Di bîranîna pakrewanbûna Diktor Ebdurehman Qasimlode
Hişmend Sêxo*

(Dr. Qasimlo mamosteyê gelê xwe)
Dr. Ebdurehman #Qasimlo# di sala (1930) de li bajarê Ormiyê li Kurdistana Îranê hatiye dunyayê , xwendina xwe ya seretayî û navîn li Ormiyê û Tehranê xwendiye , û piştre di sala (1948an) de çûye bajarê Istenbûlê da ku xwendina xwe ya Zanîngehê tewaw bike , piştre biryar stand ku xwendina xwe li Ewrupa tewaw bike.
Dema ku ew li Istenbûlê wî nivîskar û rojnamevan “Mûse Enter” û xwendekarên kurd ên welatparêz naskirin , piştre çû Ewrupa ji bo tewaw kirina xwendina xwe.
Qasimlo li Firansa û piştre li Tişîkoslofakiya zanistên rêzanî û civakî xwend lê qet ji êş û azara gelê xwe bidûr neket.
Qasimlo biryar da ku tevlî rikberiya demoqrat bibe ya ku li dijî impiryaliya Îranê bi pêş ket.
Di sala (1952an) de ew vegeriya welêt daku di xebata demoqrat de beşdar bibe û Qasimlo pênc salan karê rêzanî bi şêweyên neyênî û aşkere dikir û hêdî hêdî Qasimlo weke kasayetiyekî rêzanî û xwedî bandor di nav gelê kurd û rikberiya îranî de hate nasîn.
Diktor Ebdilrihman Qasimlo waneyên destemayî û aboriya Sosyalîst li Zanîngeha Biragê didan , û ta sala (1961) waneyên zimên û çanda kurdî li Zanîngeha Sorbonê li Parîsê didan , herwiha xwedî rolekî girîng bû di avakirina Yekîtî ya Ciwanên Demoqrat li Kurdistanê ku yek ji saziyên Partî Demoqratî Kurdistanî Îran bû , û piştî demeke kurt bi fermî bû endamê vê partiyê û di hemû desteyên partîzanî de kar kir daku bû emîndarê giştî ji Partiya Demoqrat a Kurdistana Îranê re.
Diktor Ebdilrihman Qasimlo kasayetiyekî bîrbir û hişmend bû , lewre wî û hevalên xwe yên partîzan bi hûrbînî rewşa rêzanî û aborî ya Îranê xwendin , herwiha rewşa çepên Îranê û tevgera niştimanî ya kurdî li gor peywendiyên wî wek emîndarê giştî bi Yekîtiya Sovyêt re , û istratîjiya demoqratî ji Îranê re û otûnomî ji Kurdistanê re bi rêket , û kongireya Sêyem a partiyê van pêşinyarên Diktor erê kirin û ew pêşinyar bûn istratîjiya fermî ya Partiya Demoqrat û di wî kongirî de ew hate hilbijartin wek emîndarê giştî ji Partiya Demoqrat a Kurdistan a Îranê re , û bû yek ji wan kesayetiyên rêzanî yên girîng di hemû parçeyên Kurdistanê de.
Hêjayî gotinê ku di sala (1978an)de Diktor Ebdilrihman Qasimlo bi hevaltiya Bîst Hezar şervan ji hêzên pêşmergeyên dilêr operesiyoneke berfireh li dijî artêşa sahê Îranê rabûn û pêşmerge dest danîn ser bajar û bajarokên Kurdistana Îranê û wisa gelê kurd kevirê bingehîn ji avakirina dewleteke demoqrat re danîn.
Di dîroka / 13 / 8 / 1989an de Diktor Ebdilrihman Qasimlo ji bo mafê otûnomî ji Kurdistana Îranê re danûstandin bi rayedarên Îranî re dikirin lê zor mixabin di wan danûstandinan de ew ji aliyê istixbaratên “Savak” li bajarê Viyêna li paytexta Nemsa hate kuştin û di goristana pakrewanên şoreşê de li Parîsê hate binax kirin.
Sed silav li giyanê te ey xebatkarê dilsoz û dilêr
13 / 7 / 2024 Z – 2636 K
*Endamê Komîta Navendî ya
Partiya Demoqrat a Pêşverû ya Kurd li Sûriyê[1]