#Rêveberiya Xweser# banga serferberiyê kir
Ji raya giştî re:
Di destpêkê de em êrîşên dewleta Tirk û çeteyên wê li dijî xaka Sûriyê şermezar dikin û berxwedana dîrokî ya gelê me li Heleb û Şehbayê silav dikin.
Ev êrîşa dewleta Tirk berdewamiya plana ku Tirkiye – DAIŞ`ê, têde têk çûn. Armanca wê dagirkirina Sûriyê û bidestxistina sînorên Mîsaqa Millî ye ku dewleta Tirk gelek caran ji bo pêk anîna wê dixebitî. Armanca vê êrîşê dagirkirin û parçekirina Sûriyê û da ku wê bikin navenda terora navneteweyî ye. Êrîşa ku ji Heleb û Hemayê dest pê kir armanca wê ne tenê herêmek bû lê belê tevahî Sûriyê bû.
Ji ber wê jî em bang li hemû gelên xwe li Bakur û Rojhilatê Sûriyê dikin ku zanibin ku yek ji armancên vê êrîşê ew e ku hêviyên gelê Sûriyê di jiyaneke bi rûmet û azad de binpê bikin û Rêveberiya Xweseriya Demokratîk tune bikin û xakên nû tev li Tirkiyê bikin. Ji ber vê yekê jî divê em weke Ereb, Kurd, Suryan, Asûr û Tirkmen li hemberî van êrîşan destê xwe bidin hev û yekîtiya xwe xurt bikin.
Her wiha em bang li ciwanên xwe dikin ku li derdora QSD`ê kom bibin. Em qonaxa seferberiya giştî radigihînin û bang li gelê xwe dikin ku her tim amade bin.
Di serî de saziyên me divê li ser karê xwe bin û di nava rewşeke hişyariyê de bin û her saziyek weke şaneyeke kirîzê kar bike.
Em bang li civaka navneteweyî jî dikin ku ev êrîş dê bi xwe kareseke mirovî bîne û ev gef dê tenê li dijî Sûriyê be lê belê ew DAIŞ`eke nû ye û dê encamên wê yên herêmî û cîhanî hebin.
Silav û rêzên Hevserokatiya Rêveberiya Xweseriya Demokratîk a Herêma Bakur û Rojhilatê Sûriyê
1`ê Kanûna 2024`an
[1]