ئێک ل هاڤینەهەوارێن بەرنیاسێن کوردستانا باشوور و سەر ب پارێزگەها #هەڤلێر#ێیە، کو دکەڤیتە بەر چیایێ سەفین ژ ئالێ باکوور یا ڤی چیایەی ڕە و (966) م ل سەر ئاستێ دەریا ئا بەرزە، ژبەر نزیکی ل چیایێ سەفین کەش و هەوایەکێ تایبەت و خوەش هەیە و هەر ئەڤەژی بوویە ئەگەرێ هندێ کوو گەشتیارێن کورد و عەرەب ساڵانە و د دەمێ گەرمایا هاڤینێ دە قەسدا ڤی باژێڕەی بکەن و هەر ل هەیامێن بەرێ ژی گەشتیا ژبو خوە ڕاکێشاینە هەیا نها و جهێ ئیماژێ یە کوو پشکا شێر یا داهاتا ڤی باژەڕەی و خەلکێ وێ لسەر گەشتوگوزار و گەشتیارانە.=KTML_Photo_Begin=https://www.kurdipedia.org/files/relatedfiles/2008/810/0001.JPG=KTML_Photo_Alt=شەقڵاوا - شەقڵاوە=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/810/0001.JPG=KTML_Photo_End=
شەقڵاوا (51) کم ل باژێڕێ هەڤلێر یا سەنتەرا پارێزگەها یا دوورە و ڕییا دناڤبەرا وێ و سەنتەرا پارێزگەهێ ڕییەکە خوەش و بەرفرەهە، پلەیا گەرمی یا ڤی باژێڕەی ل وەرزا هاڤینان دە (30 تا 35) پلەیا سیریزییە و ل وەرزا زڤستانێ ژیکدە ژبو (10) پلەیان بن سفرێ دهێتە خارێ، دارستانا چر و تژی لڤێ دەڤەرێ دە هەنە و ب زوری میوەیێن (خۆخ، گویز، تری، هژیر، ناروک) لڤێ دەڤەرێ هەنە .
جهێ ئیماژێیە بەرهەمێ تی ئانکو تووی زور ل شەقڵاوە هەنە کو ناڤبانگەکێ مەزن ل کوردستان هەنە و تی یێن شەقلاوە ئێک ژ توویێن جوان و تام خوەشن ل کوردستانێ، ل بازاڕێ ڤی جهێ گەشتیاری کەل و پەلێن پێدڤی ژبو گەشتیاران ب ئاسانی یێن بەردەستن ل هوتێل و چێشتخانە و چەندین دووکانان لڤێ ناڤەندێ کەلوپەلێن پێدڤی و کەلوپەلێن فۆلکلۆری یێن کوردەواری و دەست کرد یێن پیشەیی و خارن و بەرهەمێن خوماڵی یێن زورن ب تایبەت بەرهەمێن میوە.
ل شەقڵاوا دا چەندین هوتێل هەنە و کو ل پلەیا باش یێن هوتێلێن گەشتیارینە، سەرباری وانا چەندین خان هەنە کوو لناڤ ماڵا خوەدا پێشوازی ل میڤانان دکەن.[1]