تاوانو ژەن کوشتەی
دیاردێوە دیارو هەم ناشیرینەن، کارێ قیزەۋن و بۍ شەرمانەن.
ژەن کوشتەی موڵکو تەنیا کەلتورێ یام میللەتێ دیاریکریای نېیەن، بەڵکم دیاردێوە گردگیرو میللەتان. هیچ بەهانێ و هیچ پینەو پەڕوێ پەی ئی کاریە نېیەن. کەلتوری دماکۆتە بە دەرەجەی یەکەم، ئینجا پەروەرنەی خراب پەی تاکی، هۊکارۍ بنەچەیۍ کارەساتو ژەن کوشتەینۍ.
جە هەواڵێ کەناڵو ڕوداوینە ماچۊ: ئېساڵ
جە وەڵاتو ئیطالیای (104) ژەنی کوشیێنۍ!!!.
بەپاو هەواڵنامەو نەتەوە یۊگېرتەکا گرد ساڵێ شەسس و شش هەزار (66000) ژەنی مەکۊشیا!بەڵام ئانەی یاگۍ سەرنجیەن ئا تاوانە قیزەۋنە بەشی فرەش و مەتاومۍ واچمۍ نەوەڎ دەر سەڎش جە وەڵاتە ئەوروپی و ئەمریکیەکانە ڕوەش دانو ڕوە مڎۊ.
سەرنجەی دوەمەم ئانېنە گەر دلۍ وەڵات و میللەتێ پېسە کوردەوارینە ژەن کوشتەی مەڵامەتش شەرەف و ناموسەن، ئەی جە وەڵاتە ئەوروپی و جە ئەمەریکانە مەڵامەتش چېشەن؟؟؟.
هەرچن تاوانی چامنەیچ ئەچاگە قیزەۋنتەرەن، کە وەڵۍ کوشتەی پەلامارەو ناموسی و تاوانی سێکسی وەراوەرشاوە مەکریۊنەو دمای دەس درېژی سێکسی بە دڕندانە مەکۊشاشان.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 506 جار بینراوە
ڕای خۆت دەربارەی ئەم بابەتە بنووسە!