باکووری کوردستان
- هاوسەرۆکانی گشتیی پارتیی دیموکراتیی گەلان (هەدەپەهەدەپە) پەروین بوڵدانپەروین بوڵدان و سەزای تەمەلیسەزای تەمەلی لە بارەگەی پەدەکە-تورکیا لە شاری ئامەدئامەد لەگەڵ نوێنەرانی پارتییەکوردییەکان دەربارەی هاوپەیمانەتیی هەڵبژاردن پڕۆتۆکۆڵێکیان ئیمزا کرد.[4]
- سەرلەبەیانی ئەمڕۆ، ئیبراهیم بیلمەز، سەربای کۆکلو، ڕەزیە توورگووت و مەزڵووم دینج، پارێزەرانی عەبدوڵڵا ئۆجەلانعەبدوڵڵا ئۆجەلان، ڕێبەری پەکەکەپەکەکە، بۆ جاری 792مین سەردانی سەرۆکایەتی داواکاری گشتیی بوورسایان کرد، بۆ ئەوەی سەردانی ئیمرالی بکەن و چاویان بە ئۆجالان بکەوێت.[6]
رۆژهەڵاتی کوردستان
- لقی سێی دادگای ئینقلابی شاری ورمێورمێ بە سەرۆکایەتی نەجەفی، حوکمی 5 ساڵ زیندانی تەعزیری بۆ مەجید تیباشمەجید تیباش کوڕی خالید خەڵکی گوندی دزەی مەرگەوەڕدا، بڕییەوە. دادگای ئینقلابی شاری ورمێ، ئەم لاوە کوردەی بە تۆمەتی ئەندامبوون و پڕوپاگەندە لە بەرژەوەندی یەکێک لە حیزبە کوردییەکانی دژبەری حکوومەتی ئێران تاوانبار کردووە.[1]
- دۆسیەی هاشم حوسێن پەناهی، چالاکی مەزهەبی کورد بە تۆمەتی پڕوپاگەندە دژی نیزام و تێکدانی بیڕوڕای گشتیی ڕەوانەی لقی یەکی دادگای ئینقلابی شاری سنەسنە کرا و ناوبراو بۆ پێڕاگەیشتن بە دۆسیەکەی بانگهێشتی ئەو لقە کرا.[1]
- وەزارەتی ئیتلاعاتی ئێران دەستگیرکردنی دوو گرووپی داعش لە پارێزگای سنە ڕادەگەیێنێت کە بەگوتەی ئەوان بەنیاز بوون کاری تیرۆریستی ئەنجام بدەن.[5]
- ئومید شامحەمەدیئومید شامحەمەدی، چالاکی فەرهەنگی خەڵکی شاری دیواندەرەدیواندەرە، لە لایەن لقی یەکی دادگای ئینقلابی شاری سنە، به یەکساڵ زیندانی تەعزیری مەحکووم کرا.[1]
- لە ناوەندی فەرهەنگی و فێرکاریی بەیان لە بۆکانبۆکان، ڕێوڕەسمێک بۆ پیرۆزی ڕۆژی جیهانیی زمانی زگماکی و بۆ یادی مامۆستا هەژار گیرا. لەو ڕێوڕەسمەدا کە بە بەشداری مامۆستایان و لایەنگرانی زمان و ئەدەبی کوردی بەڕێوە چوو، گرینگی خوێندن و نووسین بە زمانی زگماکی و پێویستی بایەخدان بە زمانی کوردی و ئەرک و خزمەتەکانی ناوەندی فەرهەنگی و فێرکاریی بەیان خرا بەر باس و وتووێژ.[1]
- گۆرانیبێژێکی کورد بە ناوی پەیمان میرزازادەپەیمان میرزازادە کوڕی نوردەین خەڵکی گوندی گەنگەچینی ناوچەی سۆمای برادۆستی ورمێ، لە لایەن هێزە ئیتلاعاتییەکانەوە دەسبەسەر کرا.[7]
باشووری کوردستان
- فڕۆکە جەنگییەکانی تورکیا سنووری سیدەکانسیدەکان-یان بۆردوومان کرد.[6]
- بە بەشداری زیاتر لە 200 کۆمپانیای گەشتیاری ناوخۆیی و عێراقی و وڵاتانی دوروبەر و ئەوروپا، یەکەمین دیداری نێرگزی گەشتیاری لە هۆتێل گراند ملینیۆم لە سلێمانیسلێمانی دەستیپێکرد.[2]
- چوارەمین کۆنفرانسی پلاتفۆڕمی دابڕان بە دروشمی (ئاین بۆ تاک و دیموکراسی بۆ هەموان) و دووەمین کۆنفرانسی فێمێنیزمی ڕۆشنگەری بە دروشمی (فێمێنیزمی ڕۆشنگەری و تێپەڕاندنی نەریتسالاری) لە هۆڵی تەواری شاری سلێمانی دەستیپێکرد.[3]
- بومەلەرزەیەک سنوری پارێزگای هەڵەبجەهەڵەبجەی گرتەوە و هاووڵاتیان هەستیانپێکرد، بەڵام زیانی گیانی و ماڵی لێنەکەوتەوە.[2]
- لەژێر ناوی ئەنجامدانی پرۆژەی خزمەتگوزاریی، سەرۆکی (ئاژانسی تیکا بۆ یارمەتیدان و هەماهەنگی) لەگەڵ باڵوێزی تورکیا له عێراق، سەردانی شارۆچکەی خورماتووخورماتوو-یان کرد، ئەوان دەیانەوێت بە ناوی خزمەتگوزارییەوە دەستێوەردان لە کەرکوککەرکوک و خورماتوو بکەن.[6]
رۆژئاوای کوردستان
- چەکدارانی داعشداعش لە ناوچەی باغوزی سوریا داوا لە هێزەکانی سوریای دیموکراتی (هەسەدە) دەکات کە ڕێیان پێبدات تێپەڕ بن بەره و دوو ناوچەی تر ئەوەش لە پاش ئەوەی ئه و ناوچەیە وەک دوا مۆڵگەی داعش ڕازگارکراو بەشێکی زۆری چەکدارانی ئه و گروپە خۆیان ڕادەستی هەسەدە کردووە.[2]
- پاشنیوەڕۆی ئەمڕۆ لە شاری عەفرینعەفرین تەقینەوەیەکی گەورە ڕوویدا. ڕاگەیەنرا تەقینەوەکە لەسەر ڕێگەی فەیلەق لە کاتی بەڕێوەچوونی مەڕاسیمێکی چەتەداگیرکەرەکان ڕوویداوە. بە گوێرەی زانیارییە سەرەتاییەکان، تەقینەوەکە کوژران و برینداربوونی چەندین چەتەی سەر بە ڕژێمی تورکی داگیرکەری لێکەوتووەتەوە. دەنگۆی ئەوە هەیە کە تەقینەوەکە لە ڕێی ئۆتۆمبێلێکی بۆمبڕێژکراوەوە کرابێت.[4]
- تەقینەوەیەک لە بنکەیەکی سەربازیی سەر بەهێزەکانی يەپەگە لە گوندی کۆربینکار سەر بە شاری کۆبانێکۆبانێ ڕوویداوه و، بەپێی زانیارییە سەرەتاییەکان پێنج شەڕڤانشەڕڤان گیانیان لەدەستداوە و شەڕڤانێکیش برینداربووە.[5]
- لە ناوچەی خەندوورا-ی سەر بە شاری جەرابلووس کە لەژێر داگیرکاریی دەوڵەتی تورک و چەتەکانی-دایە، ئۆتۆمبێلێکی بۆمبڕێژکراو تەقیوەتەوە. ئاشکرابوو کە بەهۆی تەقینەوەکە لانی کەم 4 سەربازی تورکیا و 3 چەتەی جەبهەی شامیە کوژراون.[4]
دەرەوەی کوردستان
- لە مەراسیمێکی تایبەتدا بە ئامادەبوونی نوێنەرانی حکومەتی هەرێم و وەزارەتی دەرەوەی ئێران و کۆمەڵەی قوربانیان، ئەو منداڵە ونبووەی هەڵەبجە کە پێشتر سەردانی هەڵەبجەی کرد و سکاڵای تۆمارکردبوو، بە دایکی ڕاستەقینەی خۆی شاد کرایەوە کە خەڵکی شارەدێی بیارەبیارەن. محەمەد عەبدوڵڵا پێشتر ناوی (خەلیل ساڵح) بووە و لە تەمەنی 10 مانگیدا لە شاری کرماشانکرماشان لەکاتی چونیان بۆ ئێران لە کیمیابارانەکەی هەڵەبجە منداڵەکەیان لێونبووە.[2]
- دادگەی مافی مرۆڤی ئەوروپا سکاڵایەکی ڕەتکردەوە کە لە دژی ژێرئاوخستنی ناوچەی شوێنەواریی حەسکیف تۆمار کرابوو.[4]
- لە ڕاپۆرتێکدا بانکی ناوەندی تورکیا ڕایگەیاندووه، لە مانگی کانوونی یەکەمی ساڵی 2018 قەرزە دەرەکییەکانی تورکیا بە بەراورد بە هەمان مانگی ساڵی 2017 نزیکەی 10.9 ملیار دۆلار زیادیکردووە و گەیشتووەتە 210.6 ملیار.[2]
- وەزیری ناوخۆی تورکیا، ڕایگەیاند، هەڕەشەکانی پەکەکە لەناوخۆی تورکیا بەڕێژەی 65% کەمبوونەتەوە، ئەمەش دەرخەری ئەوەیە کە ڕەوشی پەکەکە لە خراپیدایە.[5]

ژووری چالاکییەکانی تووڕەیی زەیتوون لەسەر ماڵپەڕەکەی ڕاگەیەنراوێکی بڵاوکردەوە و بەرپرسایەتیی خۆی لە تەقینەوەکەی ئەمڕۆی شاری عەفرینعەفرین ڕاگەیاند کە مەڕاسیمێکی سەربازیی هێزەداگیرکەرەکان کرایە ئامانج.
دەقی ڕاگەیەنراوەکە:
هێزەکانمان لە عەفرین و هەرێمەکانی دیکەی باکووری سووریا بەردەوامن لە چالاکییەکانیان دژی دەوڵەتی تورکی داگیرکەر. ئه و منداڵ و ژنانە لەبیرناکرێن کە تورکیا لە کاتی داگیرکردنی عەفریندا بۆردومانی کردن. ئێمە ڕایدەگەیەنین کە چالاکییەکانمان بەردەوام دەبن.
هێزەکانمان ڕۆژی 21ی شوباتی 2019\2ی ڕەشەمێ لە نزیک نەخۆشخانەی دێرسم لە شاری عەفرین لەسەر ڕێگەی ڤیلات بە ئۆتۆمبێلێکی بۆمبڕێژکراو لە دژی چەتەکانی دەوڵەتی تورکی داگیرکەر چالاکییەکیان ئەنجام دا. لەم چالاکییەدا 25 داگیرکەر کوژران و 36 داگیرکەریش بریندار بوون کە لەنێویاندا 4 ئەندامی هەواڵگریی تورکیا هەن.
هەتا عەفرین و هەموو باکووری سووریا لە داگیرکەریی دەوڵەتی تورک ڕزگاریان دەبێت، لە عەفرین و هەرێمە داگیرکراوەکانی دیکە چالاکییەکانمان بۆ تۆڵەکردنەوە بەردەوام دەبن.[1]
21-02-201921-02-2019