ئانتۆلۆژی کوڵەداستانێ هۆرامیێ کریاوە بە فارسی
کتېبوو «زندگی حق من است لعنتیها» که دوانزە کوڵەداستانێ گېرۆنه وێ و چاپەمەنیو (جغد»ی تاراڼە) چاپ کەردەن، بە قەڵەموو فەرشید ڕۆستەمی هۆرامیوە کریا به فارسی. هۆرگېڵنەر دلێ گردوو ئا کوڵەداستانانە چی چن دەیەنە بە هۆرامی نویسیەینێ، دوانزە داستانێ عالێش به سەلیقەو وێش هۊرچنیێنێ و بە وەڵینێوی ڕیک‌وپێک چی کتېبنە هۆرش گېڵنەینێوە.
کوورش ئەمینی، جەماڵ جەباری، ڕەئووف مەحموودپوور، حەمەڕەزا بەهمەنی، ژوان ڕەحیمی، نایێب مێنبەری، فەهمی مورادی و موختار ئێسلامی، ئا نویسەرێنێ هەکە هەرمانەشا چی کتېبنە تەرجومە بیێنێوە.
مەراموو ئی ئانتۆلۆژیه، ئەژناسنای ئەدەبی هامچەرخی هۆرامین. پینەی ڤەردەنگ چەموو نویسەرە هۆرامیاوە، تەماشەو دنیای کەرۆ و ئاشنا بۆ چەنوو ئەزموونیشا. ئێتر چەمکێوە پېسەو ئەدەبی هامچەرخی کوردی، تەنیا دلێ ئەدەبی سۆرانینە کوڵ نمەبۊوە و ئەوتەر زوانە کوردیەکې پاڵوو یۆینە، نە تەنیا هەڕەشێ نېیەنێ پەی هەنترینی، بەڵکوو یاوەری مدا چەمکێوی گردین بە نامێو ئەدەبی هامچەرخی کوردی دەڵوەتمەن‌تەر بۆ.
کۆرش ئەمینی. [1]