عودەی عەواد، ئەندامی لیژنەی دارای پەڕڵەمانی ئێراق لە بەرنامەی (نصف الساعة) ی کەناڵی عەهدی ئێراقی کەبە شێوەی ڕاستەوخۆ پێشکەش کرا ڕایگەیاند ”پارتی، پێدانی شوقە و ڤێلای بۆ حەوت پەڕڵەمانتاری لیژنەکەیان خستووەتە ڕوو تا پێشنیارەکانیان لە پڕۆژە یاسای بودجە لە لیژنەی دارایی بکشێننەوە”.
عودەی عەواد ئاشکرای کرد خۆی یەکێکە لەو حەوت پەڕڵەمانتارە و پەڕڵەمانتارەکان پێشنیارەکەی پارتیان ڕەت کردووەتەوە.
عەواد لە بەرنامەکەدا وتی ”ئەم قسەیە بە ڕاستەوخۆ دەکەم لەبەرانبەر ڕای گشتی و ڕاگەیاندن، دەمەوێت خەڵک لە باکوورە و بۆ باشووری ئێراق ئاگادار بن لەبەرانبەر گۆڕانکاری نەکردن لە پڕۆژە یاسای بودجە ئەو پێشنیارەمان بۆ کراوە”.
لیژنەی دارای لەپەڕڵەمانی ئێراق دەستکاری هەردوو مادەی 13 و 14ی لە پڕۆژە یاسای بودجە کرد و کاردانەوەی زۆری بەدوای خۆیدا هێنا و بەهۆیەوە تا ئێستا پڕۆژە یاسای بودجە نەخراوەتە بەرنامەی کارەوە تا دەنگی لەسەر بدرێت. [1]