ڕوژا ، سێشەمێ 31ێ ئادارا 2026ێ، ل باژارێن قامشلۆ و دێرکێ یێن رۆژئاڤایێ کوردستانێ، ب سەدان وەلاتی ل دژی ئێریشێن مووشەکی و درۆنی یێن ل سەر ھەرێما کوردستانێ داکەتن قادان.
د خوەپێشاندانان دە کو ب ھلدانا ئالایا کوردستانێ و درووشمێن نەتەوەیی ھاتن لدارخستن، خەلکێ ھەرێمێ نەرازیبوونا خوە یا توند ل ھەمبەری “کۆمێن دەرڤەیی قانوونێ” نیشان دا. خوەپێشاندەران بال کشاند سەر یەکتیا ھەلوەستا گەلێ کورد و دەستنیشان کرن کو ئەولەھی و ئارامیا ھەرێما کوردستانێ، بنگەھا ئارامیا تەڤاھیا ناڤچەیێ و رۆژئاڤایێ کوردستانێیە.
بەشداران ئێریشێن ل سەر ھەولێرێ وەکی ئێریشەکە ل دژی ھەموو دەستکەفتیێن کوردان پێناسە کرن و پشتگریا تام ژ بۆ ھێزێن پێشمەرگە و سازیێن فەرمییێن ھەرێما کوردستانێ نیشان دان.
پشتی باژارێن وەکی کۆبانێ، عاموودێ و تربەسپیێ، ئیرۆ ب چالاکیێن ل قامشلۆ و دێرکێ رە، پێلا شەرمەزارکرنێ ل سەرانسەرێ رۆژئاڤایێ کوردستانێ بەلاڤ بوو.
چاڤدێر دیار دکن کو ئەڤ یەکتیا ھەلوەستێ یا د ناڤبەرا پارچەیێن کوردستانێ دە، پەیامەکا خورتە ل دژی ھەولدانێن کو دخوازن ئارامیا ھەرێمێ تێک ببن. [1]
$تێبینی:$ بابەت ب ژێدەرێ ئاماژە پێکری هاتیە نڤیساندن و کوردیپێدیا توو دەستکارییەک نەکرییە.
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (کرمانجی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانێ (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب وی زمانێ کو پێ هاتیە نڤیساندن!
ئەم بابەتە 26 جار بینراوە
ڕای خۆت دەربارەی ئەم بابەتە بنووسە!