$باکووری کوردستان$
- ڕۆژنامەیەکی نوێی کوردی، بەناوی خوەبوون لە #ئامەد#، دەستی بە چاپ و بڵاوکردنەوە کرد. ڕۆژنامەکە بە دەستپێشخەری ژمارەیەک نووسەر و ڕۆژنامەوانی کورد, بە شێوەیەکی هەفتانە بە زمانی کوردی دەردەچێت. ڕۆژنامەکە هەوڵێکە بۆ بڵاوکردنەوەی بەرهەمی نووسەران لە تەواوی بەشەکانی کوردستان، بە کوردانی کازاخستان و ئەرمەنستانیشەوە. ئه و ڕۆژنامە 12 لاپەڕەییە، بە زاراوەی کرمانجی و زازاکی چاپ و بڵاودەکرێتەوە.[2]=KTML_Photo_Begin=https://www.kurdipedia.org/files/relatedfiles/2019/374870/0005.JPG=KTML_Photo_Alt=یەکەم هەفتەنامەی کوردی لە باکووری کوردستان دەستی بە وەشان کرد=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2019/374870/0005.JPG=KTML_Photo_End=
- #سارا کایا# هاوسەرۆکی پێشووی شارەوانی نسێبین کە لە لایەن ڕژێمی تورکەوە دەستگیرکرابوو، بۆ زیندانی پیتی (ت) تارسوس دوورخرایەوە.[1]
- میتینگی پلاتفۆرمی ڕەنج و دیمۆکراسیی لە ئامەد بە مەبەستی بەدیهێنانی ژیانێکی شکۆمەندانە و ئاشتیی کۆمەڵایەتی، بەڕێوە چوو. هێزە ئەمنییەکان و پۆلیسی تورک لە بەردەم بەرزکردنەوەی پانکارتەکانی دژی شەر، ڕێگرییان خستە بەردەم چالاکییەکە.[1]
- بە بۆنەی ساڵیادی دامەزراندنی پلاتفۆرمی ژنانی کوردی یەکگرتوو لە ئامەد کۆبوونەوەیەک ڕێکخرا. #لەیلا گوڤەن# هاوسەرۆکی #کەجەدە#، سالیحا ئایدەنیز هاوسەرۆکی #دەبەپە#، پەرلەمانتارانی #هەدەپە#، ئەرەن کەسکین هاوسەرۆکی کۆمەڵەی مافی مرۆڤ، چالاکڤانانی بزوتنەوەی ژنانی ئازاد، ئەندامانی پێنووسی ژنانی میزۆپۆتامیا، ئەنجومەنی دایکانی ئاشتی ئامەد، شانۆی شاری ئامەد بەشداریان لە کۆبوونەوەدا کرد.[1]
- کوردیناسیۆنی کۆمەڵەی ژنانی کوردستان (#کەژەکە#) ڕایدەگەیەنێت: کە ژیان و سەلامەتی و تەندروستی #عەبدوڵڵا ئۆجەلان# لە مەترسیدایە، پەرلەمانتارێکی پارتی دیموکراتی گەلان (هەدەپە)ش دەڵێت: دیداری نێوان ئۆجەلان لەگەڵ کەسوکار و پارێزەرەکانی قەدەغە کراوە.[5]
$رۆژهەڵاتی کوردستان$
- #کۆڵبەر#ێک بە ناوی کەیهان ئەکرەمی کوڕی مەجید و خەڵکی گوندی کوێرەگوێزی سەر بە #سەقز#، پاش 97 ڕۆژ لە خەواندن لە نەخۆشخانە، بەهۆی قورسیی برینەکانیەوە، لە یەکێک لە نەخۆشخانەکانی تاران گیانی لەدەست دا. ئەو کۆڵبەرە کوردە، ڕۆژی یەکشەممە، 24ی خەرمانان، لە سنووری سێفی سەقز و لە شوێنێک بە ناوی گناوە، کرایە ئامانجی تەقەی هێزە نیزامییەکانی حکوومەت.[6]
- #ئاکۆ جەلیلیان#، نووسەر، لێکۆڵەر و فۆلکلۆرناسی بەتوانای کورد، پاش حەوتوویەک دەسبەسەری، بە دانانی کەفاڵەت ئازاد کرا.[6]
- مێرمنداڵێکی #مەریوان#ی بە ناوی میلاد فەیزی پوور، تەمەن 15 ساڵ، لە سەرەتای بێلواری بێعسەتی مەریوان لەلایەن هێزە ئیتلاعاتییەکانەوە دەسبەسەر و بۆ شوێنێکی نادیار ڕاگوێزرا. هێزە ئیتلاعاتییەکان لە کاتی دەسبەسەرکردنی ئەو مێرمنداڵەدا، ناوبراویان ئازار و ئەشکەنجە داوە. ئەو مێرمنداڵە کوردە بە هەڵگرتنی پلاکارت، بەنیسبەت کوشتاری کۆڵبەران و گیانلەدەستدانی فەرهاد و #ئازاد خوسرەوی#، دوو کۆڵبەری کوردی خەڵکی گوندی نێی کە بەهۆی سەرمابردووییەوە لە کاتی کۆڵبەریدا گیانیان لەدەست دابوو، دژکردەوەی نیشان دا.[6]
$باشووری کوردستان$
- کۆنگرەی چوارەمی #یەکێتیی نیشتمانیی کوردستان# لە ڕۆژی دووەمیدا بەردەوامییی هەیە و ئەمڕۆ بڕیاربوو ئەندامانی ئەنجوومەنی سەرکردایەتی هەڵدەبژێردرێن بەڵام دواخرا بۆ سبەینێ. هەڵبژاردنەکە لەلایەن چەند دادوەرێکەوە سەرپەرشتی دەکرێت کە هیچ پەیوەندییان بە کۆنگرەوە نییە. #بەرهەم ئەحمەد ساڵح# بەهۆی بارودۆخی زۆر خراپی بەغدا و ئێڕاقەوە، گەڕایەوە بەغدا و ئەمڕۆ لە کۆنگرە ئامادە نەبوو.[3]
- پەیڕەوی ناوخۆی یەکێتی لە کۆنگرەی چواردا پەسەندکرا.[3]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/374870/0015.JPG=KTML_ImageCaption_Title=نمایشی ئۆرکێسترای کوردستان لە هەولێر=KTML_ImageCaption_CaptionStyle=000000=KTML_ImageCaption_Caption=نمایشی ئۆرکێسترای کوردستان لە هەولێر=KTML_ImageCaption_End=
- درەنگانی شەوی ڕابوردوو لە نزیک شارەدێی #سەعدییە#ی سەر بە شارۆچکەی #خانەقین# چەکدارانی #داعش# هێرشیان کرده سەر بنکەیەکی چەکدارانی #حەشدی شەعبی#. لە ئاکامی شەڕ و پێکدادانی نێوانیان چەکدارێکی حەشدی شەعبی کوژرا و سێ چەکداری دیکەش بریندار بوون کە هەموویان خەڵکی خوارووی عێراقن.[1]
- شەوی ڕابردوو چوار هێلیکپتەر بۆردوومانی چەمی ڕووباری سیروانیان کرد لە سنووری گوندەکانی ئیسڵاح، ئوم حونتە، شیرک و قایە، کە دەکەونە ڕۆژئاوای شارۆچکەی خانەقین-ی سەر بە پارێزگای دیالە. تا ئێستا نازاندرێت ئەو هێلیکۆپتەرانە سەر بە چ وڵاتێکن کە بۆردوومانیان کردووە.[4] پاش بۆردوومانەکە تەرمی 8 چەکداری داعش لە ناوچەکە دۆزرانەوە.[5]
- لە هۆڵی #سەعد عەبدوڵڵا# لە #هەولێر#، ئۆرکێسترای کوردستان بە هاوبەشی لەگەڵ ئۆرکێسترای جۆرجیا، چەند پارچە میوزیکێکی کوردی و کلاسیکیان پێشکەشکرد.[7]
- وتەبێژی #وەزارەتی ڕۆشنبیری# و لاوان لە ڕوونکردنەوەیەکدا ئەو دەنگۆیە ڕەتدەکاتەوە کە دەگوترێت لە وەزارەتی ڕۆشنبیری نوکته و پێکەنین لە فەرمانبەران قەدەغە کراوه.[2]
- شارەوانی #سلێمانی# لە گەڕەکی کانی بای شاری سلێمانی، بە بیانووی زیادەڕۆیی، شەقامێکی بە دەیان بەقاڵ چۆڵکرد و مێز و عارەبانەکانیانی بە شۆفڵ ڕاماڵی.[4]
- خۆپیشاندانی پشتیوانی بۆ یەکینەکانی بەرخۆدانی شەنگال-#یەبەشە#، و یەکینەکانی ژنانی شەنگال-#یەژەشە#، بە بەشداربوونی سەدان کەس و بە بەرزکردنەوەی ئالاکانی یەبەشەو یەژەشە و ئاسایشی ئێزیدخان لەبەردەم ئەنجوومەنی گەل لە #خانەسۆر# دەستیپێکرد و تا بەردەم ناوەندی سەردان و پێشوازیکردنی یەبەشە بەردەوامی کرد.[4]
$رۆژئاوای کوردستان$
- هاوڵاتیانی شەداد و گوندەکانی باکووری دێرە زۆر تەرمی #شەڕڤان# حەمود لەتیف ئەلئەربیدیان بە مەراسیمێک لە گۆرستانی شەهیدانی شەداد بەخاکسپارد کە لە 16ی کانونی یەکەمدا شەهید ببوو.[1]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/374870/0013.JPG=KTML_ImageCaption_Title=تەرمی شەڕڤانی هێزەکانی ئەرکی خۆپاراستن ئەلئەربید بەخاکسپێردرا=KTML_ImageCaption_CaptionStyle=000000=KTML_ImageCaption_Caption=تەرمی شەڕڤانی هێزەکانی ئەرکی خۆپاراستن ئەلئەربید بەخاکسپێردرا=KTML_ImageCaption_End=
- ڕوانگەی سووریا بۆ مافەکانی مرۆڤ بڵاوی کردووەتەوە، زیاتر لە 100 بارهەڵگر هاوکاری سەربازی هاوپەیمانی نێودەوڵەتی لە دەرگای سنووری وەلیدی هاوسنوور لەگەڵ هەرێمی کوردستان، گەیشتە ناوچەکانی دەست هێزەکانی سووریای دیموکرات. ئاماژەی بەوەش کردووە، هاوکارییەکان پێکدێن لە زریپۆش، ئۆتۆمبێلی سەربازی، لەگەڵ چەک و تەقەمەنی.[2]
$دەرەوەی کوردستان$
- ئەمڕۆ سەرلەشکر فەرەج مەهدەوی فەرماندەی هێزی دەریایی لیبیا لە کاردانەوەیەک دژی ڕێککەوتنەکەی دەوڵەتی 'هاوپەیمانی لیبیا لە تەرابلوس' و دەوڵەتی تورک بۆ ناردنی سەرباز و چەک لەلایەن تورکیاوە بۆ تەرابلوس و دەستێوەردانەکانی تورکیا لە ولاتەکەی هەڕەشەی کرد. مەهدەوی بە 'عەرەبیە'ی ڕایگەیاند:هێزی دەریاییمان بۆ هەر ئەگەرێک ئامادەیە و توانای باشی هەیە بۆ ڕووبەڕووبوونەوەی پێشلکردنی سنووری کەناراوەکانی لیبیا لەلایەن دەوڵەتی تورکەوە، هەموو ئەو کەشتییانەش بەرەو لیبیا دێن دەخرێنە ژێر کۆنترۆڵ.[4]
- سەرۆک کۆماری تورکیا دووپاتی کردەوە، وڵاتەکەی تەنیا هەنگاوێکیش له پلانەکەی لە سووریا پاشگەز نابێتەوە، و لەسەر جێبەجێکردنی ئه و یاداشتەش سوورە، کە لەگەڵ حکوومەتی ویفاقی لیبیا لە دژی سوپای خەلیفە حەفتەر واژۆیان کردووە.[2]
کوردیپێدیا، ڕۆژانە بێلایەنانە مێژووی کوردستان تۆماردەکات...
کڕۆنۆلۆژیای ڕووداوەکان