$رۆژهەڵاتی کوردستان$
- شەوی ڕابردوو، بەهۆی هەرەسهێنانی شاخێکەوە لە شاری گەیلان غەربی سەر بە پارێزگای #کرماشان# لە ڕۆژهەڵاتی کوردستان 2 هاووڵاتی مردن و دووانی تریش برینداربوون.[4]
- مانگرتنی کاسبکارانی #بانە# و #پیرانشار# بەردەوامە و دوکان و بازاڕەکانیان داخستووە.[1]
$باشووری کوردستان$
- بەیانی ئەمڕۆ تەقینەوەیەکی خۆکوژیی لەبەردەم بارەگای عەسائیبی ئەهلی حەق لەنزیک باڵەخانەی پارێزگای #کەرکووک# ڕوویدا.[2]
- خۆپیشاندانی مامۆستایانی #سلێمانی# دەستیپێکرد و بە ڕێپێوان دەچنە بەردەم پارێزگای سلێمانی، هاوکات مامۆستایانی #کەلار#یش دەستیان بەخۆپیشاندان کردەوە.[2]
- لەبەردەم باڵەخانەی تۆڕی میدیایی ڕووداو لە #هەولێر#، لە یەکەمین ساڵیادی شەهیدبوونی #شیفا گەردی# لەموسڵ، پەردە لەسەر پەیکەری سیمبولیی شەهید شیفا گەردی لادرا.[3]
- بەهۆی وەرگەڕانی ئۆتۆمبێلێکەوە لەسەر ڕێگای سەرەکیی #ڕانیە#-#قەڵادزێ#، پێنج پێشمەرگە برینداربوون، بەوتەی جێگری بەڕێوبەری نەخۆشخانەی شەهیدانی نوێی قەڵادزێ-ش، برینی دوو لە پێشمەرگەکان سەختە.[2]
- مامۆستایانی خوێندنی کوردیی لە کەرکووک گردبوونەوەیەکی ناڕەزاییان ئەنجامدا و داوایان کرد میلاکەکانیان بگوازرێتەوە بۆسەر پەروەردەی گشتیی کەرکووک.[2]
- هێزەکانی پێشمەرگە لەشوێنەکانی خۆیان بەرەو پێشتر جوڵەیان کردووە و بەوەش لەدەروازەکانی کەرکووک زیاتر نزیکبونەتەوە.[4]
$رۆژئاوای کوردستان$
- میدیاکانی تورکیا ڕایدەگەیێنن، #ساڵح موسلیم#، هاوسەرۆکی پێشووی #پەیەدە# لە پراگی پایتەختی چیک دەستگیرکراوە. پەیەدەش ڕایگەیاند کە لەسەر داوای تورکیا دەستبەسەرکراوە[1]
- پەیەدە ڕاگەیەندراوێکی لەسەر دەستگیرکردنی ساڵح موسلیم لە وڵاتی چیک بڵاوکردەوە و جەختی کردەوە، دەستگیرکردنی ساڵح موسلیم هیچ پاساوێکی یاسایی نییە و دەبێت بەزووترین کات ئازادبکرێت.[1]
- #یەپەگە# ڕایگەیاند: لە سەر بڕیارێکی ئەنجومەنی ئاسایشی #نەتەوە یەکگرتووەکان# کە دوێنێ 24ی شوبات دەرکرا، بە مەبەستی ناردنی یارمەتییە مرۆییەکان بۆ ناوچە شەڕاوییەکانی سوریا، بۆ ماوەی مانگێک لە سەرتاسەری سوریادا ئاگربەست ڕادەگەیەندرێت، ئێمە وەک فەرماندەیی یەپەگە پێشوازی دەکەین لەو بڕیارە.[2]
- عەمر موسا، وەزیری دەرەوەی پێشووی میسر و ئەمینداری گشتیی پێشووی کۆمکاری عەرەبی دەڵێت، ئاگربەستێک کە ئەنجومەنی ئاسایس لە سوریا ڕایگەیاندووە عەفرینیش دەگرێتەوە.[2]
- سەڕەرای ڕاگەیاندنی ئاگربەستێکی 30 ڕۆژە لە سوریا لەلایەن نەتەوە یەکگرتووەکانەوە، سوپای تورک ناوەندی شارۆچکەی جندرێس لە عەفرین تۆپباران دەکات و فڕۆکە جەنگییەکانی تورکیش گوندێکیان لە شارۆچکەی مەیدانکێ بۆردوومانکرد.[2]
- شەڕڤانانی یەپەگە و #یەپەژە# لە بەرەی جندرێس گورزیان لە سوپای تورک و چەتەکانی وەشاند و =KTML_Mark_Begin=8 سەرباز و چەتەی تورک کوژران=KTML_Mark_End=.[2]

قەسەدە ئاشکرایکرد، کە لە 24 کاتژمێری ڕابردوودا لە عەفرین، 44 سەرباز و چەتەی تورک کوژراون و 2 ئۆتۆمبێلی سەربازیش تێکشکێنراون.
ئێوارەی ئەمڕۆ، ناوەندی ڕاگەیاندنی هێزەکانی سوریای دیموکراتی-قەسەده،‌ بە ڕاگەیەندراوێک، ئاماری شەڕ و بەرخۆدانی 24 کاتژمێری ڕابردووی بەرخۆدانی عەفرینی بڵاوکردەوە.
لە ڕاگەیەندراوەکەدا، قەسەدە ڕایگەیاندووە: لە بەرەبەیانی ئەمڕۆوە ناوەندی عەفرین کە نزیکەی 500 هەزار کەسی تێدا دەژی، لە لایەن سوپای تورکی داگیرکەر و چەتەکانی داعش و ئەلنووسرەوە تۆپباران دەکرێت.=KTML_Quote_Begin==KTML_Style=width:20%;float:right;=KTML_Quote_Icon=❞ =KTML_Quote_Content==KTML_Red=لە 24 کاتژمێری ڕابردوودا لە سنووری عەفرین، 44 سەرباز و چەتەی تورک کوژراون و 2 ئۆتۆمبێلی سەربازیش تێکشکێنراون=KTML_End==KTML_Quote_End=
ئەوەش هاتووە: هێزەکانمان پاشنیوەڕۆی دوێنێ لە دەوروبەری گوندی چەقەلا-ی سەر بە شارۆچکەی شییە، ئۆتۆمبێلێکی سەربازیی سوپای تورکیان‌ تێکشکاند 3 چەتە کوژران، هەروەها فڕۆکە جەنگییەکانی سوپای تورکیا ماوە بە ماوە ناوچەکە بۆردومان دەکەن.
قەسەدە ڕاشیگەیاندووە: دوێنێ شەڕڤانانمان لە شەڕێکدا لە گوندی ئۆمەرا-ی سەر بە شەرا گوزیان لە سوپای تورک و چەتەکانی وەشاند و‌ 35 سەرباز و چەتەی تورک کوژران و ئۆتۆمبێلێکی سەربازیی داگیرکەران بە تەواوی تێکشکێنراوە.
لە بەشێکی دیکەی ڕاگەیەدنراوەکەی قەسەدە-دا هاتووە: هێزەکانمان شەوی ڕابردوو لە دژی داگیرکەران چالاکییان ئەنجامدا و لەئەنجامدا‌ 6 چەتە کوژران، هەروەها چالاکییەک لە دژی بارەگەیەکی چەتەکانی ئەلنووسرە و داعش لە دەوروبەری گوندی جەلەمێ ئەنجامدرا و ژمارەیەکی زۆر چەتە کوژران.
قەسەدە، ئەوەشی خستووەتەڕوو: هێزەکانمان لە دەوروبەری شارۆچکەی عەزاز لە دژی داگیرکەران چالاکییەکیان ئەنجامدا و بەهۆیەوە گورزی قورس بەر داگیرکەر کەوت.
بەپێی ڕاگەیەندراوەکەی قەسەدە، لەماوی 24 کاتژمێری ڕابردوودا، زۆرینەی گوندەکانی کانتۆنی عەفرین و بەرەکانی شەڕ، ڕووبەڕووی بۆردوومان و تۆپبارانی سوپای تورک و چەتەکانی بوونەتەوە.[1]
#25-02-2018#

گەریلاکانی هێزەکانی پاراستنی گەل- #هەپەگە#، لە دژی سوپای تورک چەند چالاکییەکیان ئەنجامدا، لە ئەنجامدا ژمارەیەک سەربازی سوپای تورک کوژراون.
ناوەندی ڕاگەیاندنی هەپەگە ئەمڕۆ ڕاگەیەندراوێکی لە بارەی چالاکیی گەریلاکان لە ڕۆژەکانی 23 و 24ی شوباتدا لە دژی سوپای تورک بڵاوکردەوە.
هەپەگە ڕایگەیاند: دوێنێ کاتژمێر 12:00ی نیوەڕۆ هێزەکانمان لە گردی کۆردینەی سەربە شارۆچکەی چەلێی #جولەمێرگ# چالاکییەکیان ئەنجامدا، لەو چالاکییەدا گورزی قورس لە سوپای تورک درا و لە ئەنجامدا ژمارەیەک سەربازی سوپای تورک کوژران، بەڵام ژمارەیان بەدروستی نەزانراوە.
لە بەردەوامیدا هەپەگە ڕایگەیاند: هەر دوێنێ کاتژمێر 12:30ی نیوەرۆ، گەریلاکانمان لە گردی مێرگانیشی سەربە چەلێی جولەمێرگ چالاکییەکی دیکەیان ئەنجامدا، لەو چالاکییەشدا ژمارەیەک لە سەربازەکانی سوپای تورک کوژران و برینداربوون.
لە کۆتاییشدا هەپەگە ڕایگەیاند: 23ی شوبات کاتژمێر 3:30 پاشنیوەڕۆ هێزەکانمان لە تەپەسۆری سەربە چەلێ چالاکییان لە دژی سوپای تورک ئەنجامدا، ئەنجامی ئەو چالاکییە تا ئێستا نەزاندراوە.[1]
#25-02-2018#