کەجەکە بە بۆنەی جەژنەوە داوا لە باوەڕداران دەکات دژی فاشیزمی تورک تێبکۆشن
#27-06-2023#
کۆمیتەی گەلان و ئایینەکانی کەجەکە جەژنی قوربانی لە تەواوی جیهانی ئیسلامی پیرۆز کرد و داوای لە هەموو گەلان کرد کە لە دژی دەوڵەتی تورکی نکۆڵیکار و کۆمەڵکوژکار بە شێوەیەکی ڕێکخراو تێکۆشان بکەن و هەروەها، داوا لە هەموو ژنانی باوەڕمەند دەکات، بە بۆنەی ئەم جەژنەوە لە تێکۆشانی ئازادی و دیموکراسیدا لە دژی فاشیزمی تورک لە گۆڕەپانەکاندا تێبکۆشن.
سبەینێ جەژنی قوربانە و بەوبۆنەیەوە، کۆمیتەی گەلان و ئایینەکانی کەجەکە پەیامێکی پیرۆزبایی ئاڕاستەی موسوڵمانان کرد.
لە پەیەماکەی کەجەکەدا هاتووە: ئێمە وەک بزووتنەوەی ئازادیخوازی کوردستان جەژنی قوربان لە گەلانی موسڵمان پیرۆز دەکەین و هیوادارین کە ئەم جەژنە ببێتە مایەی ئاشتی، ئارامی و دادپەروەری بۆ گەلانی ڕۆژهەڵاتی ناوەڕاست و هەموو جیهانی ئیسلامی، هیواخوازین کە ئەمە ببێتە هۆی بەهێزکردنی دۆستایەتی، برایەتی، یەکگرتن و هاوبەشی لەنێوان گەلان و گوڕدان بە تێکۆشانی دیموکراسی و ئازادیی.
هەروەها کەجەکە دەشڵێت:”جەژن ئەو ڕۆژەیە کە ناکۆکی و دڵئێشاوی نامێنێت، ئاشتی دێتەئاراوە، یەکگرتن و پاڵپشتی بەهێز بەرەوپێش دەچێت، لە هەمان کاتدا جەژنی کولتوری تێکۆشان لە دژی ستەم و ئەو دووڕوانەی کە یاسا ناناسن، وێنا دەکات، بە بۆنەی ئەم جەژنەوە، لە دژی هێرشە قڕکارییەکان، تاڵان و کۆمەڵکوژی سەنتەرزی تورک-ئیسلام ئێمە داوا لە هەموو گەلانی خاوەن ویژدانی ڕۆژهەڵاتی ناوەڕاست بەتایبەتی وڵاتپارێزانی کورد، ڕۆشنبیران، عەرەب و تورک، نووسەران، هونەرمەندان و سیاسەتمەداران دەکەین، کە لەپێناو یاشتی و یەکگرتوویی گەلان تێبکۆشن”.
کەجەکە ئەوەشى خستەڕوو، جەژنی قوربان ئەو ڕۆژەیە کە بەهۆیەوە قوربانیکردنی مرۆڤەکان قەدەغەکراوە، سەرباری ئەوەش لەسەر ناوی ئیسلام لە جوگرافیایەک کە کۆمەڵگەکانی موسڵمانان تیایدا دەژین هەموو ڕۆژێک دەیان کەس دەکوژرێن، منداڵدان ڕووبەڕووی ئەشکەنجە و دەستدرێژی دەکرێنەوە، ژنان دەکوژرێن، هەموو ڕۆژێک دەیان ژن دەکوژرێن، گەلانی مسوڵمان بە هۆ سیاسەتی دەوڵەت نەتەوە و حکومەتەکانی فاشیست ڕووبەڕووی کێشەی قوورس دەبنەوە، ئەقڵیەت و سیاسەتی سەنتەزی تورک-ئیسلامی تەنیا لەپێناو حەزەکانیان بۆ دەسەڵاتدا هەموو ڕۆژێک ڕێگە لە بەردەم کوژرانی دەیان مرۆڤ دەکەنەوە و تاڵانکاری و وێرانکاری ژینگە، کێشەکانی هەرێمەکە زیاتر گەورە و قوڵدەکەنەوە.
هەر لە پەیامەکەیدا کەجەکە باسی لەوەش کردووە، تێکۆشانی مسوڵمانانی تورک لە دژی سیاسەتەکانی ئاکەپە-مەهەپە هێندەی پەرستش خێرە، لەو بڕوایەداین کە ئەرکی یەکەمی مسوڵمانانی خاوەن ویژدانی تورکیا و کوردستان ئەوەیە کە نەبنە لایەنگری ئەو هەموو گوناﮪ و تاوانەی بە ناوی ئیسلامەوە دەکرێن، بەم بۆنەوە داوا لە کورد و تورکە خاوەن ویژدانەکان و مسوڵمانانی گەلانی دیکە دەکەین کە بح دیموکراتیکبوونی تورکیا، ڕزگاری گەلانی ڕۆژهەڵاتی ناوەڕاست و کوردان و پێکهاتەکانی شۆڕشی ڕۆژهەڵاتی ناوەڕاست لە دژی فاشیزم و چەوساندنەوەی ئایینەکان تێبکۆشن.
لەبەشێکی دیکەى ئەو پەیامەدا کەجەکە پیلانی دەوڵەتى داگیرکەری تورک ئاشکرا دەکات و ڕایدەگەیەنێت، ڕژێمی ئیسلامی دەسەڵاتداری تورک کە بە نەتەوە پەرستی بارگاوییە، قڕکەر و کۆمەڵکوژکارە، تاکە ئامانجی لە هێرشەکانی سەر ڕۆژاوا لەناوبردنی دەستکەوتەکانی کوردانە، خۆبەڕێوەبەری کردووەتە ئامانج و هێرشی دەکاتە سەر ئیرادەی کوردی ئازاد، بە تایبەتی بە کردنە ئامانجی ژنان، لە دژی ئەو ئەقڵیەتە تاریکە لەپێشەوە ژنانی مسوڵمان، ئێمە داوا لە هەموو ژنانی باوەڕمەند دەکەین، بە بۆنەی ئەم جەژنەوە لە تێکۆشانی ئازادی و دیموکراسیدا لە دژی فاشیزمی تورک لە گۆڕەپانەکاندا تێبکۆشن.
هاوکات، کەجەکە داوا لە گەلی کورد دەکات، وەک هەموو جەژنەکانی دیکە، لەم جەژنەشدا سەردانی گۆڕستان و مەزارگەی شەهیدان بکەن و لە نزا خێرەکانتان بێبەشیان نەکەن، بەتایبەتی سەردانی هاوڕێ زیندانییەکان و پشتیووانی بنەماڵەکانیان لەپێویستییەکانی کولتوری جەژنە، هەروەها خێر و هاوکارییەک کە ئێوە دەیکەن، بیدەن بەو کەس و ڕێخراوانەی کە ئەو هاوکاریانە دەگەیەنە ئەو کوردستانیانەی کە پێویستیان پێی هەیە و هەروەها ناوچە بومەلەرزە لێدراوەکان.
لە کۆتاییدا پەیامەکەی کەجەکەدا هاتووە: وەک بزووتنەوەی ئازادیی کوردستان، بەو هەست و بیرکردنەوانەوە جەژنی قوربان لە موسڵمانانی کوردستان، گەلانی ڕۆژهەڵاتی ناوەڕاست و هەموو جیهانی موسڵمان پیرۆز دەکەیەنەوە، داوا لە گەلانمان دەکەین، کە لە دژی دەوڵەتی تورکی کۆمەڵکوژکار و نکۆڵیکار زیاتر تێبکۆشن و لەپێناو ئەوەی ئەوەی هەموو جەژنەکانی داهاتوو بە گیانی یەکێتی دیموکراتیکی گەلان پیرۆز بکرێن، با بەشداری لە تێکۆشاندا بکەن، بە بۆنەی ئەم جەژنەوە لە کەسایەتی شەهیدانی شکۆمەندی زاپ، مەتینا و ئاڤاشین هەموو شەهیدانی تێکۆشانی ئازادیی کوردستان، بەخۆشەویستی، ڕێز و پێزانینەوە بە بیر دەهێنینەوە، وەفاداری خۆمان دووپات دەکەینەوە و بەڵێن دەدەین کە تێکۆشان بە سەرکەوتن تاجدار بکەین.[1]