رۆژهەڵاتی کوردستان
- بۆ ڕێزگرتن لە قوربانییانی کیمیابارانکردنی شاری سەردەشتسەردەشت کە لە لایەن حکوومەتی پێشووی بەعسەوە کیمیاباران کرا، ژمارەیەک لە پاسکیل سوارانی شاری پیرانشارپیرانشار، مەریوانمەریوان و مەهابادمەهاباد بە شێوەیەکی سەمبولیک، مەودای ئەو شارەیان هەتا شاری سەردەشت، بە پاسکیل پێوا.[6]
باشووری کوردستان
- فڕۆکە جەنگییەکانی سوپای تورک بۆردومانی چیای کورتەکی بناری قەندیلقەندیلیان کرد. بەگوێرەی زانیارییە سەرەتاییەکان، بەهۆی بۆردومانکردنی 2 ئۆتۆمبێلی هاوڵاتییانی سیڤیل 4 هاوڵاتی شەهید بوون و 5ی دیکەش بریندار بوون. هەروەها بەهۆی هێرشەکە ئاگر لە چیاکە کەوتووەتەوە.[5] (بڕوانە ڤیدیۆی پەیوەستکراو)
- لە شەوی رابوردووەوە ژمارەیەک رووداوی ئەمنی لەکەرکوککەرکوک روویاندا کە بەهۆیانەوە پێنج کارمەندی هێزە ئەمنییەکان برینداربوون، هاوکات دەستگیرکردنی دوو سەرکردەی داعشداعش راگەیاندرا.[1]
- دوو تەقینەوە لە شاری کەرکوک روویانداوە، تەقینەوەکان پاسی نەفەر هەڵگریان کردووەتە ئامانج و بەهۆی تەقینەوەکان 17 کەس برینداربوونە و یەکێکی دیکەش گیانی لەدەستداوە.[3]
- سوپای تورک لە هەرێمەکانی پاراستنی مەدیا و کەمپەکانی باشووری کوردستان نووسراوێک بە دەقی (رادەست بە، ئازاد بە) بڵاودەکاتەوە. لە درێژەی نووسراوەکەدا دەڵێ: ئەمساڵ بە گشتی نۆسەد ئەندامی رێکخستنی تیرۆر خۆیان رادەستی هێزە ئاسایشەکانمان کردووە، هەمووشیان دەستیان بە سەرەتایەکی نوێ کرد. تۆش دەتوانی ببیتە یەکێک لەوان.[2]
- لە هەرێمی قەندیلی باشوری کوردستان شاندێکی هاوبەشی پێشمەرگە دێرینەکان، خەڵکی نیشتمانپەروەر، ژنان و مامۆستایانی ئایینی بۆ ڕووبەڕووبوونەی هێرش و داگیرکاری ڕژێمی تورکیا سەردانی هەرێمەکەیان کرد و پاش ڕاوێژکردن پێکەوە هاوبەشانە (کۆمیتەی بەرگری لە خاکی کوردستان) یان پێکهێنا و ڕاگەیاند.[2]
دەرەوەی کوردستان
- جێگری سەرۆکی گشتی جەهەپە بەهۆی هەڵوێستی لە هەڵبژاردنەکانی ئیستەنبووڵ، سوپاسی سەڵاحەدین دەمیرتاشسەڵاحەدین دەمیرتاش، هاوسەرۆکی پێشووی هەدەپەهەدەپەی کرد.[3]
- عەلی لاریجانی سەرۆکی پەرلەمانی ئێران رایگەیاند: سنوور بەزاندنی ئێران لەلایەن ئەمریکا یان هەر وڵاتێکی تر، باجەکەی قورستر دەبێت، وتیشی: خستنە خوارەوەی فڕۆکەیەکی بێ فڕۆکەوانی ئەمریکا ئەزموونێکی باش بوو بۆ ئێمە، بۆئەوەی بتوانین لە داهاتوودا، بەرپەرچی هەموو جۆرە پێشێلکاریی و دەستوەردانێکی دەرەکیی ببینەوە.[4]

#سەردەشت | #پیرانشار | #مەریوان | #مەهاباد | #قەندیل | #کەرکوک | #داعش | #سەڵاحەدین دەمیرتاش | #هەدەپە |

#27-06-2019 |