=KTML_Bold=ناونیشانی بابەت: کەژاڵ نووری: کۆمۆنیزمی ئسوڵی، لە یەکەم تاقیکردنەوەدا کۆمۆنیستی کارگەری بوو بە موجاهیدی عەیارە 21=KTML_End=
نووسینی: #کەژاڵ نووری#
ڕەنگە کەم حزبی سیاسی کوردی هەبێت هاوتای کۆمۆنیستی کارگەری هێندە هەژار و کەمدەرامەت بێت، لەشیکردنەوەی مەسەلەی نەتەوه و ناسیونالیزم و دەوڵەتدا.. کەم حزبی سیاسی هەیەهاوتای ئەم حزبه لەگریمان و شیکردنەوەسیاسییەکانیدا لەمەڕ پرسی خەبات و تێکوشانی سەدان ساڵەی میللەتێکی ژێردەستەی وەک کورد، هێنده هەرزه و گەوجانە لێدوان بدات…
ئەوان هەر وەک چۆن شارەزا نین لەخودی ئایدۆلۆژیای مارکسیزم و هیچ لێکدانەوه و تێزو بۆچوونێکی واقعانەیان بۆ سیستەمی سەرمایەداری ئەمڕۆ نییە. بە هەمان شێوەش لەشرۆڤەکانیاندا بۆ کۆمەڵگەی کوردستان دەستکورت و نابیناو کەم نەفەسن.
لێره و لەوێ هەندێک کەس لەم حزبە کۆپی کراوەی ئێران کۆمەڵێک قسه سەبارەت بەنەتەوه و ناسیۆنالیزمی کوردی دەنووسن و بەمافیاگەری دەیچوێنن، ئەم قسانەهێندەدووبارەدەبێتەوەکە مرۆڤ خێرا هەست بەوەدەکات کەئەوانەهیچی تازەلەهەگبەیاندا نییه، چونکە لەهەشتاکاندا کاتێک کورد هەڕەشەلەوجودی دەکرا وەک بوونەوەرو وەک مرۆڤ، ئەوان هەموو خەبات و تێکۆشانیان تەنیا یەک دێڕی سواو بوو لە چەند کۆڵانێکی سلێمانی دووبارەیان دەکردەوەئەویش ئەوەبوو
(ناسیۆنالیزم شەرمەزاریەبۆ بەشەریەت).. جا بۆ ئەوەی کاڵ فامی ئەوانەئاشکرا بێت سەرەتا زۆر بەکورتی باسی ناسیۆنالیزم و نەتەوەدەکەین..
چەندین تێزی جیاواز لەسەر ناسیۆنالیزم و نەتەوەهەیەلێرەدا زیندووترین تێزیان بەنموونەدەهێنینەوە، کەئارنست گیڵنەر باسی دەکات، ئەم فەیلەسووفەی بیری ناسیۆنالیزم باس لەوە دەکات کە بەر لەدرووستبوونی نەتەوەدەبێت قۆناغەکانی پیشەسازی، بازاڕەکانی دراو، زمانی یەکگرتووی بەهێز و سیستەمی خوێندنی یەکگرتوو لەو شوێنەدا کەقەرارەنەتەوەی تێدا لەدایک بێت، هەمووی فەراهەم بێت پاشان نەتەوەلەمنداڵانی ئەم پڕۆسەیەوەلەدایک دەبێت، لە فەلسەفەی ئەم بیرمەندەدا نەتەوەبۆ ئەوەی لەدایک بێت پێویستی بەچەند هەنگاوێکی هێواش هەیە، دەوڵەتێکی مەرکەزی بەهێزیش هەموو ئەو قۆناغانەدەبڕێت ئەوجا نەتەوەلەدایک دەبێت، بەمجۆرەبۆمان ئاشکرا دەبێت کەناسیۆنالیزم بەرهەمی نەتەوەنییە.ەڵکو بەپێچەوانەوەنەتەوەبەبەرهەمی ناسیۆنالیزمە.
ناسیۆنالیزم پرەنسیپێکی سیاسی نزیک لەمۆدرێنەیەکەپێویستی بەیەکییەتی سیاسی و یەکییەتی خاک و یەکییەتی زمان هەیە، واتەناسیۆنالیزم ئەو بۆچوونەسیاسییەیەکەخاکی هاوبەش و یەکگرتووی نەتەوەیەکی دیاریکراو دەبێت سیستەمێکی سیاسی هاوبەش و یەکگرتووی دیاریکراوی هەبێت. بەمجۆرەنەتەوه و ناسیۆنالیزم بەرهەمی قۆناغی پیشەسازی و ڕۆشناگەری و خوێندەوارین، کەبەکورتی دەتوانین بەبەرهەمەکانی قۆناغی مۆدرێنەناویان بەرین.
خاڵێکی دیکەی گرنگ ئەوەیەکەسەربەخۆیی جوگرافی لەقەوارەی حکومەت یاخود دەوڵەتێکی سەربەخۆی خاوەن سەروەری مەرجێکی هەرەگرنگەبۆ درووست بوونی ناسیۆنالیزم، من قسەکانم زیاتر ئاسان دەکەمەوەبۆ ئەوەی کۆمۆنیستەکان باشتر تێبگەن، مەبەست لەم خاڵەئەوەیەکەبەبێ بوونی دامەزراوەی دەوڵەت ناسیۆنالیزم بوونی نابێت، واتەبۆ ئەوەی بیری ناسیۆنالیزم هەبێت دەبێت دەوڵەتێک هەبێت حوکومەت بەڕێوەبەرێت، بەڵام دیارەکۆمۆنیستەکان جیاوازی لەنێوان حوکومەت بەڕێوەبردن یاخود حکومەت کردن ناکەن لەگەڵ حوکم کردن، لە باشووری کوردستان بە هۆی ڕووخانی حکومەتی ئێراقەوەکورد جۆرێک لەحوکم کردنی ئۆتۆنۆمی یاخود ئەوەی بەفیدراڵی ناوی دەبەن (ئێراق تەنیا لای کورد بەفیدراڵ ناسراوە) کاروباری بەڕێوەبردنی خۆی دەکات، بەڵام هەرێمی کوردستان نەک سەربەخۆ نییە.ەڵکو نیوەشی داگیرکراوە، پارچەرکانی دیکەی کوردستان بەتەواوی داگیرکراون و لەژێر دەستی داگیرکەردان، کەواتەیەکێک لەرەگەزەهەرە گەورەکانی ناسیۆنالیزم کەبوونی دەوڵەتی سەربەخۆو خاوەن سەروەری و شکۆیەبوونی نییە.
کۆمۆنیستەکان ناسیۆنالیستەکانی تورک و فارس و عەرەب بە کورد دەچوێنن، ئەمەچ وەهم و چ بێئاگاییەکە، ئایا میللەتێک بەرگری لەبوونی خۆی بکات و باسی کلتوورو زمان و ڕزگارکردنی خاکی خۆی بکات دەبێت بە هەمان ئەو پێودەنگەسەیری بکرێت کەتەماشای میللەتانی وەک فارس و تورک و عەرەبی پێ دەکرێت؟ فارس و تورک و عەرەب چەندین ساڵەخاوەنی دەوڵەتی سەربەخۆو خاوەنی حکومەتی نیشتمانی خۆیانن، ئەوان هەڕەشەلەزمان و وجودیان و گوند و کولتووریان ناکرێت بۆیەناسیۆنالیست بوونی ئەوانەلەقاڵبی ڕەگەزپەرسیتدا پۆڵێن دەکرێت..
بەراست کێ میلیشیایه و کێ مافیایە؟
ئەگەر کەسێکی زۆر نەشارەزا و بێئاگا چاوی بەلێدوانەکانی حزبی کۆمۆنیستی کارگەری بکەوێت ئەوەبەبێ دوو دڵی وا دەزانێت لە کوردستاندا کۆمپانیای زۆر گەورەتر لەجەنراڵ مۆتۆرز و مارسیدس و بریتش پۆترۆلیۆم هەیە، ڕەنگەوابزانێت شۆڕشی تەکنەلۆژیا لەمالومەوەسەریهەڵداوه و کۆمپانیای نوکیاش بنکەی سەرەکی لەشێخەڵایەو ( بیل گایتس) لەبیارەلەدایک بووە.. دەنا ئەگەر وا نەبێت میللەتێکی داماوی وەکوو کورد کە هێشتا بەسەر چوار وڵاتدا دابەشکراوه و نەدەوڵەتی هەیە، نەهێشتا وەک فەرهەنگی سیاسی بەنەتەوەیەکی زیندوو پۆڵێن دەکرێت نەزمانی هاوبەشی هەیه و نەشۆڕشی پیشەسازی و نەکارخانەیەکی ئەوتۆی هەیە، ئیتر ناسیۆنالیزمی چی و نەتەوەی چی کاکی برا؟. ئێستاشلە سەرتاسەری کوردستاندا کورد شەڕی مانەوەدەکات، کورد تازەبەتازه و پاش خەباتی سەدان ساڵه و خوێن بەخشین ئێستا چیرۆکی زیندوویی خۆی دەگێڕێتەوە.
کەمال مەزهەر ئەحمەد لە پەرتووکی مێژوودا ئاماژەبەڕاستییەکی زۆر گرنگ دەکات ئەویش ئەوەیەکەبیری ناسیۆنالیزم لە مێژوودا ناسکترین و هەستیار ترین شتی مرۆڤەکان بووە، ئەگەر بەوجۆرەنییە.ۆچی یەکییەتی سۆڤیەت حەفتاو ئەوەندەساڵ لەپاش حوکمی کۆمۆنیستی خۆی بەسەر ئەو وڵاتەدا، کەچی پاش هەڵوەشاندنەوه و لێکترازان و کەرتوپەرت بوونی لەنێوان هەمان ئەو وڵاتانەی ژێر سێبەری حوکمی کۆمۆنیستەکاندا خوێناوی ترین شەڕ لەسەر سنووری وڵاتان و نەتەوەجیاوازەکانی سۆڤیەت کرا…
من لەو باوەڕەدام ئەگەر ئێستاش بە هەموو خەوشەکانی دەسەڵاتی کوردیشەوە، گرفتێکی گەورەی تایبەت بەمەسەلەی نەتەوایەتی کورد لە باشووری کوردستان سەرهەڵبدات، دەیان هەزار کەس ئامادەی خۆ بەختکردن دەبن لەو پێناوەدا، ئەمەش ئەگەر واتایەکی هەبێت واتای ئەوەدەگەیەنێت کەموقەدەساتی نەتەوەیی کورد هێشتا لەکن زۆربەی کوردان ناسکترین و پیرۆزترین بوون و هەستە..
کۆمۆنیستی کارگەری لەروداوەکانی 17ی شوباتی سلێمانی زۆر باش خۆیان بەمیللەتی کورد ناسان، ئەوان ئێستا پێویست ناکات بڵاڤۆک و قسەی زەردوشین بکەن چونکەلە یەکەم فرسەتی دیموکراسیدا وەک تەلەبەیەکی زۆر تەمەڵ و قۆپیچی لەتاقیکردنەوەکاندا کەوتن، ئەوان دەستیان خستەدەستی ئیسلامی سیاسی و لەگەڵ ئەواندا بوونەهاوخەبات، ئەمەیەئەو سیاسەت و دبلۆماسییەتەی کەئەوان بۆ بەدیهێنانی دیکتاتۆریەتی کرێکار پەیڕەوی دەکەن، لە یەکەم تاقیکردنەوەدا کۆمۆنیستی کارگەری بوو بەموجاهیدی عەیارە21 ، ئەگەر کوردستان لەئەفگانستانەوەنزیک بوایەئەوەبۆ دژایەتی کردنی ئەمەریکا دەبوونەهاوڕێی گیانی بەگیانی لەگەڵ زەواهیری و مەلا عومبەری تاڵیبان، کاتی خۆشی کەتازەئیمام خومەینی هاتبووەسەرکار ڕابەری کۆمۆنیستەکانی ئێران کەیهانووری لە وەڵامی
ڕۆژنامەنووسی بەناوبانگ و زیدنووی کورد مەحمود باکسی، کەداخوا تا چەندە لەگەڵ ئەوەدان ئیمام خودموختاری کورد بسەلمێنێت گوتبووی ( هەزارجار قورئانم لەبودعەی ئیمپریالیزم پێباشتره)....
لە کۆتاییدا دەڵێم لە هەر سوچێکی دنیادا ئیسلامی و کۆمۆنیست حوکم بکەن ئەوەدڵنیا بەکەدیموکراسی و مافی مرۆڤ لەژێر پێ خراوه و برسێتی و کوشتارو هەژاریش لەلووتکەدایەنموونەشمان بۆ ئەمەکۆریاری باکوور و حکومەتەئیسلامییەکانی دنیایە. [1]
=KTML_Bold=تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!=KTML_End=