نامۍ: محەمەد
نازنام: جزیری
نامۊ تاتەی: عارف
ڕۊ پېڎابېیەی: #1921. ز#
ڕۊ مەرڎەی: #17-12-1986. ز#
یاگۊ پېڎابېیەی: #جزیرە و بۆتان#
یاگۊ مەرڎەی: #دهۆک#
$ژیۋاینامە$
محەمەد عارف جزیری
هونەرمەڼێ سەرنیشتو کوردەسانییەن، ساڵەو (#1921. ز#) دلۍ جزیرەو بۆتانی بە دنیا ئامان، بەڵام تەمەنێ فرەی ژیوای هونەریش دلۍ پانیشتو کوردەسانینە گوزەرنان، ئاڎییچ بە مەڵامەتو گرانی ژیوای و ناڕەحەتی گوزەرانیش ئامان پەی پانیشتی. عارف جزیری تەمەنو سېڼزە ساڵینە بە تۊمەتی ڕامیاری دلۍ تورکیاینە دەسەسەر کریان، بەڵام بە هۊکارو ئانەی تەمەنش کەم بیەن، نەتاوانشان تۊمەتەکېش ملەرە ساغۍ بکەراوە. سەرەڕاو ئینەیچ پەی فەترەو پەنج ساڵا دلۍ زیڼانینە مازاشۆ، دماتەر جە تەمەنو هەژدە ساڵینە ملۊ پەی بەغڎای، چاگە جە بەشو کوردی ڕادوینو بەغڎای دەس بە کاری هونەری وېش مەکەرۊن.
محەمەد عارف دمای بەغڎای، ملۊ پەی زاخو و دهوک و ئاکرێ، چا ناوچانە خەریکو کارە هونەریەکاش مەبۊن، ئی هونەرمەڼە تاواش بە دەنگە زوڵاڵەکەو وېش و ئاوازە ڕەسەنەکاش زەوق و کەیفێ بەخشۊن بە وەردەنگەکاش.
فرەو بۊنەکانە چەنی عیسا بەرواری و محەمەد عەلی بەرگنۍ، محەمەد عارف هەرچن کەسێ نەخوڼدەوار بییەن، چەنی ئانەیچە شارەزاو زوانەکانو تورکی و عەرەبی بییەن.
ئی هونەرمەڼە چڼیین بەرهەمۍ فولکلوریېش پەی کەناڵەکانو بەغڎا و کەرکوکی تۊمارۍ کەردېنۍ. بەشداری چڼیین ئاهەنگاش کەردەن، پېسە گۊرانی واچێ، هەم پېسە ژەنیەرێ موسیقای تاوانش دلۍ دڵو فرەو خەڵکو کوردەسانینە یاگۍ وېش بکەرۊوە.
محەمەد عارف جزیری نزیکەو (1200) گۊرانیېش تۊمارۍ کەردېنۍ دلۍ (60) تۊمارگانە(کاسێت)، گولێ مەحروومێ، شەڤێن نیسانا، خەزال، خرابۆ، پسماموو، دیاربەکر، یاردلوو، ئەز خەزالم، بێریڤانێ، چیایێ کوردستانێ، بەفر باری، حەسەنیکوو، چیایێ شنگالێ، باڤێ فەخری، کوچەرێ، بەشێنۍ جە سترانەکانو هونەرمەڼی.
دمای تەمەنێ هونەری ڕەسەنی، تاریخو (#17-12-1986. ز#) جە شارو دهۆکی یانەئاوایی یەکجاریش جە ژیوای و هەواڎاراش کەردەن و هەر ئەچاگە ئەسپەردەکریان، ئارامگاکەش ئینا دلۍ گۊڕستانو سەرکەشێ دهۆکینە.
دلۍ شارو دهۆکی هۆڵێ هونەری بەنامۍ ئی کەڵە هونەرمەڼەیۆ نریان، پێکەرێ وېچش وەربەرەو هۆڵەکەینە نریانەرە.[1]