ئەنستییتویا کوردی یا #ئامەد# ئانکو پەیمانگەها کوردی یا ئامەد د مەها شوباتا ساڵا 2004 یا زایینی ل باژێڕێ ئامەد یا باکووری کوردستانێ هاتییە دامەزراندن و دەست ب چالاکی یێن خوە کرییە. کو ب ڤەکرن و ڕێڤەبرنا خولێن زمانێ کوردی ل جەم خەلکێ باکوور تێ ناسین و ل دەمێ دامەزرنا خوە هەیا نها ژبو هشیار کرنا خەلک و پتر ناسینا ئەدەبا کوردی کار لسەر زمان و وێژەیا کوردی دکەت و ب خەلکێ ڕە ددەت نیاسین.
سەروکێ وێ پەیمانگەها هەنێ هەیا ساڵا 2006 نەسیپ گوڵتەکین بوویە.
$چالاکی یێن ئەنستییتویا کوردی یا ئامەدێ$
هەیا نها چەندین پانێڵ و وۆرک شۆپێن زمان ژ ئالێ ئەنستییتویا کوردی یا ئامەدێ بڕێڤە چووینە.
ل مەها تشرینا ددویان یا ساڵا 2005 ب ھەڤکاری و هەڤ ئاهەنگی تەڤی باژێڕڤانی یا باژێڕێ مەزن یا ئامەدێ و ب پشکدارییا پسپۆڕ و زمان ناسانێن کورد ل سەرانسەری جیھانێ، کۆنفرانسەک ل ژێر ناڤێ کۆنفڕانسا ستاندارد کرنا زمانێ کوردی بڕێڤە چوو. کوو پشتی تمام کرنا کارێ کۆنفرانسێ دەرئەنجام و بڕیاڕێن ئەقێ کۆنفرانسا هەنێ وەکە پەرتوک هات بڵاڤ کرن و کەتە بەردەستێ هەژێکەر و خوەندەڤانێن زمانێ کوردی ل سەرانسەرێ جیهانێ.
$پەرتوک و بەڵاڤوکێن ئەنستییتویا کوردی یا ئامەدێ$
سازیەکە بەرھەمێ ئەکادیمی ل سەر زمان، ئەدەب، کولتوور و ھونەرا کوردی بەڵاڤ دکەتن. هەتا نها 12 پەرتوکێن جۆر بجۆر و هەمەڕەنگ چاپ کرینە و ژ ئالیەکێ دنڤە دوو ژمارەیێن دن یێن بلاڤۆکێن لسەر زمانێ کوردی ژ ئالێ ئەنستییتویا کوردی یا ئامەدێ هاتینە چاپ کرن.
ل مەها ئایارا ساڵا 2007 ێ ڕە هەیا نها گۆڤارا W لبن چاڤدێرییا ئەنستییتویا کوردی یا ئامەدێ دایە و وەکە بەڵاڤەکەکە تایبەت ب وێ سازیێ دهێتە بەڵاڤ کرن بڤی ئالیەی و بڤان چالاکیان سازیا ناڤهاتی درێژە ب ژیان و خەباتە خوە ژبو زمانێ کوردی ددەتن.[1]