30-06-2014
📅 رێکەوت و رووداو (کڕۆنۆلۆژیا)
- ئەمشەو لە گەڕەکی تەجنیدی شارۆچکەی جەلەولا شەڕ لە نێوان هێزی پێشمەرگە و چەکدارانی داعش روویدا. زیاتر لە کاژێرێک پێکدادان لەنێوان هەردوولا بەردەوامبوو و شەڕەکە بە شکستی چەکدارانی داعش کۆتاییهات.
- لە بەنزینخانەیەکی سەنتەری قەزای سۆران لەنێوان کوڕی بەرپرسێکی پێشمەرگە و ئاسایش دەبێتە شەرە تەقە و لەو کاتەش دوو رۆژنامەنوس کە سەرقاڵی وێنەگرتنی رووداوەکە بوونە لە لایەن ئاسایشەوە دەستگیر دەکرێن.
- پەرلەمانتارێکی دەوڵەتی یاسا کە نووری مالیکی سەرۆکایەتی دەکات داوا لە حکومەتی هەرێمی کوردستان دەکات لەبارەی پەیوەندییەکانی لەگەڵ ئیسرائیل روونکردنەوە بدات، هاوکات داواش لە پەرلەمانی نوێی عێراق دەکات لەسەر هەمان پرس لێپرسینەوە لەگەڵ هەرێمی کوردسان بکات.
- دادگای باڵای کۆماری لە تورکیا رێگەی بە دامەزراندنی پارتی دیموکراتی کوردستان- تورکیا دا و بە پێی ئەو بڕیارە هیچ بەربەستێک لەبەردەم بەکارهێنانی ناوی "کوردستان"دا نییە.
📌
کوردیپێدیا، رۆژانە (بێلایەنانە) مێژووی کوردستان تۆماردەکات... 📅 کڕۆنۆلۆژیای رووداوەکان