- لەدایکبوی شاری سنەی خۆرهەڵاتی کوردستانە.
- ساڵی 1999 کاری ڕۆژنامەنوسی لە ڕۆژنامەی (ایران) دەستپێکردوە و چالاکیی ڕۆژنامەوانی درێژە پێداوە لە ڕۆژنامەکانی (پیام مردم)، ئاژانسی هەواڵنێریی (ایلنا) و (دیدگاە).
- بە تۆمەتی بەشداریکردن لە ڕووداوەکانی هاوینی 2004ی خۆرهەڵاتی کوردستان دەستگیر دەکرێت و پاش سێ مانگ بە بارمتەی 100 ملیۆن تمەن بە شێوەی کاتی ئازاد دەبێت، دواتر بانگهێشتی دادگا دەکرێتەوە و حوکمی سێ ساڵ زیندانی بەسەردا دەسەپێت.
- پاش تێپەربوونی ساڵێک بە سەر حوکمەکەیدا، بەهاری ڕابردوو لە زیندان ئازاد بووە.
- لە دۆسیەیەکی تردا بە تۆمەتی هاندانی خەڵک بۆ دژایەتی حکومەتی ئێران دادگایی کراوەتەوە و چاوەڕێی حوکمی دادگایە.
- ئێستا وتەبێژی ڕێکخراوی مافی مرۆڤی کوردستانە.

بۆ ویژدانە نەنووستووەکان
هەروەک دەزانن، مافی ژیان لە بەڵگە ئاشکرا و بەڵگەنەویست و قەبووڵکراوەکانی مرۆڤە، هەر چەندە پێشێلکردن و لە بەرچاو نەگرتنی ئەم مافە هیچ پاساوێک هەڵناگرێت.
بە باوەڕمەندبوون بەم ئەسڵە ئاشکرایە، هەر مرۆڤدۆستێک کە دڵی لە گرەوی پاراستنی گیان و ڕیزگرتنی گیانی مرۆڤەکان بە ئەژمار دێت، بێگومان لە بەرانبەر هەر هەوڵێک و دژکردەوەیەک کە گیانی مرۆڤەکان بستێنێت، بێدەنگیی هەڵبژاردنی ڕەوا نییە و پێداگری لەسەر ئەو مافە دەکات.
مرۆڤدۆستەکان،
لەم کاتەدا کە ترس لەوەی کە گیانی هێندێک کەس بە هۆی جیابیری و باوەڕمەندنەبوون بە ئیدئۆلۆژیی فەرمی و زاڵ لەو ناوچەیە دەسێندرێت. من (ئیجلال قەوامی) مانگرتنی خۆم بۆ ماوەی سێ ڕۆژ بە نیشانەی ناڕەزایەتی بەم جۆرە هەوڵانە بەتایبەتی ئێعدامی دەروێش #محەمەد سەلاس# و مەترسیی لەسێدارەدانی ڕامین حوسێن‌پەناهی، ڕادەگەیەنم.
هیوادارم گوێیەکی بیسەر و هێزێکی عاقڵ هەبێت، زیاتر پێداگری لەسەر ئەو ڕێگا ناڕەوایە نەکات.
ئیجلال قەوامی
ڕۆژنامەنووس و چالاکی مافی مرۆڤ
#20-06-2018#