باکووری کوردستان
- نووسینگەی مافەکانی گەل بڵاویکردەوە، مستەفا کۆچاک دوای 297 رۆژ لە مانگرتن گیانی لەدەستدا. راشیگەیاند، موەکیلەکەیان موستەفا کۆچاک بۆ دادگایکردنێکی دادپەروەرانە دەستی بە چالاکیی مانگرتن (رۆژی مردن) کرد، لە ژوورێکی تاکە کەسیدا بۆ ئەو مافەی جەستەی توایەوە.[4]
- لە دێرسم، دوایین هەشت تووشبوو به ڤایرۆسی کۆرۆناکۆرۆنا چاکبوونەوە و نەخۆشخانەیان جێهێشت. ئەم شارەی باکووری کوردستان، یەکەم شارە لە سەرانسەری باکوور و تورکیادا پاک ببێتەوە لە ڤایرۆسی کۆرۆنا و هیچ تووشبوویەکی نەبێت.[1]
رۆژهەڵاتی کوردستان
- لە سنەسنە، ژنێکی لاو بە ناوی سارینا غەفووری تەمەن 24 ساڵ، بەهۆی کێشەی بنەماڵەییەوە کۆتایی بە ژیانی خۆی هێنا. ئەو ژنە لاوە لە ماڵی باوکی و لە رێگای خۆهەڵواسینەوە خۆی کوشت. سارینا غەفووری دایکی کچێکی تەمەن 6 ساڵەیە.[7]
باشووری کوردستان
- لە یادی 46 ساڵەی بۆردوومانی قەڵادزێقەڵادزێ و زانکۆی سلێمانیزانکۆی سلێمانی، یادکردنەوەی ئه و کارەساتە بەهۆی بوونی ڤایرۆسی کۆرۆنا هیچ مەراسیمێک بۆ ئه و یادە ناکرێتەوه و تەنها تاجەگوڵینە لەسەر مەزاری شەهیدان دادەنرێت.[2]
- هاوڵاتیان و بنەماڵەی شەهیدان و لایەنە پەیوەندیدارەکان لە پاش تێپەڕینی 46 ساڵ بەسەر ئەو کارەساتەدا، یادی شەهیدانیان کردەوە و بانگەوازیان بۆ گەلی کورد ئەوە بوو، کە یەک ریز بن لەبرامبەر دوژمنەکانیان.[5]
- تەندروستی هەڵەبجەهەڵەبجە رایگەیاند: دوو توشبوی دیکەی کۆرۆنا چاکبونەتەوە و نەخۆشخانەیان جێهێشتوە.[3]
- وەزارەتی تەندروستیوەزارەتی تەندروستی حکومەتی هەرێمی کوردستان رایگەیاند، دوو حاڵەتی دیکەی تووشبوون بە کۆرۆنا لە دهۆکدهۆک تۆمار کراون.[4]
- بزووتنەوەی گۆڕانبزووتنەوەی گۆڕان، لەپەیامێکدا بە بۆنەی تێپەڕینی 46 ساڵ بەسەر بۆردومانی شاری قەڵادزێ و زانکۆی سلێمانیدا، رایگەیاند: ئەمڕۆ رۆژی ئەوەیە، حکومەتی هەرێم شەڕی ناوخۆ حەرام بکات و راستگۆیانە روبەروی گەندەڵی ببێتەوە.[3]
- بەشی پەیوەندییە گشتییەکان و راگەیاندنی فڕۆکەخانەی نێودەوڵەتیی سلێمانیسلێمانی رایگەیاندووە، دەسەڵاتی فڕۆکەوانیی شارستانی عێراقی ماوەی راگرتنی گەشتە ئاسمانییەکانی لە سەرجەم فڕۆکەخانەکانی عێراق تاوەکو 22ی ئایار درێژکردەوە.[1]
- ئەمڕۆ بەشێکی دیکەی هاوکارییەکانی کەسایەتی دیاری سلێمانی جەمالی حاجی عەلی گەیەنرایە 1000 ماڵە هەژار. بەشێک لەهاوکارییەکان دران بەخاوەن پێداویستییە تایبەتەکان.[2]
- ئێوارەی ئەمڕۆ لە نزیک شارۆچکەی قەرەهەنجیر لە سنووری کەرکوککەرکوک گەنجێکی کورد دەکوژرێت و لە سندووقی ئۆتۆمبێلەکەیدا جێدەهێڵدرێت. جێگەی گوللە و شوێنەواری خنکاندن بە جەستەیەوە دیارە. گەنجەکە ناوی هاوڕێ بەختیار مەحموودە، تەمەنی 27 ساڵانە و دانیشتووی گەڕەکی ئازادیی شاری کەرکوکە.[1]
دەرەوەی کوردستان
- وەزارەتی دادی تورکیا 30 دۆسیەی تاوانی لە دژی 21 پەرلەمانتاری فراکسیۆنی هەدەپەهەدەپە پێشکەشی سەرۆکایەتیی پەرلەمانی ئەم وڵاتە کرد.[1]
- به تۆمەتی برسیکردن و ئەشکەنجەدانی کچێکی تەمەن پێنج ساڵانی کوردی ئێزدی و بەکوێلەکردنی دایکی ئه و منداڵە، چەکدارێکی پێشووی داعشداعش بە ناوی تەها لە شاری فڕانکفۆرت لە ئەڵمانیا دادگایی دەکرێت.[1]
- عەلی حاجی زادە، فەرماندەی هێزی ئاسمانی لە سوپای پاسدارانسوپای پاسدارانی کۆماری ئیسلامی ئێران، رایگەیاند، گریان و نرکە و ناڵەی ئەمەریکایی و خۆرئاواییەکان بەڵگەیە لەسەر سەرکەوتنی کۆماری ئیسلامی ئێران لە هەڵدانی مانگی دەستکردی سەربازی بۆ خولگەی دەرەوەی گۆی زەوی.[4]
- لە ماوەی 24 کەتژمێری رابردوو، هەزار و 168 کەسی دیکە تووشی کۆرۆنا بوون و 93 کەسیش بەو ڤایرۆسە گیانیان لەدەستداوە، بەوپێیەش ژمارەی ئەو کەسانەی لە ئێران تووشبوونیان بە کۆرۆنا تۆمارکراوە گەیشتە 88 هەزار و 194 کەس و ژمارەی ئەو کەسانەش بە کۆرۆنا گیانیان لەدەستداوە گەیشتە پێنج هەزار و 574 کەس، هەروەها تا ئێستا 66 هەزار و 596 تووشبووش چاکبوونەتەوە.[6]

#کۆرۆنا | #سنە | #قەڵادزێ | #زانکۆی سلێمانی | #هەڵەبجە | #وەزارەتی تەندروستی | #دهۆک | #بزووتنەوەی گۆڕان | #سلێمانی | #کەرکوک | #هەدەپە | #داعش | #سوپای پاسداران |