رۆژهەڵاتی کوردستان
- ڕاپۆرتەکان باس لەوە دەکەن کە سێ هاووڵاتیی خەڵکی شاری ورمێورمێ بە ناوەکانی “مەسعوود حاجیزادە” تەمەن 44 ساڵ، “کەیوان ڕەشۆزادە” تەمەن 26 ساڵ و “ئومید سەعیدی” تەمەن 25 ساڵ، کە ماوەیەکە لە زیندانی ناوەندی ئەم شارە ڕاگیراون، هیچ زانیارییەک لە چارەنووسیان بەردەستدا نییە و نازانرێت چییان بەسەرهاتووە.[7]
- کۆڵبەرکۆڵبەرێکی کورد بە ناوی عەلی بروکی میلان کوڕی عادڵ خەڵکی گوندی ناوری شاری چاڵدێران، پاش دەسبەسەرکردنی لەلایەن هێزە نیزامییەکانی حکوومەتەوە، بە دەست و پێ بەستراوەییەوە دراوەتە بەر دەسڕێژی گوللە و گیانی لەدەست داوە.[8]
باشووری کوردستان
- فڕۆکە جەنگیەکانی تورکسەیرانگای گوندی کونەماسیکونەماسیی سەر بە شارباژێرشارباژێری پارێزگای سلێمانیان بوردومان کرد و سەرچاوەکان باس لەوەدەکەن کە گەریللایەک یان (دووان) شەهید بووە و چەندین هاووڵاتیش برینداربوون، 5 لە بریندارەکان ئەندامی یەک خێزانن.[1]
- لە سنوری دەڤەری برادۆستبرادۆستی پارێزگای هەولێر، فڕۆکە جەنگییەکانی دەوڵەتی داگیرکەری تورک کوێستانەکانی سنین، بێرکم و لۆلان و گوندی خەلیفان و گەرووی زرارانیان بۆردومان کرد.[6]
- لە سەربەیانی ئەمڕۆوە تا نیوەڕۆ، ژمارەی گیانلەدەستدان بە ڤایرۆسی کۆرۆنا لە سنووری پارێزگای سلێمانیسلێمانی گەیشتووەتە 9 کەس.[5]
- وەزارەتی تەندروستی حکومەتی هەرێمی کوردستان ڕایگەیاند، لە 24 کاتژمێری ڕابردوودا 16 هاووڵاتی بە کۆرۆنا گیانیان لەدەستداوە و 195 کەسی دیکە تووشی کۆرۆنا بوون.[1]
- قایمقامی سەیدسادقسەیدسادق گیانلەدەستدانی دوو تووشبووی کۆرۆناکۆرۆنای ڕاگەیاند و دەڵێت، ئەوانەی گیانیان لەدەستداوە ژنێکی تەمەن 52 ساڵ و پیاوێکی تەمەن 55 ساڵە.[1]
- تەندروستی کەرکوککەرکوک ڕایگەیاند: لە ماوی 24 سەعاتی ڕابردودا 123 حاڵەتی نوێی توشبون بە کۆرۆنا و چاکبونەوەی 41 حاڵەت و حاڵەتێکی گیان لەدەستدانیشی بە کۆرۆنا تۆمارکردوە.[2]
- شەوی ڕابردوو، نۆ پێشمەرگەی لیوای شێخ سەباح بارزانی دانیشتووی شارەدێی شیلادزێشیلادزێی سەر بە پارێزگای دهۆکدهۆک، بۆ چەند کاتژمێرێک لەلایەن فەرماندەییەکەیانەوە دەستگیر کران، بەهۆی ئەوەی بەشدارییان لە خۆپیشاندانەکەی ڕۆژی 20ی ئەم مانگەدا کردبوو.[6]
- وتەبێژی وەزارەتی تەندروستی ڕایدەگەیەنێت، هەرکەس پلازمای خوێن بە تووشبووانی کۆرۆنا بفرۆشێتەوە وەک تاوانبار مامەڵەی لەگەڵدا دەکەن، بەتاوانی بازرگانی کردن بەجەستە توندترین سزا دەدرێت.[3]
- لەچوارچێوەی هەوڵەکانی ڕووبەڕووبوونەوەی ڤایرۆسی کۆرۆنا لەسنووری شارۆچکەی کەلارکەلار، بەبڕیاری قائیمقامی کەلار مەزادی ڕۆژی هەینی شاری کەلار دادەخرێت.[2]
- کاتژمێر 12ی نیوەڕۆی ئەمڕۆ هێزێکی هاوبەش لە دەزگا ئەمنییەکانی کەرکوک چوونە سەر فیتەر و پیشەوەرانی بازاڕی حەسیرەکە لە شاری کەرکوک، بەمەبەستی چۆڵکردنی دوکانیان و گواستنەوەیان بۆ ناوچەی پیشەسازیی تازەی کەرکوک، بەڵام پیشەوەران ڕەتیانکردەوە، شوێنەکانیان چۆڵکەن، ئەویش بەهۆی گرانیی نرخی دووکانەکانی ناوچەی پیشەسازیی نوێ. لە بەرامبەردا هێزە ئەمنییەکان دەستیان بە ڕووخاندنی کەپر و شوێنکاری ئەو پیشەوەرانە کرد و پیشەوەرەکانیش دژ بەو کارەی هێزە ئەمنییەکان، خۆپیشاندانیان ئەنجامدا. هێزە ئەمنییەکان تەقەیان بەسەر خۆپیشاندەراندا کرد و بڵاوەیان پێکردن، ڕێگاشیان بە ڕۆژنامەنووسان نەدا، لەنزیکەوە ڕووماڵی خۆپیشاندانەکە بکەن و لێدوانی پیشەوەران وەربگرن.[6](بڕوانە فایلی پەیوەندیدار)
- لە هەولێرهەولێر تەقینەوەیەک لە کۆگایەکی چەک و تەقەمەنی لە یەکێک لە فێرگەکانی مەشقی پڵنگەکانی زێرەڤانی لە بنەسڵاوەبنەسڵاوە ڕوویدا؛ سێ کەس بەهۆیەوە برینداربوون.[4]
- بەرپرسی میحوەری گوێر - مەخموورمەخمووری هێزی پێشمەرگە ڕایگەیاند، لە 72 کاژێری ڕابردوودا فڕۆکە جەنگییەکانی هاوپەیمانان بە هاوئاهەنگی لەگەڵ هێزەکانی پێشمەرگە 15 جار هێرشیان کردووەتە سەر چەکدارانی داعشداعش لە چیای قەرەچووخ و نزیک گوندی کوشاف، بەپێی زانیارییەکانیش 18 چەکداری داعش کوژراون.[4]
- سەرۆکی یەکێتیی کۆمپانیاکانی فڕۆکەوانیی گەشتیاری لە هەرێمی کوردستان ڕایگەیاند دەسەڵاتی فڕۆکەوانیی عێراقی دەستی بە ئامادەکاری کردووە بۆ دەستپێکردنەوەی گەشتە ئاسمانییەکان، بەڵام بەڕێوەبەری فڕۆکەخانەی سلێمانی دەڵێت دەستپێکردنەوەی گەشتەکان کارێکی ئاسان نییە.[4]
- لە کۆی 28 ئەندامی ئەنجوومەنی پارێزگای دهۆک بە دەنگی 27 ئەندامی ئەنجوومەنی پارێزگا، عەلی تەتەرعەلی تەتەر بە پارێزگاری نوێی دهۆک هەڵبژێردرا.[4]
دەرەوەی کوردستان
- وەزارەتی دەرەوەی ئەمریکا ڕاپۆرتی ساڵانەی لەبارەی تیرۆر بۆ ساڵی 2019 بڵاوکردەوە و ڕایگەیاند، لەگەڵ هاوپەیمانەکانیاندا هەنگاوی باشیان ناوە لە ڕووبەڕووبوونەوەی تیرۆر لەسەر ئاستی جیهان، بەڵام تیرۆر هێشتا هەڕەشەیە لەسەر جیهان. لە ڕاپۆرتەکەدا جارێکی دیکە پەکەکەپەکەکە بە تیرۆریست و ئێران بە پاڵپشتیکاری تیرۆر ناویان هاتووە.[4]
- وەزارەتی تەندروستی و ژینگەی عێراق ئاماری 24 کاتژمێری تایبەت بە کۆرۆنای بڵاوکردەوە و ڕایگەیاند، لە دوێنێوە 107 کەس گیانیان لەدەستداوە و 2 هەزار و 437 کەسی دیکە تووشی کۆرۆنا بوون. هەروەها هەزار و 237 کەس چاکبوونەتەوە.[5]

لەژێر ڕۆشنایی بەیانی ژمارە (42)ی ساڵی (2020)ی وەزارەتی ناوخۆی حکومەتی هەرێمی کوردستان و بەهۆی بڵاو بوونەوەی ڤایرۆسی کۆرۆنا بە شێوەیەکی فراوان لە شاری هەولێر و مەترسی داری دۆخەکە، ژووری ئۆپەراسیۆنی پارێزگای هەولێر سەر لەبەیانی ئەمڕۆ 2020.6.25، بەسەر پەرشتی، د.فرسەت سۆفی پارێزگاری هەولێر، کۆبۆنەوەیەکی ئەنجامدا و کۆبوونەوە گەیشتە ئەم بڕیارانەی خوارەوە:
یەکەم/ لەڕۆژی یەکشەممە 2020.6.28، تاوەکو 2020.7.3 دەوامی سەرجەم فەرمانگە و بەرێوەبەرایەتی و یەکە کارگێڕییەکانی سنووری پارێزگای هەولێر ڕادەگیرێن، جگە لە دوامی تەندروستی، پۆلیس، ئاسایش، ناوخۆ و بەڕێوەبەرایەتییە خزمەتگوزارییە پێویستییەکان بەپێی ئەو خشتەیەی کە خۆیان دیاری دەکەن، سەبارەت بە دەوامی دیوانی وەزارەت و سەرۆکایەتییەکان و ئەنجوومەنی دادوەری و دەستە سەربەخۆکان خۆیان بڕیاری لێ دەدەن.
دووەم/ تاوەکو 2020.7.3 هاتوو چۆی پارێزگای هەولێر لەگەڵ سەرجەم پارێزگاکانی هەرێمی کوردستان و پارێزگاکانی تری عێراق، بە تەواوەتی ڕادەگیرێت و ڕێگە بە هیچ کەسێک و بۆ هیچ مەبەستێک نادرێت بێتە ژوورەوە بۆ ناو شاری هەولێر، بۆیە تکامان لەهاوڵاتییانی پارێزگاکانی هەرێم و پارێزگاکانی تری عێراق ئەوەیە، بۆ ئەوەی تووشی گەڕاندنەوە و ئەزیەتکێشان نەبن، تاوەکو 2020.7.3، کەس خۆی لە ڕێگا نەدات بۆ هاتنە ژوورەوەی پارێزگای هەولێر، چونکە بەهیچ شێوەیەک ڕێگە بە هاتنە ژوورەوەی هیچ کەس و لایەنێک نادرێت و هەرکەسێک بێتە بازگەکانیش دەگەڕێندرێتەوە.
سێیەم/ لەڕۆژی شەممە 2020.6.27 تاوەکو 2020.7.3، لە دوای کاتژمێر (8)ی شەو بۆ (5)ی بەیانی، سەرجەم دوکان و بازاڕ و مۆڵ و مارکێت و شوێنە بازرگانییەکان و هەموو ئەو شوێنانەی کە پێشتر بۆ خزمەتی هاوڵاتییان کرابوونەوە دادەخرێن، جگە لە دەرمانخانەکان.
چوارەم/ لە ڕۆژانی هەینی (بازاڕە میللیەکان، گۆڕەپانەکانی باڵندە، پیشانگاکانی ئۆتۆمۆبێل، هاوینە هەوارەکان و شوێنە گەشتیارییەکان) بەتەواوی دادەخرێن و هاتووچۆکردن لێیان قەدەغەیە، ئەو شوێنانەی خوارەوەش تاوەکو 2020.7.3 بە داخراوی دەمێنەوە:
مزگەوت و کەنیسە و شوێنە ئاینییەکان، دانانی پرسە و ڕێوڕەسمی ماتەمینی لە (هۆڵ، ماڵ، لەژێرخێوەت) لەگەڕەک و ماڵ و شوینە گشتییەکان، هۆڵەکانی ئاهەنگ گێران، یانەی شەوانە، نێرگەلە کێشان، یانەکانی مەی خواردنەوە (باڕ)، گەرماو (حەمام)، هۆڵەکانی بووک گواستنەوە، هۆڵە کۆمەڵایەتییەکان، هۆڵەکانی وەرزشی، سەنتەرەکانی لەشجوانی، مەلەوانگە، باخچە گشتییەکان، پارکەکان، سەوزاییەکانی ناو گەڕەک و کۆڵانەکان).
پێنجەم/ سەرجەم چایەخانە و کافتریا و گازینۆ و ڕیستۆرانتی باخچەکان و شوێنە گەشتیارییەکان تاوەکو 2020.7.3 دادەخرێن، چێشتخانەکان کراوە دەبن و تەنها بۆیان هەیە بە دیلیڤەری (سەفەری) خورادن بفرۆشن.
شەشەم/ کردنەوەی نۆڕینگە و سەنتەر و کۆمەڵگا پزیشکییەکان ئارەزومەندانە دەبێت و ئەوانەشی کراوە دەبن دەبێت ئەو مەرجانەی خوارەوە یان تێدابێت:
- کردنەوەی نۆڕینگەکان لە کاتژمێر (3)ی دوای نیوەڕۆ بۆ (6)ی ئێوارە دەبێت.
لە هۆڵی چاوەڕوانی لە چوار نەخۆش زیاتری لێ نەبێت و نێوانی هەر یەکەیان دوومەتر کەمتر نەبێت.
پزیشک دەستکێشی لەدەست بێ و ماسک ببەستبێ.
نەخۆش یەک هاوەڵی زیاتر لەگەڵ نەبێت و هەردوکیان ماسکیان بەستابێ.
ڕۆژانە نۆڕینگە و سەنتەر و کۆمەڵگاکان (تعقیم) بکرێن.
لەو ماوەیەدا لە(کاتژمێر 3 بۆ 6) لە (10) نەخۆش زیاتر نەبینرێت.
حەوتەم/ هۆشداری دەدەینە سەرجەم شۆفێرانی (تەکسی، پاس، مینی پاس) پابەندی ڕێناماییە تەندروستییەکان بن و خۆیان و سەرنشینەکانیان (ماسک) ببەستن، هەر کەسێک سەرپێچی لەم بڕیارە بکات، بەبێ چاوپۆشی کردن لە کەس، لەلایەن پۆلیسی هاتوو چۆ، ڕووبەڕووی ڕێکاری یاسایی دەبێتەوە و بە بڕی(50) هەزار دینار غەرامە دەکرێت.
هەشتەم/ هەموو ئەو شوێنانەی کە ڕەزامەندی کارکردنییان پێدراوە و کراوەن، پێویستە تەواوی مەرجە تەندروستییەکان جێ بەجێ بکەن لە بەستنی دەمامک و دەستکێش و دروست نەکردنی قەرەباڵغی، بۆ ئەو مەبەستە تیمەکانی شارەوانی و قایمقامیەتەکان ڕاسپێردراون، هەرکەس و لایەک پابەند نەبێت، ڕێکاری یاسایی لەبەرامبەردا دەگیرێتەبەر و شوێنەکانیان دادەخرێت، بۆ ماوەیەک کە لە یەک هەفتە کەمتر نەبێت.
نۆیەم/ هاوڵاتییانی سنووری پارێزگای هەولێر ئاگادار دەکەینەوە، پابەندبن بە ڕێکارەکانی خۆپارێزی لە کۆرۆنا و (ماسک و دەستکێش) ببەستن، ئەگەر نا ناچار دەبین قەدەغەی هاتووچۆی تەواوەتی ڕابگەێنین، بۆیە داوا لە هەموو لایەک دەکەین لەم دۆخە ناهەموار و مەترسیدارەدا بەو پەڕی هەست کردن بە بەرپرسیاریەتی لە پێناو سەلامەتی خۆیان و هاوڵاتییان پابەندی ڕێنماییە تەندروستییەکان بن.
دەیەم/ سەرجەم قایمقامیەتیەکان دەسەڵاتی تەواویان پێدەدرێت بۆ جێبەجێکردنی ڕێکارەکانی خۆپارێزی، لە کاتی پێویستیش بۆیان هەیە لە سنوری خۆیان کەرەنتین و قەدەغەی تەواو ڕابگەیەنن.
یازدەهەم/ ئەم بڕیارانە کاتژمێر 12ی شەوی 26 لە سەر 27 ی 2020.6 دەکەونە بواری جێبەجێکردن.
ژووری ئۆپەراسیۆنی پارێزگای هەولێر
25-06-202025-06-2020