ئەم بەنداوە دەچێتە چوارچێوەی بەهێزکردنی ژێرخانی ئابوری ناوچەکە.
دروستکردنی پرۆژەی بەنداوی باوەنوور کە دەکەوێتە ناوچەی #گەرمیان#.
لەسەر زێی سیروان بە دووری 32 کیلۆمەتر لە باکووری ڕۆژهەڵاتی شارۆچکەی #کەلار#.
یەک کیلۆمەتر لە باکووری شارەدێی باوەنوور.
سوودگەیاندنە بە کەرتی کشتوکاڵ و ژینگەی ناوچەکە.
45 هەزار دۆنم زەویی کشتوکاڵ لە ناوچەکە بەراو دەکات.
50 MW کارەباش بەرهەم دێنێت.
دروستکردنی ئەم بەنداوە سیمایەکی جوانی گەشتوگوزاریی بە ناوچەکە دەبەخشێت.
وەک پرۆژەیەکی گەشتوگوزارییش سوودی لێ وەردەگیرێت.
بووژاندنەوەی ئاوی ژێر زەوی.
دەستەبەرکردنی سەدان هەلی کار لەناوچەکە.
مەڕدارانی ئەو گوندانە بۆ ئاودانی مەڕو ماڵاتەکانیان سوودی لێ وەردەگرن.
ئەم پرۆژەیە کارکردن تێدا ڕاوەستاوە، ئاستی کارکردنی لە 5 % زیاتر تێپەڕ ناکات.
شاهۆ عەبدوڵڵا[1]

رووداو - هەولێر
#حکومەتی هەرێمی کوردستان# گرێبەستێکی 200 ملیۆن دۆلاری لەگەڵ کۆمپانیایەکی ڕۆمانی واژوو دەکات بۆ درو‌وستکردنی بەنداوێک لەسەر #ڕووباری سیروان#.
حکومەتی هەرێمی کوردستان لە ماڵپەڕی فەرمی خۆی ڕایگەیاندووە دوێنێ لە مەراسیمێکی تایبەتدا، بە ئامادەبوونی سیروان بابان، وەزیری کشتوکاڵ و سەرچاوە ئاوییەکان و یاکووب برادا، باڵیۆزی ڕۆمانیا لە عێراق، واژووکردنی گرێبەستەکە بەڕێوەچوو.
بەنداوی باوەنوور لە #گەرمیان# دەکەوێتە سەر ڕووباری سیروان، بە گووژمەی 234 ملیار دینار، واتە زیاتر لە 200 ملیۆن دۆلار. ئەم بەنداوە کە بەرزییەکەی 20 مەترە و 880 مەتر درێژە، بڕیارە لەماوەی 1800 ڕۆژ تەواو بکرێت و توانای ئەمبارکردنی 46 ملیۆن مەتر سێجا ئاوی هەیە.
بەپێی ئەو لێکۆڵینەوەیەی پێشتر بۆ بەنداوەکە کراوە، ئەم بەنداوە بۆ هەردوو بواری کشتوکاڵ و ئاودێری سوودی لێوەردەگیرێت و توانای ئاودانی 45 هەزار دۆنم زەوی دەبێت، جگە لەوەی 50 مێگاوات کارەبا بەرهەم دەهێنێت و لەبواری ژینگە و گەشتوگوزاریش بایەخی زۆری دەبێت و جوانییەکی زۆر دەداتە ناوچەکە.
01-08-2013