ل ناڤەڕاست مەها ئادارا ساڵا 1929ز. دا، ل گوندەکێ دەڤەرا #قەرەداغ#یا سەر ب باژێڕێ #سلێمانی# و ل خێزانەکە خوەندەوار یا ماڵباتا شێخێن #مەردۆخی# دا ژدایک بوویە. ل ساڵا (1948ز.)دا دەمێ کوو خوەندەکارێ خانەیا ماموستایان یا دێهاتی بوو ل باژێڕێ حیللە یا ئیراقێ، زور چالاکانە پشکداری کرییە ل ڕاپەڕینا سەرتاسەری یا وێ ساڵێ و ژبو ئێکەمجار تێکهەڵ ب کاروانێ تەکۆشانا نشتیمانی و نەتەویی بوویه.
هەیا ساڵا (1954ز.) چەندین جاران کەتییە بەر چاڤدێرییێ و نەچار بوویە خوە وەندا کەت، پشتی چەندەکێ و هەر ل وێ ساڵێ دە ڤەدگەڕێتە ناڤا باژێڕی و ل (1955ز.)، ژیانا هەڤژینیێ ل سلێمانیێ پێکئانییە. =KTML_Photo_Begin=https://www.kurdipedia.org/files/relatedfiles/2008/403/0004.JPG=KTML_Photo_Alt=حەسیب قەرەداغی=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/403/0004.JPG=KTML_Photo_End=
هەیا شوڕەشا تەممووزا (1958ز.)، چەند جارەکان بو ماوەکێ کورت کەتییە زیندانێ. دگەل دەستپێکا شوڕەشێ، شاعیر دبیتە ئێک ژ بەرنیاسترین گوتارخوینان و ناڤدارترین شاعیرێن داهێنەر دناڤا دنیایا ئەدەبی یا کوردستانێ، لەوما دگەل کودەتایا #بەعس#ییاندە ل ساڵا (1963ز.)دا، دهێتە دەستەسەر کرن و نێزی 3 ساڵان دگەل سەدان لاوێن شۆڕشگێڕ و دەهان ڕەوشنبیرو شاعێر و نڤیسەر و سیاسیێن مەزنێن کورد و عەڕەبدا، ل گرتیخانەیا نوگرە سەلمان دبیت.
ل دوماهیکا ساڵا (1965ز.) هەیا (1969ز.)، دگەل هەڤژین و هەرسێ کوڕێن خوە و هەرسێ کەچان دە، ژبو باژێڕێ بەغدا دهێنە ڕاگوهاستن.
ل دەستپێکا ساڵا (1969ز.) دا، پشتی 7 ساڵان زیندان و دویرخستنێ، دکارت ڤەبگەڕێتە کوردستانێ. ل #17-06-1983# دا، کەچا وی کەژاڵ ب ڕوویدانەکە ئۆتۆمبیل و ل دوماهیکا (1984ز.) دا، کەچا وی بەهار ب نەخوەشییا پەنجەشێرێ، وەغەرا دوماهیکێ دکەن کو هەیا دەمێ مرنێ ژی ئەڤ خەمە ب ڕوخسارێ وی ڤە دیاربوو.
ل #09-01-1997# دا وەغەرا دوماهیکێ کر و ل گردێ سەیوان ل سلێمانی هات بخاک سپاردن.
شاعێرێ نەمر، سێ کوڕ خەبات، بەهات و ئازا، کچێک نیگا، هەڤژینا خوە ئایشە ل پشتی خوە بجێ هێڵان.
$بەڵاڤۆکێن وی:$
هەڵەبشیما
من هیچ ناڵێم
هەوەڵ مەزات
شەو و گریان و مەرگ
کۆچێکی ڕەشپۆش
کەژاڵی جوان
دوو سەد ساڵەی سلێمانی
و دەیان و سەدان چامەی بەرزوباڵا، ناسراوە! دیوانەکە 900 لاپەڕەیی ل دووبەرگاندە پشتی خوە بجێ هێڵاینە. [1] [2]