=KTML_Bold=هێمن هەورامى، بە واژووى خۆى نووسراوى گشتاندنى کاراکردنەوەى کۆمیسیۆن، ئاڕاستەى حکومەت و لایەنە پەیوەندیدارەکان دەکات=KTML_End=
جێگرى سەرۆکى پەڕڵەمانى کوردستان بڕیارى ژمارە 10ى تایبەت بە کاراکردنەوەى کۆمیسیۆنى باڵاى سەربەخۆى هەڵبژاردن و ڕاپرسى ئاڕاستەى سەرۆکایەتى ئەنجوومەنى وەزیران و لایەنە پەیوەندیدارەکان دەکات.
بەپێى نووسراوێکى #هێمن هەورامى#، جێگرى سەرۆکى پەڕڵەمانى کوردستان، بە نووسراوێکى فەرمى هاوپێچ لەگەڵ نووسراوەکە بڕیارى ژمارە 10ى تایبەت بە کاراکردنەوى کۆمیسیۆنى باڵاى سەربەخۆى هەڵبژاردنەکان و ڕاپرسى بۆ ئەنجوومەنى وەزیران و لایەنە پەیوەندیدارەکان ئاڕاستە کردووە.
بەپێى هامووشى سەر نووسراوەکە بێت، بڕیارەکە ئەمڕۆ سێشەممە، ڕێکەوتی #23-05-2023#، گەیشتۆتە سەرۆکایەتى ئەنجوومەنى وەزیران و لایەنە پەیوەندیدارەکان.
لەبەرانبەر ئەو نووسراوەى جێگرى سەرۆکى پەڕڵەمان، سەرۆکى پەڕڵەمانى کوردستان نووسراوى فەرمى بۆ هەمان دامەزراوەکان کردووە کە باس لە نایاسایبوونى ئەو بڕیارە دەکات. [1]