=KTML_Bold=لە 20ی ئۆکتۆبەر پێیان دەڵێین: ئەمڕۆ دوێنێ نییە و سبەینێش وەک ئەمڕۆ نابێت=KTML_End=
#سیروان حوسێن مەخمووری#
20ی ئۆکتۆبەر لە دیرۆکی بزووتنەوەی ڕزگاریخوازیی کوردستان بە بەرزی دەمینێتەوە، چونکە حەوت ساڵ پێش ئێستا دوای خیانەتی 16ی ئۆکتۆبەری سالی 2017 هەروەکو سەرۆک بارزانی لەکتێبی بۆ مێژوو باسی کردووە دەڵێیت لەرۆژی 17ی ئۆکتۆبەر باڵیۆزی ئەمەریکا لەبەغدا (دۆگڵاس سلێمان) پەیامێکی بۆ ئێمە ناردبوو بەو دەقە (( کە دنیا گۆڕاوە، ئیمڕۆ دوێنێ نیە، پیویستە بەخۆتاندا بچنەوە)) ئەمەش دوای داگیرکردنی کەرکووک و ناوچەکانی تر و ئاوارەبوونی هەزاران کەس و هێزەکانی چەندین تاوانیان ئەنجام دابوو و گەلەکۆمەیە بەردەوام بوو کە #هەولێر# و دهۆکیش بگرن، کەچی لە 20ی ئۆکتۆبەر هێزەکانی #حەشدی شەعبی# و عیراقی و حزب الله ی لوبنانی هێرشیان کرد، بەڵام بەرگری و خۆراگری پێشمەرگە توانیان گەورەترین داستان تۆماربکەن و دەبابەی ئەبرامزی ئەمەریکی تێکشێکندرا، بۆیە سەرۆک بارزانی پاش ئەم سەرکەوتنە وەڵامی پەیامەکەی باڵیۆزی ئەمەریکای دوگلاس سلیمانی داوە کەدەڵێ بە جەنابی بالیۆز بڵێین ((ئەمڕۆ دوێنێ نییە و سبەنێیش وەک ئەمڕۆ نابێت)).
بۆ ئەم مەبەستە هەڵبژاردنی خولی شەشەمی پەرلەمانی کوردستان ئەمجارە لە (20ی ئۆکتۆبەری 2024) بەڕێوەدەچێت ، ئەوەی جێگای سەرنج و هەڵوەستە کردنە وڵاتێکی هەرێمی لەڕێگەی چەند لایەنێکی بەشداربووی هەلبژاردنەکان دەستێوەردان لەپرۆسەکە بکەن، هەر لەسەرەتاوە هەوڵییان داوە یاسای هەلبژاردن و تۆماری دەنگدەران و دابەشبوونی کورسیەکان بەدلی ئەوان بێت، بەڵام هەڵویستە نەگۆرەکانی بارزانی و پارتی نەیهێشت پیلانەکانیان سەربگرێت، ئەگەر سەیری شێوازی بانگەشەی لایەنەکان بکەین دەبینین هەرلایەنێک بەدروشمێک هاتۆتە ناو پرۆسەکە، ئەگەر شیکردنەوەیەکی ئەکادیمی و زانستی بۆ دروشمەکان بکەین شتی نامۆ و سەیر دەبینین دوور لەهەموو بەهایەکی کۆمەڵایەتی و سیاسی و دەوڵەتداری و کوردایەتی، بەجۆرێک هەموو لایەنەکان جگە لەپارتی دیموکراتی کوردستان نەبێت ئەوەش بۆ بەدەستهێنانی دەنگی ناڕازی دەیان دروشمی تێکدان و رووخان و دروشمی تر نەشاز بۆتە بەرنامە و بانگەشەیان، بەڵام کاتێ شیکردنەوە بۆ ژمارەی کەسانی ناڕازی و ئۆپۆزسیۆن لەشەقامی کوردستان دەکەین دەبینین ڕێژەیان لە (30%) تێپەرناکات، کەواتە گریمان (10) دەنگدەر هەبێت چوار نارازییە و زیاتر لە حەوت لایەنی سیاسی کێبرکێ لەسەر بەدەستهینانی ئەو چوارە دەکەن کە ئەوەش دەنگدەری نارازی جارێکی تر دابەش دەکەن، لەملاوەشەوە تاکە هێزی سیاسی کە ئەویش #پارتی دیموکراتی کوردستان#ە خاوەن پێگە و جەماوەر و بەحزبی نەتەوەیی و نیشتمانی و لەرابردوودا بەپارێزەری دەستکەوتەکانی هەریم و کوردستان ناسراوە و هەروەکو بارزانی نەمر دەفەرمووێت هەموو کوردێکی دڵسۆز پارتییە، ئەمەش وایکردووە مرۆڤی نەتەوەیی و نیشتمانی پێگەی خۆی لەم لیستە ببینێتەوە، بۆیە دەبینین بە دروشمی ئارامی و ئاوەدانی و پێکەوەیی و خۆڕاگری بەرەو هەڵبژاردنی 20-10 هەنگاو دەنێت بەرابەرایەتی سەرۆک بارزانی.
کەواتە جیاوازییەکی گەورە لەنێوان هەردوو جەمسەری ئاوەدانی و تێکدان دەبینرێت، بۆیە سروشتی هەموو مرۆڤێکی عاقل و ژیر وایە کە هەر بەیانیەک لەخەو هەڵسا بەهیوای ئایندەیەکی گەش و باشتر ڕۆژ دەکاتەوە نەک تێکدان و لەناوبردن و رووخاندن، کەواتە دەنگدەری ئێستای هەرێم هۆشیارە دەزانن تاکە هێزی سیاسی هەرێم پارتی یە پارێزەری قەوارەی هەرێم و شووناسی نەتەوەییمانە، هەر ئەویشە دوێنێ بەرگری و داکۆکی بەهێزی دیبلوماسی و چەکەوە بەرگری لەو خاکە کردووە ئەمرۆش هەنگاو دەنێت بەرەو ئارامی و ئاوەدانی و پێکەوە ژیانی نێوان هەموو نەتەوە و ئاینە جیاوازەکانەوە ئەوە مانای دەوڵەتداری و بەرپرسیارێتی ئەخلاقی و مێژوویی یە.
بۆیە جارێکی تر دەنگدەرانی لیستی 190 ی پارتی دیموکراتی کوردستان دەکەنە هێزی یەکەم و کوردستان رادەسپێرنە دەستێکی ئەمین و خۆراگر ، بۆیە ئەرکێکی نەتەوەیی و نیشتمانییە دەنگ بەلیستی پێشمەرگە و شەهید و ئەنفال بدەین نەک ئەوانەی سووکایەتی بەچین و توێژ و پیرۆزییەکانی ئەم هەرێمە دەکەن، 20 ی ئۆکتۆبەر ئەو داستانە دووبارە دەکەینەوە کە لەپردێ پێشمەرگەکان تۆمارییان کرد ئینجا جەنابی سەرۆک بەو کەسانەی گووت کەپشتییان لەپیشمەرگە کرد “ئەمڕۆ دوێنێ نییە و سبەنێیش وەک ئەمڕۆ نابێت”. جارێکی تر ئەو سەرکەوتنە دووبارە دەکەینەوە لەپێناو کوردستانێکی ئازاد و سەربەخۆ. [1]
=KTML_Bold=تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!=KTML_End=