$رۆژهەڵاتی کوردستان$
- دوو هاووڵاتیی کوردی خەڵکی شاری #سەقز#، لە لایەن هێزە ئیتلاعاتییەکانەوە دەسبەسەر کران و بۆ شوێنێکی نادیار ڕاگوێزران. شوناسی ئەو دوو هاووڵاتییە کوردە کە (باوک و کوڕ بوون)، بە ناوەکانی سدیق ڕەحمانزادە تەمەن 45 ساڵ و عوسمان ڕەحمانزادە تەمەن 15 ساڵ ڕاگەیاندووە.[4]{img onmouseover="hideHashTagModal ();" class="ArticlePhoto pointer" src="https://www.kurdipedia.org/files/relatedfiles/2018/155174/0015.JPG" alt="" title="حەمید برووکی میلان" style="width:30%;height:20%;float:right;" onclick="Galarry (0,[['https://www.kurdipedia.org/files/relatedfiles/2018/155174/0015.JPG', this.title]]);"}
- کۆڵبەرێکی کورد بە ناوی حەمید برووکی میلان، لە ئەنجامی تەقەی هێزەکانی سوپای تورک لە چاڵدیران بریندار بوو و ڕەوانەی نەخۆشخانە کرا.[3]
- زەبیحوڵڵا ڕەئووفی تەمەن 69 ساڵ، خەڵکی شاری سنە، کە لە لایەن دادگای ئینقلابەوە بە یەکساڵ زیندانی تەعزیری مەحکووم و یەکساڵ دوورخستنەوە بۆ شاری میناب، لە پارێزگای هۆرمۆزگان مەحکووم کرابوو، بۆ تێپەڕاندنی ماوەی زیندانەکەی، بۆ زیندانی شاری سنە ڕەوانە کرا.[4]
- هاجەر زەندی، کچە خوێندکاری زانکۆی کوردستان لە شاری #سنە#، وەکوو ئافرەتی ساڵ دەستنیشان کرا.[4]
$باشووری کوردستان$
- #پەڕڵەمانی کوردستان# بۆ ماڵاوایی لە خولی چوارەم کۆببێتەوە.
- بەپێی ڕێکەوتنێکی حکومەتی هەرێم و ئێراق، ئەمڕۆ ئیدارە کۆنەکەی #شنگال# و شارەدێیەکانی سەربە شارۆچکەکە دەگەڕێنەوە سەر کارەکانیان.[2][1]{img onmouseover="hideHashTagModal ();" class="ArticlePhoto pointer" src="https://www.kurdipedia.org/files/relatedfiles/2018/155174/0008.JPG" alt="" title="هۆڵۆوین لە سلێمانی" style="width:30%;height:20%;float:left;" onclick="Galarry (0,[['https://www.kurdipedia.org/files/relatedfiles/2018/155174/0008.JPG', this.title]]);"}
- لە شەنگال دژی ئیدارە کۆنەکە خۆپیشاندانە و ڕێگە بە پارێزگاری #موسڵ# و قایمقام و بەڕێوەبەری شارەدێیەکانی دەوروبەری شەنگال نادرێت بگەڕێنەوە ناو شارەکە.[1]
- شەوی ڕابردوو لە ناوچەی زەرگەی ڕۆژاوای شارۆچکەی #خورماتوو#، چەتەکانی #داعش# هێرشیان کردووەتە سەر سوپای ئێراق و شەڕ و ڕووبەڕووبوونەوە لەنێوان هەردوولادا ڕووی داوە.[3]
- لە سنووری نێوان #کفری# - خورماتوو، هێزەکانی #پێشمەرگە# بە هاوکاری هێزێکی هاوپەیمانان ڕووبەڕووی چەکدارانی داعش بوونەوە و لە ئاکامدا سێ چەکداری داعش کوژراون و سێ پێشمەرگەش برینداربوون.[5] هەر لەو ئۆپەراسیۆنەدا چوار چەتەی داعش کوژراون و سێ پێشمەرگەش بریندار بوون.[7]
- ئێوارەی ئەمڕۆ لە ڕێگەی بۆمبێکی چێندراوەوە مەزاری باوەمەحمود لە شاری #خانەقین# تەقێندرایەوە کە مەزاری کەسایەتییەکی ئایینی شیعەکانە.[5]
- جووڵانەوەی #نەوەی نوێ# لە بڕیاری بایکۆتی خولی پێنجەمی پەڕڵەمانی کوردستان پاشگەزبووەوە و ڕایگەیاند، بەربژێرە دەرچووەکانی دەچنە پەڕڵەمان.[6]
- لە کامپی شەهید ڕۆستەم جوودی - مەخمور، بە ئەنجامدانی مەراسیمێک، یادی ڕۆژی جیهانی پشتگیری لە کۆبانێ کرایەوە و تێیدا سەدان هاووڵاتی کامپەکە ئامادەبوون.[3]
- جێگری دووەمی سەرۆکی پەڕڵەمانی ئێراق و شاندێکی یاوەری سەردانی سەرۆک و بەشێک لە ئەندامانی ئەنجوومەنی پارێزگای #کەرکووک#یان کرد لە نووسینگەی هەرێمی کوردستانی ئەنجوومەنی پارێزگای کەرکووک لە #هەولێر#، بەشیر حەداد ڕایگەیاند #16ی ئۆکتۆبەر# و ڕووداوەکانی دواتری لە دەرەوەی یاسا و دەستوور بوون.[6]
$رۆژئاوای کوردستان$
- سوپای داگیرکەری تورکیا لەدوێنێ ئێواەرەوە بە چەکی قورس هێرشی کردووەتە سەر #گرێ سپی# و هێرشەکە بەردەوامە.[7]{img onmouseover="hideHashTagModal ();" class="ArticlePhoto pointer" src="https://www.kurdipedia.org/files/relatedfiles/2018/155174/0013.JPG" alt="" title="حزبەکانی باکووری سووریا لەبەرانبەر هێرشەکانی تورکیا هاتنە دەنگ" style="width:30%;height:20%;float:left;" onclick="Galarry (0,[['https://www.kurdipedia.org/files/relatedfiles/2018/155174/0013.JPG', this.title]]);"}
- سوپای تورکیا بەهاوەن گوندی کورعەلی #کوبانی# کردووەتە ئامانج. تۆپبارانەکە بەردەوامە. هاوکات سوپای تورکیا بە تانک هێرشی کردووەتە سەرگوندی سەلیمێ کە دەکەوێتە 15 کم ڕۆژاوای کوبانی.[7]
- لە #قامیشلۆ# 18 لایەنی سیاسی بە لێدوانێکی هاوبەش بانگەوازییان کرد، کۆمەڵگەی نێودەوڵەتیی و حکومەتی سووریا هەڵوێستی خۆیان لەسەر هێرشەکانی دەوڵەتی تورک بۆ سەر باکووری سووریا ڕوون بکەنەوە و پارێزگاری لە ئارامیی ئەو ناوچەیە بکەن.[3]
- قەسەدە ڕایگەیاند، دوای ئەوەی دەوڵەتی تورکی داگیرکەر هێرشی کردە سەر باکوور و ڕۆژهەڵاتی سووریا، ئەوان وەک قەسەدە هەڵمەتەکەیان دژی داعش لە دێرەزۆر وەستاندووە.[7]
$دەرەوەی کوردستان$
- حەسەن ڕۆحانی سەرۆکی ئێران ڕایگەیاند: سزا نوێکانی ئەمریکا وڵاتەکەی ناترسێنن و چەندین دەوڵەت دژی ئە و سزایانەی ئەمریکا پشتگیری ئێران دەکەن.[2]

#هەپەگە# ڕایگەیاند، لە ئەنجامی چالاکییەکاندا لایەنی کەم 13 سەرباز کوژراون. لە ڕاگەیەنراوەکەدا باس لەوە کراوە کە هێرشەکانی دەوڵەتی تورک دژی هەرێمەکانی ژێر کۆنتڕۆڵی گەریلا بەردەوامن.
دەقی ڕاگەیەنراوەکە:
ئۆپەراسیۆنی سوپای تورک و چالاکیی گەریلا لە بەستا
(سوپای تورکیای داگیرکەر ڕۆژی 29ی تشرینی یەکەم\7ی گەڵاڕێزان لە گردی هێلز، گردی سێڤا و بەستی بلوزەرا-ی دەڤەری بەستای سەر بە پارێزگەی شرناخ دەستی بە ئۆپەراسیۆن کرد. ئێوارەی هەمان ڕۆژ هێزەکانی ئێمە لە چوارچێوەی هەڵمەتی شۆڕشگێڕیی شەهید دەلال #ئامەد# و شەهیدانی بەستا-دا لە یەکینەکانی ئۆپەراسیۆنەکەیان دا لە گردی سێڤا. لە 2 قۆڵەوە گورزی تووند لە یەکینەکەی دوژمن درا و لە ئەنجامدا 2 سەرباز کوژران. سوپای تورکیای داگیرکەر دوای چالاکییەکە، بە ئۆبوس و هاوەن تۆپبارانی ناوچەکەی کرد، ڕۆژی 30ی تشرینی یەکەم\8ی گەڵاڕێزان بەبێ ئەنجام لە ناوچەکە کشایەوە.
لە قلابان بەتووندی لە سەربازانی تورکیا درا
29ی تشرینی یەکەم\7ی گەڵاڕێزان، لە ناوچەی قلابانی شرناخ هێزەکانمان لە دژی سەربازانی تورکیای داگیرکەر لە گردی کلک-ی نزیک سەربازگەی تەپێ چەتا چالاکییەکیان ئەنجام دا. ژمارەی ئه و سەربازانەی دوژمن کە له و چالاکییەدا کوژران و بریندار بوون، ڕوون نەبوویەوە.
چالاکی لە گەڤەر
30ی تشرینی یەکەم\8ی گەڵاڕێزان کاتژمێر 11 لە ناوچەی گەڤەری جۆلەمێرگ لە دژی سوپای تورکیای داگیرکەر کە لە گردی شەهید زەردەشت ڕێگەی ئەمنی دروست دەکرد، چالاکییەک کرا. لە 2 قۆڵەوە لە یەکینەکەی دوژمن درا و لە ئەنجامی چالاکییەکەدا 2 بلدۆزەر تێکشکێنران و 5 سەربازیش کوژران. سوپای تورکیای داگیرکەر لە دوای چالاکییەکە بە ئۆبوس و هاوەن دەوروبەرەکەیان تۆپباران کرد.
لە بارزان سەنگەرێک ڕووخێنرا و 6 سەرباز کوژران
هێزەکانمان ڕۆژی 30ی تشرینی یەکەم\8ی گەڵاڕێزان کاتژمێر 13 لە ناوچەی بارزان-ی باشووری کوردستان دژی سوپای تورکیای داگیرکەر لەسەر تەپێ خوەدێ چالاکییەکیان کرد. لەم چالاکییەدا سەنگەرێکی دوژمن بەتەواوی ڕووخێنرا و 6 سەرباز کوژران. هێزەکانی داگیرکەر لە دوای چالاکییەکە بە ئۆبوس و هاوەن ناوچەکەیان بۆمباران کرد.
هێرشی ئاسمانی لە زاپ، خواکورک و گارا
فڕۆکەجەنگییەکانی سوپای تورکی داگیرکەر لە دژی هەرێمەکانی پاراستنی مەدیا هێرشی ئاسمانییان ئەنجام داوە. زانیارییەکان لەوبارەیەوە:
لە 28ی تشرینی یەکەم\7ی گەڵاڕێزان لە نێوان کاتژمێر 19:00 - 19:30دا دەوروبەری گوندەکانی بێبازێ، شکێرا و شریا-ی سەر بە ناوچەی چێمانک لە هەرێمی گارا بۆمباران کراون. بەهۆی بۆمبارانەکە زیانی مادی بە ڕەز و باخی گوندنشینان گەیشتووە.
لە 30ی تشرینی یەکەم\8ی گەڵاڕێزان کاتژمێر 17:15 لە ناوچەی وەرخەلێی هەرێمی زاپ لەنێوان کاتژمێر 23:00 - 23:30دا گوندی فلەها و گردی جەهەننەم بۆمباران کراون. لە هەمان ڕۆژدا کاتژمێر 20:30 دەوروبەری گوندەکانی چەمێ خواکورک لە هەرێمی خواکورک بۆمباران کراوە.)[1]
#31-10-2018#