نیوە مری کرد
لە سنووری دەشتەکییەکانی #هەولێر# چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (نیوە مری کرد)، هاوشێوەی ئەمە وتراویشە: #دارەکی لە ڕۆحییدا#، زۆر جاران منداڵ جووجەڵەیەک یان چۆلەکەیەکی بکەوێتە مست و چنگ و دەستەوە تووند تووند دەگرێت و دەیکوشێت، ئەگەر لەبەر دەستی دەرینەهێنیت لەوانەیە بیکوژێت چونکە تووند تووند ملی گرتووە لەوانەیە هەناسە بڕی بکات و بخنکێنێت، کاتێک ئەو جووجەڵەیە لەدەستی دەردەهێنیت بەس نەیکوشتووە بۆ ئەمە کورد وتویەتی: نیوە مری کرد.[1]