2و سیاوکامی ڕو جهانی زوانِ ادایی جه تمامِ گوران زوانان مَبارک بو
شیخ نسیم مردوخی تختەای:
چند بیت جه مولود سیداللەنام
به لفظ گوران واتمان پَی عام
تا که بوانان گوران زوانان
جه فضل و تعلیم مَحروم نمانان
زوانِ ایمه گورانیا و به کار بَردەو مفهوم :هورامی زوان، کاکەیی زوان ، ماچو زوان و... پَری مردمانِ گوران زوان حوزە تمدن زوان و ادبېیات گوران که ایسەیچ به همان زوان قصان مَکران و به گوران منویسان پیسەو: سرزمین هورامانات (تخت، لهون، شامیان، ژاورو، گاورو)، پاوە، هورامانات شارزور، ایل و توایف: کاکەیی، باجلان، شبک، ماچو ، جمور ، بشو گوران زوانان کرماشان ، عبدالملکیان مازندران ، قلاو قرورە شاری ، زازایی و ماباقی مردمانان که ایسەیچ زوان گورانی به زوان لانیکم کتابت و فلسفەو دانایی ویشان مزانان جیا اَو قصە کردەی به هیچ عنوان دروس نېیەن ، و سرانجام اینیشان تیکدای و جیاکردەو گوران زوانان نه سر هویت و ڕوایت سرورانەو ویشانەن و شیونای جغرافیاو حوزە و زوان و ادبېیات گورانیا که آخرین پایگاو منایش که هتا به آرو به وَشترین شیوە پاریزنانش هورامانات و سایر مناطقِ که اشارەم پنە کردیِ ، ایمه فرەتر جه هزار سال مردمان سرکش و دانا و عاقلمان ویشان به گوران زوان اشناسان اینه جه اشعار شاعران ادبېیات گوران موجودا و هم پَی قصەکردەی هم پَری نویستەی، زوانو ایمه بیجگەم به گورانی به هیچ نامِ تَر نمتاو حوزە تمدنی ویش پاریزنو پیسەو زوان یک دَس و ستانداردی ، و هر پاسه زوان گورانی جیا چانەی پیسەو زوان نویستە و قصەکردەو ایمەن، زوانو اتحاد و همبستگی جه بینو تمام مردمان گوران زوانیا جه هر نقطقه جه دنیای هم ایسه و هم جه تاریخەنە.
مفهوم هورامی زوان ، کاکەیی زوان ، ماچو زوان و.... به تازەیی وش کریاینی پَی جه بَین بردەو زوان گورانی، ای مفاهیمه معنای زوانیشان نېیەن ، هورامی مفهوم مردم شناسی چوار دگاو شارە هورامان تخت و بشیوە جه مردم لهونیا و به عنوان زوان هیچ تاریخ مکتوب نېیەن جه پالشەنە، و کاکەیی و ماچو و... هر پاسه مفهوم ایلی و طوایف گوران زوانیا که آدیشایچ به هیچ شیوە معنای زوانیشا نېیەن و... .
جاریەتر ڕو جهانی زوان ادایی مبارک .
جوانمیر گوران کوسالان.[1]