شەهید حەسیب عومەر سابیر ناسراو بە ئاسۆی دەلاک، شەهید ئاسۆی دەلاک ساڵی 1957 لەگەڕەکی #دەرگەزێن#-ی #سلێمانی# لەدایک بووە، بنەماڵەکەی لە بنەڕەتدا خەڵکی گوندی (#گەبە#)ی سنووری شارۆچکەی #پیرەمەگروون#-ن، بەڵام باوکی باوکی واتا باپیری بەگەنجی چۆتە شاری سلێمانی.
ئاسۆ کوڕە گەورەی دایک و باوکی بووە، ساڵی 1963 چۆتە قوتابخانەی خالیدیە لە سلێمانی و تا پۆلی پێنجەمی سەرەتایی خوێندووە.
دواتر دەستی کردووە بە پیشەی سەرتاشی و لەوەوە نازناوی دەلاک-ی وەرگرتووە.=KTML_ImageCaption_Begin==KTML_StyleDiv=width:25%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2009/2310/0004.JPG=KTML_ImageCaption_Title=خاتوو بەهێ، دایکی شەهید ئاسۆ=KTML_ImageCaption_CaptionStyle=000000=KTML_ImageCaption_Caption=خاتوو بەهێ، دایکی شەهید ئاسۆ=KTML_ImageCaption_End=
ساڵی 1975 لەڕێگەی شەهید #جەمالە ڕەش#ەوە پەیوەندیکردووە بە ڕێکخستنەکانی #کۆمەڵەی ڕەنجدەرانی کوردستان#ەوە.
ساڵی 1976 خزمەتی سەربازی ناکات و دەبێت بە پۆلیس، ماوەیەک لە سلێمانی دەبێت و دواتر دەگوازرێتەوە بۆ #سەنگەسەر#، لە کۆتایی ئەو ساڵەدا لەگەڵ چەند پۆلیسێکی ئەو مەخفەرەدا 11 تفەنگ دەبەن و دەچنە ناو هێزی پێشمەرگەوە و بۆ خۆيشیان دەبنە پێشمەرگە، لەوکاتەوە شەهید ئاسۆی دەلاک جگە لەئەرکی پێشمەرگایەتی لەشاخ، وەک پێشمەرگەیەکی ناوشاریش چالاکی ئەنجام دەدات و چەندین جار یان بەتەنیا یاخود لەگەڵ چەند هاوڕێیەکیدا چۆتە ناوشاری سلێمانی و چالاکی گرنگی ئەنجامداوە لەروی بەسزا گەیاندنی تاوانبارانەوە.
لەساڵی 1977دا لەکاتی ڕۆیشتنەوەی بۆ ئەنجامدانی چالاکییەک لەناو سلێمانی، دەستگیردەکرێت، بەڵام لەوکاتەدا ڕژێم لێبوردنی گشتی بۆ پێشمەرگە دەرکردبوو بۆیە ئاسۆ دەڵێت من بەهۆی لێبوردنەکەوە هاتومەتەوە و دادەنیشم، ئیتر بەوهۆیەوە دوای 40 شەو ئازاد دەکرێت، هەردوای ئەوە پۆلیسێک چەک دەکات و تفەنگەکەی دەباتەوە و دەڕواتەوە بۆشاخ،
#مولازم موحسین#، ئەفسەرێکی دڕندە و بکوژی بەرەگەز عەرەبی فەڵەستینی بوو لە ئەمنی سلێمانی، دەسەڵاتێکی کراوەی پێدرابوو.
زۆر کەسی بێتاوانی شەهید کرد و تەرمەکەیانی بەدوای ئۆتۆمبێلدا ڕادەکێشا، لەسەردەمی ئەودا کراسی ڕەش و گۆرەوی سپی و تەنکە ڕیشی گەنجانە لەسلێمانی قەدەغەکرابوو، زۆری کوشت و زۆریشی شوێن بزرکرد.
ئیتر دڕندەیی ئەو تاوانبارە، وای لەئاسۆی دەلاک کرد بڕیاری تەمبێکردنی بدات و زۆرجار لەشاخەوە بۆی هاتەوە بۆ ناوشار و چەندینجاریش ڕووبەرووی یەکتری بوونەتەوە، جگەلەوەش چەندجارێک ئاسۆ وەک جەنگی دەروونی لەچێشتخانە و چایخانەکاندا وەک تەحەدایەک پارەی خواردنەکەی بۆ ملازم محسین داوە.
سەعات 11ی ڕۆژێکی هەینیی ساڵی 1978، لە گەڕەکی بەرخانەقای سلێمانی، ئاسۆ لەگەڵ دوو هاوڕێیدا ڕووبەرووی هێزێکی زۆری قواتخاسە دەبێتەوە بەسەرپەرشتی ملازم محسین، لەشەڕێکی دەستەویەخەدا مولازم موحسین بریندار دەکات.
رۆژی #06-09-1979# کاتێک دەیەوێت لەناو سلێمانی چالاکییەک ئەنجام بدات، بەڵام خیانەتی لێدەکرێت و بەدیلی دەکەوێتە دەست ملازم محسین.
لە زینداندا ملازم محسین خۆی ئەشکەنجەی دەدات و سەرپەرشتی لێکۆڵینەوەکە دەکات، ئەشکەنجەیەکی سەخت و دڕندانە دەدرێت، بەڵام ئاسۆ بەرگە دەگرێت و هیچ نادرکێنێت بۆیە لەکاتی گیرانی ئەودا هیچ کەس لەرێکخستنەکان ئاشکرا نەبوون و نەگیران.
لەوکاتەوە تائێستا ئاسۆی دەلاک شوێن بزرە.
شایانی باسە برایەکی شەهید ئاسۆ کە پێشمەرگەبوو بەناوی (شاهۆ)، لەساڵی 1988 بەدیلی کەوتە دەست دوژمن و ئەویش تائێستا بێسەروشوێنە.
باوکیشی نۆ مانگ لەخواروی عیراق زیندانی کراوە و تەواوی خێزانەکەشی ئازاردراون و دەربەدەر کراون.

ئاسۆی دەلاک بە جلی پێشمەرگایەتییەوە [1]

[1]

شیعر: فاکسە شیعرێک بۆ ئاسۆی دەلاک
ئامادەکردن و نووسین: #سەڵاح جەلال# [1]
=KTML_Link_External_Begin=https://www.kurdipedia.org/docviewer.aspx?id=503513&document=0001.PDF=KTML_Link_External_Between=کلیک بکە بۆ خوێندنەوەی فاکسە شیعرێک بۆ ئاسۆی دەلاک=KTML_Link_External_End=

یادەوەرییەکان
#مستەفا چاوڕەش#

ئاسۆ کەسێکی ئازا و شارەزای ناوشار بوو، ویستمان لەسەر داوای خۆی بچێت چالاکییەک بکات لە پشت ماڵەکانی بەڵخە، #مەلا بەختیار# داوای لێکرد بۆ کوشتنی خائینێک، کە ئەفسەری ئەمنی دائیرە یەک بوو. ئاسۆ گەنجێکی ناسراو بوو، ناوی هەبوو. منیش کوڕێکم لەگەڵدا بوو و ناوی حسێن بوو. زۆریش لەگەڵمدا بوو، وتی منیش دەچم. دیار بوو ئەو چەند ڕۆژەی بە ڕێگەوە بووین، لە بەینی خۆیاندا قسەیان کردبوو، خۆی لەگەڵی ڕێک خستبوو، بەبێ ئاگاداریی ئێمە قسەی خۆیان کردبوو. لای منیشەوە هیچ بەرنامەیەک نییە حسێن بچێتەوە و کاری yوا ئەنجام بدا ت. حسێن وتی منیش حەزدەکەم بچمەوە بۆ کاری ناوشار. لەگەڵ مەلا بەختیار دوو کەسمان دیاری کرد، هەریەکەیان یەکێکی بۆ دیاری کرا، کە لێمان جیا بوونەوە، بانگم کردن و وتم کە چوونە قەراغ شار، دەبێت لەیەک جیا ببنەوە. لەبەر ئەمنییەتی ئیشەکەتان نابێ کەستان جێگەی ئەوی تر بزانێت. وتیان باشە و پاش ئەنجامدانی کارەکە دەگەڕێینەوە. دەمانچەیەکی چواردەخۆرم دایە حسێن، لەگەڵ یەدەکێکی زیادە کە هیی دەمانچەکەی خۆم بوو. وتم مادام دەچیتە ناوشار با پێت بێت. خواحافیزیمان کرد. چەند ڕۆژێکی خایاند، وەڵامیان هێنا وتیان ئاسۆی دەلا ک گیراوه، کەسیش نازانێت چۆن گیراوە، بەڵام حسێن دەنگی نەبوو، نەگیرابوو و لە شاردا دەسووڕایەوە. دەرکەوت شێوەی گرتنەکەی چۆن بووە.

گرتنی ئاسۆی دەلاک بەهۆی خیانەتی حسێنەوە
هەردووکیان دەڕۆنەوە بۆ #سلێمانی#، دیارە بڕوا بە یەکتر دەکەن. حسێن کە لای منیش بووە، وادیارە سەر بە ڕژێم بووە و پیاوی حکومەت بووە، یان ڕەنگە دوایی لەگەڵیان ڕێک کەوتبێ. وەک باسی دەکەن، کاتی خۆی ئاسۆ لە چالاکییەکانیدا خزمێکی حسێنی کوشتووە، ئەمەش فرسەتێکی باشە تۆڵەی لێبکاتەوه. پێکەوە دەچنە ناوشار. حسێن پێی وتووە من جێگەم هەیە و ئەمینه، لەگەڵی چووە. ئیتر کەس نازانێت ئاسۆ چۆن گیراوە. لەوە دەچێ سەرخۆشی کرد بێت یان لە خەودا فرسەتیان لێهێنابێت، یان شتێکی لەو جۆرە. ئەگینا ئەگەر بە شەڕە دەمانچە بوایە، ئاسۆ کوڕێکی ئازا و چاونەترس بوو و وای بەسەر نەدەهات. ئاسۆ بێ و فیشەکێ نەتەقێنێ؟ وردەوردە دەرکەوت ئاسۆ گیراوە، بەڵام چۆن؟ نازانرێ. حسێن لە شار ماوەتەوه، لەسەر جادەیە و دەگەڕێ، مانای ئەوەیە ڕادەست بووتەوە. پاش ماوەیەک وەڵامی نارد بوو، کەسێکی بینی بوو و پێی وتبوو دەمانچەکەت دەدەمێ بۆ کاک مستەفای بنێریتەوه. کە ئەمەم بیست، بەپەلە فریای کەوتم و وتم نەکەی لێی وەرگری. ئەگەر وەریبگریت، مانای ئەوەیە تۆ لەگەڵ من هاوکاری دەکەی، دوایی دەتگرن و لە سێدارەت دەدەن. وتم بڵێ من پەیوەندیم پێوەی نییە. پاش ماوەیەک وەڵامی نارد، وتبووی ئامادەم چالاکییەک بکەم و بێمە دەرەوه. ئەمەیانم لا باشبوو. وەڵامم نارد بۆی کە کەسێکی خائینمان بۆ بکوژێت، کەسەکەشمان دیاری کرد. ئەوەی ڕاستی بێت، تەقەی لێکرد و بە خەستی برینداری کرد. بەڵام ئەو کەسە نەمرد و ئێستاش ماوە، لای فڵانە حیزب داڵدە دراوە. ئەم کەسە چەندین کەسی بە لەسێدارەدان داوە. هاوڕێیانی شاری سلێمانی کە زانییان حسێن بووە ئاسۆی دەلاکی بەگرت داوه، هەرزوو کوشتیانەوە. ئەمەش سەرگوزەشتەی گرتنی ئاسۆی دەلاک بوو.