۆن لتر، #دهۆک# 1.3 ملیۆن لتر، پارێزگای #سلێمانی#، پارێزگای #هەڵەبجە# و ئیدارەی #گەرمیان# و ڕاپەرین 3 ملیۆن لیتر) بەکاربراوە. ئەم بەرهەمەش بەپێی خواستی بازاڕ نزیکەی 60% تاوەکو 65% بەرهەمی ناوخۆ بووە، ئەوەی دیکە لە ئێران و تورکیا و وڵاتانی دیکە هاوردەکراوە، بەڵام بەهۆی قەدەخەی هاتووچۆوە بەکارهێنانی بەنزین بەڕێژەی 93% کەمبووەتەوە.
محەممەد حەسیب، بەڕێوەبەری نەوت و گازی پارێزگای سلێمانی ڕایگەیاند: خواست لەسەر بەکارهێنانی بەنزین بەپێی وەرزەکان دەگۆڕێت، بەڵام لەکاتی ئاسایی لە سنووری پارێزگای سلێمانی و هەڵەبجە هەردوو ئیدارەی گەرمیان و ڕاپەرین ڕۆژانە 3 ملیۆن لتر بەنزین بەکاردەبرێت.
محەممەد حەسیب، گوتی: بەهۆی قەدەخەی هاتووچۆوە بەکارهێنانی ئۆتۆمبێل لەلایەن خەڵک زۆر سنوورداربووە، ئەمەش وایکردووە فرۆشتنی بەنزین لە بەنزیخانەکانی سنووری پارێزگای سلێمانی و هەڵەبجە ئیدارەی گەرمیان و ڕاپەرین کە 273 بەنزیخانەن بە ڕێژەیەکی بەرچاو دابەزێت، بەپێی بەدواداچوونی ئێمە ئێستا ڕۆژانە نزیکەی 200 تاوەکو 250 هەزار لیتر دەفرۆشرێت کە دەکاتە نزیکەی 7 بۆ 8%ی فرۆشتنی پێشتر.
سەبارەت بە سەرچاوەی بەنزینی بەکاربراو. محەممەد حەسیب، گوتی ڕۆژانە بە ملیۆن لتر بەنزین لە ئێرانەوە دێتە پارێزگای سلێمانی، بۆیە نزیکەی 80%ی ئەو بەنزینەی لە پارێزگای سلێمانی بەکاردێت بەنزینی تورکی و ئێرانییە، ڕێژەیەکی باشی دەچێتە هەولێر، برێکی زۆر کەمی هی پاڵاوگەی بازیانە، چونکە پاڵاوگەی بازیان نەوتی خاو لە عێراق وەردەگرێت دوای پاڵاوتن بەشی زۆری بەنزینەکە بۆ #کەرکووک# و شارەکانی عێراق دەنێرێت.
بەپێی ئاماری بەرێوەبەرایەتی گشتی هاتووچۆی هەرێمی کوردستان تاوەکو کۆتایی ساڵی ڕابردوو بێجگە لە ئۆتۆمبێلی سەربازی 1.742.815 ئۆتۆمبێل لە هەرێمی کوردستان تۆمارکراون کە پێکدێن لە (994049 ئۆتۆمبیلی تایبەت، 95653 ئۆتۆمبێلی کرێ، 399470 ئۆتۆمبێلی بارهەڵگر، 34.894 ئامێری کشتوکاڵ، 24.701 ئامێری بیناسازی، 146.057 ئۆتۆمبێلی تابلۆی پارێزگاکانی دیکە، 29.350 ئۆتۆمبێلی میری و 18.641 ماتۆرسکیل).
عەقید ئەسعەد مەلا کەریم، بەڕێوەبەری پلان و گوتەبێژی بەرێوەبەرایەتی گشتی هاتووچۆی هەرێمی کوردستان، دەڵێت: بەهۆی قەدەخەی هاتووچۆوە بەکارهێنانی ئۆتۆمبێل لەسەر شەقامەکان بە ڕێژەیەکی بەرچاوکەمیکردووە، بەپێی بەدواداچوونی ئێمە ئێستا کەمتر 5%ی ڕابردوو جووڵەی ئۆتۆمبیل لەسەر شەقامەکان هەیە.
لەسەر ئاستی هەرێمی کوردستان زۆرترین ئۆتۆمبیل لە سنووری پارێزگای هەولێرە، بەجۆرێک لەم پارێزگایە زیاتر لە 868.013 ئۆتۆمبیل هەن، ئەمە بێجگە لە ئۆتۆمبێلی میری و سەربازی، کە مەزەندە دەکرێت بە ئەوانیشەوە بگاتە سەرووی ملیۆنێک ئۆتۆمبێل، ئەمەش وایکردووە زۆرترین بڕی بەنزین بەکارببردرێت.
نەبەز عەبدولحەمید، قائیمقامی شارۆچکەی ناوەندیی هەولێر، دەڵێت: بەپێی ئەو داتایانەی لەبەردەستی ئێمەدایە پێشتر ڕۆژانە لە سنووری پارێزگای هەولێر زیاتر لە 3 ملیۆن لتر بەنزین بەکاربراوە لەم بڕەش 2 ملیۆن و 700 هەزار لتری بەرهەمی ناوخۆ بووە 300 هەزار لیتریش بەنزینی هاوردە بووە.
نەبەز عەبدوڵحەمید، گوتیشی: بەهۆی قەدەغەی هاتووچۆوە فرۆشی بەنزین بەرێژەیەکی زۆردابەزیووە، مەزەندە دەکەین کەمتر لە 10%ی پێشتر بەنزین لە بەنزیخانەکان بفرۆشرێت.
ئاری کاکەشین سابیر، بەڕێوەبەری سووتەمەنی پارێزگای هەولێر، دەڵێت: بەپێی داتا سەرەتایییەکان لەکاتی ئاسایی نزیکەی 3 ملیۆن لیتر بەنزین لە بەنزینخانەکانی سنووری پارێزگای هەولێر دەفرۆشرێت، دوای تەواوبوونی ڤایرۆسی کۆرۆنا بڕیارمانداوە ڕووپێوییەکی گشتگیر بۆ ژمارە و ڕووبەر و فرۆشی بەنزینخانەکانی سنووری پارێزگای هەولێر بکەین تاوەکو بزانین فرۆشی بەنزین لە وەرزێک بۆ وەرزێکی دیکە چەندە.
لە سنووری پارێزگای هەولێر نزیکەی 450 بەنزینخانەی ئەهلی و 3 بەنزینخانەی حکومی هەن. بەپێی ڕێنماییەکانی ژووری ئۆپەراسیۆنی بەرەنگاربوونەوەی ڤایرۆسی کۆرۆنا ئێستا سەرجەم بەنزینخانەکان لەکاژێر 8ی بەیانی تاوەکو 6ی ئێوارە کراوەن، بەڵام بەهۆی قەدەغەی هاتووچۆوە بەشی زۆریان چۆڵن.

هیوا محەممەد، بەڕێوەبەری بەنزینخانەی ئاکار لە شاری هەولێر، دەڵێت: بەنزینخانەکانی هەولێر کراوەن، بەڵام بەهۆی قەدەغەی هاتووچۆ زۆربەیان چۆڵن فرۆشیان زۆر دابەزیووە، بۆ نموونە پێشتر ڕۆژانە 12 هەزار لیتر بەنزینمان دەفرۆشت، ئێستا فرۆشی ڕۆژانەمان ناگاتە 1000 لیتر، ئەمە لەکاتێکدایە بەنزینخانەکەی ئێمە لەسەر شەقامێکی سەرەکییە کە شەقامی 100 مەترییە، بازاڕمان لە زۆر بەنزینخانەی دیکە باشترە.
هیوا محەممەد، گوتی: ڤایرۆسی کۆرۆنا کاریگەری زۆری لەسەر فرۆشتنی بەنزین هەبووە، وایکردووە نەتوانین خەرجییەکانمان دابین بکەین، بۆ نموونە ئێمە پێشتر بە سێ شێفت 24 کاژێر کارمان دەکرد ئێستا شێتفی کارکردنمان کەمکردووەتەوە و لەکۆی 8 کارمەند 4 کارمەندمان ناردووەتەوە ماڵەوە، چوارەکەی دیکەش دەواممان کردوون بە دوو شێفت هەفتەیەک دوو کارمەند دەوام دەکەن هەفتەکەی دیکەی دووکارمەندەکەی دیکە.
بارودۆخی بەنزینخانەکانی پارێزگای دهۆکیش لە پارێزگاکانی دیکە باشتر نییە، بەڵام ئیدارەی ئەم پارێزگایە لە ڕێگەی سیستەمێکەوە توانیویەتی خەرجییەکانیان کەمبکاتەوە.
موحسین تەها محەممەد، بەڕێوەبەری نەوت و گازی پارێزگای دهۆک، دەڵێت: لەکاتی ئاسایی لە سنووری پارێزگای دهۆک ڕۆژانە 1.3 ملیۆن لتر بەنزین بەکاردەهێندرێت، بەڵام بەهۆی قەدەخەی هاتووچۆوە بەکارهێنانی بەنزین بەرێژەی 95% کەمیکردووە.
لە سنووری پارێزگای دهۆک 200 بەنزینخانە هەن، موحسین تەها محەممەد دەڵیت: بۆ ئەوەی خەرجیان کەمبێتەوە و هاتووچۆشیان سنوورداربێت لەسەر داخوازی لێژنەی باڵای بەرەنگاربوونەوەی کۆرۆنا بەنزینخانەکانمان دابەشی سێ گروپ کردووە هەر گروپەی ڕۆژێک کراوەن، واتە لەهەر سێ ڕۆژ جارێک بەنزینخانەکان ڕۆژێک کراوە دەبن.
محسین تەها، گوتیشی: لەپارێزگای دهۆک زیاتر خواست لەسەر بەنزینی نۆرماڵە، بۆیە نزیکەی 70%ی ئەو بەنزینەی لەدهۆک بەکاردێت بەرهەمی خۆماڵییە.
پاڵاوگەکانی هەرێمی کوردستان لترێک بەنزینی نۆرماڵ بە 510 تاوەکو 540 دینار دەدەنە بەنزینخانەکان، ئەوانیش بە 650 تاوەکو 670 دەیفرۆشن، نرخی بەنزینی سوپەریش لەنێوان 850 تاوەکو 950 دینار دایە، کەواتە ئەگەر بەتێکرایی 700 دینار بۆ هەر لیترێکی سەرجەم جۆرەکانی بەنزین دابنێین، تێچووی هاتووچۆ و گواستنەوە لەکاتی ئاسایی لەهەر ڕۆژێکدا زیاتر لە 5 ملیار و 110 ملیۆن دینار لەسەر هەرێمی کوردستان دەکەوێت، لە مانگێکدا دەکاتە 153 ملیار و 300 ملیۆن دینار.
وەک بەرپرسانی هاتوچۆی هەرێمی کوردستان دەڵێن بەهۆی قەدەغەی هاتووچۆ بەکارهێنانی ئۆتۆمبێل بەرێژەی 95% کەمیکردووە فرۆشی بەنزینی بەرێژەی 93% کەمیکردووە، کەواتە دەتوانین بڵێین بەهۆی قەدەخەی هاتووچۆوە بەهۆی مانەوە لەماڵەکانیان و بەکارنەهێنانی ئۆتۆمبیل. خەرجی ڕۆژانەی بەکارهێنانی بەنزین لە 5 ملیار و 110 ملیۆن دینارەوە بۆ 357 ملیۆن و 700 هەزار دینار کەمبووەتەوە. بەمەش ڕۆژانە زیاتر 4 ملیار و 752 ملیۆن دینار، بۆ هاووڵاتیان و حکومەت گەڕاوەتەوە.
د.ئیدریس ڕەمەزان، پسپۆری ئابووری و مامۆستا لە کۆلێژی کارگێری و ئابووری زانکۆی سەلاحەددین دەڵێت: ڤایرۆسی کۆرۆنا دەریخست، خەرجی ناپێویست زۆر لەوە زیاترە کە حکومەتی هەرێمی کوردستان لە پرۆژەی چاکسازی پلانی بۆ کەمکردنەوەی داناوە، بۆیە پێویستە دوای ڤایرۆسی کۆرۆنا حکومەت پێداچوونەوە بەو خەرجییە ناپێویستانە بکات و پلان بۆ کەمکردنەوەیان دابنێ.
هەروەها دەڵێت: حکومەت دەتوانێ لە ڕێگەی کاراکردنی گواستنەوەی گشتی بەشێکی زۆر لەخەرجی بەکارهێنانی بەنزین و قەرەباڵخی سەر شەقامەکان کەمبکاتەوە و ڕووێکی دیکەی شارستانی بەکوردستان ببەخشێ و ژینگەش پاک ڕابگرێت.[1]
#16-04-2020#

نرخی بەنزین لە بەنزینخانەکانی #سلێمانی# بەرزبووەوە، ئەوەش بەهۆی بەرزبوونەوەی نرخی دۆلار بەرانبەر دیناری ئێڕاقی و هاتنی پشووەکانی سەری ساڵ.
ئەمڕۆ سێ‌ شەممە #27-12-2022# بەرزبوونەوەی نرخی لیترێک بەنزین لە جۆرە جیاوازەکانی لە بەنزین خانە ئەهلییەکان لەنێوان 25-50 دینار بووە لە شاری سلێمانی.
نرخی لیترێک بەنزین (سوپەر) لە هەزار و 300 دینارەوە بۆ هەزار و 325 دینار بەرزبووەتەوە، هەروەها نرخی لیترێک بەنزینی (موحەسەن) لە هەزار و 150 بۆ 1200 دینار بەرزبووەتەوە، نرخی لیترێک بەنزین (نۆرماڵ) بەرزبووەتەوە بۆ 1025 دینار، کە پێشتر بە هەزار دیناری ئێڕاقی بوو.
یەکێک لە هۆکارە گرنگەکانی بەرزبوونەوەی نرخی بەنزین لە بازاڕەکاندا بەرزبوونەوەی نرخی دۆلارە بەرانبەر بە دیناری ئێڕاقی.
هەروەها یەکێکی تریش لە هۆکارەکانی بەرزبوونەوەی نرخی بەنزین، زۆربوونی خواستە لەسەری، کە هاووڵاتیان بەهۆی پشووەکانی سەری ساڵ و ئەنجامدانی گەشت، لەم چەند ڕۆژەدا خواستیان بۆ کڕینی بەنزین زیاتر بووە. [1]