دوای ئەوەی لە دانیشتنی دوێنێدا دابەزینی بەخۆوە بینی، ئەمڕۆ دووشەممە مامەڵەکانی کڕین فرۆشتنی پشکەکان لە بۆرسەی عێراق گەرموگوڕی بەخۆیەوە بینی و بەهای پشکەکانی کۆمپانیای #ئاسیاسێل# بەرزبوونەوە.
لەکۆتا دانیشتنی ئەمڕۆی سێشەممەدا ئاستێکی بەرزی تۆمارکرد و 525.9 خاڵ بەرێژەی 1.53% بەرزبۆوه و 9.44 خاڵی قازانج کردوە.
بەرزبونەوەی بەهای پشکەکانی کۆمپانیای ئاسیاسێل لە بۆرسەی عێراق، لە پێشەنگی ئه و کۆمپانیایەدا بووە کە زۆرترین پشکی کڕین و فرۆشتنیان پێوەکراوە، بەرێژەی 7.13% بەرزبۆتەوه و ئۆتێل بابل بەرێژەی 7% و بانکی بازرگانی بەرێژەی 6.12%، خیاتە حەدیسە بەرێژەی 5.08% و بانکی بەغدا بەرێژەی 4.69%.[1]
#06-02-2018#

قازانجەکانی کۆمپانیای #ئاسیاسێل# بۆ پەیوەندیکردن (TASC) کە لە بازاڕی کاغەزە داراییەکانی عێراق تۆمارە، لە چارەکی یەکەمی ئەمساڵدا بەرێژەی 25.08% بەرزبووەتەوە.
لەبەیاننامەیەکدا کە ئەمڕۆ سێشەممە 19ی ئایار بۆرسەی عێراق بڵاویکردووەتەوه و ئاشکرای کردوە، قازانجە وەرزییەکانی کۆمپانیای ئاسیاسێڵ بەرزبوەتەوە بۆ 48.77 ملیار دینار (40.5 ملیۆن دۆلار)، لەکاتێکدا لە هەمان ماوەی ساڵی ڕابردوودا قازانجەکانیان 1.87 ملیار دینار (1.55 ملیۆن دۆلار) بووە.
بەیاننامەکە ڕونیکردووەتەوە، کۆی خەرجییەکانی کۆمپانیا ئاسیاسێل لە چارەکی یەکەمی ئەمساڵدا 284.13 ملیار دینار بووە، لەکاتێکدا لە هەمان ماوەی ساڵی ڕابردوو 333.54 ملیار دینار بوو، بە کەمبوونەوەی خەرجییەکان قازازانجەکانی زیادیکردوە.
ئاماژەی بۆ ئەوەشکردوە بەپێی ژمێرەی کۆتایی کۆمپانیاکە، قازانجی ساڵانەی کۆمپانیاکە لە ساڵی 2017 بەرێژەی 30.4% بەرزبوەتەوه و گەیشتووەتە 38.48 ملیار دینار و ساڵی 2016 قازانجەکانی 29.51 ملیار دینار بووە.[1]
#29-05-2018#