- گردبوونەوەی مامۆستایان لەبەردەم بینای پەروەردەی ڕۆژئاوای سلێمانیسلێمانی دەستیپێکرد و بڕیارە دوو یاداشت ئاڕاستەی هەریەک لە قوباد تاڵەبانی جێگری سەرۆکی حکومەتی هەرێمی کوردستان و ئەنجومەنی پارێزگای سلێمانی بکەن.
- یەکەمەکانی زانکۆ و پەیمانگاکانی هەرێمی کوردستان ئەمڕۆ لەبەردەم باڵەخانەی ئەنجومەنی وەزیران لەهەولێرهەولێر خۆپیشاندانیان ئەنجامدا داوایانکرد حکومەت وەڵامیان بداتەوە بۆ دامەزراندنیان.
- وتەبێژی ئەنجومەنی سەربازی منبەج ئاشکرایکرد کە بەهۆی بۆرودومانەکانی سوپای تورکیاوە لە شاری منبەجی سوریا شەش شەڕڤانشەڕڤان شەهیدبوون و دوو سەربازی ئەمریکیش برینداربوون.
- تورکیا بڕیاری دەستگیرکردنی ساڵح موسلیمساڵح موسلیم هاوسەرۆکی پەیەده و ژمارەیەک سەرکردەی پەکەکەپەکەکەی دەرکرد، لە دۆسیەیەکدا کە پەیوەندی بە تەقینەوەکەی شوباتی ئەمساڵی ئەنقەرەوە هەیە.
- شەوی ڕابردوو ڕەشەبایەکی بەهێز سنووری شارەدێی هێرۆی لە شارۆچکەی پشدەر گرتەوە بەو هۆیەشەوە ژمارەیەک ستونی کارەبا شکان و ژمارەیەکی تریش کەوتونەتە سەر زەوی، بەو هۆیەشەوە لە ئێستادا ژمارەیەکی زۆر گوندی ئەو سنورە تەزوی کارەبایان پچڕاوە.
- کۆسرەت ڕەسول جێگری یەکەمی سکرتێری گشتی یەکێتی نیشتیمانی کوردستان پشتیوانی خۆی و هەڤاڵەکانی بۆ پەیامەکەی مەسعود بارزانیمەسعود بارزانی‌ ڕاگەیاند لەبارەی دۆخی هەرێم و چارەسەرکردنی کێشەکانەوە.
- لە ئەنجامی تەقینەوەی بۆمبێکی داعشداعش، دوو پێشمەرگەپێشمەرگە لە سکری موسڵموسڵ شەهید بوون.
- لە گەڕەکی کۆرنیش لە شاری قامیشلۆقامیشلۆ لە ڕۆژئاوای کوردستان تەقینەوەیەک ڕوویدا.
- وشیار ئیسماعیل، پێشنوێژ و وتارخوێنی مزگەوتی (عومەر بندیان) لە هەولێر لەبەردەم ماڵەکەی خۆی لە گەڕەکی شادی لەلایەن چەند کەسێکەوە دەسترێژی گولەی لێکرا و کوژرا.

پێشنیوەڕۆی ئەمڕۆ سێشەممە 22-11-2016 بە سەرپەرشتیی بەڕێز نێچیرڤان بارزانی سەرۆک وەزیرانی هەرێمی کوردستان و ئامادەبوونی بەڕێز قوباد تاڵەبانی جێگری سەرۆک وەزیران، ئەنجومەنی وەزیرانی هەرێمی کوردستان کۆبوونەوەی ئاسایی خۆی سازکرد.
لە بڕگەی یەکەمی کارنامەی کۆبوونەوەکەدا بەڕێز ڕابەر سەدیق بریکاری وەزارەتی دارایی و ئابووریی هەرێمی کوردستان بە وەکالەت، ڕاپۆرتێکی لەبارەی پرۆسەی دابەشکردنی مووچەی فەرمانبەرانەوە خستەڕوو و تیایدا باسی لە بەردەوامیی پرۆسەکە کرد بە مەبەستی تەواوکردنی دابەشکردنی مووچەی مانگی سێپتەمبەر کە لە وەزارتی کاروباری پێشمەرگە و دەزگا ئەمنییەکانەوە دەستی پێکردووە.
دواتر بەڕێز کەریم شەنگالی وەزیری ناوخۆ و کاروباری پێشمەرگە بە وەکالەت، پوختەیەکی دەربارەی ڕەوشی ئاسایشی هەرێمی کوردستان و بەرەکانی جەنگی دژی تیرۆرستانی داعش و بارودۆخی پێشمەرگە لەو سەنگەرانەی کە لە دەوروبەری مووسڵ تێیدان و دوا پێشهاتەکانی ئۆپەراسیۆنەکانی ئازادکرنەوەی مووسڵ لە دەستی تیرۆرستانی داعش پێشکەش کرد. لەمبارەیەوە ئەنجومەنی وەزیران سەرکەوتن و قارەمانێتییەکانی پێشمەرگەی لە شەڕ و ڕووبەڕووبوونەوەکانی تیرۆرستانی داعشدا بەگشتی، بەرز نرخاند.
لە بەشێکی دیکەی کۆبوونەوەکەدا باس لە هەنگاوەکانی کاری کۆمپانیای وردبینی دیلۆیت کرا بۆ وربینیکردنی پرۆسەی بەرهەمهێنان و هەناردەکردن و داهاتی فرۆشی نەوتی هەرێمی کوردستان و گشت خەرجییەکانی ئەم بوارە کرد کە لە هەفتەی ڕابردوو یەکەم کاری وربینیان پێ ڕاسپێردرا و دەستیان بە کارەکانیان کردووە.
لە بڕگەیەکی دیکەی بەرنامەی کۆبوونەوەکەدا خاتوو پەخشان زەنگەنە سەرۆکی ئەنجومەنی باڵای کاروباری خانمان لە هەرێمی کوردستان میوانداری کرا بۆ پێشکەشکردنی ڕاپۆرتێک دەربارەی پرۆژەی ستراتیژی نیشتمانی بۆ پەرەپێدانی ئافرەتان لە هەرێمی کوردستان لە 2016 تا 2026 کە پێشکەش بە ئەنجومەنی وەزیران کرابوو و بە هەماهەنگیی دامەزراوەی یەکسانی ڕەگەزی و بەهێزکردنی توانای ئافرەتانی سەر بە ڕێکخراوی نەتەوە یەکگرتووەکانەوە ئامادەکرابوو، تیایدا بە وردی تیشکی خستە سەر ڕەوشی ئافرەتان لە هەرێمی کوردستان و پلان و ستراتیژی داهاتوویان و ئامانجی ستراتیژیەکەیان کە خۆی لە بەرزکردنەوی توانای ئافرەتان و سود وەرگرتن لە توانای ژن و یەکسانی نێوان هەردوو ڕەگەزی نێر و مێ دەبینێتەوە. داوای لە حکوومەتی هەرێمی کوردستانیش کرد کە پاڵپشتیان بن لە جێبەجێکردنی ستراتیژیەکەیان کە سودی باشی بۆ ئافرەت و کۆمەڵگەی هەرێمی کوردستان بەگشتی دەبێت.
دوای ئەوەی وەزیرە بەڕێزەکان چەند سەرنج و تێبینییەکیان لەسەر ستراتیژەکە پێشکەش کرد، ئەنجومەنی وەزیران دەستخۆشی لە ئەنجومەنی باڵای کاروباری خانمان و گشت وەزارەتە پەیوەندیارەکان کرد کە هاوکاربوون بۆ ئامادەکردنی ئەم ستراتیژییە. لای خۆشیەوە بەڕێز سەرۆک وەزیران پشتگیریی خۆی بۆ ئەم ستراتیژیە دەربڕی و ڕایگەیاند کە هەوڵی جددی دەدەن بۆ بەرەوپێشبردنی ڕەوشی ئافرەتان و جێبەجێکردنی پرۆژەکانیان، هەروەها داوای لە هەموو وەزارەتەکانیش کرد پاڵپشتی ئەو ستراتیژییە بکەن بۆئەوەی ڕووێکی جوانتری کۆمەڵگەی کوردستان دەربارەی ئافرەت، پیشانی جیهان بدەن.
لە بەشێکی دیکەی کۆبوونەوەکەدا خاتوو نەورۆز مەولود وەزیری شارەوانی و گەشتوگوزار ڕاپۆرتێکی دەربارەی پاڵپشتیکردنی پرۆسەکانی چاکسازی لە وەزارەتی شارەوانی و گەشت و گوزار پێشکەش کرد و تیایدا باسی لە ڕێکخستن و زیادکردنی داهات و کەمکردنەوەی خەرجی و ڕێکخستنەوەی هەیکەلی وەزارەت و کەمکردنەوەی میلاکات و بە ئەلکترۆنیکردنی سیستەمی کارەکانی وەزارەتی شارەوانی کرد. بەڕێز وەزیری شارەوانی و گەشتوگوزار ئاماژەی بەوە دا کە بەپێی ئەو پلانەی دایانڕشتووە، توانیویانە لە ماوەی نێوان ساڵانی 2015 تا 2016 بە بڕی سەد ملیارد دینار خەرجی وەزارەت و فەرمانگەکانی سەر بە وەزارەت کەم بکەنەوە و لە هەوڵی بەردەوامیشدان بۆ هاوسەنگ کردنی خەرجی و داهات بە شێوەیەک کە وەزارەتەکەیان بتوانێت لە داهاتوودا بەو داهاتەی دەستیان دەکەوێت، خەرجیی خۆیان دابین بکەن.
دوای خستەڕووی چەند تێبینی و سەرنجێک لەسەر ڕاپۆرتەکەی وەزارەتی شارەوانی و گەشتوگوزار و گفتوگۆکردنی ناوەرۆکی ڕاپۆرتەکە، ئەنجومەنی وەزیران دەستخۆشی لە بەڕێز وەزیر و ستافی وەزارەتی شارەوانی و گەشت و گوزار کرد.
لای خۆیەوە بەڕێز نێچیرڤان بارزانی دەستخۆشی لە وەزیر و ستافی وەزارەتی گەشت و گوزار کرد بۆ ئەم هەوڵانەیان لە کەمکردنەوەی خەرجی و زیادکردنی داهات و ئاماژەی بەوە دا کە پێویستە هاوسەنگی هەبێت لەنێوان داهات و خەرجییەکان ئەویش بە ڕێگەی کەمکردنەوەی خەرجییەکان و زیادکردنی داهاتەکان بەجۆرێک کە ببێتە هۆی دابینکردنی سەرچاوەی هەمەچەشنی داهات نەک تەنیا پشت بە داهاتی نەوت و گاز ببەسترێت و بتوانرێت داهاتیان بەشێوەیەک بێت کە جیا لە دابینکردنی خەرجی خۆیان، هاوکاریی حکوومەتیش بکەن و سێکتەرەکانی کشتوکاڵ، بازرگانی، پیشەسازی و گەشتوگوزار ببنە سەرچاوەی دابینکردنی داهاتی گشتی.