[1]

شارەدێی سروچک - بەرزنجە، سەربە شارۆچکەی #سەیدسادق# لە پارێزگای #سلێمانی#.

سلێمانی - #بەرزنجە# - ساڵی 1920
بە کامێرای (#ئەدمۆنس#) گیراوە. بەرزنجە ئەوکات گوند بووە و ئێستا شارەدێیە.

یەکێک لە تیپەکانی پێشمەرگە - یەکێتیی نیشتمانیی کوردستان

ئەم بابەتە بەپێی ستانداردەکانی کوردیپێدیا هێشتا ناتەواوە و پێویستیی بە داڕشتنەوەی بابەتی و زمانەوانیی زۆرتر هەیە!

ژیاننامەی پیاوچاکان ساداتی بەرزنجە
نوسینی : سیروان سەرگەڵووی

مەلا مستەفا (سەفوەت)ی حاجی مەلا ڕەسوڵی دێلێژە

ڕۆژی (#21-03-1984#) ڕۆژی شەهید بوونی شەهیدی فەرماندە (عومەر عەبدوڵا ڕەشید) ناسراو بە (کاکە برای بەرزنجە) فەرماندەی کەرتی (4) ی تیپی (31) ی بەرزنجە کە لە ساڵی (1979)پەیوەندی کرد بە کۆمەڵەی ڕەنجدەرانی کوردستانەوە، لە دانوستانی ساڵی (1984) لەو ڕۆژەدا کە #مام جەلال# وتاری دەدا لە سوداش ئەم شەهیدە نەمرە بەتەنیا خەریکی هەڵگرتنەوەی ئەڵغام بوو لەگوندەکانی پشتی بەرزنجە، لەپێناوی ژیانی گوندنشینەکانی ئەو دەڤەرە، بۆیە لە یەکەم ڕۆژی نەورۆزی ساڵی (1984) بە تەقینی ئەڵغامێک بە دەستییەوە، دەبێتە هۆی شەهید بوونی خۆی و دەڕواتە کاروانی نەمرانەوە وە لەم ساڵانەی دواییدا بۆ ڕێز لێنان لەم شەهیدە نەمرە لەناو شارۆچکەی بەرزنجەدا پەیکەرێکیان بۆ دروست کردووە.
لە گۆڤاری (چیا)ژمارە (48) دا لەسەر ئەو شەهیدە نەمرە وتارێک بڵاو کراوەتەوە، لەلایەن شێخ ڕەئوف شێخ جەمیل.

ژیان و خەباتی ئەم شەهیدە و وێنەکانم لە پێشمەرگەو فەرماندەی لە خۆ بردووی دیرین کاک (حەمە عەلی بەرزنجە)وەرگرتووە
بە سوپاسەوە[1]

گڵی یاقووتە تۆزی عەنبەری سارایە بەرزنجە

گڵی یاقووتە، تۆزی عەنبەری سارایە بەرزنجە
گیای زمڕووتە، بەردی گەوهەری یەکتایە بەرزنجە
لەلای کوێر گەر بینای وەک دۆزەخە، ئەمما لەلای چاوساغ...
وەکوو قەسر و قوسووری جَنَّةُ المَأْوى یە بەرزنجە
مەتافی یادگاری شێری یەزدان و حُسَيْنَيْنە
زیارەتگاهی ئالی حەزرەتی طاها یە بەرزنجە
نەوەک هەر کانیاوی عەینی شەهد و شیر و تەسنیمە
درەختیشی لەلای ئەربابی خۆی «تووبا» یە، بەرزنجە
بڵێ ڕووی تێ نەکەن دەججاڵ و فیرعەونی زەمان، بێخود
کە جەولانگاهی شێخ عیسا و شێخ مووسایە بەرزنجە

سەرچاوە: #دیوانی بێخود#
هۆزانەوان: #بێخود#. [1][2]

دواڕۆژ، عەلی حەمە سەعید
بەهۆی ئه و هێرشانەی کە چەکدارانی #حەشدی شەعبی# کردویانەتە سەر دوز#خورماتوو# بە سەدان ئاوارەی ئه و شارە ئاوارەبوون، ئەمڕۆش نزیکەی 100 خێزانی ئاوارە لەلایەن وەزارەتی کۆچ و کۆچبەرانی عێراقییەوە گواسترانەوە بۆ کەمپی بەرزنجە لە سنوری قەزای سەیدسادق هەر ئەمڕۆش پێداویستییان بەسەردا دابەشکرا.
کاروان عومەر، سەرۆکی لیژنەی دابەشکردنی پێداویستی بەسەر ئاوارەکانی کەمپی بەرزنجە لەلایەن وەزارەتی کۆچ و کۆچبەرانی عێراقییەوە بەدواڕۆژی ڕاگەیاند، بەهۆی پڕبونی کەمپی قوشتەپە و نەمانی جێگەی پێویست ناچار بوین ئه و ئاوارانەی کە ڕوو لە شارەکانی هەرێم دەکەن بیانگوازینەوە بۆ کەمپی بەرزنجە لە سنووری قەزای سەیدسادق هەر ئەمڕۆش 61 خێزان گەشتونەتە کەمپەکە و تا ئێوارەش نزیکەی 100 خێزان دەگەنە کەمپی بەرزنجە.
ئاماژەی بەوەشکرد،هەر ئەمڕۆ پێداویستییە سەرەتاییەکانی وەک خۆراک و ڕاخەر و بەتانی و چەند پێداویستییەکی ترمان بۆ دابینکردوون هاوکات بەنوسراوی ڕەسمیش داوامان لە وەزارەتی کۆچ و کۆچبەران کردووە کە بە زوترین کات سوتەمەنی و هۆکاری گەرمکەرەوەمان بۆ دابینبکەن چونکە کەمپی بەرزنجە وەک کەمپەکانی دیکە نیە و پلەی گەرما زۆر نزمە بەتایبەت لە شەواندا.
لای خۆیەوە هاوژین عوسمان، جێگری بەڕێوەبەری کەمپی بەرزنجە بەدواڕۆژی ڕاگەیاند، کەمپەکەمان توانای لەخۆگرتنی نزیکەی 150 خێزانی هەیە و پێشبینی ئەکەین ئەمڕۆ 100 خێزان بگەنە کەمپی بەرزنجە، بۆیە ئەوەی ئەرکی ئێمەیە داواکردنە لە لایەنە پەیوەندیدارەکان بۆ دابینکردنی ئه و پێداویستییانەی کە بۆ ئاوارەکان گرنگ و پێویستە بەتایبەت خۆراک و سوتەنەمی و هۆکاری گەمکردنەوە.
ئەوەشی وت خۆشبەختانە تائێستا بەدەنگەوەهاتنێکی باش هەیە لەلایەن هاووڵاتیان و ڕێکخراوەکانەوە بۆ دابینکردنی پێداویستی بۆ ئاوارەکان، بەڵام ئومێدەوارین مانەوەی ئەم ئاوارانە درێژە نەکێشێت و هەمویان لە زوترین کاتدا بگەڕێنەوە سەرماڵ و حاڵی خۆیان.[1]
21-10-2017