ناڤ: ئیدریس
ناسناڤ: ئیدریس بارزانی
ناڤێ بابێ: مستەفا
ساڵا ژ دایکبوونێ: 1944
ڕۆژا وەغەرا داویی: #31-01-1987#
جهێ ژ دایکبوونێ: بارزان
جهێ وەغەرا داویی: گوندێ سلێڤانا - #ورمێ#
$ژیاننامە$
ل ساڵا 1944 ل گوندێ بارزان ژدایک بوویە، کوڕێ مەلا مستەفا بارزانی و بابێ #نێچیرڤان بارزانی#یە.
دناڤا دەستپێکا شوڕەشا سێهەمین یا بارزانێ 1943 – 1945 و دامەزراندنا کۆمارا کوردستانێ لە #مهاباد#ێ ژدایک بوویە. ساڵا 1947 #مەلا مستەفا# تەڤی 500 ل هەڤاڵێن خوە بەرەڤ یەکێتیا سۆڤیەتا بەرێ، کەتنە ڕی و د وی دەمەی دا ئیدریس د ژیێ 4 ساڵی دە بوو تەڤی مالباتا خوە تویشی سەختی و دەربەدەریێ بوون و ژبوو باشوورێ ئێراقێ و باژێڕێن بەسڕا و بەغدا و مووسڵێ دێ هێنە ڤەگوهاستن.
د ژیانا ئاوارەیێدە و هەتا ڤەگەڕیانا مستەفا بارزانی ژبو عیراقێ و کوردستانێ دێ یێ بەردەوام بیت لسەر خوەندنا خوە کو ئەو ژی پشتی شوڕەشا 14ی تەمووزا ساڵا 1958 ، پشتی ئەڤێ ڕیدانێ ئیدریس دێ ب دیدارا بابێ خوە شاد بیتن و پشتڕە ڤەدگەڕت ژبو بارزانێ. =KTML_Photo_Begin=https://www.kurdipedia.org/files/relatedfiles/2009/2142/0016.JPG=KTML_Photo_Alt=ئیدریس بارزانی=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2009/2142/0016.JPG=KTML_Photo_End=
ل ساڵا 1961 و د دەمێ هەستانا شۆڕەشا ئەیلوولێ ب سەرکردەییا مەلا مستەفا بارزانی و #پارتی دیموکراتی کوردستان#، ئیدریس بارزانی وەکوو پێشمەرگەیەکێ ڤێ شۆڕەشێ، دێ دەست ب خەباتا خوە بکەتن.
#مەسعود بارزانی#ێ برایێ ئیدریس دبێژە:
ئەز دکارم ببێژم کوو ئیدریس وێنەیەکێ پاک و بێگەردێ بارزانیێ بابە و تەڤایا سیفاتێن وی ژخوەڕە هەلگرتینە.
دەورەکێ گرنگ د ڕێکەفتنامەیا 11ێ ئادارێ دە وگفتوگوویێن ساڵا 1974 ێ تەڤی حکومەتا ئێراقێ پشتی ساڵا 1975 و درێژە پێدانا شۆڕەش و پێکئانینا بەرەیەکە جودا و پشتڕە بەرەیێ کوردستانی، چەند بەرهەمەکن کو ڕۆڵەکە گرنگ د ب ئەنجام گەهاندنا وانا دا هەبوویە.
پشتی تێکچوونا شوڕەشا ئەیلوولێ و ل ساڵێن دەستپێکا شوڕەشا گوڵانێدە سیمبول و ئەگەرێ ڕێکخستن و بەرپا کرنا شۆڕەشێ بوو. هەر پشتی بەرپا کرنا شوڕەشا گوڵانا پێشکەفتن خوازدا کو ل ساڵی 1976 ئان دە بەرپا بوو دێبیتە سەرپەرشتیاری ئاوارەیان کو پشتی تێکچوونا شوڕەشا ئەیلولێ و د سالا 1975ێ بەرەف ئیرانێ کەتنە ڕی.
ب هەرسێ زمانێن کوردی و عەرەبی و فارسی شەهرەزاییەکە ب تمامی هەبوویە. گرنگی ب بوارێن نەتەوی و ئایین و ئەدەب و دیروکێ ددا و پشکا زورا شیعرێن ئەحمەدێ خانی و مەلایێ جزیری و وەفایی لبەربووینە.
دەمژمێر 6ی بەرەبەیانا ڕۆژا 31ێ مەها 1ێ 1987 ل گوندێ سلیڤانا یێ سەرب باژێرێ ورمێ یێ ڕۆژهەڵاتێ کوردستانێ ماڵئاڤایی ل ژیانێ دەکەت و ل گۆڕستانا شنۆیێ و ل تەنشت بارزانیێ باب دێ هێتە بخاک سپاردن، پشتی نێزی 10 ساڵان و ڕاپەرێنا بەهارا ساڵا 1991 ێ سەرکردایەتیا پارتیا دەموکراتا کوردستانێ بڕیارێ ڤەگوهاستنا تەرمێ مەلا مستەفا و ئیدریس ددەتن و د ماوێ #06-10-1993# هەتا #08-10-1993# و د ڕێوڕەسمەکێ جەماوەری دە دێ هێنە ڤەگوهاستن ژبو خاکا ئازاد و ل گوندێ بارزان دێ هێنە بخاک سپارتن.[1]
ئیدریس بارزانی