ناڤ: محەمەد
ناڤێ باب: ئەحمەد
ناسناڤ: کامەڕان موکری
ساڵا ژدایک بوونێ: 1929
جهێ ژدایک بوونێ: #سلێمانی#
ڕوژا مرنێ: #07-12-1986#
جهێ مرنێ: #هەڤلێر#
$ژیاننامە$
ناڤێ وی محەمەد ئەحمەد تەها ، ژدایک بوویێ 1929 ل سلێمانی، هوزانڤانەکە کورد بوو. ل تاخا دەرگەزێن ژدایک بوویە. ل ساڵا 1954 دەست ب نڤیسینا هۆزانان کریە. ساڵا 1957 ێ ناڤێ کامەران هەڵبژاردییە وەکە ناسناڤێ شیعری، پشتڕە موکری کرییە ناسناڤەکە دن وەکە ئیماژەیەک ژبو بنەجها خوە. چونکی بخوە یێن دەڤەرا #موکریان#ن و مالا خوە ڤەگوهاستبوو ژبو دەڤەرا #پشدەر# وپشتڕە هاتینە #سلێمانی#یێ و لەور ماینە، کامەران برایێ شاعرێ کورد ئەخۆلە بەلێ بابێ وانا جودایە.
د دەستپێکێ دە خوەندنا خوە هەمی شەش ساڵێن قوتابخانەیێ ل سلێمانی بوویە، لێ بەلێ ب چەند ئەگەرەکان خوەندنا خوە تمام نەکرییە. لەدەستپێکا ساڵا 1949ێ هاتییە دەستەسەر کرن. ژبو دەمێ نێزی شەش ساڵان (1949–1963) ل بەندیخانێن جودایێن ئێراقێ بوویە. پشتی کودەتایا سەربازی یا #14ێ تەمموزا 1958ێ# ل بەغدایێ دەست ب خوەندنا خوە کرییە. ل ساڵێن 1960–1961 سەرنڤیسەرێ گۆڤارا #ڕۆژا نوو# بوو ل سلێمانی یێ. پشتی کودەتایا فاشیستیانەیا 8ێ شوباتا 1963 و بدرێژایا ساڵێن شێستان یا سەدەیا بیستێ کامەران یێ بێ دەنگ بوو، وەکە ڕەۆشنبیرێن دن. پشتڕە ل پشکا زمانێ کوردی یا کولێژا ئەدەبیات یا #زانینگەها سلێمانی#ێ وەکە ماموستایێ موحازر ژبو ئەدەبا کوردی هاتە دامەزراندن. هەیا دەمێ مایی دژیانێ دە لسەر ڤی کارەی یێ بەردەوام بوو. د دەمێ ڤەگوهاستنا زانینگەها سلێمانیێ ل ساڵا 1982 ێ ژبو هەڤلێرێ و گوهڕینا ناڤێ وێ بو #زانینگەها سەڵاحەدین# کامەرانیش ماڵا خوە ڤەگوهاستە هەڤلێرێ. ل ڕێکەفتا (7ی کانوونا یەکێ یا 1986) ل هەڤلێرێ وەغەرا دوایێ کرو ل باژێڕێ سلێمانیێ ل گرێ سەیوان هاتە بخاک سپاردن.
کامەران موکری، ل تەڤایا خوەپشاندانێن وی سەردەمەی یێ سلێمانی یێ ب ڕەنگەکە بەرچاڤ یێ پشکدار بوویە. هەر ل خوەپشانداناشدا ئێکەم کەسێ کو ناڤێ سلێمانی ب هەڵمەت و قوربانی ناساندی کامەران بوو ، ئەو ژی وی دەمەی بوو کوو ل خۆپشاندانا سلێمانی یێ دژی پەیمانا پۆرتسمۆس وتارەک ب دەنگێ بڵند خوەند و گوتی: ئەی جەماوەرێ ب شەرەفێ باژێڕێ هەڵمەت و قوربانی.
سەرباری هندێ کوو پلەیا خوەندنا وی ئامادەیی بوو لێ بەلێ دبوارێ وانە گوتنێدە گەلەکێ سەرکەتی بوو، هەر ژبەر ڤێ زیرەکی و ژێهاتی یا وی بوویە ژبو ماوەیەکێ درێژ مامۆستایێ ئەدەب ل پشکا کوردی یا زانینگەها سلێمانی یێ و پشتڕە ل زانینگەها سەڵاحەدینێ. هەتا دژیاندا مابوو حەفت دیوانێن هۆزانان چاپکرن، ل ساڵێن 1945–1972، دیارترین دیوانێن وی (ئاشتی، دیاری، ئاگر و ژیلە و گوڵاڵە سوورە) بووینە و پشتی مرنا وی ژی ل ساڵا 1987 سەرجەم هوزانێنن وی ل پەڕتووکەکدا بناڤێ (کامەران موکری) هەنە، سەربارێ کارێ شاعیریێ کامەران موکری چیرۆکنڤیسیش بوویە، ل ڕۆژا 1986-12-07 ل باژێڕێ هەڤلێر ل هۆتێل مێرگەسوور، ل ژیێ 57 ساڵیدە وەغەرا داویێ کر و ل ڕۆژا 1986-12-08 دە ل سلێمانیێ هاتە بخاک سپاردن.[1]